Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Josoa 1: Tsy handao antsika na hahafoy antsika ny Tompo

“Josoa 1: Tsy handao antsika na hahafoy antsika ny Tompo,” Testamenta Taloha: Boky Torolalana ho an’ny mpampianatra seminera (2026)

“Josoa 1: Tsy handao antsika na hahafoy antsika ny Tompo,” Testamenta Taloha: Boky Torolalana ho an’ny mpampianatra seminera

Josoa 1–8; 23–24: Lesona 61

Josoa 1

Tsy handao antsika na hahafoy antsika ny Tompo

Amin’ny maha mpaminany nofinidin’ny Tompo azy dia notendren’i Mosesy i Josoa mba hitondra an’i Isiraely ho any amin’ny tany nampanantenaina. Na dia toa sarotra aza izany andraikitra izany dia nandidy an’i Josoa ny Mpamonjy mba hahery sy ho be herim-po, niaraka tamin’ny fampanantenana fa tsy handao na hahafoy ny mpaminaniny Izy (jereo ny Josoa 1:5–6). Ity lesona ity dia hanampy ny mpianatra hampitombo ny fitokiany fa afaka manampy azy ireo hahery sy ho be herim-po ny Tompo manoloana ireo fanamby.

Fanomanana ny mpianatra: Asao ny mpianatra hieritreritra toe-javatra izay mety ahitana tanora iray mila maneho herim-po. Azon’ny mpianatra atao ny manontany ny namany na ny fianakaviany mikasika ny zavatra niainany ka nitaky herim-po.

Sahanasa fianarana azo atao

Herim-po manoloana ireo fanamby

Mba hanombohana ny kilasy dia soraty eny amin’ny solaitrabe ny teny hoe Herim-po. Rehefa mamaly ireto fanontaniana manaraka ireto ny mpianatra dia asao izy ireo hanoratra ny valinteniny eny amin’ny solaitrabe.

Ahoana no maha-ohatra amin’ny herim-po an’i Jesoa Kristy?
Inona avy ireo toe-javatra sasantsasany mety atrehan’ny zatovo iray ka mitaky herimpo?

Soraty ao anatin’ny diary fandalinanao soratra masina ny sasany amin’ireo olana atrehanao amin’izao fotoana izao na mety ho atrehanao amin’ny hoavy ka ilàna herim-po.

Ny fanombanan-tena dia afaka manampy ny mpianatra hanombatombana ny toe-javatra misy azy ankehitriny ary manome fahafahana ho an’ny Fanahy Masina hamaly ny filan’izy ireo tsirairay avy manokana mandritra ny lesona. Fomba iray hanaovana izany ny fanasana ny mpianatra hamaly ireto fehezan-teny manentana mba hisaintsaina manaraka ireto ao amin’ny diary fandalinan’izy ireo soratra masina.

Rehefa asaina manao zavatra toa sarotra aho, dia matetika mahatsapa fa .
Amin’ny maridrefy 1 (ambany) ka hatramin’ny 5 (ambony), hatraiza ny fahazoako antoka fa hanampy ahy hiatrika amin-kerim-po ireo fanambiko ny Ray any An-danitra sy i Jesoa Kristy? Nahoana?

Eo ampianarana androany dia henoy tsara ny fahatsapana avy amin’ny Fanahy Masina izay mety hanampy anao ho be herim-po sy hampitombo ny fitokianao fa miaraka aminao ny Tompo.

Notendrena hitarika ny zanak’Isiraely i Josoa

Hevero ny hampiseho ny sarin’i Mosesy manendry an’i Josoa, toy ilay sary tany ampiandohan’ity lesona ity (Jereo Deoteronomia 34:9).

Na dia niaraka tamin’ny zanak’Isiraely hatramin’ny fotoana nanafahana azy ireo tany Egypta aza i Mosesy, dia niantso an’i Josoa hitarika azy ireo ho any amin’ny tany nampanantenaina ny Tompo.

Inona avy ireo fanamby mety ho natrehan’i Josoa tamin’ny maha mpaminanin’ny Tompo sady mpitari-tafik’i Israely azy?

Ampio ny mpianatra hahatakatra fa i Josoa no hahazo ny andraikitra hisahana ny fitarihana an’i Isiraely ara-panahy. Mpitari-tafika ihany koa i Josoa ary hitarika ny Israely hambabo ny tanin’ny Kananita izay masaka tao anatin’ny heloka (jereo 1 Nefia 17:31–40). Nampanantena izany tany izany an’i Abrahama sy ireo taranany mandeha amin’ny fahamarinana ny Tompo (jereo Josoa 1:1–4).

Vakio ny Josoa 1:5–9, dia asio marika ireo fampanantenana sy torolalana miverimberina nomen’ny Tompo izay mety nanampy an’i Josoa hifantoka Aminy rehefa miatrika fanamby.

