Prishud I Bin Kambak

Yu save ridim stori ia long Josef Smit—Histri 1:66–73 mo Doktrin mo Ol Kavenan 27:12.

Josef Smit i stap toktok long Oliva Kaodri wetem wan balun blong tingting, we i stap soem Kraes i visitim Ol Man blong Nifae

Afta we Josef Smit i kasem ol buk we oli wokem long gol, hem i stat blong transletem olgeta. Oliva Kaodri i help blong raetem daon wanem hem i talem. Taem tufala i stap wok, oli lanem se Jisas Kraes i wantem evriwan blong oli kasem baptaes.

Josef Smit mo Oliva Kaodri oli stap prea long bus

Josef mo Oliva oli stap tingting se huia nao ia gat paoa ia blong baptaesem ol pipol. Oli go long bus blong prea mo askem God.

Enjel wetem ol han blong hem long hed blong Josef Smit

Taem tufala i stap prea, wan enjel i kamaot long tufala. Hem i talem se nem blong hem i Jon Baptaes, we i baptaesem Jisas Kraes long taem bifo. Hem i givim long Josef Smit mo Oliva Kaodri Aronik Prishud mekem se tufala i save baptaesem tufala. Prishud i paoa blong God. Oli yusum blong blesem ol pikinini blong God.

Josef Smit i stap baptaesem Oliva Kaodri

Jon Baptaes i talem long Josef mo Oliva blong tufala i kasem baptaes. Tufala i go long wan reva mo baptaesem tufala. Taem tufala kamaot long wota, tufala i fulap wetem Tabu Spirit. !Tufala i hapi tumas!

Tri enjel putum ol han blong olgeta antap long hed blong Josef Smit

Afta, ol narafala enjel oli kam. Tri long ol Aposol blong Jisas Kraes—Pita, Jemes, mo Jon—oli givim long Josef mo Oliva Melkesedek Prishud. Naoia Josef mo Oliva tufala i save givim long ol narawan presen ia we i Tabu Spirit.