Li Dios na’aatinak rik’ineb’ li ralal xk’ajol rik’in xtz’uumaleb’ re li profeet

Sa’ xq’ehil li Santil Hu, li Dios kixsikeb’ ru li profeet re naq te’xk’am xb’e lix tenamit. Toj sa’ li kutan a’in naqak’ul lix b’eresihom li Dios rik’in jun yo’yookil profeet.
Sa’ li perel a’in

K’a’ut naq naqaj ruheb’ li profeet?

Li Dios naxraheb’ li ralal xk’ajol ut naraj naq taqataw tuqtuukilal ut xsaqalil qu sa’ li ruchich’och’ rik’in xsik’b’al a’an. Naru nokojilok rik’in li Dios rik’in tijok, rik’in loq’onink sa’ li iglees, ut rik’ineb’ lix profeet li Dios.

Li Dios nokoraatina chi junjunqal chi k’utb’esinb’il, a’b’an nokoraatina jo’ tenamit rik’in xtz’uumal reheb’ li profeet, a’eb’ lix taql li Dios, li taqlanb’ileb’ re xk’utb’al lix evangelio li Jesukristo chiqu ut xk’utb’al lix na’leb’ choq’ re li qakutan.
Toj wan li k’a’ru naraj li Dios xwotzb’al aawik’in

Li Dios junelik naroksiheb’ li profeet re xb’aanunkil lix k’anjel

The Old Testament prophet Noah and his family aboard the ark. Noah is watching the animals board the ark. Storm clouds and lightning are depicted in the sky.
Li Santil Hu ut lix Hu laj Mormon neke’xk’ut naq chalen chalen, li Dios naxsik’eb’ ru li profeet re k’anjelak sa’ xk’ab’a’ a’an choq’ re lix kolb’aleb’ li ralal xk’ajol.

Ke’wan hoonal naq li tenamit ke’xpaab’ li raatineb’ li profeet ut ke’wan sa’ tiikilal. Ke’wan ajwi’ hoonal naq ke’xtz’eqtaana li raatin li Dios ut ke’xsik’ jalaneb’ chik li b’e, ut “q’etok paab’ank” nayeeman re a’an. Lix q’ehileb’ li q’etok paab’ank ke’raqe’ naq kiniman wi’chik li tiikilal naq li kristiaan ke’xjal xch’ool ut ke’ok wi’chik chirab’inkileb’ li profeet li sik’b’ileb’ ru xb’aan li Dios.

Sa’ li Najter Chaq’rab’, li Qaawa’ kixtaqlaheb’ li profeet re xyeeb’al reheb’ li tenamit resileb’ li we’ej, li pleetik, malaj jalaneb’ chik li rahilal.

Maare ak nakanaw xk’ab’a’eb’ junjunq reheb’ li profeet a’in, jo’:
  • Laj Adan
  • Laj Noe
  • Laj Abraham
  • Laj Isaak
  • Laj Jakob
  • Laj Moises
  • Laj Isaias
Eb’ li profeet ke’xk’e chi nawmank li rajom li Dios sa’ xyanqeb’ li tenamit ut ke’xch’olob’ k’a’ru xq’ajkamunkil li maakob’k. Nim wi’chik chiru a’an, eb’ li profeet ke’xk’am li yo’onink naq ke’xtzoleb’ li tenamit chirix li Jesukristo lix evangelio li najalok yu’amej.

Eb’ li profeet sa’eb’ li loq’laj hu ke’xk’ut li na’leb’ chirix xkawob’resinkil li paab’aal chirix li Jesukristo ut li wulak jo’ chanru a’an, ut toj wankeb’ xwankil li na’leb’ a’an sa’ li kutan a’in. Naru naqataw li kawilal, li yo’onink, ut li musiq’anb’il na’leb’ naq naqileb’ li raatin.
Li Qaawaʼ maakʼaʼ tixbʼaanu wi inkʼaʼ xye xbʼeen wa rehebʼ laj kʼanjel chiru, aʼebʼ li profeet.

Jun li profeet naxb’eresi lix Iglees li Jesukristo li k’ojob’anb’il wi’chik sa’ li kutan a’in

K’a’ut naq ki’ajman ru xk’ojob’ankil wi’chik li Iglees

Naq li Jesus kiwan sa’ li ruchich’och’, kixb’oqeb’ Kab’laju chi Apostol re naq te’xtenq’a a’an chixb’eresinkil lix Iglees. Chirix naq kikam li Jesus, eb’ li apostol ke’ka’pak’aliik ut wan naq ke’kamsiik. Moqon, ke’sachman ninqi yaal na’leb’ re li evangelio ut li wankilal re lix tijonelil li Dios naq ke’t’ane’ li tenamit sa’ q’etok paab’ank.