Inona no zavatra hitanao misongadina avy amin’ireo andinin-tsoratra masina ireo?
Ahoana no hamintinanao ny fahamarinana izay mety hanampy ny olona iray misedra olana?

Rehefa mizara ireo fahamarinana hitany ny mpianatra dia ampio izy ireo ahatsapa fa rehefa mahafantatra isika fa miaraka amintsika ny Tompo, dia afaka ny ho mahery sy be herim-po isika. Azonao atao ny mampiasa ny sasany na ny rehetra amin’ireto fanontaniana manaraka ireto hanampiana ny mpianatra hahatakatra izany fahamarinana izany. Afaka miara-miasa amin’ny namana iray na ao anatina vondrona kely ny mpianatra ary mizara ny zavatra noresahan’izy ireo amin’ny iray kilasy.

Saintsaino ireo toe-java-tsarotra voatanisa eny amin’ny solaitrabe sy ao amin’ny diarinao.

Mety ho toy ny ahoana ny hoe mahery sy be herim- po rehefa miatrika ireo fanamby ireo?
Inona no fantatrao mikasika ny Tompo ka mety hanampy olona iray mba ho mahery sy hanana herim-po? Ahoana no hahafantaranao izany?

Vakio ny Fotopampianarana sy Fanekempihavanana 84:88, ary jereo ireo fomba iarahan’ny Tompo amintsika.

Fomba hanasana ny fanampian’ny Tompo

Ireto sahanasa manaraka ireto dia afaka manampy ny mpianatra hamantatra ny fomba hanasana ny fanampian’ny Tompo rehefa ilain’izy ireo ny mba ho mahery sy be herim-po. Asao ny mpianatra hisafidy ny iray amin’ireo sahanasa. Rehefa nomena ampaham-potoana ampy hanaovany izany ny mpianatra dia afaka mizara izay nianarany amin’ireo mpianatra hafa nanao sahanasa hafa.

Azonao omena ny mpianatra ny iray amin’ireo teny nambara hita ao amin’ny Loharanom-pitaovana Fanampiny mba hohalalininy miaraka amin’ny sahanasa tsirairay.

Sahanasa A: Fankatoavana ny lalan’ Andriamanitra

Vakio Josoa 1:7 sy ny iray na mihoatra izany amin’ireto soratra masina manaraka ireto: Jaona 15:10; 1 Nefia 3:7; Môzià 2:41; Fotopampianarana sy Fanekempihavanana 93:20.

Inona no fifandraisana hitanao misy eo amin’ny fitandremana ny didin’ Andriamanitra sy ny hoe mahery sy be herim-po?
Inona avy ireo fomba hitahian’ny Ray any An-danitra sy i Jesoa Kristy antsika noho ny fankatoavantsika?

Sahanasa B: Misaintsaina ny Tenin’ Andriamanitra

Vakio ny Josoa 1:8 sy ny iray na mihoatra izany amin’ireto soratra masina manaraka ireto: 2 Timoty 3:15–17; 2 Nefia 31:20; 32:3.

Inona no manampy anao hisaintsaina ny soratra masina?
Raha ny hevitrao dia manampy anao hahatsapa ho akaiky an’ Andriamanitra amin’ny fomba ahoana ny fisaintsainana ny teniny?

Two people sitting at a table. Text boxes representing communication.

Tsarovy fa miaraka amintsika ny Tompo

Inona avy ireo fomba sasantsasany nahatsapanao fa niaraka taminao ny Tompo nandritra ireo fanamby?

Omeo fahafahana ny mpianatra hisaintsaina ny zavatra nianarany sy tsapany androany. Afaka manasa ny Fanahy izy ireo mba hanampy azy ireo hahita ny fomba nampitomboan’ny ezaka nataon’izy ireo ny fahatokiany fa momba azy ireo ny Tompo.

Saino ao amin’ny diary fandalinanao soratra masina ireo fanamby atrehanao amin’izao fotoana izao na ireo izay mety hatrehanao amin’ny hoavy.

Inona no nianaranao na tsapanao mikasika ny Ray any An-danitra sy i Jesoa Kristy ka afaka hanampy anao hahery sy ho be herim-po rehefa miatrika fanamby?
Raha miainga avy amin’ny zavatra nianaranao na tsapanao momba ny Ray any An-danitra sy i Jesoa Kristy dia inona no tianao hotsaroana amin’ny fotoana manaraka izay tsy hanananao fatokian-tena ny amin’ny fahafahanao mifehy toe-java-tsarotra iray?

Hevero ny hizara ny fijoroanao ho vavolombelona fa ny Tompo dia manaja ny fampanantenany fa homba antsika hatrany, tsy handao na hahafoy antsika, tahaka ny efa nampanantenainy an’i Josoa.

