Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Miatrika alahelo sy fahakiviana: Hitondra ny alahelo sy ny fanaintainantsika i Jesoa Kristy

”Miatrika alahelo sy fahakiviana: Hitondra ny alahelo sy ny fanaintainantsika i Jesoa Kristy,” Testamenta Taloha: Boky torolalana ho an’ny mpampianatra seminera (2026)

”Miatrika alahelo sy fahakiviana: Hitondra ny alahelo sy ny fanaintainantsika i Jesoa Kristy,” Testamenta Taloha: Boky torolalana ho an’ny mpampianatra seminera

Fahasalamana ara-batana sy ara-pihetseham-po: Lesona 185

Miatrika alahelo sy fahakiviana

Hitondra ny alahelo sy ny fanaintainantsika i Jesoa Kristy

Artwork entitled "Healer" by Lightweave. Jesus Christ stands with his arms outstretched and comforting and elderly woman.

Fantatry ny Ray any An-danitra fa ity fiainana an-tany ity dia hitondra fotoan’alahelo, fahaketrahana, fahadisoam-panantenana ary fahakiviana. Naniraka ny Zanany Izy mba hiaina ny zavatra rehetra izay hijaliantsika, miaraka amin’ny fampanantenana fa afaka manampy antsika hahita fitsaharana ny heriny (jereo ny Matio 11:28–30). Ity lesona ity dia afaka manampy ny mpianatra hahatakatra ny fomba hanampian’ny Ray any An-danitra sy i Jesoa Kristy azy ireo hiaritra fahatsapana alahelo sy fahakiviana.

Fiomanan’ny mpianatra: Asao ny mpianatra hitady soratra masina na teny nindramina avy amin’ny mpitarika iray ao amin’ny Fiangonana ka afaka manampy olona iray hifantoka amin’ny Ray any An-danitra sy i Jesoa Kristy rehefa mahatsapa alahelo sy fahaketrahana izy ireo. Azon’izy ireo atao ny miomana hizara ny soratra masiny amin’ny iray kilasy.

Sahanasa fianarana azo atao

Ny enta-mavesatry ny fiainantsika

Fanamarihana: Tsy voatery ho matihanina amin’ny fahasalamana ara-tsaina ianao vao hampianarana ity lesona ity. Mivavaha mba hahazo ny fitarihan’ny Ray any An-danitra, araho ireo fitaovana enti-mampianatra, ary matokia ny Fanahy Masina. Raha mizara ny olan’ny tena manokana izay atrehany na mametraka fanontaniana tsy azonao resahina ny mpianatra dia omeo toky izy ireo fa tia azy ireo ny Ray any An-danitra sy i Jesoa Kristy. Amporisiho izy ireo hikatsaka torohevitra fanampiny avy amin’ny ray aman-dreny, na ireo mpitarika ao amin’ny Fiangonana, na ireo mpanolotsaina any an-tsekoly, na ireo matihanina ara-pihetseham-po hafa.

Hevero ny hanomboka ny fotoam-pianarana amin’ny alalan’ny fampisehoana sarina mpihanika mandeha amin’ny lalana iray an-tendrombohitra. Asao ny mpianatra hifanakalo hevitra momba ny fomba mety hitovizan’izany amin’ny diantsika eto an-tany. Avy eo dia angataho ny mpianatra haka sary an-tsaina ny mpihanika tendrombohitra iray izay tsy maintsy mitondra kitapo mavesatra mandritra ny dian’izy ireo.

Ahoana no mety hampitomboan’ilay kitapo mavesatra ny fahasarotan’ilay dia? Amin’ny fomba ahoana izany no fitahiana?

Avy eo dia azonao atao ny mangataka ny mpianatra hizara ny sasany amin’ireo ”kitapo” ara-pihetseham-po izay entin’ireo zatovo ankehitriny. Rehefa avy mizara ny mpianatra dia hazavao fa ity lesona ity dia hifantoka amin’ny fahatsapana alahelo na fahakiviana izay entintsika eo amin’ny fiainana indraindray.

Na dia ampahany mahazatra amin’ny diantsika eto an-tany aza ny fihetseham-po sarotra toy ny alahelo sy ny fahakiviana . Tahaka ny kitapo mavesatra iray dia mety hahatonga ny diantsika ho toa mampahory ireo fahatsapana sarotra, saingy ireo fihetseham-po ireo dia afaka manampy antsika ihany koa hahay hihaino sy hanana fangorahana ny hafa izay sahirana.

Raketo ao anatin’ny diary fandalinanao ny mety ho fiantraikan’ny fahatsapana alahelo sy fahakiviana eo amin’ny fiainanao amin’izao fotoana izao na raha efa nitranga izany tany aloha tany.

Fantatr’i Jesoa Kristy tsara ny zavatra tsapantsika.

