Li Dios a’an lix yo’leb’aal chixjunil li yaal

Li k’a’ru naqapaab’: Li Dios a’an lix yo’leb’aal li yaal

Wan naq, nasach qana’leb’ chirix li qayu’am malaj li k’a’ru chalel. Naru nokoxik chi uub’ej rik’in li qaChoxahil Yuwa’ li nokoxra ut li Jesukristo, li Ralal, li neke’yo’la wi’ li yaal.

K’a’ru li yaal?

Li yaal a’an xnawb’al li k’a’aq re ru jo’ tz’aqal chan ru wan. Tz’aqal yaal naq li Dios nakatxra ut naq a’an naru tatxtenq’a chixjalb’al laa yu’am. Li Dios naxnaw qu, ut naroksi li Santil Musiq’ej re qatenq’ankil chixk’eeb’al reetal k’a’ru li yaal.

Xtaaqenkil li Jesukristo

Li qaChoxahil Yuwa’ kixtaqla li Jesukristo, li Ralal, re xk’utb’al chiqu chan ru taqataw xsahil qach’ool ut xyaalal li qayu’am.

Laa’in lix saqenk li ruchich’och’: li taataaqenq we, ink’a’ taab’eeq sa’ li aak’ab’, wanq b’an lix saqenk li yu’am rik’in.

Jwan 8:12

Li Jesukristo kixk’ut tz’aqal chan ru toowanq. Li raatin a’an naxkutanob’resi li b’e li naru tooxb’eresi sa’ li tuqtuukilal. Li ani naraj taaqenk re li Jesukristo naru tixk’ul li saqen a’in; A’an naxyeechi’i naq chixjunil li taa’iloq re a’an, tixtaw.

Li Loq’laj Musiq’ej nokoxtenq’a

Li Loq’laj Musiq’ej, malaj li Santil Musiq’ej, a’an lix taql li qaChoxahil Yuwa’ ut li Jesukristo. K’iila paay ru naq li Santil Musiq’ej nokoxtenq’a chi nach’ok rik’in li Dios. Li Santil Musiq‘ej:

Natuqub’an ch’oolej (chi’ilmanq Jwan 14:16–17, 26; Moroni 8:26; Tzol’leb’ ut Sumwank 36:2).
Naxk’ut ut naxch’olob’ li yaal (chi’ilmanq 2 Nefi 32:4–5; Alma 5:46–47; Tzol’leb’ ut Sumwank 8:2–3).
Naxch’olob’ xyaalal li Yuwa’b’ej ut li K’ajolb’ej (chi’ilmanq Jwan 15:26; 3 Nefi 11:32, 36).
Nasaqob’resin ut nach’ajob’resin (chi’ilmanq Alma 13:10–12; 3 Nefi 27:19–20; Moroni 6:4).

Chan ru naru tinnaw k’a’ru li yaal?

Tijon chiru laa Choxahil Yuwa’ li nakatxra.

Li Dios nokoxra ut naraj qab’inkil. A’an naxye naq wi tootijoq, a’an taasumenq ut tixk’am qab’e.

Li Jesus kixk’ut chiqu chan ru li tijok sa’ li Santil Hu (

Mateo 6:9–13

) ut sa’ lix Hu laj Mormon (

3 Nefi 18:19

Chiwanq aapaab’aal

Li Santil Hu naxye naq “li paab’aal a’an xtoonal li k’a’ru na’oyb’enimank; a’an xkawub’ li ink’a’ na’ilmank ru” (

Hebreos 11:1

). Naq nokopaab’an, naqak’e qach’ool chixpaab’ankil naq li qaChoxahil Yuwa’ ut li Jesukristo toohe’xtenq’a chixtawb’al xsahil qach’ool ut xyaalal li qayu’am.

Chak’e reetal li Loq’laj Musiq’ej

Li Dios nokoraatina rik’in li Loq’laj Musiq’ej chi jalan jalanq. Sa’ li Santil Hu, naxye naq a’an jun “xyaab’ kuxej q’un ut ka’ch’in” (chi’ilmanq

1 Reyes 19:11–12

), a’b’an jalan jalanq chan ru naq taqeek’a li Loq’laj Musiq’ej chiqajunjunqal. Aawik’in laa’at, maare li Santil Musiq’ej tixk’e:

Li rahok, li sahil ch’oolej, li tuqtuukilal, ut li chaab’ilal (Galatas 5:22-23).
Li kutanob’resiik ut li b’eresiik sa’ laa yu’am (Tzol’leb’ ut Sumwank 8:2–3).
Xna’leb’ laa k’a’uxleb’aal ut reek’ahom laa ch’ool (1 Korintios 2:9–11).
Naxk’e li saqen sa’ xna’aj li q’ojyin (Alma 19:6).

Xtaaqenkil lix b’aanuhom li Kolonel

Li Jesus kixk’ut tz’aqal chan ru tento toowanq. Wi naqaj xnawb’al b’ar wan li yaal, naru naqataaqe li Jesus ut li k’a’ru kixb’aanu.

Ut k’a’ru a’an?

Xk’utb’al li rahok chiruheb’ laa was aawiitz’in ut chiru li Dios.
Xk’eeb’al reetal k’a’ru nakaweek’a naq nakab’aanu chi jo’kan.
Xtz’ilb’al rix chan ru naq najala laa yu’am naq nakab’aanu chi jo’kan.

Ma wankeb’ chik laa patz’om?

Eb’ li komon sa’ li qa’Iglees li neke’xk’e xhoonaleb’ chi k’anjelak jo’ misioneer naru neke’aatinak aawik’in sa’ internet malaj sa’ kristiaanil re xwotzb’al jun musiq’anb’il aatin ut xsumenkileb’ laa patz’om.

Patz’ naq tat-ula’aniiq