Loharanom-pitaovana fanampiny

Inona no zavatra takatsika mikasika ny fahafatesan’i Mosesy? (Deoteronomia 34:5–7; Josoa 1:1–2)

Na dia maro ary ireo andininy ao amin’ny Testamenta Taloha mitantara ny fahafatesan’i Mosesy, dia fantatsika avy amin’ny soratra masina naverina tamin’ny laoniny fa tsy nanandrana fahafatesana i Mosesy (jereo Almà 45:19) fa novana fotsiny ihany. Ireo olona izay novana dia tsy mandalo fanaintainana na fahafatesana mandritra ny andro farany hiainany eto an-tany. Hatsangana ho amin’ny tsy fahafatesana intsony ao anatin’ny in-dray mipi-maso izy ireo (jereo 3 Nefia 28:8). Ny olona novana dia manao asa notendrena manokana izay mitaky vatana ara-nofo. Niseho teo amin’ny Tendrombohitry ny Fiovan-tarehy i Mosesy talohan’ny fitsanganan’i Jesoa tamin’ny maty (Marka 9:2–4). Raha fanahy fotsiny i Mosesy dia tsy afaka nanome ny fanalahidin’ny fisoronana ho an’i Petera sy i Jakoba ary i Jaona, izay olombelona mety maty, teo an-tendrombohitra izy (jereo ny “Mosesy” ao amin’ny Torolalana ho an’ny Soratra Masina).

Ahoana no maha tandindon’i Kristy an’i Josoa?

Amin’ny maha mpitarika ara-nofo sy ara-panahin’ny Isiraelita an’i Josoa, dia sary an’ohatra sady tandindon’i Jesoa Kristy ihany koa izy. Ny anarana hoe Jesoa dia “anarana grika avy amin’ny hoe Joshua na Jeshua, -Andriamanitra mpanampy- na -Mpamonjy-” (Torolalana ho an’ny Soratra Masina, “Jesoa”). Josoa/Jeshua/Jesoa no hany tokana hitarika ny Isiraelita ho any amin’ny tany nampanantenaina.

Ahoana no ahafahan’ny fankatoavana mampitombo ny fitokiantsika ny Tompo?

Rahalahy M. Joseph Brough ao amin’ny Fiadidian’ny Zatovolahy maneran-tany dia nanazava toy izao:

Ao amin’ny fianakavianay dia misy fomba fiteny izay lasa singa lehibe amin’ny iraka ampanaovina anay. Nampianatra io foto-kevitra io ny Filoha Russell M. Nelson tato ho ato. Toy izao manaraka izao no filazany azy: “Mitondra fahombiazana ny fankatoavana; ny fankatoavana marina dia mitondra fahagagana.” (R. Scott Lloyd, “Elder Nelson Delivers Spiritual Thanksgiving Feast to MTCs,” newsroom.ChurchofJesusChrist.org)

Tsy azoko tanteraka ny atao hoe fankatoavana amin’ny antsakany sy andavany, fa izao no takatro mikasika izany. Tsy midika izany fa mankatò tsy misy kihanina amin’ny zavatra rehetra isika izao dia izao, na dia afaka ny ho tonga lafatra aza isika amin’ny fankatoavana ny ankamaroan’ny didin’ny Tompo. Noho izany, dia tsy maintsy ho singa manan-danja irain’ny fankatoavana marina ny fibebahana. Ny fankatoavana marina dia mitaky fanoloran-tena manoloana ireo fampitandremana sy ny bitsika rehetra ary ireo didy nomen’ny Ray Any an-danitra antsika. (“A Still, Small Voice among Big Decisions,” Liahona, Des. 2018, 44)

Mampitombo ny fitokiantsika ny Tompo amin’ny fomba ahoana ny fandalinana soratra masina?

Nilaza ny Filoha Russell M. Nelson fa:

Rehefa mieritreritra momba ny Bokin’i Môrmôna aho dia mieritreritra momba ny teny hoe hery. Ireo fahamarinana ao amin’ny Bokin’i Môrmôna dia manana ny hery manasitrana, mankahery, mamerina amin’ny laoniny, manavotra, mampatanjaka, mampionona, ary mamelombelona ny fanahintsika. …

Mampanantena anareo aho fa rehefa mandalina ombam-bavaka ny Bokin’i Môrmôna isan’andro ianareo dia handray fanapahan-kevitra tsara kokoa ianareo—isan’andro. Mampanantena aho fa rehefa misaintsaina ny zavatra halalininareo ianareo dia hisokatra ny varavaran’ny lanitra, ka handray ny valin’ny fanontanianareo sy torolalana ho an’ny fiainanareo ianareo. Mampanantena aho fa rehefa mandalina lalina ny Bokin’i Môrmôna ianareo dia ho voaro amin’ireo zavatra ratsy amin’izao vaninandro izao. (“Ny Bokin’i Môrmôna: Hanao ahoana re ny fiainanao raha tsy nisy azy?” Liahona,, nôv. 2017, 62–63)

