O Le Autu o le Masina Lenei: Taliaina o le Olioli o le Salamo

Uo pele,

E le o au o se tagata e fiaifa tele i le faia o ni mea sese. Atonu e te valaaua au o se tagata e manao e atoatoa.

Ae o se mea faafeagai, talu ai o la’u galuega o se tusitala e manaomia ai lo’u tuuina atu i totonu o galuega lē atoatoa i aso uma.

Soo se tusiga lava ou te galue ai o le a oo atu i le tele o taamilosaga o faasa’oga seia oo ina mamanuina i le lomiga sili e mafai ona i ai. Ma e te iloa? Nai lo le le fiafia pe a faailoa mai a’u mea sese, ou te fiafia lava e matamata i ai a o faasaoina seia sili atu le tusiga mulimuli nai lo le mea na mafai ona ou faia na o a’u lava.

Ia te au, o lenei mea ua atagia mai ai na o se vaega o le olioli lea e sau mai le salamo.

O le gafatia e salamo ai o se tasi lea o maatulimanu o le talalelei a Iesu Keriso, ae mo le toatele o tagata, o le mafaufau i le salamo e aumaia ai le fefe tele po o le tausalaina nai lo le olioli. Pe a manaomia ona e salamo, atonu e te lagona e pei o au agasala e avea ai oe ma se tagata leaga.

Ae o le mea lenei: O le manaomia o se faatonu e le faapea ai o au o se tusitala leaga. E le faapea foi o le manaomia ona salamo o lona uiga o au o se tagata leaga.

O le salamo e le o se fuafuaga faaleoleo po o se faailoga o le toilalo. O le salamoole fuafuaga! Na silafia e le Tama Faalelagi o le a tatou manaomia le fesoasoani a le Faaola e toe foi atu ai ia te Ia. Ma e le musu Iesu Keriso e fesoasoani mai ia i tatou—e finagalo o Ia ia tatou maua Lona mana.

A o e faitau i tala o lenei masina mai autalavou matutua o e ua mauaina le olioli o le salamo, ou te faamoemoe o le a musuia outou ia lagonaina lena lotofaafetai, mautinoa, ma le filemu. Ua na o ni nai tusiga nei e mafai ona e maua i le masina lenei:

• O se talavou matua mai Filipaina o le sa faatoilaloina lona fefe i le talanoa atu i lana epikopo

• O se tuafafine mai Aferika i Saute o le na iloaina e na te le manaomia ona ia atoatoa ina ia taua ai

• O le a le uiga o le salamo i aso taitasi

• O la’u tusiga e uiga i le auala e fesoasoani ai le salamo ia i tatou e liliu atu ia Iesu Keriso

E i ai foi a tatou tala o se vaega o la tatou faasologa faifai pea:

• Mai le misiona:Auala e faalagolago ai i le Alii pe afai o valaauga o misiona—ma gagana—e le o le mea sa e faamoemoeina

• Faatatauina o le Feagaiga Tuai i Lou Olaga: Lagolago o le Sau, Mulimuli Mai ia te Au e uiga i le aisea, o fea, ma o le a i le avea ma tausimea o foafoaga a le Atua

• Ou te Talitonu: Auala e vaai atu ai i le talalelei i mata fou, e tusa lava pe na avea oe ma tagata lotu mo se taimi umi

• Mo Tina o Fanau Laiti: O le mea o loo fai e se tina fou e malamalama ai i le auala e matagofie ai le avea ma tina—e tusa lava pe le o iai se lagona faapena.

Afai e iai se mea se tasi ou te manao e te aoaoina mai lenei mataupu, o le tulaga lea e matua alofagia lava oe. E le aufaigaluega a le AM Faalevaiaso, ae aupito taua lava, e lou Tama Faalelagi ma lou Togiola. Faamolemole ia lagonaina le La savali i le mataupu lenei: e iai lava se ala e toe foi atu ai ia i La’ua. Ma o le a La’ua faia mea uma e mafai ai ona fesoasoani ia te oe e sau i le aiga.

Ma le alofa,

Madelyn Maxfield, Tagata Faigaluega Faatonu o le Mo le Malosi o le Autalavou