“Help i Kam long Heven,” Fren, Maj 2025, 20–21.
Help i Kam long Heven
Oli karem aot long “?Yu Yu Wantem blong Stap Hapi?” Liahona, Novemba 2023, 46–48.
Taem oli bin kolem mi blong kam wan bisop, hem i wan taem we mi bin stap long wan bigfala hadtaem. Taem ia mi bin wan yang papa wetem wan famli, mo mifala i stap traehad blong faenem mane. Mi taed bigwan. I had tu long waef blong mi.
Wan Sandei dia waef blong mi i stap tekem sakramen. Spirit i helpem hem blong luksave wan samting. Plante long ol problem we mitufala i stap fesem oli bin kam oraet long taem blong koling blong mi.
Lod i save ol nid blong yumi. Taem Hem i askem yumi blong givim seves, Hem i save wanem nao bae i helpem yumi moa. Hem i wantem blong blesem yumi. Mo bae Hem i givim ol blesing ia taem yumi fetful blong givim seves long Hem.
?Yu yu wantem blong stap hapi? Stap long Kavenan Rod Sevya blong yumi i stap invaetem yumi blong kam long Hem. Hem i karem ol hevi samting blong yumi. Jisas Kraes i mekem laef blong yumi i kam isi mo hapi, Mo i fulumap yumi wetem glad.
!Taem blong Intaviu!
Askem wan memba blong famli abaot olsem wanem Papa long Heven i blesem olgeta. Hemia samfala kwestin we yu save stat wetem:
-
?Yu save talem long mi abaot wan taem we Papa long Heven i bin blesem famli blong yumi?
-
?Olsem wanem nao yu laekem blong helpem ol narafala man? ?Wanem nao ol blesing we yu bin luk taem yu stap givim seves long ol narafala man.?
-
?From wanem yu stap folem Jisas Kraes? ?Olsem wanem nao taem yu stap folem hem i helpem yu blong stap hapi?
Pikja droing i kam long Turine Tran