Mana o le Peraimeri

Sa ma auauna atu ma lo’u toalua o ni taitai misiona i le Czech Republic ma Slovakia. Sa ou manao ou te alu i Peraimeri uma i le eria. Sa ou fiafia i nei asiasiga. A o o’u i ai iina, sa ou aoaoina ni mea se tolu e uiga i tamaiti Peraimeri.

Muamua, sa ou aoaoina e mafai ona outou lagonaina ma iloa le Agaga Paia.

Lona lua, na ou aoaoina tou te mananao e aoao e uiga i mea faaleagaga.

Lona tolu, sa ou aoaoina e silafia outou e le Tama Faalelagi. E finagalo o Ia ia outou maua ni aafiaga faaleagaga.

I le taimi o a’u asiasiga, sa ou talanoa ai i tamaiti e uiga i le tele o mea. Sa matou talanoa e uiga i le Agaga Paia, papatisoga, ma le salamo. Sa ou faasoa atu foi la’u molimau i le Tusi a Mamona ia i latou. Sa ou fai atu ia i latou e mafai foi ona latou maua se molimau o le Tusi a Mamona.

O outou tamaiti o taitai o le lumanai o le Ekalesia! O outou o le a faia se eseesega i le lumanai. Ma o le Peraimeri o se nofoaga faapitoa lea e mafai ona e aoao ai e uiga i le talalelei ma lagona ai le Agaga Paia.

E mafai ona e maua se molimau o le Tusi a Mamona, e tusa lava po o le a lou matua. E mafai ona e suesue i tusitusiga paia ma aoao pe faapefea ona malamalama i le talalelei. Ou te talitonu ia te outou. E talitonu lou Tama Faalelagi ia te outou. E mafai ona outou faia ni mea maoa’e!

O le Fanau Maio Iesu i le Lalolagi Atoa

O se tasi o nei vaaiga o le Fanau Mai o Iesu e mai le Czech Republic, lea na asiasi atu ai Elder McConkie i tamaiti Peraimeri o se taitai misiona. Mulimuli i auala e iloa ai po o fea e sau ai isi vaaiga.

Ata na tusia e Melissa Manwill Kashiwagi