Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Josoa 23–24: “Fidionareo anio ary”

“Josoa 23–24: -Fidionareo anio ary-” Testamenta Taloha: Boky torolalana ho an’ny mpampianatra seminera (2026)

“Josoa 23–24: -Fidionareo anio ary,-” Testamenta Taloha: Boky torolalana ho an’ny mpampianatra seminera

Josoa 1–8; 23–24: Lesona 63

Josoa 23–24

“Fidionareo anio ary”

Youth sitting and listening to teacher at church meeting in Thailand

Talohan’ny nahafatesany dia nampahatsiahy ny Isiraelita i Josoa hoe iza ny Tompo ary inona ny zavatra nataon’ny Tompo ho azy ireo. Nanasa azy ireo hisafidy ny hanompo ny Tompo i Josoa toy izay hanompo andriamanitra sandoka. Ity lesona ity dia afaka manampy ny mpianatra hisafidy ny hanompo ny Tompo manoloana ireo fitaomana hafa.

Fanomanana ny mpianatra: Asao ny mpianatra hitondra vato kely ao an-dakilasy. Hampiasa izany izy ireo ho fampahatsiahivana ny drafitra izay hataon’izy ireo ao amin’ny lesona.

Sahanasa fianarana azo atao

Ny fitaoman’ireo zavatra mahavariana

Hevero ny hanasa ny mpianatra hamorona lisitra ahitana ny zavatra dimy lehibe indrindra izay mety mahavariana ny sain’ny tanora kamahatonga azy ireo tsy hisafidy ny hanompo ny Tompo. Azon’ny mpianatra atao ny miasa samirery na ao anaty vondrona. Angataho ireo mpianatra hizara ny lisitra nataony.

Inona amin’ireo zavatra mahavariana ny saina ireo no mety manintona na manan-danja kokoa amin’izy ireo noho ny fanompoana ny Tompo?

Azonao atao ny manazava fa raha tsy mitandrina isika dia mety ho lasa endrika fitsaohana sy fanompoana maoderina ireo andriamanitra ankoatra ny Tompo ireo zavatra mahavariana ireo.
Inona no mety ho fiantraikany maharitra ateraky ny fanohizana misafidy hatrany ireo fitaomana ireo mihoatra ny Tompo?

Asao ny mpianatra hisaintsaina ireto fanontaniana manaraka ireto na hirakitra ny valintenin’izy ireo ao amin’ny diary fandalinany.
Ahoana no fomba mety hanompoanao ny Tompo, na zavatra hafa na olona hafa amin’ny alalan’ny safidy ataonao isan’andro?
Inona no mety ho fiantraikany maharitra raha manohy izany safidy izany ianao?

Asao ny mpianatra hitady ny fitarihan’ny Fanahy hamantarany ny safidy izay azon’izy ireo hatao hanompoany ny Tompo.

Ny Tompo Andriamanitsika

Afaka mamaky ity andiam-pehezan-teny manaraka ity ny mpianatra ho famintinana azy Josoa 5–24.

Taorian’ny nitarihan’ny Tompo ny Isiraelita nita ny Reniranon’i Jordana ho eny amin’ny tany maina (jereo Josoa 3–4), dia nitahy azy ireo tamin’ny ady maro natrehany manolona ny Kananita Izy. Nambabo ny tany izay efa nampanantenain’ Andriamanitra azy ireo ny Isiraelita (jereo Josoa 5–12). Nozaraina tamin’ireo foko roa ambin’ny folo ilay tany (jereo Josoa 13–22). Tamin’ny faramparan’ny andro niainany dia nanome hafatra farany ho an’ny Isiraelita i Josoa (jereo Josoa 23–24).

Amin’ity sahanasa manaraka ity dia azonao atao ny manasa ny antsasaky ny mpianatra hamaky ny Josoa 23:3–11, ary ny antsasany iray hafa hamaky ny Josoa 24:3–11. Afaka manisy marika izay hitany ao amin’ny soratra masiny ny mpianatra.

Vakio ny Josoa 23:3–11; 24:3–11, ary tadiavo izay nataon’ny Tompo sy kasainy hatao ho an’ny Isiraely.

