O Gaoioiga o le Sau, Mulimuli Mai ia te A’u

Mo le Eteru 12–15

Sa popole Moronae ona e le lelei o ia i le tusitusi, ae sa fesoasoani le Tama Faalelagi ia te ia ia lelei atili ai (tagai Eteru 12:23–29). O le a se mea e te manao e te faaleleia atili ai? I luga o se pepa lautele o i ai se savali po o se fasi pepa, tusi pe kelu ni ata o mea e te manao e faaleleia. Faatautau lau pepa lautele o i ai se savali i se mea e faamanatu atu ai ia te oe au sini. Tatalo mo le fesoasoani a le Tama Faalelagi e ausia ai.

Mo le Moronae 1–6

O le faamanatuga o se sauniga paia e fesoasoani ia i tatou e manatua ai Iesu Keriso (tagai Moronae 4–5). Liliu i le itulau e 18 e faitau ai e uiga i se teineitiiti na tilotilo i se tusi faapitoa e fesoasoani ia te ia ia migao ma manatua Iesu i le taimi o le faamanatuga. Ona sue lea i le itulau e 16 ma fai lau lava tusi o le migao.

Mo Moronae 7–9

E finagalo Iesu ia tatou fealofani (tagai Moronae 7:45–48). Tuu atu i tagata taitoatasi o le aiga e tusi o latou igoa i luga o se fasi pepa ma tuu i totonu o se pesini. Ona filifili lea o se igoa ma auauna faalilolilo atu i lena tagata i le aso e sosoo ai e faaali atu ai lou alofa. I le faaiuga o le aso, mate mai po o ai na auauna atu ia te oe!

Mo Moronae 10

Ua tumu le Tusi a Mamona i tala o loo aoaoina ai i tatou e uiga i le Tama Faalelagi ma Iesu Keriso ma tagata o e mulimuli ia i La’ua (tagai Moronae 10:3–4). Ia feauauai i le faatinoina o tala e sili ona e fiafia i ai i le Tusi a Mamona! Vaai pe mafai e lou aiga ona mate mai po o le a le tala.

Mo le Kerisimasi

Ona sa fanau mai Iesu Keriso ma avea ma o tatou Faaola, e mafai ai ona tatou toe nonofo uma ma le Tama Faalelagi i se aso (tagai Helamana 5:9). Oti ese se ata o Iesu mai le Uo. Ona fai lea o se faavaa mo le ata e faaaoga ai pepa, fasilaau, po o soo se mea e te manao i ai. Faapipii se manoa i se lio faapona i tua ma faatautau i luga o lau laau Kerisimasi po o le puipui!