Pag-ugmad og Emosyonal nga Kalig-on: Carolee Scowcroft

Gibati gyod nako nga daw nagtindog ko sa mga abaga sa akong katigulangan. Ang ilang mga istorya nakatandog gayod kanako. Duna koy lolo sa tuhod nga nawad-an sa halos tibuok niyang dunggan tungod kay nahagbong siya sa karomata. Ug ang iyang mama, sa panghinaot, mihugas niini ug gibalik kini og butang ug gibutangan og bendahe. Ug tungod sa hugot nga pagtuo, kana nga dunggan hingpit nga naayo. Ug naghunahuna lang ko sa iyang pagtuo ug sa mga pag-ampo nga iyang gilitok, kabalo na ka, para sa iyang anak.

Ug dayon nahunahunaan nako ang usa ka lola nga nahimong solo nga inahan sa upat ka anak panahon sa dakong Pagkahagsa sa Ekonomiya, ug kinahanglan siyang mangita og paagi aron masuportahan sila. Abi ninyo, walay usa nga mihatag niya og kwarta, ug nahimo siyang malamposong negosyante ug nakahimo pa gyod og daghang nindot nga butang. Busa, gibati gyod nako nga tanan sa akong katigulangan dako kaayo og nahimo sa akong kinabuhi—nakaimpluwensya sila kanako nga niana ako mapasalamaton kaayo sa mga panalangin nga akong naangkon.

Ug ako, sama ni bisan kinsa, sama kaninyong tanan, nakasinati og emosyonal nga mga hagit. Ug nakakat-on ko nga ang mga hagit—sama nga si Kristo mao ang dalan—ang mga hagit kabahin niana nga plano. Ug kon atong mailhan kana imbes mobatok niini, magkat-on kon unsaon nga magmalipayon lang ug magmapasalamaton niadtong mga hagit, mas mahimong malipayon gayod kita. Makahimo ta sa pagkat-on kon unsaon pagtabang sa uban kon makasinati sila og mga hagit.

Laing butang nga akong nakat-onan mao nga kita magpuli-puli lang og sinati sa mga hagit. Ug tingali kamo adunay hagit ug nakakat-on kamo gikan niini, ug kana naghatag ninyo og kahigayonan sa pagtabang sa uban kon makasinati sila og susama nga hagit o butang nga tingali lahi apan tingali kamo dunay labaw nga empatiya.

Ako adunay lig-on nga pagpamatuod nga bisan unsang mga hagit nga atong atubangon, mamahimo ra uban sa tabang sa atong Manluluwas. Bisan kini direkta nga pagbati o pinaagi sa usa sa Iyang mga sulugoon—usa sa atong mga sister sa Relief Society o anak nga lalaki o babaye, usa nga suod nimo nga miabot ug nangalagad nimo sa paagi nga makatabang nimo nga makalahutay niana nga kasinatian.