Mga Kahanas sa Kinabuhi
Kon ang Internet Makahatag Kanimo og Kasuko, Ania ang 3 ka Paagi sa Pagkahimong Tighimo og Kalinaw
Unsaon nimo sa paglihok isip usa ka disipulo ni Kristo sa puno sa panagbingkil sa online nga kalibotan?
Ambot lang kaha kon ikaw, apan ang pagtan-aw og ngil-ad nga mga komentaryo sa social media usahay mopuno kanako og kapungot.
Nalipay ko nga nagpuyo sa kalibotan diin makapaambit kita ug makadiskobre og impormasyon ug makakonekta sa uban diha sa social media, apan usab adunay daghan kaayong panagbingkil, sayop nga impormasyon, ug gani pagdumot.
Sama sa giingon ni Presidente Russell M. Nelson (1924–2025):
“Ang kasamtangan nga panagsumpaki sa dayalogo sa publiko ug sa social media makapaalarma. Ang mga pulong sa kasilag makamatay nga mga hinagiban. Ang panagbingkil mopugong sa Espiritu Santo isip atong kanunay nga kauban.
“Isip mga sumusunod ni Jesukristo, kita kinahanglan mangulo sa dalan isip mga tigpasiugda sa kalinaw.”
Hunahunaa kana: Sobra pa kay sa pagpuno kanato sa kasuko, ang atong online nga mga inter-aksyon makahulga sa atong espirituhanon nga kaayohan!
Suwerte lang, si Presidente Nelson ug ubang mga lider mihatag kanato mahitungod sa kon unsaon nato nga makalikay sa panagbingkil ug makapaambit sa kahayag ngadto sa uban sa atong inadlaw-adlaw nga pakig-inter-aksyon. Ania ang pipila lamang ka tambag:
Ayaw Sunda ang Imong Walay Paghunahuna nga Reaksyon
Ang teknolohiya magtugot nga kita makakonekta sa mga tawo sa tibuok kalibotan—lakip sa mga tawo nga lahi sa imoha og mga panglantaw. Tungod niini, makakita ikaw og negatibong nga online content bahin sa mga butang nga mahinungdanon kanimo.
Bisan og ang content dili tuyo nga pagpasakit, mopabati kini kanato og lahi, dili maayo, o gani sa kasuko! Tingali matintal kita sa pagbalos gamit ang pangdepensa nga mga pulong.
Hinuon, sama sa giingon ni Elder David A. Bednar sakop sa Korum sa Napulog Duha ka Apostoles, “Isip mga tinugyanan, … kamo ug ako dunay gahom sa paglihok ug sa pagpili kon unsaon nato sa pagtubag sa usa ka mapakasilo o makapasakit nga mga sitwasyon.”
Sa dili pa motubag, hunong, ginhawa og lawom, ug saligi ang gisulti sa uban. Bisan og dili ka uyon, ipakita ang imong pagka-natural nga lalaki o babaye.
Pagbinuotan Kutob sa Imong Mahimo
Sister Tamara W. Runia, Unang Magtatambag sa Kinatibuk-ang Kapangulohan sa Young Women, midapit kanato sa dili pa makig-inter-aksyon sa uban, “Ang ako ba nga buhaton o isulti makatabang o makapasakit?”
Kon ang inyong tubag "makapasakit," labing maayo ang pagsulti og lain nga butang.
Gusto ka man nga mopanalipod sa imong mga gituohan o sa paghatag og katin-awan sa mga kamatuoran, imbis mobato og sakit nga mga pulong, hunahunaa giunsa sa Manluluwas sa pagdala ang mao nga sitwason (tan-awa sa Juan 8:1–11).
Sama Kaniya, kamo pwedeng motubag sa kalma, mahunahunaon ug manggiloy-on nga mga paagi. Sama sa gidugang ni Presidente Nelson:
Isip mga disipulo ni Jesukristo, kita ang mga ehemplo kon unsaon sa pagtagad ang uban—ilabi na kon kita adunay managlahi nga opinyon.…
“Kon ang usa ka higala sa social media adunay kusganong politikal o sosyal nga panglantaw nga nakasupak sa tanan nga inyong gituohan, ang pagkasuko, ang inyong masakit nga tubag dili makatabang.”
Oo, mahimo natong barogan ang unsay atong gituohan, apan dili nato dugangan ang kalayo sa panagbingkil. Kondili, atong pahinayon kana nga mga kalayo uban sa kamabination.
Mahimong Andam nga Molakaw Palayo
Sa dihang ang Manluluwas nag-atubang og pungot nga mga indibidwal, usahay yano ra Siyang mopalayo gikan niadtong mga sitwasyon o dili motubag (tan-awa sa Isaias 53:7; Mateo 12:14–15).
Bisan unsa kamaayo ang imong mga intensiyon, usahay labing maayo nga palabyon lamang kini ug mopalayo.
Si Elder Neil L. Andersen sa Korum sa Napulog Duha ka Apostoles miingon, “Adunay mga panahon nga ang pagbuhat og kadaitan nagpasabot nga pugngan nato ang tinguha sa pagtubag ug hinoon uban sa kaligdong, magpabilin nga hilom."
Ang pagtalikod tingali dili kaayo mabatyagan nga gamhanan niana nga higayon—tingali sama kini og wala ka nay laing mahimo. Apan ang pagkahimong usa ka tigpasiugda og kalinaw usa sa labing gamhanan nga paagi sa pagkahimong disipulo ni Jesukristo. Dili gayod nimo mahibaloan kon si kinsa ang matandog sa imong ehemplo.
Kay sa dugangan ang labihang kahingawa diha sa internet, kon maningkamot ka nga mahimong tigpasiugda og kalinaw diha sa online, mahimo nimo kining usa ka dapit sa koneksiyon, pagkat-on, ug paghigugma.
Ug sa kataposan, mahimo nimo ang internet nga usa ka dapit sa pagbarog isip disipulo ni Kristo.