Li Dios naxnaw aawu ut nakatxra

Li Dios naxraheb’ chixjunileb’ li ralal xk’ajol—jo’kan naq li Dios nakatxra laa’at. Rik’in tijok, naru nakajilosi aawib’ rik’in laa Choxahil Yuwa’ ut naru nakatzol chan ru xk’eeb’al reetal lix b’eresihom aj rahonel sa’ laa yu’am.
Sa’ li perel a’in

Laa’at jun ralal li Dios

Jun nimla na’leb’ li nak’utman sa’ li Santil Hu a’an naq chiqajunilo “elenaqo chaq rik’in li Dios” (Hechos 17:29), ut naq yo’ob’tesinb’ilo jo’ chanru xjalam-uuch a’an. Jo’ ralal li Dios, maak’a’jo’ xnimal laa wankilal ut laa loq’al.

Li Dios naxnaw aawu

Li Jesukristo kixye naq li Dios naxnaw qu. A’an naxk’e reetal naq nat’ane’ jun ch’ina xul chi ch’och’, ut chiru li Dios laa’o “q’axal terto qatz’aq chiru naab’aleb’ li kok’ xul” (Mateo 10:29–31
Leaving Church Domain
You are about to leave our site. The new site has its own terms of use and privacy policy that differ from ChurchofJesusChrist.org
). Sa’ chixjunileb’ laa ch’a’ajkilal, moko aajunes ta wankat. Li Dios naxnaw aawu chi tz’aqal ut naxnaw k’a’ru nakawaj ru re tatruuq chixkuyb’aleb’ laa ch’a’a’ajkilal ut chireek’ankil lix rahom a’an.

Naru nakat-aatinak rik’in li Dios sa’ li tijok

A family in Brazil doing various activities including: walking, talking, reading, studying, hugging, visiting with each other, playing games, taking selfie photos, playing with a baby, praying etc.

Li Dios na’ab’in jo’ jun yuwa’b’ej aj rahonel

Jo’ qaYuwa’ sa’ Choxa, li Dios naraj qab’inkil. A’an naraj aab’eresinkil, ut naru nakat-aatinak rik’in a’an sa’ li tijok.

Li Dios naraj aatinak

Li tijok maawa’ a’an yal jun k’anjel chi moko jun patz’om toj sa’ choxa—a’an b’an seraq’ik. Naru nakaye re li Dios li k’a’ru nakab’antioxi, li nakak’oxla ut nakawoyb’eni, li nawiib’an wi’ aach’ool, ut li nakawaj ru.

Li Dios na’ab’in ut nasumen

Li Dios narab’iheb’ ut naxsumeheb’ li qatij. Junelik neke’sumeek li qatij, us ta hoonal naraj malaj jalan lix sumenkil chiru li xqak’oxla malaj xqoyb’eni. Naru naqaq’unob’resi qach’ool re naq taqak’ulub’a li rajom choq’ qe. K’iila paay xsumenkil li qatij, maare taak’ul sa’ laa k’a’uxl malaj sa’ laa waam, malaj rik’in xb’aanuhom junaq aakomon, malaj sa’ jun raqal reheb’ li loq’laj hu li naxtoch’ aach’ool.
Li Musiq’ej tz’aqal naxch’olob’ xyaalal re li qamusiq’ naq laa’o ralal xk’ajol li Dios.

Ma ch’a’aj choq’ aawe reek’ankil lix rahom li Dios?

Wi yoo aak’a’uxl ut najt nakaweek’a aawib’ rik’in li Dios, naru nakatzol chan ru xk’eeb’al reetal li Dios sa’ laa yu’am.
  • K’e aahoonal wulaj wulaj re xchanab’ankil chixjunil chik ut aatinak rik’in li Dios.
  • Tijon rajlal. Patz’ re naq tixk’e chaweek’a lix rahom.
  • Tz’il rix li raatin li Dios sa’eb’ li loq’laj hu.
  • Tz’iib’a sa’ jun diario resileb’ li osob’tesink ut li musiq’ejil na’leb’ nakak’ul.
  • Patz’ reheb’ laa wamiiw ut laa komon k’a’ru neke’reek’a chirix lix rahom li Dios.
  • K’ut laa rahom jo’ chanru li Kristo rik’in xtenq’ankileb’ ut xkuyb’aleb’ xmaak laa was aawiitz’in.

Kawob’resi laa paab’aal chirix li Dios

Li paab’aal naru nakatxtenq’a chixtawb’al tuqtuukilal ut kawilal naq wankeb’ li ch’a’ajkilal. Eb’ li misioneer naru tate’xtenq’a chixnimob’resinkil laa paab’aal chirix li Dios ut chixnach’ob’resinkil aawib’ rik’in a’an.
Patz’ naq tat-ula’aniiq