Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Manorina tanjaka ara-pihetseham-po ao amin’ny Tompo: Afaka manampy antsika hampitombo ny fahaizantsika miarina ara-pihetseham-po ny Mpamonjy

“Manorina tanjaka ara-pihetseham-po ao amin’ny Tompo: Afaka manampy antsika hampitombo ny fahaizantsika miarina ara-pihetseham-po ny Mpamonjy,” Testamenta Taloha: Boky torolalana ho an’ny mpampianatra seminera (2026)

Fahasalamana ara-batana sy ara-pihetseham-po: Lesona 181

Manorina tanjaka ara-pihetseham-po ao amin’ny Tompo

Afaka manampy antsika hampitombo ny fahaizantsika miarina ara-pihetseham-po ny Mpamonjy

A young boy shielding himself from flying objects.

Manao ahoana ny fahaizanao miatrika an’ireo olana ara-pihetseham-po manjo anao? Ny fahatsapana fahasarotana dia mpitranga eo amin’ny fiainana. Mitombo ny fahafahantsika miaritra amim-pahatokiana izany fahatsapana izany rehefa miantehitra amin’ny tanjaka sy ny herin’ny Ray any An-danitra sy ny an’i Jesoa Kristy isika. Ity lesona ity dia manampy ny mpianatra hanovo hery amin’ny Ray any An-danitra sy i Jesoa Kristy mba hiatrehana ireo olana ara-pihetseham-po.

Fiomanan’ny mpianatra: Asao ny mpianatra hieritreritra na hanontany olona iray fantany momba ny zavatra niainan’izy ireo teo am-piatrehana fihetseham-po manahirana. Raha mety dia afaka miomana hizara ny zavatra niainany amin’ny iray kilasy izy ireo.

Sahanasa fianarana azo atao

Ireo zava-tsarotra eo amin’ny fiainantsika

Fallen tree and rootball in yard after tornado destruction in Albany, Georgia, USA, January 2017. (horiz)

Cutaway showing the roots of a tree growing in windy conditions.

Mba hanombohana ny fotoam-pianarana dia hevero ny hampiseho sarina hazo iray nongotan’ny tafio-drivotra sy ny sarina hazo iray hafa nitoetra ho mafy orina tamin’ny tany. Azonao atao ihany koa ny manasa mpianatra iray hanao sarina hazo eny amin’ny solaitrabe ary ny mpianatra ambiny kosa hanao sarina hazo mitovitovy amin’izany ao amin’ny diary fandalinan’izy ireo. Hevero ny hangataka ny mpianatra hitanisa eo amin’ny ilany ankavian’ilay hazo ny sasantsasany amin’ireo fihetseham-po sarotra atrehin’ireo zatovo.

Ny fihetseham-po no setry mahazatra avalin’ny vatana an’ireo zavatra iainana isan’andro. Indraindray izany fahatsapana izany dia maivana sy mora atrehina toy ny rivotra malefaka amin’ny fotoam-pahavaratra. Indraindray isika dia miaina fihetseham-po sarotra izay mety ho toy ireny tadio ireny.

Matetika ireo hazo ianjadian’ny tadio matetika no manana faka haingam-pitombo kokoa sy matevina kokoa, ary misandrahaka lavitra kokoa, ka manamafy orina ny fahafahan’ilay hazo miaritra. Rehefa mamely azy ny rivotra dia mamorona rafitra izay mahatonga ny vatan-kazo sy ny rantsana hatevina kokoa ilay hazo. Torak’izany koa, ny fianarana miatrika ireo fotoana mahery vaika ara-pihetseham-po amin’ny alalan’ny fanarahana ny Mpamonjy dia hanamafy orina ny fahafahantsika miaritra.

Soraty ao anatin’ny diary fandalinanao ny sasany amin’ireo tadio ara-pihetseham-po izay niainanao taloha na atrehanao ankehitriny.

Rehefa niresaka momba ireo tadion’ny fiainana ny Loholona Neil L. Andersen ao amin’ny Kôlejin’ny Apôstôly Roambinifolo dia nampianatra hoe:

15:54

Tena mbola sarobidy lavitra kokoa noho ny hazo iray ianareo amin’ Andriamanitra. Zanakalahiny sy zanakavaviny ianareo. Nataony matanjaka sy afaka mahatanty ireo tadion’ny fiainana ny fanahinareo. Afaka mampitombo ny finoanareo sy ny tanjakareo ara-panahy ireo tadio mandritra ny fahatanoranareo, tahaka ny rivotra mamely ny zana-kazo iray, ka hanomana anareo ho amin’ireo fotoana ho avy eo amin’ny fiainanareo. (“Tadio ara-panahy”, Liahona, mey 2014, 18)

Ahoana no ahafahan’ny hafatry ny Loholona Andersen manampy zatovo iray izay mahatsapa jalin’ny tadio ara-pihetseham-po?