Asao ny mpianatra hizara. Azonao atao ny manao izany amin’ny alalan’ny fanoratana ny valintenin’izy ireo eny amin’ny solaitrabe rehefa mizara izy ireo, na mangataka ireo mpianatra hankeny amin’ny solaitrabe hanoratra izay hitany.

Avy eo dia apetraho ireto fanontaniana manaraka ireto mba hanampiana ny mpianatra hisaintsaina ny fomba nahitany ny fiasan’ny Tompo teo amin’ny fiainany. Azonao atao ny manasa azy ireo hieritreritra ohatra avy amin’ny tantaran’ny Fiangonana, ny fihaonamben’ny Fiangonana maneran-tany, ny fiainany manokana na ny fiainan’ny olona ao amin’ny paroasiny na ny fianakaviany.

Inona avy ireo ohatra sasany amin’ireo fomba nitahian’ny Tompo antsika androany?

Ny Josoa 24:15 dia andalan-tsoratra masina fifehezana fotopampianarana. Hevero ny hanasa ireo mpianatra hanisy marika amin’ny fomba miavaka ireo andalan-tsoratra masina fifehezana fotopampianarana mba ho mora aminy ny mahita ny toerana misy azy.

Mba hanampiana ny mpianatra hahatakatra ny Josoa 24:14–15, dia azonao asaina izy ireo hamerina hanoratra ny zavatra nampianarin’i Josoa amin’ny teniny manokana. Azon’izy ireo atao ny miaraka mamerina manoratra amin’ny namany iray na ao anatina vondrona kely ilay andalana.

Vakio Josoa 24:14–15. Avereno soratana ny zavatra nampianarin’i Josoa, toy ny hoe izy no mampianatra izany androany.

Asao ny mpianatra hizara ny fomba izay nanoratany indray ny torohevitr’i Josoa. Azon’ny mpianatra atao ny mizara zavatra toy ny hoe: “Atsaharo ny fanarahana ireo fitaomana hafa manodidina anao ireo ary safidio ny hanaraka ny Tompo! Azonao atao ny misafidy izay tianao, fa izaho kosa hanompo ny Tompo.”

Mba hanampiana ny mpianatra hahita fanambarana fahamarinana mazava dia azonao atao ny mametraka fanontaniana toy ity manaraka ity.

Ahoana no hamintinanao ny fampianaran’i Josoa ao amin’ny andininy 15?

Mety hamintina ny andininy 15 ny mpianatra amin’ny fampiasana teny toy ny hoe azontsika atao ny mampiasa ny fahafahantsika misafidy mba hisafidianana hanompo ny Tompo.

Rehefa mametraka ity fanontaniana manaraka ity ianao dia hevero ny hampahatsiahy ny mpianatra ny valinteny izay notanisainy teo amin’ny tabilao.
Inona avy ireo fomba ahafahantsika manompo ny Tompo ankehitriny?
Ahoana no ahafahan’ny zavatra fantatrao momba ny Tompo manampy anao hisafidy ny hanompo Azy?

Misafidy hanompo ny Tompo

Vakio ny Josoa 24:24–25, hitadiavana ny zavatra nosafidian’ny Isiraelita hatao.

Mba hanampiana ny mpianatra hampifandray izay rehetra nianarany amin’ny safidiny manokana, dia hevero ny hangataka azy ireo hanoratra valinteny amin’ireto fanontaniana manaraka ireto.

Valio ao anatin’ny diary fandalinanao ny iray amin’ireto andiana fanontaniana manaraka ireto:

Inona no tianao hotsaroana momba ny Tompo ka manampy anao hanompo Azy amin’ny fotoana mety hahasarotra izany? Ahoana araka ny eritreritrao no ahafahan’ny fahatsiarovana ny Tompo amin’ny fotoana toy izany manampy anao?
Inona no ho atombokao na ho ajanonao mba hisafidianana hanompo ny Tompo? Inona avy ireo fitahiana mety ho azonao amin’ny fanaovana izany?

Azonao ato ny mangataka mpianatra izay terem-panahy hizara izay nosoratany. Ampahatsiahivo azy ireo ny tsy tokony hizarany zavatra izay mahakasika loatra ny tenany manokana. Azonao atao ihany koa ny mizara ny fijoroanao ho vavolombelona momba ny Tompo ary manazava ny antony nisafidiananao ny hitia sy hanompo Azy manoloana ireo zavatra hafa.

