Pagdiskobre sa Balaanong Disenyo diha sa Akong Pamilya: Sandra Singer

Si Presidente Dallin H. Oaks miingon, “Mahinungdanon nga ang mga Santos sa Ulahing mga Adlaw dili mawagtangan sa ilang pagsabot sa katuyoan sa kaminyoon ug sa bili sa mga anak. Mao kana ang kaugmaon nga atong gipaningkamotan.”

Adunay panahon dihang mibalhin mi sa layo gikan sa among mga pamilya, ug anaa kami sa lahi nga nasod. Ug dayon ang pamilya nakabaton og mas dakong kahulogan kaysa kaniadto. Aduna mi sa usag usa, apan among namatikdan nga aduna usab kami mas dako nga pamilya bisan asa mi mopuyo tungod kay anaa kanunay ang mga miyembro sa ward o branch o stake o district nga adunay sama nga mga baroganan ug adunay sama nga pagtuo. Ang mga miyembro niini nga Simbahan sa tibuok kalibotan.

Ang 900,000 sa miaging tulo ka tuig nga miapil niini nga Simbahan, tingali mibati nga, “Unsaon man nako pagkabaton sa matang sa pamilya nga atong gihisgotan dinhi sa Simbahan ni Jesukristo?” Apan ania ko aron sultihan ang tanang sister sa tibuok kalibotan, tungod kini ni Jesukristo. Tungod kini niini, Ang Simbahan ni Jesukristo sa mga Santos sa Ulahing mga Adlaw—sa mga pakigsaad nga atong gihimo—nga kitang tanan adunay oportunidad nga makabaton og pamilya. Ang matang sa pamilya nga imong gipangandoy. Ang matang sa pamilya nga nagtambayayong, nagtinabangay, naghigugmaay sa usag usa. Nakasaksi ko nga kini posible, nga kita makaangkon og kalipay, pamilya nga kalipay. Nasayod ko nga kini tinuod, ug nasayod ko nga tinuod kini alang ninyo.