Ampahatsiahivo ny mpianatra fa ireo mpaminany fahiny sy maoderina dia nampianatra fa ny Mpamonjy dia afaka manampy antsika hiaritra ireo fahatsapana sarotra rehetra.

Vakio ny Isaia 53:3–5 sy ny Almà 7:11–12 ka tadiavo ireo fahamarinana momba ny herin’ny Mpamonjy mba hanampiana antsika rehefa malahelo, na ketraka na kivy isika.

Inona ireo teny na andian-teny manaitra anao?
Ahoana no ahafahan’izany manampy olona iray izay sahirana amin’ny fiaretana ny vesatr’ireo enta-mavesatra ara-pihetseham-po ireo?

Noho ny fahafantarana fa hijaly eto amin’ity fiainana ity ireo zanaky ny Ray any An-danitra dia niteny ny filoha Russell M. Nelson hoe:

Miangavy anareo aho mba hanatona [an’i Jesoa Kristy] mba hahafahany manasitrana anareo! … Hanasitrana anareo amin’ny alahelo sy ny tahotra Izy. Hanasitrana anareo amin’ireo fahoriana iainana mandritra ity fiainana ity Izy.

Na inona na inona fanontaniana na olana anananareo, ny valiny dia hita mandrakariva ao amin’ny fiainan’i Jesoa Kristy sy ny fampianarany. Mianara misimisy kokoa momba ny Sorompanavotany, ny fitiavany, ny famindram-pony sy ny fotopampianarany ary ny filazantsarany naverina tamin’ny laoniny izay mitory fanasitranana sy fivoarana. Mitodiha any Aminy! Manaraha Azy! (”I Jesoa Kristy mandrakariva no valiny,” Liahona, mey 2023, 127)

Ahoana no hamintinanao ny zavatra nianaranao avy amin’i Isaia sy Almà ary ny Filoha Nelson mikasika ny fiatrehana enta-mavesatra toy ny alahelo?

Ankoatra ireo zavatra hafa mety ho zarain’ny mpianatra dia ampio izy ireo hamantatra fahamarinana iray toy ny hoe: Rehefa manatona Azy isika dia hanampy antsika ny Mpamonjy hitondra ny vesatry ny alahelo sy ny fahoriana.

Mety hahazo tombontsoa avy amin’ilay horonan-tsary Come Unto Christ ao amin’ny Facebook hoe ”Because Jesus Christ died …” (1:06) na ”Rise,” (1:42) ny mpianatra izay hita ao amin’ny ComeUntoChrist/facebook.com.
Inona no mety ho dikan’ny hoe ”manatona Azy,” sy ”mitodika Aminy,” ary ”manaraka Azy” ho an’ny olona iray izay mikatsaka ny fanampian’ny Mpamonjy amin’ny alahelo, na faketrahana, na fahakiviana?
Ahoana araka ny eritreritrao no ahafahan’ny fahatakarana io fahamarinana io manampy olona iray izay manana olana amin’ireo fahatsapana ireo?

Asao ny Fanahy Masina hanampy anao hamantatra ireo fomba hanompoan’ny Mpamonjy anao manokana rehefa miaina alahelo, na enta-mavesatra ara-pihetseham-po hafa ianao.

Afaka miaritra isika rehefa miaraka amin’ny Mpamonjy

Elijah sitting among rocks with a ray of light shining on him.

Ny tantaran’i Elia mpaminany dia afaka manampy antsika hamantatra ireo fomba hanampian’ny Mpamonjy antsika hiaritra olana ara-pihetseham-po.

Hevero ny hampiseho sarin’i Elia irery eo an-tendrombohitra. Rehefa mihaino ireto antsipirian-javatra manaraka avy amin’ilay tantara ireto ny mpianatra dia asao izy ireo haka sary an-tsaina ny mety ho tsapan’izy ireo tao anatin’ny toe-javatra mitovitovy amin’izany.

Rehefa avy nanameloka ireo mpaminany sandok’i Bala tao amin’ny tendrombohitra. Karmela i Elia (jereo ny 1 Mpanjaka 18), dia nikatsaka ny hamono azy i Jezebela, ilay mpanjakavavy ratsy fanahy. Nampitandrina an’i Elia izay nandositra irery tany an-tany foana ny Tompo (jereo ny 1 Mpanjaka 19:1–3).

Inona no fihetseham-po mety ho tsapanao raha mandalo toe-javatra tahaka an’io?

Vakio ny 1 Mpanjaka 19:4 dia tadiavo ny zavatra tsapan’i Elia.

Inona avy ireo fomba hafa nahitanao ny Ray any An-danitra sy i Jesoa Kristy nanampy anao na ny olona iray fantatrao hiatrika enta-mavesatra ara-pihetseham-po?

