“!Halo i Kam long Estonia!” Fren, Jenuware 2025, 8–9.

!Halo i Kam long Estonia!

Estonia i stap long Not blong Yurop mo ol boda blong Solwota blong Baltic. I gat samples wan milian pipol oli stap laef longwe.

Laet blong San long Medelnaet

Long taem blong sama long Estonia, i gat sam wik we i gat laet blong san long medelnaet. San i stap draon let bitim nomol taem blong hem, mo i stap lego wan waet laet long skae long naet taem.

Bus Hom

!Dak bus i kavremap haf blong Estonia! Plante animol oli stap laef long dak bus, we i gat tu ol bigfala wael puskat, ol bigbigfala rat, ol wael dog, ol ota, mo ol wael pig.

Kapitol Siti

Tallinn hem i kapitol siti blong Estonia. Hem i wan long ol siti we i moa olfala long Not blong Yurop.

Singsing mo Danis Festivol

Festivol ia i wan impoten pat blong kalja blong Estonia. Oli stap mekem evri faef yia mo i gat 100,000 pipol oli stap go long hem.

Aelan Kantri

Estonia i gat moa long 2,000 aelan. Plante long ol aelan ia oli smosmol, mekem se fulap long ol pipol oli stap laef long mein lan mo ol aelan we oli moa bigwan.