Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mampivelatra ireo fahazarana mahasoa: Afaka manampy antsika hanova ny fahazarantsika i Jesoa Kristy

“Mampivelatra ireo fahazarana mahasoa: Afaka manampy antsika hanova ny fahazarantsika i Jesoa Kristy,“ Testamenta Taloha: Boky torolalana ho an’ny mpampianatra seminera (2026)

“Mampivelatra ireo fahazarana mahasoa: Afaka manampy antsika hanova ny fahazarantsika i Jesoa Kristy,“ Testamenta Taloha: Boky torolalana ho an’ny mpampianatra seminera

Fahasalamana ara-batana sy ara-pihetseham-po: Lesona 187

Mampivelatra ireo fahazarana mahasoa

Afaka manampy antsika hanova ny fahazarantsika i Jesoa Kristy

Ireo fihetsika averintsika ombieny ombieny dia lasa fahazarana. Ny fahazarana sasany dia afaka manampy antsika hanaraka tsara kokoa ny Mpamonjy. Ny fahazarana hafa dia mety fomba tsy mahasoa entina miatrika fihetseham-po sarotra, ary mety hitarika antsika hahatsapa ho lavitra an’ Andriamanitra Ray sy Jesoa Kristy. Ny fanorenana fahazarana mahasoa dia manampy antsika hahatsapa ho akaiky sy ho tonga tahaka Azy Ireo kokoa. Ity lesona ity dia afaka manampy ny mpianatra hikatsaka fanampiana avy amin’ny Ray any An-danitra sy i Jesoa Kristy mba hampivelatra fahazarana mahasoa.

Fanomanana ny mpianatra: Asao ny mpianatra hieritreritra ireo zavatra ataon’izy ireo isan’andro izay lasa fahazarana. Azon’izy ireo atao ihany koa ny misaintsaina ny fiantraikan’ireo fahazarana ireo, na ny tsara na ny ratsy eo amin’ny fivoarany ara-panahy.

Fiomanan’ny mpianatra: Asao ny mpianatra hieritreritra ireo zavatra ataon’izy ireo isan’andro izay lasa fahazarana. Azon’izy ireo atao ihany koa ny misaintsaina ny fiantraikan’ireo fahazarana ireo, na ny tsara na ny ratsy amin’ny fivoarany ara-panahy.

Sahanasa fianarana azo atao

Ny fahazarana dia toy ny zaridaina

Azonao atao ny manomboka ny fotoam-pianarana amin’ny alalan’ny fampitahana ny fanorenana fahazarana mahasoa amin’ny fambolena zaridaina. Mba hanaovana izany dia hevero ny hampiseho sarina ahi-dratsy iray ary avy eo dia manehoa sarina voninkazo na zavamaniry ao anaty zaridaina iray.

Alaivo sary an-tsaina hoe misy namana iray te-hahafantatra ny zavatra tokony hataon’izy ireo mba hamadihana tany feno ahi-dratsy iray ho lasa zaridaina.

Inona no torohevitra homenao azy ireo mba hataony?

Mety hilaza zavatra toy ny fanesorana ny ahi-dratsy, ny fanomanana ny tany, ny fambolena voa, ary ny fanondrahana ireo zavamaniry ny mpianatra.
Ahoana no ahafahana mampitaha ny dingan’ny fambolena zaridaina amin’ny fanorenana fahazarana mahasoa?

Hevero ny hanasa ny mpianatra hieritreritra momba ny fahazaran’izy ireo. Azon’ny mpianatra atao ny mikatsaka ny fanampian’ny Fanahy Masina mba hamantarana ny zavatra ataony tsara sy ny zavatra azon’izy ireo hatsaraina.

Azon’ny mpianatra atao ny manao sarina ahi-dratsy sy voninkazo ao amin’ny diary fandalinan’izy ireo. Azon’ny mpianatra atao ny manisy marika ilay ahi-dratsy hoe “Fahazarana tiako hovaina“ ary omeo anarana hoe “Fahazarana hatomboka na hotohizana“ ny voninkazo.

