Ol Aktiviti blong Kam Folem Mi

Blong joenembak wan samting i minim blong putumbak wan samting. Ridim “Restoresen blong Gospel blong Jisas Kraes, we I Fulwan: Tu Handred Yia Ofisol Toktok I Go long Wol,” long Gospel Laebri blong lanem moa abaot olsem wanem Jos i bin kambak long wol. !Afta plei wan restoresen gem! Faenem o droem wan pikja mo katemaot long ol pis blong wan pasel gem. Givim pasel blong yu long wan memba blong famli mo bae hem i givim blong hem long yu, mo bae yutufala i traem blong joenembak ol pikja blong yutufala. ?From wanem i bin impoten blong Josef Smit i putumbak gospel blong Jisas Kraes long wol?

Papa long Heven i stap toktok long yumi tru long ol profet blong Hem (luk long Doktrin mo Ol Kavenan 1:38). !Yumi nid blong lisin nomo! Praktis blong stap lisin taem yu stap plei wan gem. Wan man bae i plei miusik, mo evriwan i danis taem miusik i stap plei. Taem miusik i stop, evriwan i no muv. Huia we i stop blong muv laswan, bae i mas serem wan risen from wanem hem i lavem ol profet. Plei kasem taem !evriwan i gat wan janis blong serem ol risen blong hem!

Papa long Heven mo Jisas Kraes i kamkamaot long Josef Smit (luk long Josef Smit—Histri 1:15–20). Yumi singaotem taem ia, Fas Visen. Tanem i go long pej 13 blong mekem vesen blong Fas Visen blong yuwan, mo afta yusum blong talem stori ia long wan narawan.

Taem yumi lanem moa abaot ol bubu blong yumi, yumi filim se yumi kam moa kolosap long olgeta mo long Papa long Heven (luk long Doktrin mo Ol Kavenan 2). Askem wan memba blong famli blong talem wan stori long yu abaot laef blong olgeta o i kam long laef blong wan long ol bubu blong yu. !Afta mekembak stori ia olsem wan drama o droing!