Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Josoa 2–4: Fampiharana finoana an’i Jesoa Kristy

“Josoa 2–4: Fampiharana finoana an’i Jesoa Kristy,” Testamenta Taloha: Boky torolalana ho an’ny mpampianatra seminera (2026)

“Josoa 2–4: Fampiharana finoana an’i Jesoa Kristy,” Testamenta Taloha: Boky torolalana ho an’ny mpampianatra seminera

Josoa 1–8; 23–24: Lesona 62

Josoa 2–4

Fampiharana finoana an’i Jesoa Kristy

Taorian’ny dian’ny Isiraelita namakivaky ny tany foana dia nandidy an’i Josoa hitondra azy ireo ho any amin’ny tany nampanantenaina ny Tompo. Nitaky azy ireo hampihatra finoana an’i jesoa Kristy ny fidirana tany amin’ny tany nampanantenaina. Naneho ny finoan’izy ireo an’i Jesoa Kristy ny zanak’Isiraely sy ny vehivavy iray nantsoina hoe Rahaba. Ity lesona ity dia hanampy ny mpianatra hahatakatra ny fomba ahafahany mampihatra ny finoana an’i Jesoa Kristy.

Fanomanana ny mpianatra: Asao ny mpianatra hitady soratra masina hanampy azy ireo hahatakatra ny hevitry ny hoe manana finoana an’i Jesoa Kristy. Angataho izy ireo ho tonga vonona hizara izany ao an-dakilasy. Raha ilaina dia azon’izy ireo atao ny mitady ny hoe “Finoana” ao amin’ny Torolalana ho an’ny soratra masina.

Sahanasa fianarana azo atao

Finoana an’i Jesoa Kristy

Hevero ny hanomboka amin’ny fanasana ny mpianatra hieritreritra teny iray izay maneho ny fialamboliny na ny fahalianany ny fampianarana—ohatrahoe, basketball na mihira. Angataho ny mpianatra hamariparitra ny teny nofidiny kanefa tsy mampiasa ilay teny. Afaka maminavina ilay teny ny iray kilasy.

Manaraka izany dia soraty eny amin’ny solaitrabe ny teny hoe finoana ary asao ny mpianatra hamariparitra ny atao hoe finoana an’i Jesoa Kristy. Azony zaraina ho isan’ny fiomanany amin’ny fotoam-pianarana ny zavatra hitany. Mety tianao ny manamarika fa tian’ny Ray any An-danitra isika hampihatra finoana an’i Jesoa Kristy mba hahafahany mamonjy sy mitahy antsika (jereo 2 Nefia 26:13; Etera 12:12, 18; Môrônia 7:33).

Ampahatsiahivo ny mpianatra fa isan’ny asan’ny Fanahy Masina ny mitarika antsika ho amin’ny fahamarinana (jereo Jaona 16:13). Amporisiho ny mpianatra hanasa ny Fanahy Masina hanampy azy ireo hahatakatra kokoa ny finoana an’i Jesoa Kristy.

Amin’ny fomba ahoana no hanampian’ny fampitomboana ny finoana an’i Jesoa Kristy anao amin’ny zavatra lalovanao amin’izao fotoana izao?

ChurchofJesusChrist.org

33:36

I Paoly Apôstôly dia namaritra ny finoana ho “fahatokiana ny amin’ny zavatra antenaina, fanehoana ny zavatra tsy hita” (Hebreo 11:1). Nanambara i Almà fa ny finoana dia tsy fananana fahalalana tomombana ny zavatra; noho izany, raha manam-pinona ianareo, “dia manantena ny zavatra izay tsy hita, [kanefa] marina” (Almà 32:21). Fanampin’izany dia mianatra avy amin’ny Fampianarana momba ny finoana isika fa ny finoana dia … “fitsipika fandraisana dingana ho an’ny olona rehetra manan-tsaina.”