Raha mila ohatra ny mpianatra dia azonao atao ny mampiseho ity sary manaraka ity na ataovy sary eny amin’ny solaitrabe izany.
Inona no fiantraikan’ny fahazarana eo amin’ny fiainantsika?
Inona no mety mahatonga ny fanitsiana ireo fahazarana tsy mahasoa na ny fanorenana fahazarana mahasoa ho sarotra?

Afaka manampy antsika hanova ny fahazarantsika i Jesoa Kristy

Azonao atao ny manome toky ireo mpianatra fa na dia mitaky ezaka aza ny hanova ny fahazarana dia nampanantena ny hanampy antsika ny Mpamonjy.

Vakio ny Ezekiela 36:26–27; sy ny Môzià 3:19; ary ny ny Etera 12:27, ka tadiavo ny zavatra ampianarin’ireo soratra masina ireo momba ny fomba ahafahan’i Jesoa Kristy manampy antsika hiova.

Ahoana no mety hiharan’ireo andininy ireo amin’ny fanovana ireo fahazarantsika?

Ny Filoha Jeffrey R. Holland ao amin’ny Kôlejin’ny Apôstôly Roambinifolo dia nampianatra mikasika ny fanovana ny fahazarantsika:

Mazava ho azy fa samy manana fahazarana na kilema na tantara manokana daholo isika rehetra, izay mety hanakana antsika tsy hirotsaka tanteraka ao amin’io asa io. …Misy ny fanampian’Andriamanitra ho antsika tsirairay amin’ny fotoana rehetra izay hahatsapantsika hanovana ny fitondran-tenantsika. Nomen’ Andriamanitra “fo vaovao” i Saoly. Nangataka ireo Isiraely fahiny rehetra i Ezekiela mba hanary ny lasa ary “hanao… fo vaovao sy fanahy vaovao.” Niantsoantso “fiovana mahery vaika” i Almà izay hampiravoravo ny fanahy, ary i Jesoa mihitsy no nampianatra hoe “raha tsy ateraka indray ny olona, dia tsy afaka ahita ny fanjakan’ Andriamanitra.” Mazava izany fa ny fahafahana miova sy miaina amin’ny fomba ambony kokoa dia efa isan’ireo fanomezan’ Andriamanitra foana ho an’ireo izay mikatsaka izany. (“Ny fananana lehibe indrindra,” Liahona, nôv. 2021, 9)

Ahoana no hamintinanao ny zavatra ampianarin’ireo soratra masina ireo sy ny Filoha Holland mikasika ireo fahazarana ho lasa filazana fahamarinana?

Rehefa mizara ny mpianatra dia ampio izy ireo hamantatra fahamarinana iray toy ny hoe: Rehefa manatona an’i Jesoa Kristy isika dia hanampy antsika hanova ny fahazarantsika Izy.
Nahoana araka ny eritreritrao no mila ny fanampian’i Jesoa Kristy isika mba hanovana ny fahazarantsika?
Inona avy ireo fomba sasantsasany ahafahantsika manatona Azy mba hahafahany manampy antsika hanova ny fahazarantsika?

Ny ohatra nasehon’i Gideona

Mba hanampiana ny mpianatra hahita ny fomba ahafahan’ny Mpamonjy manampy antsika hiova, dia hevero ny hizara ny tantaran’i Gideona. Raha ilaina dia azonao atao ny manazava fa andriamanitra pagana i Bala izay nitsaohan’ny vahoaka fa tsy ny Tompo (jereo ny “Bala,“ Torolalana ho an’ny Soratra Masina).

Taorian’ny vanim-potoan’ny faharatsiana dia nampahorian’ny Midianita ny Isiraelita. Nanomana lehilahy iray nantsoina hoe Gideona ny Tompo mba hanampy amin’ny fanafahana an’i Isiraely amin’ny fahavalony (jereo ny Mpitsara 6:11–14).

Rehefa nandray ny asa nampanaovin’ny Tompo i Gideona dia naneho ahiahy izy fa tsy ho afaka ny hanatanteraka izany.

