“Talofa mai Korea i Saute!” Uo, Tesema 2024, 8–9.
Talofa mai Korea i Saute!
Aoao e uiga i fanau a le Tama Faalelagi i le lalolagi atoa.
O Korea i Saute e i ai i Asia i Sasae. E silia ma le 50 miliona tagata e nonofo ai iina.
O Gagana
O le gagana aloaia o le faaKorea. E toatele tagata i inā e tautatala foi i le gagana Iapani, Meniterini, ma le Igilisi.
Tusi a Mamona
Na faaliliuina le Tusi a Mamona i le faaKorea i le 1967. Talu mai lena taimi, na fausia ai se malumalu i Seoul, le laumua. O le a i ai se isi malumalu e fausia i Busan.
Chuseok
O lenei faaaliga o le seleselega o se tasi lea o aso malolo e sili ona taua i Korea i Saute. E faapotopoto aiga e faasoa meaai, faamatala tala, tuu atu le faafetai, ma aoao e uiga i o latou tuaa.
Faailoga i Lanu
E eseese lanu o taavale la’upasese i Korea i Saute. O taavale la’upasese masani e papae pe siliva. O taavale la’upasese e sili atu ona taugata e uliuli. O taavale la’upasese faavaomalo e lanu moli, ma e tautala le avetaavale i le tele o gagana.
Ata na tusia e Soljee Lee