Wan rajom ut xyaalal laa yu’am

Wan rajom naq wan li yu’am sa’ li ruchich’och’. Laa’at jun ralal li Dios ut wankat arin jo’ xcha’al lix k’uub’anb’il na’leb’ a’an re sahil ch’oolejil.
Sa’ li perel a’in
K’a’ru li rajom lin yu’am laa’in?

Wan xyaalalil laa yu’am

Ma nakapatz’ jo’q’ehaq k’a’ut naq wankat arin?

Naqapaab’ naq koowan chaq rub’elaj lix k’ojlajik li ruchich’och’ a’in ut naq koowan rik’in li Dios jo’ ralal xk’ajol sa’ musiq’ej. Li qaChoxahil Yuwa’ kooxtaqla arin re naq taqak’ul li qajunxaqalil, tootzoloq, ut took’iiq re wulak jo’ chanru li Dios. Naq naqataaqe lix na’leb’ li Dios, naru toosutq’iiq rik’in a’an.

Wi nakaweek’a naq nim wi’chik xyaalal laa yu’am chiru yal wank, tz’aqal yaal aana’leb’. Naru nakataw k’a’ru li rajom laa yu’am naq nakasik’ li Dios.
A mother stands and comforts her son in their home

Li Dios naraj naq sahaq aach’ool

Lix evangelio li Jesukristo naxyeechi’i li tuqtuukilal, li kawilal, ut li sahil ch’oolejil reheb’ li neke’taaqen re lix taqlahom li Dios ut li neke’k’ub’e xha’ sa’ lix Iglees li Kristo.
Laj Adan kitʼaneʼ re naq teʼwanq li winq, ut nekeʼwan li winq re naq teʼwanq xsahilebʼ xchʼool
Chan ru naq li sahil ch’oolejil a’an li rajom li qayu’am, naq jwal ch’a’aj li yu’am? Lix sumenkil a’an li Jesukristo.

Sa’ xk’ab’a’ li Jesukristo, naru naqataw li tuqtuukilal sa’ li qarahilal, ut li kawilal sa’ lix yalb’al qix. Naru naqab’antioxi li k’iila usilal neke’tawliman sa’ li ruchich’och’. Naru naqakawob’resi li qawanjik rik’ineb’ li qaraarookil komon naq naqayu’ami li na’leb’ kixk’ut a’an sa’ li Santil Hu: li toq’ob’ank, li tenq’ank, li kuyuk maak, ut li rahok.

Naq kixk’e jun aj Kolonel, li Dios kixk’uub’ xb’eheb’ li ralal xk’ajol re naq te’xtaw xsahileb’ xch’ool.
South Africa. Braai (or barbecue). Two women standing outside near a gate.

Li yu’am a’an jun hoonal re tzolok ut re k’iik

Naq wankeb’ laa ch’a’ajkilal, us raj xjultikankil naq li na’leb’ kixk’uub’ li Dios choq’ aawe ink’a’ naraqe’ sa’ xraqik laa yu’am. Wi taayal aaq’e chixtaaqenkil a’an, chixjunil li nakanumsi taatiikob’resiiq ru sa’ junaq kutan sa’ xk’ab’a’ li Jesukristo. Sa’ li Santil Hu naxye naq li Dios “tixchaqihob’resi chixjunil li xya’aleb’ ru, ut ink’a’ chik taawanq kamk, chi moko yaab’ak, chi moko japok e malaj rahilal” (Apokalipsis 21:4).
An elderly man stands outside in Brazil while his wife kisses his cheek.
Tento taqanumsi li rahilal sa’ li yu’am xb’aan naq sa’ lix k’uub’anb’il na’leb’ li Dios, wan lix yalb’al qix choq’ re li qachaab’ilal ut li qak’iijik. Li yalb’a-ix naru tooxtenq’a chixtawb’al:
  • Li kawilal. Jo’ naq reek’asinkil qib’ naru tooxkawob’resi sa’ tib’elej, li ka’pak’aliik naqak’ul sa’ li yu’am naru tooxkawob’resi sa’ musiq’ej, sa’ k’a’uxlej, ut sa’ ch’oolej. Li kawilal a’in naru tooxtenq’a chixnumsinkil lix kaq-sut-iq’ li yu’am.
  • Li toq’ob’ank-u. Naq nakanumsi li ch’a’ajkilal, naniman laa seeb’al chi toq’ob’ank. Ut naq nakawoksi li k’a’ru xatzol re xtenq’ankileb’ li ani neke’xnumsi ajwi’ li xanumsi laa’at, nakatenq’an chixb’aanunkil lix k’anjel li Dios sa’ li ruchich’och’.
  • Li kuyum. Us ta wan naab’al li k’a’ru ink’a’ naru naqajal, jo’ li k’a’ru neke’xb’aanu li qas qiitz’in, naru “naqoyb’eni li Qaawa’” (Salmos 27:14). Naqapaab’ naq yalaq k’a’ru naqak’ul li moko tiik ta, a’an taatiikob’resiiq sa’ roso’jik sa’ xk’ab’a’ li Jesukristo.