Vakio ny Mpitsara 6:15–16, ka tadiavo ny fomba namalian’ny Tompo ny tahotr’i Gideona.

Napetrak’i Gedeona tamin’ny Tompo ny ahiahiny. Nanome toky an’i Gideona ny Tompo fa tsy hiatrika irery io asa io Izy (jereo ny Mpitsara 6:7–24).

Vakio ny Mpitsara 6:25–26, ka tadiavo ny fiovana nangatahan’ny Tompo hataon’i Gideona.

Nahoana araka ny eritreritrao no nanome torolalana an’i Gideona ny Tompo mba handrodana ny alitara ho an’ny Bala ary avy eo hanorina alitara vaovao ho an’ny Tompo?
Raha mampitaha ireo alitara roa ireo isika (manorina alitara vaovao ho an’ny Tompo rehefa avy nandrodana ny iray ho an’i Bala) ho an’ny fahazarantsika, inona no azon’io ohatra io ampianarina mikasika ny zavatra tian’ny Tompo hataontsika mba hiovana? Inona avy ireo fomba sasany ahafahany manasitrana antsika?

Azonao atao ny mampitaha hatrany am-piandohan’ny lesona ny torolalan’ny Tompo ho an’i Gideona mba hanaisotra ny ahi-dratsy aloha ary avy eo dia mamboly voa . Ampio ny mpianatra hahatakatra ny fanirian’ny Tompo hanampy antsika hanaisotra ireo fahazarana tsy mahasoa (manaisotra ny ahi-dratsy/fandrodanana ny alitara ho an’andriamanitra sandoka) amin’ny fiainantsika sy hampihatra fahazarana mahasoa eo amin’ny fiainantsika (mamboly voa, manorina alitara vaovao ho an’ny Tompo).

Fanorenana fahazarana mahasoa

Azon’ny mpianatra atao ny mitanisa eny amin’ny solaitrabe ny valintenin’izy ireo amin’ireto fanontaniana manaraka ireto.

Vakio ny Almà 13:28–29 ka tadiavo ireo fomba ahafahantsika manatona an’i Jesoa Kristy mba hahafahany manampy antsika hanova ny fahazarantsika.

Inona no hitanao?
Inona avy ireo fomba fanampiny sasany ahafahantsika manatona Azy?

Hanampy antsika hanova ny fahazarantsika ny Mpamonjy

Tamin’ny fomba ahoana no nanentanan’ny Mpamonjy ny fanahinao na ny olona iray fantatrao mba hiova ka hitovy bebe kokoa Aminy?
Raha misy olona maneho fa sarotra ny manova ny fahazaran’izy ireo dia inona no tianao hotsaroan’izy ireo momba ny Ray any An-danitra sy i Jesoa Kristy?

Mety hanampy ny famporisihana ireo mpianatra hanana faharetana sy fikirizana amin’ny ezaka ataon’izy ireo, satria matetika izany no mitaky fotoana sy ezaka miverimberina mba hanovana ny fahazarana. Azonao atao ny mamerina mamaky ny Ezekiela 36:26–27 mba hampahatsiahivana ny mpianatra fa mampanantena ny hitahy azy ireo amin’ny Fanahiny ny Mpamonjy mba hanampiana azy ireo hanao ireo fanovana ilaina.

Loharanom-pitaovana fanampiny

Inona avy ireo fahazarana masina sasantsasany azoko ezahana ampitomboina?

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

Ny andraikitsika masina dia ny mampitombo ireo fahazarana masina izay manasa ny Fanahin’ny Tompo hiaraka amintsika amin’ny fotoana rehetra—fahazarana toy ny fanajana ny fanekempihavanana, fankatoavana ireo didy, fibebahana, famelan-keloka, fandalinana soratra masina, fanompoana, ary fitsaohana any an-tokantrano, sy any am-piangonana, ary any amin’ny tempoly.

