“Giunsa Ninyo Pagpakighigala?” Higala, Enero 2025, 38–39.
Mga Tubag gikan Kaninyo
Giunsa Ninyo Pagpakighigala?
Gipangutana namo ang mga bata sa tibuok kalibotan alang sa pipila ka sugyot bahin sa pagpakighigala. Ania ang ilang gisulti.
Makighigala ko pinaagi sa pagpaila sa akong kaugalingon ug sa paggiya sa bag-ong mga tawo sa palibot. Magsugod ko sa pakig-istorya kanila ug sa pakigdula kanila. Usa ako ka maayong higala pinaagi sa pagtabang sa akong mga higala sa ilang mga kalisod ug sa pagtabang sa uban nga mobati nga naapil.
Presley F., edad 10, British Columbia, Canada
Mosulti ko og “kumusta” ug modapit kanila nga makigdula uban kanako ug maglingaw-lingaw.
Jett J., edad 8, Queensland, Australia
Mosulti una og “kumusta,” ug dayon magmabination.
Rachel C., edad 9, South Cotabato, Philippines
Mohatag ko og tinuod nga pagdayeg.
Haleigh N., edad 10, Idaho, USA
Nagdala ko og gamay nga popcorn alang sa akong higala. Gusto sa Langitnong Amahan nga moserbisyo kita sa uban aron matabangan sila nga mobati sa gugma sa Manluluwas.
Allison K., edad 9, Utah, USA
Ganahan ko motan-aw kon sa unsang paagi molihok ang akong mga higala palibot sa uban. Ang importante nga butang aron mahimo nga akong higala mao ang pagsunod sa maayo nga sumbanan.
Lesley A., edad 12, Central Region, Ghana