Naru tatjalaaq

Young women in Thailand pick berries off a bush. They are laughing and enjoying themselves.
Chalen chaq xtiklajik, li Dios kixnaw naq tatsachq ut taawaj ru tenq’aak re numtaak sa’ xb’een li rahilal ut li maak. Li Dios kixkawresi jun aj Kolonel ut aj Tojol-ix, a’an li Jesukristo, li tixk’ul rahilal ut taakamq sa’ laa k’ab’a’ ut sa’ xk’ab’a’ chixjunileb’ li yo’lajenaqeb’. Sa’ xk’ab’a’ lix mayej li Jesukristo, naru taakuye’q aamaak ut naru tatk’irtesiiq.

Chi tenq’anb’il xb’aan li Kolonel, naru tatnumtaaq sa’ xb’een li maak, xq’unal aametz’ew, li yib’ ruhil na’leb’, ut chixjunil chik li naramok aawe chi xik chi uub’ej. Naru taanimanq laa rahom, laa kuyum, lix q’unal aach’ool, ut laa kuyum. Naq nakatwulak chi wank jo’ li Kristo, taanimanq laa wajom chi kanaak sa’ li b’e nak’amok wi’chik rik’in li Dios.

Tzol xkomon chik li na’leb’ chirix lix k’uub’anb’il na’leb’ li Dios

Li Dios kixk’uub’ jun na’leb’ choq’ aawe. Tzolon rik’ineb’ li misioneer chirix li rajom li yu’am sa’ internet malaj sa’ kristiaanil.
Aatinan rik’ineb’ li misioneer
A young woman is outdoors and smiling. She is looking towards the camera. She is at Antelope Island State Park in Utah.

Li Dios naxnaw aawu ut nakatxra

Li Dios naxraheb’ chixjunileb’ li ralal xk’ajol—jo’kan naq li Dios nakatxra laa’at. Rik’in tijok, naru nakajilosi aawib’ rik’in laa Choxahil Yuwa’ ut naru nakatzol chan ru xk’eeb’al reetal lix b’eresihom aj rahonel sa’ laa yu’am.

Li Jesukristo a’an laa Kolonel

Li Jesukristo a’an li Ralal li Dios—laj Kolol qe ut aj Tojol qix, li kitaqlaak chiqakolb’al chiqajunilo. Sa’ xk’ab’a’ a’an, naru nasaho’ ut natuqla aach’ool chixnawb’al naq nakatru chi numtaak sa’ xb’een li maak ut sa’ junaq kutan wank rik’in li Dios ut eb’ laa raarookil komon chi junelik.
A family enjoys their time together as they walk down a sidewalk.

Li junkab’al naru nawan sa’ komonil chi junelik

Li komonil nakat-ok wi’ sa’ junkab’al sa’ li yu’am a’in naru nakana chirix li kamk. Xkawob’resinkil laa wanjik rik’in li Dios naru tixkawob’resi laa komonil rik’in laa junkab’al.