!Kam blong Save Gud Ol Buk we Oli Mekem Wetem Gol!

~AD 421

Profet Moronae insaed long Buk blong Momon nao i silim ol buk we oli wokem long gol. Ol buk ia oli bin tij abaot Jisas Kraes. Oli talem tu histri blong ol pipol blong Moronae.

1823

Olsem wan enjel, Moronae i bin visitim Josef Smit. Moronae i talem long hem se ol buk we oli wokem long gol oli berem long wan hil we nem blong hem, Hil Kumora.

1827

Afta we Josef i bin rere blong fo ia, Lod i trastem hem blong karem ol buk ia i go long haos.

1828

Josef i transletem ol buk ia taem hem i lisin long Tabu Spirit. Hem i yusum ol spesel tul we i kam long God. Hem i bin yusum wan ston we oli singaotem sia ston mo ol tul blong intepret o Yurim mo Tumim we oli bin berem wetem ol buk ia.

1829

Papa long Heven i helpem Josef i andastanem wanem ol buk ia i stap talem. Oliva Kaodri i help blong raetem daon wanem Josef i transletem.

Kolosap Twelef pipol ia oli bin luk ol buk we oli wokem long gol. Wan long olgeta i Meri Witma. Yu save ridim testemoni blong ol narafala witnes long fas pej blong Buk blong Momon. I nogat wan long ol pipol ia i giaman long wanem we oli bin luk mo eksperiensem.

1830

Fas kopi blong Buk blong Momon we oli bin transletem long Inglis oli printim long Palmaera, Niu Yok, YSA.

Tedei

!Naoia Buk blong Momon oli ridim raon long wol! Oli bin transletem long 115 lanwis. Ol misinari oli serem Buk blong Momon wetem evriwan we oli save serem wetem.