Hevero ny hanasa ny mpianatra hizara soratra masina na hira na sary tiany indrindra izay nanampy azy ireo hiantehitra amin’ny Ray any An-danitra sy i Jesoa Kristy rehefa malahelo na kivy izy ireo.

Ny 1 Mpanjaka 19:4 dia mety hiteraka fanontaniana momba ny fanimbana tena na ny famonoan-tena. Tokony horaisina amim-pahamatorana foana ireo lohahevitra ireo. Ampahatsiahivo ny mpianatra fa manao asa amim-pinoana an’i Jesoa Kristy izy ireo rehefa milaza amin’ny olona iray ny zavatra tsapany. Ireo loharanom-pitaovana fanampiny momba ny fahakiviana sy ny fisorohana ny famonoan-tena dia hita ao amin’ny Médiathèque de l’Évangile sy ao amin’ireo Sahanasa fianarana fanampiny ao amin’ny tahadika an-jotra amin’ity boky torolalana ity.

Zarao ny zavatra izay tsapanao

Fanamarihana: Ampio ny mpianatra hahatakatra fa na dia eo aza ny fikarakarana malefaka sy feno fitiavana ary tsy tapaka omen’ny Tompo dia indraindray mitoetra foana ireo fihetseham-po sarotra. Indraindray ny fahakiviana dia mety hanakana ny fahafahantsika mahatsapa ny fitiavan’ny Mpamonjy na mamantatra ny fanampian’ny Fanahy Masina.

Ao anatin’ny diary fandalinanao dia misafidiana iray na mihoatra amin’iireto manaraka ireto mba hovitaina:

Manoratra zavatra nianaranao na tsapanao androany izay afaka manampy anao hiantehitra amin’ny Ray any An-danitra sy i Jesoa Kristy rehefa mahatsapa ho malahelo na kivy ianao.
Manoratra andinin-tsoratra masina iray izay afaka manampy anao rehefa mahatsapa ho malahelo na kivy ianao (toy ny Isaia 53:3–5; na Salamo 34:18; na Almà 7:11–12). Ahoana no ahafahan’ireo teny na andian-teny avy amin’io andinin-tsoratra masina io manampy anao hahatsapa ho akaiky ny Ray any An-danitra sy i Jesoa Kristy?
Raha toa ka nanana namana iray izay malahelo na kivy ianao dia inona no tianao ho takatr’io olona io momba ny Ray any An-danitra sy i Jesoa Kristy ary inona ny zavatra nianaranao androany? Soraty izay zavatra hozarainao.

Loharanom-pitaovana fanampiny

Fantatry ny Mpamonjy ve ny zavatra tsapako?

Mampahatsiahy antsika ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

Angamba sarotra aminao ny mino fa i Jesoa dia ho liana amin’ny fanampiana anao, ianao irery ao anatin’ireo olona an-tapitrisany izay mitovy taona aminao. Raha mieritreritra ianao fa manana zavatra tsara kokoa atao noho ny mampahery anao amin’ny fotoan-tsarotra Izy, dia eritrereto Izy tao amin’izany saha izany, eritrereto Izy teo ambonin’izany hazofijaliana izany. “Nijaly Izy, nivo-drà ary maty” ho anao, satria fantany fa mendrika izany ianao. Mbola fantany hatrany izany. Izy dia faran’izay liana, vonona ary afaka manampy anao- izao ankehitriny izao sy mandrakizay. Nanome ny ainy Izy mba hahafahany mampahery anao rehefa manaiky ny fanasany manova fiainana ianao hoe: “Mankanesa atỳ amiko” (Matio 11:28). (“Tadiavo ao amin’i Jesoa Kristy ny herinao,” Ho zatovo mahery!,, mar. 2024, 5)

Hoy ny Loholona Ulisses Soares ao amin’ny Kôlejin’ny Apôstôly Roambinifolo hoe:

Afaka manasitrana, tsara noho ny olon-kafa rehetra, ireo vokatr’ireo toe-java-tsarotra lalovana eto amin’ny fiainana an-tany ny Mpamonjy. Amin’ny fotoana sasany isika dia mety ho voasitrana ara-batana eo no ho eo amin’ireo fahoriantsika na ny tsy fahasalamantsika, kanefa afaka ny ho sitrana ara-panahy isika amin’ny alalan’ny fanomezana antsika hery sy fahatakarana ary faharetana amin’ny fitondrana ireo enta-mavesatra apetraka eo amintsika. Noho izany, rehefa mampitodika ny fontsika amin’ny Mpamonjintsika isika dia hanao zava-mahatalanjona eo amin’ny fiainantsika Izy. (”Enduring Trials” [fampaherezam-panahy maneran-tany ho an’ny tanora tokan-tena sy mpivady vao herotrero, 18 feb. 2024], broadcasts.ChurchofJesusChrist.org)

Aiza no ahafahako mianatra misimisy kokoa momba ny alahelo, sy ny fahakiviana ary ny fisorohana ny famonoan-tena?