Naneho ohatra fanampiny tamin’ny fahazarana masina ireo mpianatry ny Mpamonjy ao amin’ny Bokin’i Môrmôna: “Nivavahany ho an’izay niriany indrindra; ary niriany ny hanomezana ny Fanahy Masina azy ireo” (3 Nefia 19:9). (“Mba hahatsiarovantsika Azy mandrakariva,“ Liahona, jona 2023, 6)

Raha sahirana manova fahazarana aho dia aiza no tokony hanombohako azy?

Nampianatra ny Filoha Henry B. Eyring ao amin’ny Fiadidiana Voalohany hoe:

Ny ankamaroantsika dia efa niaina traikefa tamin’ny ezaka fivoaran’ny tena manokana. Ny zavatra niainako dia nampianatra ahy ity zavatra ity mikasika ny fomba hivoaran’ny olona sy ireo fikambanana: ny toerana tsara indrindra hikatsahana izany dia any amin’ireo fiovana kely azontsika atao amin’ireo zavatra ataontsika matetika. Misy hery amin’ny fikirizana sy famerimberenana. Ary raha afaka ny ho tarihan’ny fanentanam-panahy mba hisafidy ireo zavatra madinika tena tokony hovaina isika, dia hitondra fivoarana lehibe ny fankatoavana tsy tapaka. ( “The Lord Will Multiply the Harvest” [takariva niarahana tamin’ny manampahefana ambony, Feb. 6, 1998], 95)

Aiza no hianarako misimisy kokoa momba ny fanorenana fahazarana mahasoa?

“Hanampy anao Jesoa Kristy,” Ho zatovo mahery!: Torolalana hanaovana safidy (2022), 6–9.

“Moa ve manampy na mandratra anao ny fahazarana miatrika izany?,“ Liahona, aogositra 2023, 30–33.

“Ny Zaridaina izay mety ho azonao,“ Ho zatovo mahery!? jona 2023, 12–14.

Sahanasa fianarana fanampiny

Boky torolalana Ho zatovo mahery!

Raha tsapanao fa hahazo tombontsoa avy amin’ny fifanakalozan-kevitra momba ireo fomba ahafahan’ny Ray any An-danitra sy i Jesoa Kristy manampy antsika hanova ny fahazarantsika ny mpianatra dia azonao atao ny mamaky ny “Manao safidy nentanim-panahy“ sy ny “Hanampy anao i Jesoa Kristy“ ao amin’ny Ho zatovo mahery!: Torolalana amin’ny fanaovana safidy (2022).

Azo alamina tsiroaroa ny mpianatra. Ny mpiara-miasa tsirairay dia afaka mamaky ny iray amin’ireo fizarana ireo ary mifampizara ny zavatra hitany.

Nanao ny fanovana ho azo tanterahina i Jesoa Kristy

Azonao ampiasaina ilay horonan-tsary hoe “Inspiring Short: Putting off the Natural ‘Horse’“ (1:44) mba hanampiana ny mpianatra hahita ny fomba ahafahana miova. Ny Loholona Carl B. Cook ao amin’ny Fitopololahy dia mizara torohevitra mikasika ny fomba ahafahantsika mandresy ny fironantsika amin’ny maha-olona araka ny nofo antsika (jereo ny Môzià 3:19) ary manaiky ny sitrapon’ny Tompo eo amin’ny fiainantsika. Asao ireo mpianatra hizara ny zavatra nahafinaritra azy ireo avy amin’ity tantara ity.

Mahafantatra ny fiantraikan’ny fihetseham-pontsika eo amin’ny fahazarantsika

Azonao ampiasaina ilay horonan-tsary hoe “Taking Charge of Technology: Remedies“ (3:45) ho ohatra amin’ny famantarana ny fiantraikan’ny fihetseham-pontsika eo amin’ny fahazarana sy ny fomba ahafahantsika manova ny fahazarantsika. Rehefa avy nijery ilay horonan-tsary dia azonao atao ny mangataka ny mpianatra hizara fomba fanao avy amin’ilay horonan-tsary izay niainan’izy ireo na tian’izy ireo andramana.

3:45