Ang Pagpahiuli Nagsugod

Palmyra, New York (1820): Si Joseph Smith ug ang iyang pamilya nagpuyo dinhi. Ang tanang mga sakop sa pamilya ni Joseph miadto sa nagkalainlaing mga simbahan, ug si Joseph wala masayod kon hain nga simbahan ang apilan. Nabasa niya sa Biblia “Apan kon diha kaninyo may nakulangan og kaalam, papangayoa siya sa Dios” (Santiago 1:5).

Ang Sagradong Kakahoyan (tingpamulak sa 1820): Si Joseph Smith nag-ampo ug nangutana sa Dios kon hain nga simbahan ang apilan. Ang Langitnong Amahan ug si Jesukristo mibisita kaniya. Sila misulti kaniya nga kinahanglan dili siya mopasakop sa bisan hain nga mga simabahan. Sila mitawag kang Joseph aron sa pagtabang sa pagpahiuli sa kahingpitan sa ebanghelyo ni Jesukristo sa yuta.

Lawak ni Joseph (1823): Si anghel Moroni mibisita ni Joseph Smith. Iyang gisultihan si Joseph mahitungod sa bulawan nga mga palid nga aduna sa hingpit nga ebanghelyo ni Jesukristo. Samtang namulong si Moroni, si Joseph nakakita og panan-awon bahin kon diin gilubong ang mga palid.

Ang Bungtod sa Cumorah (1827): Si anghel Moroni mihatag ni Joseph Smith sa bulawan nga mga palid didto sa Bungtod sa Cumorah. Nakadawat usab si Joseph og espesyal nga mga himan nga gilubong uban sa mga palid. Giandam kini sa Dios aron sa pagtabang kaniya sa paghubad sa mga palid. Ang gihubad nga mga palid nahimo nga ang Basahon ni Mormon aron ang tanan nga mga anak sa Dios makabasa sa Iyang mga pulong.