“Ang Pagpahiuli alang Kaninyo,” Higala, Enero 2025, 2–3.
Gikan sa Unang Kapangulohan
Ang Pagpahiuli alang Kaninyo
Gikuha gikan sa “Paminaw Kaniya,” Liahona, Mayo 2020, 88–92.
Unsay gipasabot niini alang kaninyo nga ang ebanghelyo ni Jesukristo gipahiuli sa yuta?
Kini nagpasabot nga ang inyong pamilya mahimong mabugkos sa kahangtoran! Kini nagpasabot nga kon kamo mabunyagan ug makompirmahan nga usa ka miyembro sa Simbahan ni Jesukristo, ang Espiritu Santo makauban ninyo sa kanunay. Kini nagpasabot nga ang gahom sa pagkapari makapanalangin kaninyo kon kamo mohimo og mga pakigsaad ngadto Kaniya ug motuman niini.
Ang propeta sa Dios nga si Joseph Smith mao ang inyong propeta. Siya ang unang propeta sa gipahiuli nga Simbahan. Ang Pagpadayag nagpadayon sa pagdagayday gikan sa Ginoo atol niining nagpadayon nga proseso sa pagpahiuli.
Ang Dios buhi! Si Jesus mao ang Kristo! Ang Iyang Simbahan gipahiuli! Siya ug ang atong Langitnong Amahan nagtan-aw kanato.
Ipahiuli ang Hulagway
Adto sa pahina 6 ug basaha kon unsa ang gipasabot sa pagpahiuli. Dayon sulayi sa pagpahiuli sa hulagway pinaagi sa pagdrowing sa nawala nga bahin!
Mga paghulagway pinaagi ni Alyssa Petersen