O Le Aloalii o le Filemu

Saunia e Peresitene Dallin H. Oaks

Fesoasoani Muamua i le Au Peresitene Sili

Sii mai le Facebook, 8 Tes., 2019, ma le 13 Tes., 2023, facebook.com/dallin.h.oaks.

I lenei vaitau o le Kerisimasi, ua faamanatuina ai e le lalolagi Kerisiano atoa le soifua mai o Iesu Keriso, le “Aloalii o le Filemu.” (Isaia 9:6). Tatou te mafaufau i Lona fanau mai, Lona soifuaga, ma Lana misiona. I Ana faatonuga mulimuli, sa ta’u atu ai e le Alii o Iesu Keriso i Ana Aposetolo, “Ou te tuuina atu ia te outou le manuia, o lo’u manuia ou te avatu ai ia te outou: ou te le avatu ia te outou faapei ona avatu e le lalolagi. Aua le atuatuvale o outou loto, ‘aua foi tou te matata’u” (Ioane 14:27).

O le filemu o le folafolaga lea a lo tatou Faaola, ma o le filemu o le tatou sini lea. A o tatou tausia poloaiga a le Atua, e mafai ona tatou lagonaina lena filemu.

A o tatou faamanatuina lenei Kerisimasi, ou te faamoemoe o le a faamanuiaina outou i le filemu i o outou loto ma le alofa mo i latou o siomia outou.

Faasoaina Atu o le Filemu a le Faaola

E mafai ona e faasoa atu le alofa ma le filemu o Iesu Keriso! Mo aso e 12 e tau atu i le Kerisimasi, filifili se gaoioiga e fai ma lou aiga. Ona valivali lea o se mea teuteu.

Fai se galuega faalilolilo o le auaunaga.
Valaau se tagata o le aiga e nofo mamao ese.
Faasoa atu se meaai mama e sili ona fiafia i ai.
Faasoa Atu le Uo i se uo.
Tusi se ata e tuu atu i se tasi.
Usu faatasi se pese o le Kerisimasi.
Faitau se mau e uiga ia Iesu.
Asiasi i se tasi ua tuuatoatasi.
Lafo atu se kata Kerisimasi i se faifeautalai.
Faitau faatasi se tala o le Kerisimasi.
(Tusi lau oe lava)
(Tusi lau oe lava)