Ireo fampianarana ireo dia mampisongadina singa fototra telon’ny finoana: (1) ny finoana izay fahatokiana ireo zavatra antenaina izay marina, (2) ny finoana izay fanehoana ny zavatra tsy hita, ary (3) ny finoana izay fitsipiky ny asa eo amin’ny olona rehetra manan-tsaina. Ireo singa telon’ny finoana ny Mpamonjy ireo dia faritako ho toy ny sady miatrika ny hoavy, no mitodika any amin’ny lasa, ary manomboka asa amin’ny ankehitriny. (“Seek Learning by Faith,” Ensign, Sep. 2007, 61–62)

Ny sary “Mampihatra finoana an’i Jesoa Kristy” dia afaka manampy ny mpianatra hahatakatra ny atao hoe finoana an’i Jesoa Kristy araka ny famaritana nataon’ny Loholona Bednar. Ataovy sary eny amin’ny solaitrabe ilay sary na asehoy ny mpianatra izany mba hojereny mandritra ny lesona.

Inona no nataon’ Andriamanitra tamin’ny lasa ka nanampy anao hino Azy?
Ahoana no ahafahan’ny fanantenana ny fitahiana nampanatenain’ Andriamanitra manampy anao hampihatra finoana Azy?
Ahoana ny hamintinanao ny fampianarana nomen’ny Loholona Bednar mikasika ny finoana an’i Jesoa Kristy?

Ampio ny mpianatra hahita fahamarinana toy ny hoe: Mampihatra finoana an’i Jesoa Kristy isika rehefa miatrika ny ho avy, mitodika any amin’ny lasa ary manao asa amin’ny ankehitriny.

Ohatra amin’ny finoana

Raha manana fanontaniana mikasika ny famongorana ny mponina tao Jeriko ny mpianatra dia azonao atao ny mijery ny fanontaniana hoe “Nahoana no nofongorana ny Kananita?” ao amin’ny fizarana loharanom-pitaovana fanampiny ao amin’ny Lesona 63: “Josoa 23–24.”

Rehefa avy nomena fotoana ampy dia asao ny mpianatra hizara amin’ny iray kilasy ny zavatra nianarany mikasika ny finoana an’i Jesoa Kristy. Azon’ny mpianatra atao ny mihazona ny tady mena, ny kiraro na ny vato eo am-pizarana izany. Mety hanampy ny fanontaniana toy ireto manaraka ireto.

Inona no nianaranao mikasika ny fampiharana finoana an’i Jesoa Kristy? Amin’ny fomba ahoana no mety hanampian’ny zavatra nianaranao ny zatovo ankehitriny?

Hevero ny hanasa ny mpianatra hizara momba ny nampiharany na ny nampiharan’ny olona fantany finoana an’i Jesoa Kristy tamin’ny alalan’ny fiatrehana ny ho avy, ny fanaovana asa amin’ny ankehitriny ary ny fitodihana any amin’ny lasa. Azonao atao ihany koa ny mizara ny traikefanao manokana mikasika ny fampiharana finoana an’i Jesoa Kristy.

Loharanom-pitaovana fanampiny

Ahoana no ahafahako mampihatra finoana an’i Jesoa Kristy?

Nampianatra toy izao ny Loholona David A. Bednar ao amin’ny Kôlejin’ny Apôstôly Roambinifolo:

33:36

Ny finoana amin’ny maha fahatokiana ny amin’ny zavatra antenaina dia mibanjina ny ho avy. …

Ny finoana an’i Kristy dia mifamatotra tanteraka, sy manjary lasa, fanantenana ao amin’i Kristy ho an’ny fanavotana sy ny fisandratantsika. Ary ny fahatokiana sy fanantenana no ahafahantsika mandeha eo amin’ny moron’ny hazavana ary manao dingana vitsy ao amin’ny haizina—ao anatin’ny fanantenana sy fahatokiana fa ilay hazavana dia handroso ary hanazava ny lalana. Ny fampikambanana ny fahatokiana sy ny fanantenana dia mitarika asa ao amin’ny ankehitriny.

Ny finoana izay fanehoana ny zavatra tsy hita dia mitodika any amin’ny lasa sy manamafy ny fitokiantsika an’ Andriamanitra ary ny fahazoantsika antoka ny fahamarinan’ireo zavatra tsy hita. Niditra tao amin’ny haizina omban’ny fananana toky sy fanantenana isika, ary nandray fanehoana sy fanamafisana isika rehefa nandroso tokoa ilay hazavana ka nanome ilay hazavana nilaintsika. Ny fijoroana ho vavolombelona azontsika taorian’ny fizahana toetra ny finoantsika (jereo ny Etera 12:6) dia porofo izay mampitombo sy mampatanjaka ny fahazoan’antoka ananantsika.

