K’ojob’anb’il wi’chik lix Iglees li Jesukristo
Chixjunileb’ sa’ li ruchich’och’ naru neke’osob’tesiik xb’aan lix Iglees li Jesukristo sa’ li kutan a’in.
Li Jesukristo naxk’uub’ lix Iglees
- Jun nimla k’anjel kixb’aanu li Jesukristo sa’ li ruchich’och’, a’an xk’uub’ankil lix Iglees.
- A’an kixb’oqeb’ li Kab’laju chi Apostol re xk’utb’al ut xpuktesinkil li evangelio.
- A’an kixk’e wankilal reheb’ li apostol re k’anjelak sa’ xk’ab’a’ li Dios, a’an li tijonelil nayeeman re (chi’ilmanq
Mateo 10:1-10 ).
- Chirix naq li Jesus kik’ehe’ chiru krus, eb’ lix apostol ke’wech’e’ ut ke’rahob’tesiik, ut wan naq ke’kamsiik.
- Ke’wan li ani ke’roksi li paab’aal re xnimob’resinkileb’ rib’ malaj ke’xjach rib’ sa’ ak’ ch’uut li ink’a’ ke’xtaw ru lix k’utum li Kolonel.
- Moqon, ki’isiik li tijonelil sa’ li ruchich’och’ ut ke’sachman k’iila na’leb’ k’a’jo’ xninqaleb’ ru.
- Sa’eb’ li chihab’ 1500, li kristiaan jo’ laj Martín Lutero ut laj Juan Calvino ke’xk’e reetal naq moko tz’aqal ta li paab’aal aj Kristiano ut ke’xyal xtuqub’ankileb’ li iglees ak wankeb’.
- Ke’tikla naab’aleb’ li ak’ paab’aal li ke’raj chi yaal xtaaqenkil li Jesukristo ut lix tz’aqal k’utum.
- A’b’anan, maak’a’ lix tijonelil li Dios rik’ineb’ li paab’aal a’an re xb’aanunkileb’ li k’ojob’anb’il k’anjel jo’ li kub’iha’ ut li loq’laj wa’ak.
Eb’ a’an ke’xyal xq’e chiru li Reforma Protestante, a’b’anan ki’ajman ru jun tz’aqal xk’ojob’ankil wi’chik li evangelio, li b’eresinb’ilaq raj xb’aan jun li profeet li sik’b’il ru xb’aan li Dios.
Lix hoonalil lix k’ojob’ankil wi’chik li evangelio kichal sa’ 1820 naq jun ch’ajom aj kaalaju chihab’, laj Jose Smith xk’ab’a’, kireek’a, jo’ kixye a’an, “chʼaʼajkilanbʼil chi naabʼal,” chirix lix chaab’ilal li raam ut chirix li iglees tento tixjunaji wi’ rib’ (Jose Smith—Resilal 1:8 ).
Sa’ jun kutan, naq yoo chirilb’al li Santil Hu, laj Jose Smith kiril: “Wi junaq eere moko tz’aqal ta xna’leb’, chitz’aamanq re li Dios, li nak’ehok re chixjunileb’ li winq chi numtajenaq ut ink’a’ nach’ilan; ut taak’eemanq re” (Santiago 1:5).
Li raqal a’in jwal kixtoch’ xch’ool laj Jose, ut kireek’asi chixsik’b’al jun ch’anch’ookil k’iche’ b’ar wi’ kitijok chi anchal xch’ool re naq taab’eresiiq xb’aan li Dios. A’an kixtz’iib’a li esil a’in chirix li kik’ulman:
Lix hoonalil lix k’ojob’ankil wi’chik li evangelio kichal sa’ 1820 naq jun ch’ajom aj kaalaju chihab’, laj Jose Smith xk’ab’a’, kireek’a, jo’ kixye a’an, “chʼaʼajkilanbʼil chi naabʼal,” chirix lix chaab’ilal li raam ut chirix li iglees tento tixjunaji wi’ rib’ (
Sa’ jun kutan, naq yoo chirilb’al li Santil Hu, laj Jose Smith kiril: “Wi junaq eere moko tz’aqal ta xna’leb’, chitz’aamanq re li Dios, li nak’ehok re chixjunileb’ li winq chi numtajenaq ut ink’a’ nach’ilan; ut taak’eemanq re” (Santiago 1:5).
