Lava le Lototoa

“Ua e sauni?” Sa ulu atu le tuafafine matua o Terry, o Hailey, i totonu o lona potu. “Ua oo i le taimi e o ai i aoga tala faatino o le Kerisimasi.”

Oi ioe! Sa i ai Terry ma Hailey i se tala faapitoa mo le pati Kerisimasi a le la uarota.

“Ua toeitiiti lava saunia!” Sa faamaulu e Terry lona pelaue ma savali atu i fafo o le faitotoa pito i luma. “O ai isi o le a i ai iina?”

“Mia ma Jake. Ma nisi tamaiti mai le aoga a Jake,” o le tala lea a Tina. “E le o isi tamaiti i la tatou lotu, ae ua latou te fiafia e fesoasoani.”

Sa malō Terry. Na te le’i iloaina o le a i ai ni tamaiti na te le’i iloaina i le faataitaiga. Sa leai se auala o le a lava ai lona lototoa e fai atu ai ana laina i o latou luma.

“Ou te le toe fia alu,” o le tala lea a Terry.

“Aisea?” O le fesili lea a Tina.

“Ou te le iloa isi tamaiti,” o le tala lea a Terry. Sa popole lava o ia e talanoa i tagata fou.

“Ae e mafai ona e faia ni uo fou. Ma o le a ou i ai iina ma oe,” o le tala lea a Hailey.

Na lūlū le ulu o Terry. “Atonu o seisi taimi. E mafai ona tatou faataitaia a’u laina i le fale mo le taimi nei?”

Sa lue atu le ulu o Tinā. “Ia ua lelei. Ae afai e te manao e te i ai i le tala faatino, e tatau ona e vave faataitai ma isi tamaiti.”

Sa fiafia Terry e faataitai i le fale. Sa faigofie! Ae sa ia iloaina e tatau foi ona ia faataitai faatasi ma isi tamaiti.

I le tatalo faaleaiga i ni nai po mulimuli ane, sa maua ai e Terry se manatu.

“E mafai ona tatou tatalo ina ia ou maua le lototoa e auai ai i le faataitaiga?” Na fai mai ai Terry. “Atonu e mafai ona fesoasoani mai le Tama Faalelagi ia te a’u.”

“Ioe,” sa fai atu ai Tama. “Manaia le manatu.”

Sa moeiini uma o latou mata ma piilima o latou lima.

“Le Tama Faalelagi Pele,” na tatalo ai Tama, “faamolemole fesoasoani ia Terry ia maua le lototoa e alu ai i faataitaiga tala.”

I le aso o le isi faataitaiga, sa savavali atu ai Terry i totonu o le lotu faatasi ma Tina ma Hailey. Sa vave ona tata lona fatu, ae sa manao e taumafai. Sa ia lagona ua saunia. E tatau ona fesoasoani mai le Tama Faalelagi ma Iesu ia te a’u! sa ia mafaufau ai.

“Terry! Ua matou fiafia lava e vaai atu ia te oe,” o le tala lea a Sister Tee.

Sa ou ataata ma lue lo’u ulu. E toatele isi tamaiti ua uma ona talanoa ma talie. Sa ia vaai ia Jake ma Mia. Ae sa le masani o ia i isi.

Sa ta’u atu e Sister Tee i tamaiti le mea e nonofo ai ma le taimi e tautala ai a o latou faataitai. Sa popole pea Terry e nofo i autafa o tamaiti na te le iloaina, ae sa taumafai e manatua le tatalo a Tama. Sa fesoasoani ia te ia e maua ai se lagona lelei.

Sa latou faataitaia pea lava pea pese ma a latou laina. Sa malie tamaiti sa nonofo i autafa o Terry. Sa tele ina latou faaataina o ia!

I ni nai aso mulimuli ane, ua oo i le taimi mo le faaaliga tala. Sa teuteuina le falesa i le tele o laau Kerisimasi, moli, ma lipine. Sa ofuina e tagata uma le lanu mumu ma le lanu meamata.

Sa tau le toe popole Terry. Sa fiafia o ia e faatasi ma isi tamaiti, e oo lava i tamaiti na te le’i iloaina muamua!

I le taimi o le tala, sa lelei le lagona o Terry. Ma ina ua oo i lona taimi e tautala ai, sa ia fai atu leotele ma manino ana laina.

Ina ua uma le tala, sa maua e Terry lona aiga.

“Malo lava!” Na fai atu ai Tama.

Na ataata Tinā. “Sa foliga mai sa e fiafia tele.”

“Ioe sa ou fiafia! Ua ou fiafia sa lava lo’u lototoa e fai ai,” o le tala lea a Terry.

Semanu e le mafai e Terry ona faia e aunoa ma Tina, Tama, Hailey, ma le Tama Faalelagi. O le tatalo mo se fesoasoani ma le lototoa sa matuai aoga lava!

Ata na tusia e Lisa Hunt