Fas Visen

Yu save ridim stori ia long Josef Smit—Histri 1:1–20.

Josef Smit i stap wajem wan man i stap prij long wan grup

Taem Josef Smit i yang, plante jos oli stap tijim ol defdefren samting abaot Jisas Kraes. Josef i no save wij jos blong joenem.

Wan dei, hem i ridim Jemes 1:5 insaed long Baebol. Skripja ia i talem se sapos yumi nidim waes, yumi save askem long God. Josef i disaed blong mekem hemia.

Josef Smit i stap wokbaot i go insaed long ol bus

Long wan naesfala spring dei, Josef i bin go long ol bus blong prea long Papa long Heven.

Josef i nildaon mo stat blong prea. Be afta hem i filim tudak i raonem hem. Josef i fraet. Hem i askem help long God.

Papa long Heven mo Jisas Kraes i kamkamaot long Josef Smit

Wantaem nomo, Josef i luk wan laet we i saen strong i kam daon long heven. Hem i luk Papa long Heven mo Jisas Kraes we Tufala i stap stanap long ea. Papa long Heven i singaotem nem blong Josef. Afta Hem i poen i go long Jisas Kraes mo i talem se: “Hem ia, Hem i Stret Pikinini blong Mi we Mi Lavem Tumas. !Lisin gud long Hem!”

Jisas i talem long Josef se hem i no mas joenem eni long ol jos ia.

Josef Smit i stap nildaon mo i stap lukluk i go antap

Josef bae i help blong putumbak gospel we i fulwan i kambak long wol.

Josef Smit i stap smael mo i stap aot long ol bus

Josef i nomo konfius. !Hem i fulap long glad! Hem i save se God i lavem hem. Sam pipol oli no bilivim se hem i bin luk Papa long Heven mo Jisas Kraes, be hem i save se i tru.