Tema Karong Bulana: Ang Templo ug mga Pakigsaad

Hello, mga higala!

Dinhi sa team sa YA Matag Semana, naghisgot kita og daghan bahin sa mga templo bag-o lang.

Ingon man usab sa Liahona nga team. Ug sa Alang sa Kalig-on sa Kabatan-onan nga team. Ug sa Higala nga team.

OK, parehas ta tanan.

Tanan kita mahinamong makakita sa Ginoo nga nagpadali sa Iyang buhat! Ang dinasig nga mga pag-adjust sa pagsimba sa templo naghimong sayon kay kaniadto sa pagtambong. Ang kabatan-onon naghimo og mga proxy nga bagbunyag sa igong gidaghanon. Ang mga tawo naghimo ug natuman og sagrado nga mga pakigsaad uban sa Dios.

Ug tingali ako lamang, apan maingon og ang mga miyembro sa Simbahan mibati nga mas konektado sa templo. Mas malingaw na niini. Mas mahinamon nga motambong.

Kana tingali tungod kay daghan na kaayong mga miyembro sa Simbahan ang nagpuyo nga duol sa templo kaysa, maingon ta, 10 ka tuig ang milabay. Apan gusto nakong hunahunaon nga tungod usab kini kay kita nakakita sa panan-awon sa Ginoo. Nagsugod na kita sa mas hingpit nga pagkakita kon sa unsang paagi ang pagsunod sa mga pakigsaad nga atong gihimo sa templo makapabuhong sa atong inadlaw-adlaw nga kinabuhi ug mapalawom ang atong relasyon sa Dios. Ang atong mga pagpamatuod nagtubo!

Ania ang mga istorya karon nga bulan mahitungod sa gahom ug mga panalangin sa balay sa Ginoo:

• Unsaon nga ikaw mouswag diha sa dalan sa pakigsaad kon ikaw mibati nga walay pag-uswag isip young single adult

• Isip young adult gikan sa Ecuador nga nakakita nga ang usa ka sesyon sa pagtuga gamit ang iyang lumad nga pinulongan nakatabang niya nga mabuntog ang pagbati sa panaglahi sa kultura sulod sa bag-ong panimalay

• Usa ka pagpasabot kon sa unsang paagi ang mga pakigsaad nga atong gihimo karon anaa usab sa Daang Tugon

• Unsaon sa pagpakabuhi nga sama og ikaw nakahimo og mga pakigsaad kon ang gilay-on magpugong kanimo sa paghimo niini

Ug gikan sa atong padayon nga serye:

• Mga Kahanas sa Kinabuhi: Unsaon nga mahimong tigpasiugda og kalinaw sa online, bisan og ang kalibotan naghimo niini nga labihan kalisod

• Labi na sa Bag-ong mga kinasal: Nganong ang pag-adto sa institute tingali usa ra sa labing maayong mga butang nga buhaton kauban sa imong kapikas

• Gi-feature nga Debosyonal: Ang usa ka mensahe gikan ni Elder Dale G. Renlund mahitungod sa kon sa unsang paagi ang atong mga pakigsaad mopalawom sa atong relasyon sa Langitnong Amahan

Kon ikaw wala makaadto kanunay sa templo, kon ikaw nangandam nga mobalik human sa igong panahon nga wala makaadto, o kon ikaw wala makasabot sa tanan, ayaw itugot nga kana mopugong kanimo sa pag-adto og balik. OK ra nga dili mobati nga ingon og usa eksperto. OK ra nga dili dayon masabtan ang tanan. Gani ang mga tawo nga nagsige na og adto sulod sa mga dekada moingon kanimo nga nagdiskobre pa gihapon sila og bag-ong mga panglantaw mahitungod sa templo ug sa mga pakigsaad niini.

Bisan og kapila ka na nakaadto sa templo, manghinaot kami nga kini nga artikulo makatabang nimo sa pagkakita og bag-ong mga paagi nga makapasalamat ug makabenipisyo gikan sa paggahin og panahon sulod sa balay sa Ginoo.

Inyong higala,

Eric D. Snider, YA Weekly Tagsulat