”Miaina ao anatin’ny fahaketrahana”
(”Mourn with those that mourn: Hope works,” (mari-potoana 2:20 hatramin’ny 5:55)

11:48
”Prévention du suicide et aide apportée face au suicide” ao amin’nyChurchofJesusChrist.org

Sahanasa fianarana fanampiny

Niaina alahelo ny Mpamonjy

Hevero ny hanomboka ny fotoam-pianarana amin’ny alalan’ny fampisehoana ity fanontaniana manaraka ity eny amin’ny solaitrabe: ”Oviana no fotoana nitomanianao, ary nahoana?” Omeo fotoana fohy ireo mpianatra hisaintsainana ny traikefa tonga ao an-tsaina. Ampahatsiahivo ny mpianatra fa misy ohatra maro ao amin’ny soratra masina momba ny Mpamonjy mitomany ampahibemaso. Asehoy avy eo ity sary manaraka ity.

Asao ny mpianatra hisafidy iray amin’ireto andinin-tsoratra masina manaraka ireto ka hitady ny zavatra ianarantsika momba ny Mpamonjy. Mety hanampy ny mamaky ny sasin-tenin’ny toko mba hahatakarana ny sahan-kevitry ny zavatra niainan’ny Mpamonjy.

Jaona 11:32–35
Matio 26:36–39
3 Nefia 17:14–16

Asao ny mpianatra hizara ny zavatra nianarany amin’ny namana mpiara-mianatra iray na amin’ny vondrona kely. Raha mieritreritra ianao fa hahazo tombontsoa ny mpianatra avy amin’ny fahafantarana fa efa mihoatra ny alahelony na ny an’ny olona iray fantany ka mila fanampiana fanampiny izy ireo, dia azonao atao ny mizara ity manaraka ity.

Rehefa zavatra mihoatra noho ny alahelo izany

Maneho fangorahana amin’ireo izay malahelo

Mety hahazo tombontsoa avy amin’ny fifanakalozan-kevitra momba ny fomba sasantsasany ahafahantsika manompo olona iray izay mijaly ny mpianatra. Zarao fa raha manaraka ny ohatra nasehon’ny Mpamonjy, dia maneho fitiavana aloha isika voalohany indrindra.

Asao ny mpianatra hamaky ny Joba 2:11–13, ka hitady ny zavatra ampianarin’izany antsika momba ny fikarakarana ireo izay malahelo na mijaly.

Hevero ny hizara fa satria tsy fantatsika tsara ny zavatra tsapan’io olona io (na dia efa nandalo zavatra mitovitovy amin’izany aza isika), dia afaka mizara fanambarana izay maneho fitiavana sy fangorahana (fiaraha-miory) isika. Azonao atao ny manasa ny mpianatra hizatra hamaly olona iray izay mijaly.

Ireo teny ambara toy ireto manaraka ireto dia manampy hanehoana fangorahana:

”Tsy fantatro izay tokony holazaina, kanefa tiako ho fantatrao fa tian’ ny olona maro ianao, anisan’ izany aho.”
”Tsy voatery hiresaka ianao raha tsy te-hiresaka, saingy eto aho mba hihaino raha toa ka hiresaka ianao.”
”Tsy maninona ny manana fahatsapana samy hafa amin’ny andro na fotoana samy hafa.”
”Tsy misy ny fomba tokana mety entina hahatsapana zavatra. Avelao ny tenanao hiaina fihetseham-po rehefa tonga izany.”
”Tiako ianao ary mivavaka ho anao aho.”

Zarao amin’ny mpianatra fa na dia namaly tsara aza izy ireo tamin’ny voalohany dia tsy dia nanampy loatra ireo naman’i Joba taty aoriana rehefa nanohy nitolona izy (jereo ny Joba 4).

Ampio ny mpianatra hahatakatra fa mety tsy hanampy ny olona iray izay malahelo ireo teny ambara sasantsasany. Azonao atao ny mamerina mijery teny ambara tsy dia manampy loatra toy ny hoe:

”Tafiditra ao anatin’ny drafitr’ Andriamanitra izany.”
”Soa ihany aza …” (”Soa ihany aza fa tsy nijaly izy ireo.”)
”Ianao dia tokony …” na ”Ianao dia …”
”Niaina zavatra nitovy tamin’izany aho.”
”Ho tsara kokoa ny zava-drehetra rehefa mandeha ny fotoana.”

Mba hahazoana fanampiana fanampiny amin’ny fanompoana ireo izay malahelo dia jereo ny ”Grief and Loss” ao amin’ny loharanom-pitaovana Fitadiavana hevitra ao amin’ny ChurchofJesusChrist.org.