Li raqal a’in jwal kixtoch’ xch’ool laj Jose, ut kireek’asi chixsik’b’al jun ch’anch’ookil k’iche’ b’ar wi’ kitijok chi anchal xch’ool re naq taab’eresiiq xb’aan li Dios. A’an kixtz’iib’a li esil a’in chirix li kik’ulman:
Kiwil jun xaqal li saqen, tz’aqal chixb’een injolom, li naxq’ax xlemtz’unkil ru li saq’e, li kikub’e chi timil timil toj reetal naq kikana sa’ inb’een. … Naq kihilan saʼ inbʼeen li saqen, kiwil wiibʼ chi Winq, li inkʼaʼ naru chi yeemank chanru xlemtzʼunkilebʼ ru ut xloqʼalebʼ, xaqxookebʼ chi kutankil saʼ inbʼeen. Jun rehebʼ kinraatina, kixpatzʼ inkʼabʼaʼ, ut kixye, rikʼin xkʼutbʼal chi ruqʼ li jun chik—Aʼin li Walal Raaro Inbʼaan. Chawabʼi aʼan! (Jose Smith—Resilal 1:16–17 ).
Li Dios Yuwa’b’ej ut li Ralal Jesukristo ke’xk’utb’esi rib’ chiru laj Jose Smith, ke’xye re naq taakuye’q lix maak ut naq maajun reheb’ li iglees tixjunaji wi’ rib’. A’ut, laj Jose kisik’e’ ru jo’ xprofeet li Dios li tixk’ojob’ wi’chik lix tz’aqal Iglees li Jesukristo sa’ li ruchich’och’.
Li Iglees li k’ojob’anb’il wi’chik
Rik’in laj Jose Smith, li Jesukristo kixk’ojob’ wi’chik li Iglees li kixk’uub’ chaq najter, li naraj naxye naq:
Li Iglees kik’ojob’aak wi’chik rik’in jun liprofeet ut Kab’laju chi Apostol .
lix Hu laj Mormon , ut a’an jun chik ch’olob’anb’il esil chirix li Jesukristo. Li loq’laj hu a’in kitz’iib’aak xb’aaneb’ li profeet sa’ li najter America, ut laj Jose kixjaltesi ru li hu chi musiq’anb’il.
Rik’in lix Hu laj Mormon utli na’leb’ k’utb’esinb’il xb’aan li Dios sa’ li kutan a’in , ke’k’utb’esiman ninqi yaalil na’leb’ chirix lix k’uub’anb’il na’leb’ li Dios choq’ qe ut li rajom li qayu’am sa’ li ruchich’och’. A’aneb’ a’in junjunq reheb’ li k’utb’esink a’an:
Li Iglees kik’ojob’aak wi’chik rik’in jun li
- Eb’ lix tzolom li Kristo te’ruuq chi kub’eek xha’ sa’ lix Iglees rik’in xwankilal li tijonelil re li Dios ut te’ruuq chixk’ulb’al li maatan re li Santil Musiq’ej.
- Ke’k’ojob’aak wi’chik sa’ ruchich’och’ xninqal ru santil k’anjel, eb’ li k’ojob’anb’il k’anjel re li tijonelil, jo’ li wankilal re xjunajinkileb’ li junkab’al chi junelik q’e kutan.
Rik’in lix Hu laj Mormon ut
- Xkomon chik li na’leb’ chirix lix k’anjel li Jesukristo.
- Li nawom naq koowan rik’in li Dios rub’elaj naq xoochal sa’ ruchich’och’.
- Li nawom naq wanko arin re wulak jo’ chanru li qaChoxahil Yuwa’ ut re sutq’iik rik’in a’an.
- Li nawom naq naru
toowanq jo’ junkab’al chi junelik.
Sa’ li kutan a’in, Lix Iglees li Jesukristo reheb’ laj Santil Paab’anel sa’ Roso’jikeb’ li Kutan toj b’eresinb’il xb’aan jun li yo’yookil profeet. Wiib’ oxib’ reheb’ lix k’utum choq’ re “roso’jikeb’ li kutan” a’aneb’ a’in: xjayalinkil qib’ rik’in li Kolonel, rilb’aleb’ li neb’a’, risinkil li wech’ok-ib’ sa’ li qayu’am, ut xkawob’resinkil li junkab’al. Rik’in lix profeetil b’eresihom ut nawom, k’iila millon chi kristiaan chiru li ruchich’och’ neke’ru chi osob’tesiik xb’aan lix Iglees li Jesukristo li k’ojob’anb’il wi’chik.
Tzol xkomon chik li na’leb’ chirix lix Iglees li Jesukristo
Jo’ laj Jose Smith, laa’o naru naqak’ul xsumenkil li qatij. Aatinan rik’ineb’ li misioneer re tzolok chirix jun Dios li nakatxra ut naraj aatenq’ankil chixtawb’al li yaal.