Xnawb’al qu
Li Jesukristo a’an xch’oolil li qapaab’aal ut li qayu’am. Taqlanb’ilo chixb’oqb’al chixjunileb’ li ralal xk’ajol li Dios chixtaaqenkil li Jesus ut chixk’ulb’al li sahil ch’oolejil naru naqak’ul sa’ xk’ab’a’ a’an.
Li k’a’ru naqapaab’
Li k’a’ru naqapaab’
Taataw aametz’ew naq taasik’ li Dios, li Jesukristo li Ralal, ut li Santil Musiq’ej re xtawb’al li yaal.
Tzolon chirix lix k’uub’anb’il na’leb’ li Dios choq’ aawe ut chan ru tatruuq chi wank rik’in laa junkab’al chi junelik sa’ xk’ab’a’ li Jesukristo.
Aniho laa’o
Xaqab’anb’il chaq sa’ 1830
Lix Iglees li Jesukristo reheb’ laj Santil Paab’anel sa’ Roso’jikeb’ li Kutan kixaqab’aak sa’ 1830 aran Fayette, Nueva York, rik’in laj Jose Smith jo’ xb’een li Awa’b’ej re li Iglees.
Jun teep sa’ chixjunil li ruchich’och’
Li Iglees ak xniman chalen chaq xtiklajik toj sa’ jun nimla teep re 17 millon chi aj paab’anel chiru li ruchich’och’ li junajinb’ileb’ sa’ xtaaqenkil li Jesukristo.
B’eresinb’il xb’aan li k’utb’esinb’il na’leb’.
Laa’o wanko sa’ lix Iglees li Jesukristo li k’ojk’o wi’chik, chi b’eresinb’il xb’aan li Kolonel rik’in lix profeet sik’b’il ru xb’aan.
Eb’ li patz’om
Ma aj Kristiano eb’ li komon sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan?
Ma aj Kristiano eb’ li komon sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan?
Hehe’! Laa’o naqapaab’ naq li Jesukristo a’an li Ralal li Dios ut laj Kolol re li ruchich’och’, ut naqasik’ xtaaqenkil a’an. Jo’ naab’aleb’ li iglees aj Kristiano, eb’ li na’leb’ naqapaab’ laa’o jalan jalanqeb’ b’ayaq rik’in xna’leb’eb’ li qas qiitz’in. A’b’an naqataaqe li Kristo ut lix tzol’leb’ a’an chi anchal qach’ool. Eb’ li xninqal ru na’leb’ sa’ li qapaab’ahom nokohe’xtenq’a chixtawb’al ru li Jesus ut lix evangelio.
Ma nakapaab’ naq yaal li Santil Hu?
Ma nakapaab’ naq yaal li Santil Hu?
Hehe’! Laa’o naqapaab’ naq li Santil Hu a’an li raatin li Dios. Naqil sa’ li qochoch ut sa’ li iglees, ut naqasik’ xyu’aminkil li na’leb’ naxk’ut. Naqapaab’ naq li Najter Chaq’rab’ ut li Ak’ Chaq’rab’ neke’k’anjelak rochb’een lix Hu laj Mormon, a’an jun chik ch’olob’anb’il esil chirix li Jesukristo, jo’ aj yehol nawom chirix li Jesus ut re qatenq’ankil chixtawb’al ru li na’leb’ kixk’uub’ li Dios.
K’a’ru nak’ulman sa’eb’ li santil ochoch?
K’a’ru nak’ulman sa’eb’ li santil ochoch?
Li santil ochoch jalan wi’ rik’ineb’ li ch’utleb’aal kab’l nokoloq’onin wi’ rajlal domingo. A’aneb’ li qana’aj q’axal santeb’, q’axtesinb’ileb’ choq’ re lix k’anjel li Dios li q’axal sant. Li naqab’aanu sa’ li santil ochoch jayalinb’il sa’ li yeechi’ihom naq naru toowanq rik’in li Dios ut eb’ li qaraarookil komon chi junelik q’e kutan. Sa’ li santil ochoch, naqateneb’ qib’ chixtaaqenkil li Jesukristo. Noko’ok sa’ aatin rik’in li Dios, ut naqaye naq te’qapaab’ lix taqlahom ut naq taqaq’axtesi qib’ ut chixjunil li wan qe chiru a’an. Eb’ li b’eelomej ut li ixaqilb’ej ut li na’b’ej yuwa’b’ej ut eb’ li kok’al neke’junajiman, malaj “neke’tz’apman sa’ junajil,” chi junelik. Ut naqab’aanu ajwi’ li k’anjel a’an choq’ reheb’ li qaxe’ qatoon, naqak’e reheb’ xhoonal chixk’ulub’ankileb’ li osob’tesink a’an sa’ li yu’am chal re, wi neke’raj.
Ma tink’ulub’aaq laa’in sa’ li iglees?
Ma tink’ulub’aaq laa’in sa’ li iglees?
Tatk’ulub’aaq! Laa’o naqapaab’ naq ralal xk’ajolo li Dios chiqajunilo ut naq yeechi’inb’ileb’ li rosob’tesihom qe chiqajunilo wi taqasik’ xtaaqenkil li raatin, maak’a’ naxye aniho malaj k’a’ru qab’aanuhom. K’ulb’ileb’ chixjunileb’ sa’ li iglees re tzolok ut re k’iik. Maare nakak’oxla naq laa’at jun paay chi kristiaan ink’a’ taak’ulub’aaq, a’b’an relik chi yaal naq jalan jalanqeb’ li qakomon. Chatwulaq, ut maare taasachq aach’ool chirilb’al ani taachunlaaq chak’atq.
Ma wankeb’ chik laa patz’om?
Eb’ li komon sa’ li qa’Iglees li neke’xk’e xhoonaleb’ chi k’anjelak jo’ misioneer naru neke’aatinak aawik’in sa’ internet malaj sa’ kristiaanil re xwotzb’al jun musiq’anb’il aatin ut xsumenkileb’ laa patz’om.
Loq’onin qik’in
Naru nokochaab’ilo’ chiqajunilo rik’in li Jesus ut naq nokotzolok ut nokok’anjelak sa’ komonil sa’ lix Iglees a’an. Kim ut il aniho laa’o, ut loq’onin qik’in sa’ jun domingo chal re.