Hevero ny hizara fa ny fahafahana miaritra ireo tadio ireo no antsoina hoe fahaiza-miarina ara-pihetseham-po. Azonao atao ny mizara fa mandritra ny taona dia hianatra fahaiza-manao afaka manampy azy ireo hampitombo ny fahaiza-miarina ara-pihetseham-po ny mpianatra.

Ny fampitomboana ny fahaizantsika miarina ara-pihetsem-po dia manampy antsika hampivoatra fomba tsara hiatrehana ireo eritreritra sy fahatsapana sarotra izay iainantsika. Afaka mianatra mamantatra ny fomba hanatanjahan’ny Ray any An-danitra sy i Jesoa Kristy antsika isika rehefa mahatsapa toy izany sy rehefa mibitsika amintsika mba hikatsaka fanampiana fanampiny Izy Ireo.

Eo am-pandalinanao dia asao ny Fanahy Masina hanampy anao hamantatra ireo fomba ahafahanao mikatsaka ny fanampian’ny Ray any An-danitra sy i Jesoa Kristy rehefa miaina tadio ara-pihetseham-po.

Mampanantena ny hiaraka amintsika sy hanome hery antsika ny Mpamonjy

Mba hanampiana ny mpianatra hahita ohatra iray momba ny hery mampahatanjaka avy amin’ny Tompo dia hevero ny hizara ny tantaran’i Josoa. Ny mpianatra dia mety efa nandalina ny tantaran’i Josoa izay nantsoin’ny Tompo hitarika an’i Isiraely taorian’i Mosesy ao amin’ny Lesona 61: “Josoa 1.”

Sarotra ny toerana nisy an’i Josoa rehefa nitana ny anjara asan’ny mpaminany izy sady mpitari-tafika mpiandraikitra fanangana firenena vaovao taorian’ny fitarihan’i Mosesy.

Inona araka ny eritreritrao no mety ho fihetseham-ponao raha toa ka ianao no teo amin’ny toeran’i Josoa?

Vakio ny Josoa 1:1, 5–9, ka tadiavo ny zavatra nampanantenain’ny Tompo an’i Josoa rehefa niatrika izany olana izany izy.

Inona no azontsika ianarana ka afaka manampy antsika hiatrika ireo olana eo amin’ny fiainana?

Fenoy ao anatin’ny diary fandalinanao eo ambanin’ny sarin’ilay hazo ireto tari-dresaka manaraka ireto.

Fariparito ny fahafahanao miatrika olana ara-pihetseham-po. Inona avy araka ny eritreritrao no fihetseham-po voafehinao tsara? Inona no mbola tsapanao fa sarotra?
Fariparito ny fahafahanao mandray fanampiana avy amin’ny Tompo ho an’ireo fihetseham-po ireo. Inona no fahombiazana azonao? Inona no nandramanao ka tsy nandaitra araka izay nantenainao?

Ny fisaintsainana soratra masina dia afaka manampy antsika hahatsapa ny herin’ny Tompo

Vakio indray ny Josoa 1:8, ka tadiavo ny zavatra mety hanampy an’i Josoa hanaraka ny Tompo.

Inona no hitanao?

Azonao atao ny manondro fa rehefa niatrika ireo olana i Josoa dia nasain’ny Tompo i hisaintsaina na handinika ny soratra masina (“bokin’ny lalàna”) andro aman’alina izy (jereo ny Josoa 1:8). Hevero ny hanondro fomba iray ahafahantsika mahazo tanjaka ara-pihetseham-po ao amin’ny Tompo amin’ny alalan’ny fisaintsainana ny soratra masina.
Ahoana no ahafahan’ny fisaintsainana ny tenin’ny Tompo manampy olona iray hiatrika olana ara-pihetseham-po?

Jereo ny lisitr’ireo fihetseham-po eny amin’ny solaitrabe, mitadiava andinin-tsoratra masina iray na maromaro izay mety afaka manampy olona iray izay mahatsapa ireo fihetseham-po ireo.

Afaka mahita soratra masina ny mpianatra amin’ny alalan’ny fijerena an’ireo andinin-tsoratra masina fifehezana fotopampianarana na ny Torolalana ho an’ny Soratra Masina, ka hitady teny toy ny hoe “fampiononana”, “fiadanana”, “hery,*”, na “fanantenana”. Ilay lahatsoratra hoe “Soratra masina miisa 12 rehefa ilay ianao mahatsapa …” (Ho zatovo mahery!, mar. 2024, 41) dia afaka manampy ihany koa. Rehefa mizara soratra masina ny mpianatra dia tanisao eo amin’ny ilany havanan’ilay hazo eo akaikin’ny fihetseham-po nosafidiny ilay soratra masina. Ireto manaraka ireto dia ohatra amin’izay mety hozarain’ny mpianatra.