Sahanasa fianarana fanampiny

Manaova fanazaran-tena momba ny “fisaintsainana” ny tenin’i Kristy

Raha mahazo tombon-tsoa amin’ny fahafahana manao fampiharana fisaintsainana na fandinihina ny soratra masina ny mpianatra dia azonao atao ny mizara ity teny manaraka izay nambaran’ny Loholona D. Todd Christofferson ao amin’ny Kôlejin’ny Apôstôly Roambinifolo ity:

11:21

Rehefa miteny aho hoe “mandalina,” dia zavatra mihoatra noho ny hoe mamaky no tiako holazaina. Zavatra tsara indraindray ny mamaky bokin-tsoratra masina iray ao anatin’ny fotoana voafaritra mba hahafantarana ny dikan’ny hafatra entiny amin’ny ankapobeny, saingy ho an’ny fiovam-po dia tokony hiraharaha kokoa mikasika ny habetsahan’ny fotoana lanianao amin’ny soratra masina ianao toy izay mikasika ny habetsahan’ny zavatra vakinao ao anatin’izany fotoana izany. Indraindray dia azoko sary an-tsaina ianareo mamaky andininy vitsivitsy, miato mba handinika izany, mamaky amim-pitandremana indray ireo andininy, ary rehefa iny mieritreritra momba ny hevitra tian’izy ireo ambara iny, mivavaka mba hahatakatra izany, mametra-panontaniana ao an-tsainareo, miandry fahatsapana ara-panahy, ary manoratra ireo zavatra tsapa sy hevi-baovao izay tonga mba hahafahanareo mitadidy sy mianatra bebe kokoa. Rehefa mandalina toy izany ianareo, dia mety tsy mamaky toko na andininy maro ao anatin’ny antsasan-kadiny, saingy hanisy toerana ho an’ny tenin’ Andriamanitra ao am-ponareo ianareo ary hiresaka aminareo Izy. (“When Thou Art Converted,” Liahona, Mey 2004, 11)

Asao ny mpianatra hisafidy andalan-tsoratra masina hizàrana hanaovana fisaintsainana. Amboaro ny efitrano ary esory araka izay azo atao ny zavatra izay mety hahavariana rehetra.

Afaka mamorona ny lisitr’ireo zavatra azony hatao mifototra amin’ny tenin’ny Loholona Christofferson ny mpianatra. Raha mila fanampiana fanampiny izy ireo dia azonao atao ny manome azy ny sasany amin’ireto manaraka ireto:

Vakio ary avereno vakina ilay andalana nosafidianao ao anatin’ny faniriana hianatra avy amin’izany fa tsy hoe hamita izany fotsiny akory.
Eritrereto tsara izay vakinao, ny hevitr’ireo teny, ary ny fomba hampiharana izany aminao. Averimbereno eritreretina lalina izany.
Miezaha hampifantoka ny sainao amin’ny fanaovana dingana feno fahavitrihana, mikaroka sy mieritreritra ao an-tsaina momba ny soratra masina, ireo teny sy fehezan-teny, ary ny fomba hanampian’ny hafatra avy amin’ilay andinin-tsoratra masina anao.
Soraty ny hevitra na fahatsapana rehetra tonga ao anatinao eo am-panaovana izany.

Aorian’ny fotoana nomena hanaovana izany dia isaory amin-kitsim-po ny mpianatra amin’ny fahavononan’izy ireo handray anjara amin’ilay sahanasa. Azonao atao ny mampahatsiahy azy ireo fa ny fomba sy ny fotoana hitahian’ny Tompo antsika noho ny ezaka ataontsika amin’ny fisaintsainana ny Teniny dia miankina Aminy ihany. Asao izy ireo hanohy hitady fotoana hampiharana ity fahaiza-manao ity ho anisan’ny fandalinana filazantsara tsy tapaka.

Ohatra amin’ny herim-po sy fitokiana ny Tompo

Raha mahazo tombontsoa avy amin’ny ohatry ny Tompo nampitombo ny herim-pontsika sy ny fahatokian-tenantsika ny mpianatra dia azonao atao ny mampiseo ilay horonan-tsary hoe “Ne craignez pas d’être seul” (4:20). Mampiseho ny tantaran’ny Filoha Monson ity horonan-tsary ity izay nahatoky ny Tompo rehefa nahatsapa fa nijoro irery izy.

4:20

9:44