“Ang Akong mga Pulong sa Ebanghelyo,” Higala, Enero 2025, 6.
Ang Akong mga Pulong sa Ebanghelyo
Pangitaa kining mga pulong ug mga hugpong sa mga pulong niini nga isyu sa Higala!
Ang Unang Panan-awon
Ang Unang Panan-awon mao ang sa dihang ang Langitnong Amahan ug si Jesukristo mibisita ni Joseph Smith human siya nag-ampo. Gusto niyang masayod kon hain nga simbahan ang apilan. Sila misulti ni Joseph nga siya motabang sa pagtukod sa tinuod nga Simbahan ni Jesukristo dinhi sa yuta.
Sagrado nga Kakahoyan
Ang Sagradong Kakahoyan mao ang dapit diin si Joseph Smith nakasinati sa Unang Panan-awon. Didto kini sa kakahoyan duol sa panimalay ni Joseph sa Palmyra, New York, USA.
Pagpahiuli
Aron mapahiuli ang usa ka butang kini nagpasabot sa pagpabalik kon unsa kini kaniadto. Ang Pagpahiuli mao ang gitawag nato og pagdala ni Jesukristo og balik sa tinuod nga ebanghelyo ngadto sa yuta. Ang Pagpahiuli nagsugod sa dihang si Joseph Smith adunay Unang Panan-awon. Si Presidente Russell M. Nelson nagdawat gihapon og pagpadayag alang sa Simbahan isip atong propeta. Kini nagpasabot nga ang Pagpahiuli nagpadayon karon!
Pagpadayag
Ang Pagpadayag mao ang paagi nga ang Langitnong Amahan nakig-istorya kanato. Makadawat kita og pagpadayag pinaagi sa Espiritu Santo. Siya makadala og mga pagbati sa atong kasingkasing ug mga ideya sa atong hunahuna.
Mga paghulagway pinaagi ni Maddie Baker