Mahatsapa ho difotra: Isaia 40:28–31.

Matahotra: Jaona 14:27

Malahelo: Apokalypsy 21:3–5

Hadino: Lioka 12:6–7

Kivy: Isaia 43:1–2, 5

Manirery: Fotopampianarana sy Fanekempihavanana 68:6

Saintsaino ny teniny

Mba hanampiana ny mpianatra hanao hanazatra tena hisaintsaina soratra masina rehefa miatrika fihetseham-po sarotra dia asehoy ireto manaraka ireto.

Misafidiana fihetseham-po amin’ilay voatanisa eny amin’ny solaitrabe izay tsapanao ankehitriny na efa tsapanao taloha. Vakio ny soratra masina eo akaikin’ilay fihetseham-po ary saintsaino ireo tenin’ilay andininy amin’ny alalan’ny fametrahana fanontaniana amin’ny tenanao toa an’ireto:

Inona avy ireo teny na andian-teny manampy rehefa mahatsapa toy izany aho?
Manampy ahy hahatakatra inona momba ny fitiavana sy ny herin’ny Tompo ve ity soratra masina ity?

Rehefa avy nomena fotoana ampy ny mpianatra dia azonao atao ny manasa ny mpianatra hizara ny fihetseham-po nosafidian’izy ireo, ny soratra masina nosaintsainin’izy ireo, ary ny antony ahatsapan’izy ireo fa ny fisaintsainana ny tenin’ny Tompo dia afaka manampy azy ireo hahita hery ara-pihetseham-po bebe kokoa ao Aminy.
Oviana ianao na ny olona iray fantatrao no nahazo fampiononana na tanjaka avy amin’ny Ray any An-danitra sy i Jesoa Kristy rehefa nisaintsaina andinin-tsoratra masina iray?

Hevero ny hamarana ny fotoam-pianarana amin’ny alalan’ny fizarana ny zavatra niainanao manokana tamin’ny nahatsapanao ny fampiononana na ny tanjaka avy amin’ny Tompo avy amin’ny andinin-tsoratra masina iray. Asao ny mpianatra hanohy hiantehitra amin’ny soratra masina mba hanampy azy ireo hahatsapa ny herin’ny Ray any An-danitra sy i Jesoa Kristy rehefa miatrika olana ara-pihetseham-po izy ireo.

Loharanom-pitaovana fanampiny

Ahoana no ahafahantsika miomana ho amin’ireo tadio ara-pihetseham-po eo amin’ny fiainana?

Nampianatra ny Loholona D. Todd Christofferson ao amin’ny Kôlejin’ny Apôstôly Roambinifolo hoe:

23:27

Ny fahatakarana ny drafitry ny fanavotana nataon’ny Raintsika any An-danitra—indrindra fa ilay singa fototra amin’izany drafitra izany, ny Sorompanavotan’i Jesoa Kristy—dia manome toky faratampony. Manorina sy mampitoetra fahaiza-miarina ara-panahy sy ara-pihetsehampo izany—ny fahafantarana ny antony isiantsika sy ny tanjontsika eto amin’ny fiainana an-tany. Mampianatra isika, amin’ny alalan’ny fitsipika sy ny ohatra, ny amin’izay olona tokony handrandraina mba hahazoana fanavotana sy fanohanana. Aoka hiaina ao am-pon’izy ireo ny tenin’ny Mpamonjy manao hoe: “Izany teny izany no efa nolazaiko taminareo mba hanananareo fiadanana amiko. Aty amin’izao tontolo izao no ahitanareo fahoriana; nefa matokia; Izaho efa naharesy izao tontolo izao.” Mamatotra antsika Aminy ny fanekempihavanana ataontsika, ka rehefa miaraka Aminy isika dia mandresy izao tontolo izao ihany koa. (“Matokia an’ Andriamanitra,” S&I Fampitana fanao isan-taona, 26 jan. 2024], broadcasts.ChurchofJesusChrist.org)

Nahoana isika no mila mianatra miantehitra amin’i Jesoa Kristy mba hahazoana fanampiana momba ny fihetseham-po?

Nilaza ny Loholona Jeffrey R. Holland ao amin’ny Kôlejin’ny Apôstôly Roambinifolo hoe:

Amin’io dia io ianao dia hiatrika fotoan-tsarotra, fizahan-toetra ny tena manokana, fahakiviana ary fahadisoam-panantenana izay mety ho tsapa fa mavesatra loatra. Mety mahatsapa ho voafandrika angamba ianao ao anatina fotoana toy izany amin’izao fotoana izao.

