Mulimuli ia Iesu i Korea i Saute

Ua mulimuli Uicheon i le Faaola e ala i le tatalo pe a manaomia e ia se fesoasoani. A o laitiiti o ia, na leiloa ai se vaega o lana taavale meataalo. Sa faanoanoa lava o ia. Ona la tatalo faatasi lea ma lona tama. Ina ua uma ona la’ua fai atu “amene,” sa la’ua mauaina le vaega o loo misi! “O se tali vave lea i la ta’ua tatalo,” o le tala lea a Uicheon.

Sa mulimuli Ji-in ia Iesu Keriso e ala i le papatisoina. Sa manao o ia e mulimuli i Ana faataitaiga. “Ina ua ou tu i luga mai le vai, sa ou maua se lagona maoae ma mafaufau ia Iesu,” o lana tala lea. “Sa ou lagona le faafouina, ma sa ou manatu ua avea a’u ma se tagata sili atu ona lelei.”

Tausaga: 10 ma le 8

Mai: Gyeonggi-do, Korea i Saute

Gagana: Faa-Korea

Sini: E manao Uicheon e avea ma se tufuga tusiata. E manao Ji-in e avea ma se faiaoga vasega faataitai.

Mea e fiafia i ai: E fiafia Uicheon e tusi ata, vali, ma orikami. E fiafia Ji-in e taalo i seti laiti ma matamata i vitio.

Aiga: Uicheon, Ji-in, Tina, Tama, uso/tuagane laitiiti

Tala o le Tusi a Mamona: O le tala e sili ona fiafia i ai Uicheon o le miti a Liae i le ai uamea (tagai 1 Nifae 8). O le tala e sili ona fiafia i ai Ji-in o le tala ia Nifae i le aumaiga o papatusi apamemea (tagai i le 1 Nifae 4).

Tu ma Aga Masani Faaleaiga: E fiafia Uicheon e taaalo ma lona aiga i taaloga. E fiafia Ji-in e fai ni po tifaga faaleaiga.

Fualaauaina: E fiafia Uicheon i le meleni ma le mago. E fiafia Ji-in i strawberries ma vine.

Lanu: O le lanu e fiafia i ai Uicheon o le lanumoana. O le lanu e fiafia i ai Ji-in o le lanu piniki.