Ny fahazoana antoka, ny asa ary ny porofo dia mifampitaona mitohy tsy ankijanona. Toy ny antsody (bobine) io mpisangodina (hélice) io, ary rehefa mihodinkodina miakatra izy dia mivelatra sy miha-lehibe hatrany. Ireto singa telo ireto—antoka, asa sy porofo—dia tsy afaka misaraka ary tsy mandeha irery; mifampiankina izy ireo ary mitohy sy miodina miakatra. Ary ny finoana izay mamahana io dingana mitohy io dia mitombo, mivoatra ary miova. Raha mitodika indray isika ary miatrika ho avy tsy azo antoka dia mitondra antsika ho amin’ny asa ny fananana toky, ary miteraka porofo, izay manamafy indray ny fananana toky. Dia hihamahery ny fahatokian-tenanantsika, andalan-tsoratra anampy andalan-tsoratra, ary fitsipika anampy fitsipika, etsy kely ary eroa kely. (“Seek Learning by Faith,” Ensign, Sept. 2007, 62−63)

Ahoana no ampiharako finoana amin’ny alalan’ny fijerena ny lasa sy ny ho avy?

Nanazava toy izao ny Loholona Jeffrey R. Holland ao amin’ny Kôlejin’ny Apôstôly Roambinifolo:

Natao hianarana ny lasa fa tsy hiainana. Mijery any aoriana isika mba hianatra zavatra avy amin’ireo ampahany tsara indrindra tao anatin’ny zavatra niainana fa tsy hamerina hiaina ny lasa akory. Ary rehefa nianatra izay nilaintsika hianarana isika sy nitondra niaraka tamintsika ny tsara indrindra izay niainantsika dia mijery any aloha isika ary mahatsiaro fa manondro mankany amin’ny hoavy foana ny finoana Misy ifandraisany amin’ireo fitahiana sy fahamarinana ary ireo tranga izay mbola hahomby eo amin’ny fiainantsika ny finoana. (“Le meilleurest encore à venir,” Liahona, jan. 2010, 24)

Inona ny zavatra azoko atao mba hampitomboana ny finoako an’i Jesoa Kristy?

Nanao fanasana toy izao ny Filoha Russell M. Nelson:

Inona no hataonao raha toa ka nanam-pinoana bebe kokoa ianao? Saintsaino izany. Soraty. Ary avy eo dia mandraisa finoana misimisy kokoa amin’ny alalan’ny fanaovana zavatra izay mitaky finoana bebe kokoa. …

Ny finoana an’i Jesoa Kristy no hery lehibe indrindra omena antsika eto amin’ity fiainana ity. Ny zavatra rehetra dia hain’ny mino.

Ny finoanao tsy mitsaha-mitombo Azy dia hamindra tendrombohitra, tsy tendrombohitra vatolampy izay manatsara ny tany, fa ireo tendrombohitry ny fahoriana eo amin’ny fiainanao. Ny finoanao tsy mitsaha-mandrombona dia hanampy anao hanova ireo olana ho zary fivoarana sy fahafahana tsy misy toa azy. (“Nitsangana i Kristy; hamindra tendrombohitra ny finoana Azy,” Liahona, mey 2021, 103, 104.)

Nanambara ny Filoha Henry B. Eyring ao amin’ny Fiadidiana Voalohany hoe:

Ry rahalahy sy anabavy, mitaky finoana ny fankatoavana ireo didin’ny Tompo. Mitaky finoana an’i Jesoa Kristy ny manompo ny hafa ho Azy. Mitaky finoana ny mandeha mampianatra ny filazantsarany sy manolotra izany ho an’ny olona izay mety tsy mahatsapa ilay feon’ny Fanahy na mety handà ny fahamarinan’ilay hafatra mihitsy aza. Kanefa rehefa mampihatra ny finoantsika an’i Jesoa Kristy isika, sy manaraka ireo mpaminaniny velona, dia hitombo manerana izao tontolo izao ny finoana. (“Finoana hangataka ary avy eo handray andraikitra,” Liahoana, nôv. 2021, 75)