Mandritra ny fotoana toy izany dia tsarovy fa tia anao ny Rainao any An-danitra. Nitia anao foana Izy ary hitia anao mandrakariva. Noho ny fitiavany tsy misy fetra sy tonga lafatra dia nandefa an’i Jesoa Kristy Zanany Izy mba hampahery anao sy hanampy anao handroso. Ary tonga i Jesoa satria tena tia anao koa Izy. (“Tadiavo ao amin’i Jesoa Kristy ny herinao”, Ho zatovo mahery!, martsa. 2024, 4)

Ny Rahavavy Tracy Y. Browning ao amin’ny Fiadidian’ny Kilonga maneran-tany dia nanazava toy izao:

Natao batisa aho tamin’ny faha-16 taonako ary nipetraka tany New York City. Tamin’ny voalohany dia nahatsapa ho toy ny nandany fotoana be dia be tamin’ny fivezivezena teo amin’ny finoako vaovao, niaraka tamin’ny fifandraisana ara-panekempihavanana amin’ Andriamanitra miaraka amin’izany, ary ny fifandraisako amin’ny namana.

Nanahy aho hoe tsy hahazo namana azoko ifandraisana any am-pianarana. Saingy ny namako dia zatra nanao zavatra izay lasa tsapako fa manimba ny fanahiko ary tsy nifanaraka tamin’ny fitondrako eo amiko ny anaran’i Jesoa Kristy. Fantatro fa tian’i Jesoa Kristy hanao safidy tsara kokoa aho.

Ny zavatra tsy fantatro dia ny hoe takatry ny Mpamonjy ve ny fahatsapako fahasahiran-tsaina. Nihasarotra isan’andro izany satria nasaina nanao zavatra izay fantatro fa tsy tsara aho. Nanamarina azy ireo ho tsy mampidi-doza aho indraindray, saingy fantatro fa nanao marimaritra iraisana tamin’ny zavatra tsy tokony nanaovako izany aho.

Nila nahafantatra aho fa takatry ny Mpamonjy ny fahatsapako ho irery sy meloka rehefa nihevitra hatramin’ny hampihena ny fanajako ireo fenitry ny filazantsara mihitsy aza aho mba hahafahako mahatsapa fa manan-toerana eo anatrehan’ireo namako aho. Toy ireny safotry ny rano ireny aho. Nila famonjena aho. Nila an’i Jesoa Kristy aho.

Nihamafy ny fifandraisako tamin’i Jesoa Kristy rehefa fantatro ny antony nilako Azy. (“Nahoana aho no mila an’i Jesoa Kristy”, Ho zatovo mahery!”, mar. 2024, 11)

Sahanasa fianarana fanampiny

Tantara mahatoky momba ny fifantohana amin’i Kristy

Mety hahazo tombony ny mpianatra amin’ny fahitana ny fomba nianteheran’ireo mpianatr’i Kristy hafa Taminy mba hahazoana tanjaka sy fanohanana ara-pihetseham-po. Misy tantara maromaro ahitana olana ara-pihetseham-po maro samihafa ao amin’ny “La délivrance de nos peines et nos difficultés par notre Père céleste et Jésus-Christ” (Liahona, oct. 2022, amin’ny endriny nomerika ihany). Azonao atao ny mifantina iray amin’ireo tantara ao amin’ilay lahatsoratra izay manan-danja amin’ny kilasinao. Azonao atao ny manasa ny mpianatra hifantina tantara iray izay mitovy amin’ny tolona atrehan’izy ireo manokana.

Ilay horonan-tsary hoe “Hear Him to Find Peace During Turbulent Times” (2:02) dia manampy ny mpianatra hahatsapa ny herin’ny Mpamonjy mba hampahatanjaka azy ireo na inona na inona olana ara-pihetseham-po atrehan’izy ireo.

2:2

Mamantatra ireo zavatra iainana ara-pihetseham-po

Mety hahazo tombony ny mpianatra raha mamerina mijery ny sasany amin’ireo loharanom-pitaovana hita ao amin’ny MentalHealth.ChurchofJesusChrist.org. Ilay taratasy zaraina hoe “Miatrika fanamby: Tari-dàlana hanampiana ny tena manokana” dia azo ampiasaina mba hanampiana ny mpianatra hamantatra tsara kokoa ny fihetseham-po ananan’izy ireo. Mety hanampy azy hamantatra ireo olana ara-pihetseham-po iainan’izy ireo sy ny fomba hampahatanjahan’ny Mpamonjy azy ireo izany.