Ol Gospel Toktok blong Mi

!Lukaotem ol toktok mo sentens ia long namba ia blong Fren!

Fas Visen

Fas Visen hem i long taem we Papa long Heven mo Jisas Kraes i bin visitim Josef Smit afta we hem i bin prea. Hem i bin wantem blong save wij jos blong joenem. Tufala i talem long Josef se bae hem i help blong oganaesem tru Jos blong Jisas Kraes long wol ia.

Tabu Bus

Tabu Bus hem i ples we Josef Smit i bin luk Fas Visen. Hem i long wan bus kolosap long haos blong Josef long Palmaera, Niu Yok, YSA.

Restoresen

Blong putumbak wan samting i minim blong mekem bak wan samting olsem we i bin stap bifo. Restoresen i wanem we yumi singaotem taem Jisas Kraes i karembak tru gospel blong Hem i kambak long wol. Restoresen i stat taem Josef Smit i bin luk Fas Visen. Presiden Russell M. Nelson i stap kasem yet revelesen blong Jos olsem profet blong yumi. !Hemia i minim se Restoresen i stap gogohed yet tedei!

Revelesen

Revelesen hem i olsem wanem Papa long Heven i stap toktok long yumi. Yumi stap kasem revelesen tru long Tabu Spirit. Hem i save karem ol filing i kam long hat blong yumi mo ol tingting i kam long maen blong yumi.