Sahanasa fianarana fanampiny

Josoa 3:5 “Manamasìna ny tenanareo”

Mety hahazo tombon-tsoa ny mpianatra amin’ny fandalinana ny hoe nahoana ny fanamasinana ny tenantsika no manampy antsika hampihatra finoana an’i Jesoa Kristy ary hiaina fahagagana. Vakio ny Josoa 3:5. Avy eo dia azonao atao ny mampiseho ilay horonan-tsary hoe “Manamasìna ny tenanao” (4:37). Asao ny mpianatra hijery ny fomba nampiasan’ny Tompo ny tanora mpihazona fisoronana Melkezedeka mendrika iray mba hanaovana fahagagana. Aorian’izany dia hifanakalozy hevitra ny dikan’ny hoe manamasina ny tenantsika sy ny fomba hanampian’izany antsika mba ho mendrika ny hiaina ireo fahagagana ataon’ny Tompo. Raha ilaina dia ampio ny mpianatra hahatakatra fa ny hoe fanamasinana dia midika hoe manao izay haha-masina na hampadio ara-panahy.

4:38

Josoa 3:6. “Dia nitondra ny fiaran’ny fanekena izy ka nandeha teo anoloan’ny olona”

Ireto manaraka ireto dia mety hanampy ny mpianatra hitodika any amin’i Jesoa Kristy rehefa mampihatra finoana Azy izy ireo sady mibosesika mandroso. Asao ny mpianatra hamaky ny Josoa 3:6–16, ary hitady izay nataon’ireo mpisorona tamin’ny fiaran’ny fanekena.

Ampahatsiahivo ny mpianatra fa tandindon’i Jesoa Kristy ny fiaran’ny fanekena. Asao ny mpianatra avy eo hijery indray ilay andinin-tsoratra masina, eo am-pieritreretana izay ianarany momba an’i Jesoa Kristy. Hifanakalozy hevitra ireo fomba ahafahantsika mibosesika mandroso sy hiandrandra fahagagana rehefa manana finoana fa i Jesoa Kristy no mialoha lalana antsika. Hevero ny hanao ho andinin-tsoratra masina mifandray ny andininy ao amin’ny Josoa 3 miaraka amin’ny Isaia 52:12 sy ny Fotopampianarana sy Fanekempihavanana 84:88.

Josoa 4. Fahatsiarovana ny finoana

Hevero ny hanampy ny mpianatra hitady ireo fahatsiarovany manokana na ireo ohatra tamin’ny finoana. Rehefa avy nandalina ny Josoa 4, dia azonao atao ny manasa ny mpianatra hisaina ny lovan’ny finoana navelan’ny fianakaviany na ny Olomasin’ny Andro Farany any amin’ny firenena misy anareo. Azon’ny mpianatra atao ny miresaka (na mifampiantso mandritra ny fampianarana mihitsy aza) amin’ny rainy na ny reniny na ny raibeny na renibeny, na azony atao ihany koa ny mampiasa application Family Tree hitadiavana fahatsiarovana momba ny fianakaviany. Afaka mieritreritra toerana iray niainan’izy ireo traikefa ara-panahy lehibe ihany koa ny mpianatra.

ChurchofJesusChrist.org

Etera 12:6. Tonga aorian’ny fizahan-toetra ny finoana ny fijoroana ho vavolombelona

Mba hanampiana ny mpianatra hampifandray izay nianarany tao amin’ny Bokin’i Môrmôna dia asao izy ireo hamaky ny Etera 12:6. Ifanakalozy hevitra ny hoe nahoana no aorian’ny fizahan-toetra ny finoana foana vao tonga ny fijoroana ho vavolombelona. Asao ny mpianatra hizara ny maha-marina izany teo amin’ny fiainan’i Rahaba (jereo Josoa 2; Josoa 6:25) sy tamin’ny niampitan’ny Isiraelita ny reniranon’ny Jordana (jereo Josoa 3). Angataho ny mpianatra hizara traikefa rehefa nahazo fijoroana ho vavolombelona taorian’ny fizahan-toetra ny finoany.