“Ol Glas We Oli Lus,” Fren, Jenuware 2025, 44–45.
Ol Glas We Oli Lus
Wan tru stori we i kam long Bolivia.
Hem i fas dei blong skul. !Andrés i glad tumas! Hem i stap long klas wan nao. !Hem i wan bigfala pikinini!
Be taem hem i kasem skul, skul i luk bigwan tumas mo hem i fraet, iven wan bigfala pikinini bae i fraet. Hem i holem han blong Mami strong.
“Evri samting bae oli Oraet.” Mama i smael. “Talem halo long tija blong yu. Stap kaen long ol fren blong klas blong yu. Mo no foget blong lukaot gud long ol glas blong yu.”
Wan wik i pas, Andrés i karem ol fas glas blong hem. Oltaem papa mo mama blong hem i rimaenem hem blong lukaot gud long olgeta.
Mama i han blong tata. “!Gat wan naes tedei!”
Be Andrés i no bin gat wan naes dei. !Wan nogud samting i hapen!
Hem i ron i go long Mami afta long skul. “!Mi lusum ol glas blong mi!” hem i krae. “!Mi lukaotem evri ples, be mi no save faenem!”
“!O no!” Mami i luk olsem se i wari. “Bae yumi askem help long Papa long Heven.”
“?Yu ting se bae i wok?” hem i askem.
“Bae yumi traem mo luk. Oltaem Papa long Heven i stap harem ol prea blong yumi,” Mami i talem.
Andrés mo Mami i mekem wan prea. Tufala i askem Papa long Heven blong helpem Andrés blong faenem ol glas blong hem.
Long nekis dei, Andrés i harem nogud yet. Afta wan boe i wokbaot i go long hem.
“Mi ting se hemia i blong yu.” Boe ia i holem wan glas. “Mi faenem olgeta long futbol fil yestedei.”
Andrés i karem ol glas. !Oli blong hem! Hem i no save bilivim.
Afta long skul, hem i ron i go long Mami mo i haggem hem bigwan.
“!Yu bin faenem ol glas blong yu!” hem i talem. “Yu mas hapi tumas se yu karembak olgeta.”
“!Yes m hapi!” Andrés i talem. “Be mi glad moa from wanem mi bin lanem.”
“?Mo hemia i wanem?”
Andrés i smael bigwan. “!Prea i wok!”
Ol pikja droing oli kam long Susanna Teodoro