Ol Aktiviti blong Kam Folem Mi

“Tingbaot se praes blong ol sol i bigwan tumas long ae blong God” (Doktrin mo Ol Kavenan 18:10). !Hemia i minim se evriwan i impoten long Papa long Heven, yu tu i impoten! Droem wan pikja blong yuwan. !Traem blong flasem wetem ol tul blong dro! Antap, raetem “God I Lavem Mi.”

Jisas Kraes i askem yumi blong lisin long Hem (luk long Doktrin mo Ol Kavenan 19:23). Olgeta we oli save lisin gud oli tingbaot wanem oli harem. Sidaon raon long wan sekol. Wan man i talem long sora wan toktok blong gospel. Nekis wan i ripitim mo i talem wan moa niu toktok. !Go raon long sekol kasem taem evriwan i ademap wan niu toktok blong tingbaot!

Jisas Kraes i putum bak Jos blong Hem tedei olsem we i stap taem Hem i bin stap long wol ia(luk long Doktrin mo Ol Kavenan 20). Raetem long ol plastik kap ol blesing we yumi gat olsem pat blong Jos blong Kraes, olsem prishud, baptaes, ol profet. Afta stakem ol kap blong yu long wan tol taoa!

Papa long Heven i laekem taem yumi stap singsing wetem hat blong yumi (luk long Doktrin mo Ol Kavenan 25:12). Jusum sam Praemeri singsing blong singsing tugeta. Mekemap ol aksen blong go wetem ol toktok blong ol singsing.

Profet i kasem revelesen long Papa long Heven mo Jisas Kraes blong Jos (luk long Doktrin mo Ol Kavenan 28:7). Printim o droem wan pikja blong profet. Antap, raetem “Profet i talem se …” Raetem o droem ol samting we profet blong yumi i tijim yumi.