Toj reetal naq sa’ 1820, jun ch’ajom aj kaalaju chihabʼ, laj Jose Smith xk’ab’a’, kitijok chi anchal xch’ool re xpatz’b’al naq taakuye’q lix maak ut naq taak’ehe’q chixnaw b’ar wan li iglees tento tixjunaji wi’ rib’.

Li Dios Yuwa’b’ej ut li Jesukristo ke’xk’ut rib’ chiru laj Jose. Ke’xye re naq kuyb’il lix maak ut naq maajun reheb’ li iglees tixjunaji wi’ rib’. Moqon ki’wulak chi wank jo’ li profeet li sik’b’il ru xb’aan li Dios re xk’ojob’ankil chi ak’il lix Iglees li Jesukristo sa’ li ruchich’och’.

Joseph Smith, Jr. kneeling in the Sacred Grove during the First Vision. There are shafts of light shining down on Joseph.

Jun li profeet choq’ re li qakutan

Neke’xk’ut li yaal maak’a’ roso’jik, neke’xch’olob’ xyaalal li Jesukristo, nokohe’xtij chirix li xiwxiw, neke’xk’e qayo’onihom, neke’xk’ut xb’eresihom li Dios tz’aqal choq’ re li qakutan, ut neke’xk’am li wankilal k’eeb’il xb’aan li Dios re xb’eresinkil lix Iglees ut re xkawresinkil li ruchich’och’ choq’ re li xkab’ xk’ulunik li Jesukristo.

Eb’ li patz’om

Wiib’ sut chiru li chihab’, eb’ li apostol, ut xkomoneb’ chik laj jolominel sa’ li Iglees neke’aatinak sa’ li jolomil ch’utub’aj-ib’ re li Iglees, ut neke’xk’e musiq’anb’il na’leb’ re xtenq’ankileb’ li komon sa’ li Iglees chi chaab’ilo’k jo’ xmoos li Jesukristo.

Li jolomil ch’utub’aj-ib’ nab’aanuman aran Lago Salado, Utah, EEUU, a’b’an k’iila millon chi kristiaan chiru li ruchich’och’ neke’xch’utub’ rib’ re rilb’al malaj moqon chik neke’xtzol li aatin wotzb’il.

Naru nakawileb’ li aatin ak ke’yeeman arin, ut naru nakak’e reetal k’a’ru yookeb’ chixyeeb’al laj jolominel sa’ li Iglees chirix xkomon chik li na’leb’, jo’ lix q’axtesinkileb’ li santil ochoch malaj li ch’utub’ank-ib’ rik’ineb’ jalan chik li paab’aal, sa’ li Sala de Prensa re li Iglees. Naru ajwi’ nakatsik’ok sa’ LixIgleesliJesukristo.org re xtawb’aleb’ li aatin re li jolomil ch’utub’aj-ib’, li tz’iib’anb’il hu, ut xkomon chik li tusub’anb’il na’leb’.
Naq li profeet ut li Awa’b’ej re li Iglees nakam, li xb’eenil apostol (a’ yaal jarub’ chihab’ naxk’am sa’ li k’anjel, ink’a’ jarub’ chihab’ wan re) nab’oq’e xb’aan li Dios re wank jo’ li ak’ profeet. Naq nayamtesiik jun na’ajej sa’ lix Molameb’ li Kab’laju chi Apostol, li Qaawa’ naxmusiq’a li profeet re naq tixk’e xb’oqb’al li kristiaan li sik’b’il ru xb’aan li Dios.

Sa’ li junjunq chi na’ajej, wankeb’ chik li k’anjel—malaj “b’oqb’al” jo’ naqaye reheb’—li k’eeb’ileb’ chirix xsik’b’al lix musiq’anb’il na’leb’ li Dios. Li obiisp li naxjolomi jun ch’uut maare taatijoq ut taareek’a naq tento tixb’oq junaq ixq re tixb’eresi lix ch’utameb’ li ixq, nawb’il ru jo’ li Komonil re Tenq’ank. Li ixq a’an taatijoq ajwi’ re xnawb’al ani taatenq’anq re jo’ aj tenq’ aj k’ehol na’leb’, aj tz’iib’, ut aj k’utunel.

Li raatin li Dios choqʼ qe

Eb’ li misioneer naru tate’xtzol chirixeb’ li profeet ut naru te’xk’ut chawu li raatin li Dios choq’ re li qakutan.
Aatinan rik’ineb’ li misioneer