Li Jesukristo naxtaweb’ ru laa ch’a’ajkilal
Ink’a’ na’ajman ru naq taanumsiheb’ li ch’a’ajkilal re li yu’am aajunes. Li Jesukristo naxnaw chi tz’aqal k’a’ru nakatnume’ wi’, ut a’an tatxtenq’a.
Li Jesukristo naxtaw ru laa wanjik
Naq li Jesukristo kixk’ul rahilal sa’ qak’ab’a’ chiqajunilo sa’ li Awimq Getsemani ut chiru li krus, a’an kixk’ul xnawom chirix chixjunileb’ li ch’a’ajkilal naqanumsi. Ka’ajwi’ a’an naxnaw chi tz’aqal k’a’ru nakatnume’ wi’, ut li rusilal tixk’e li metz’ew nakawaj ru re numtaak sa’ xb’eeneb’ li yalb’a-ix.
Sa’ lix Hu laj Mormon naxye:
“Ut aʼan taaxik, ut tixnumsi li rahilal ut chʼaʼajkilal ut xyalbʼal rix, li jar paay wan, ut aʼin re naq taatzʼaqloq ru li aatin li naxye, tixkʼul saʼ xbʼeen lix rahilebʼ ut lix yajelebʼ lix tenamit.
“Ut tixkʼul li kamk saʼ xbʼeen, re naq taaruuq tixhit lix bʼakʼlebʼ li kamk li bʼakʼbʼookebʼ wiʼ lix tenamit; ut tixkʼul saʼ xbʼeen lix majelal lix kawilalebʼ, re naq lix saʼ xchʼool nujenaqaq chi uxtaan, joʼ chanru li tzʼejwalej, re taaruuq tixnaw saʼ li tzʼejwalej chanru xkʼeebʼal xtenqʼankilebʼ lix tenamit joʼ chanru xmajelal lix kawilalebʼ” (Alma 7:11–12 ).
Sa’ lix Hu laj Mormon naxye:
“Ut aʼan taaxik, ut tixnumsi li rahilal ut chʼaʼajkilal ut xyalbʼal rix, li jar paay wan, ut aʼin re naq taatzʼaqloq ru li aatin li naxye, tixkʼul saʼ xbʼeen lix rahilebʼ ut lix yajelebʼ lix tenamit.
“Ut tixkʼul li kamk saʼ xbʼeen, re naq taaruuq tixhit lix bʼakʼlebʼ li kamk li bʼakʼbʼookebʼ wiʼ lix tenamit; ut tixkʼul saʼ xbʼeen lix majelal lix kawilalebʼ, re naq lix saʼ xchʼool nujenaqaq chi uxtaan, joʼ chanru li tzʼejwalej, re taaruuq tixnaw saʼ li tzʼejwalej chanru xkʼeebʼal xtenqʼankilebʼ lix tenamit joʼ chanru xmajelal lix kawilalebʼ” (
Li Dios nakatxra ut naraj naq jwal tatchaab’ilo’q, jo’kan naq kixtaqla li Ralal tz’aqal re ru re xkolb’al aawix. Li Jesukristo kixk’ul li rahilal sa’ xb’een a’an re naq tixnaw chan ru aatenq’ankil. A’an naxnaw aawu chi tz’aqal ut naxnaw chan ru aatenq’ankil wi tattijoq chiru li Dios ut taapatz’ naq tixk’am aab’e.
Jun Iglees aj rahonel naru naxk’ojob’ aach’ool naq ra aach’ool
Naq taasik’ li Dios ut li Jesukristo, laa paab’aal taakawuuq ut tatxk’ojob’ sa’ xyiheb’ lix kaq-sut-iq’ li yu’am. Lix evangelio li Kristo naru naxk’ut chawu xb’ehil li sahil ch’oolejil ink’a’ na’oso’, ut li yaal li k’utb’il sa’ lix Iglees naru naxk’am li tuqtuukilal ut li oyb’enink li nakana.
Eb’ laa wamiiw ut laa junkab’al naru neke’xk’e laa tenq’ ut xsahil aach’ool, jo’ ajwi’ li amiiwul nakataw sa’ li iglees. Eb’ li komon sa’ li qa’Iglees neke’xyal xq’e chi rahok ut chixtenq’ankil rib’ chirib’il rib’ sa’ tib’elej ut sa’ musiq’ej.
Eb’ laa wamiiw ut laa junkab’al naru neke’xk’e laa tenq’ ut xsahil aach’ool, jo’ ajwi’ li amiiwul nakataw sa’ li iglees. Eb’ li komon sa’ li qa’Iglees neke’xyal xq’e chi rahok ut chixtenq’ankil rib’ chirib’il rib’ sa’ tib’elej ut sa’ musiq’ej.
Sa’ Lix Iglees li Jesukristo reheb’ laj Santil Paab’anel sa’ Roso’jikeb’ li Kutan natawman li tenq’ re xnumsinkileb’ li ch’a’ajkilal re li yu’am. Eb’ li komon sa’ li na’ajej wankat wi’ naru neke’xwotz xkomon chik li na’leb’ chirix li naru nakataw sa’ laa na’aj.
Kawob’resi laa paab’aal
Naru nakataw laa metz’ew ut laa kawilal rik’in li Jesukristo re numtaak sa’ xb’eeneb’ li ch’a’ajkilal re li yu’am. Eb’ li misioneer naru te’xk’ut chawu chan ru.