Vakio Josoa 24:26–27, ary jereo ao izay nataon’i Josoa hampantsiahivana ny Isiraelita tamin’ny safidiny hanompo ny Tompo.

Raha nitondra vato nankany an-dakilasy ny mpianatra dia afaka mamoaka izany izy ireo izao. Azon’izy ireo atao ihany koa ny manao sarina vato lehibe. Ifanakalozy hevitra ny toerana nametrahan’i Josoa ilay vato lehibe (teo ambanin’ny hazo terebinta) sy ny antony nametrahany izany teo (mba hampahatsiahivana ny zanak’Isiraely ny fanekempihavanana nataon’izy ireo mba hanompo ny Tompo). Anontanio ny mpianatra ny toerana kasainy hametrahana ilay vato, ho fampatsiahivana ho azy momba ny drafiny hanompo ny Tompo. Asao izy ireo hametraka ilay vato amin’ny toerana manan-danja hitany matetika. Azon’izy ireo atao ihany koa ny manoratra eo amin’ilay vato ka mampahatsiahy azy ireo ny Tompo na ny drafiny hanompo Azy, toy ny hoe, “Hanompo ny Tompo aho.”

Mety tianao ny hizara ireto teny nambara manaraka ireto amin’ny mpianatra. Mijoroa ho vavolombelona momba ny fiantraikany maharitra ateraky ny fisafidianana hanompo ny Tompo.

Ny Loholona Dale G. Renlund ao amin’ny Kôlejin’ny Apôstôly Roambinifolo dia nampianatra momba ny fiantraikany maharitra ateraky ny fisafidianana ny hanompo ny Tompo:

Mila misafidy isika hoe iza no hotompointsika. Ny haben’ny fahasambarantsika mandrakizay dia miankina amin’ny fisafidianana an’ilay Andriamanitra velona sy ny fiarahantsika Aminy hanao ny asany. …

Ny fisafidianana hanaraka ny drafitry ny Ray no hany fomba hahafahantsika ho tonga mpandova ao amin’ny fanjakany. (“Misafidiana ianareo anio,” Liahona, nôv. 2018, 106)

Manao tsianjery

Azonao atao ny manampy ireo mpianatra hitadidy ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa any aoriana any. Ny andian-teny manan-danja ao amin’ny Josoa 24:15 dia ny hoe “Fidionareo anio ary izay hotompoinareo.” Ireo hevitra ho an’ny sahanasa fanaovana tsianjery dia ao amin’ireo fitaovana tovana etsy ambanin’ny “Sahanasa famerenana fifehezana fotopampianarana.”

Loharanom-pitaovana fanampiny

Nahoana no naringana ny Kananita?

Ao amin’ny Deoteronomia 7:1–2 dia nandidy ny Isiraelita ny Tompo “handringana mihitsy” ny Hetita, Girgasita, Amorita, Kananita, Perizita, Hivita, ary ny Jebosita (izay antsoina avokoa hoe Kananita satria nonina tao Kanana izy ireo, ilay tany nampanantenaina). Miresaka antony vitsivitsy nanomezana io didy io ny soratra masina. Ny Deoteronomia 9:4–5 dia mampianatra fa noroahin’ny Tompo hiala ny tany ny Kananita noho ny faharatsiany (jereo ihany koa ny Deoteronomia 20:16–18). Ao amin’ny Bokin’i Môrmôna dia nampianatra ireo rahalahiny i Nefia fa “efa notsipahin’ity vahoaka ity ny tenin’ Andriamanitra rehetra, ary masaka tao anatin’ny heloka izy; ary teo aminy ny fahafenoan’ny fahatezeran’ Andriamanitra” (1 Nefia 17:35).

Ny asa ratsin’ny Kananita dia niely patrana sy nandravarava hany ka ny famelana azy ireo hitoetra teo amin’ny tany dia hanimba ara-panahy ny Isiraelita. Ny tantaran’i Isiraely dia manaporofo fa marina izany. Noho ny tsy fankatoavan’izy ireo ilay didin’ny Tompo “handringanana mihitsy” ireo Kananita (jereo Mpitsara 1:21-36) dia nanaraka ny finoany diso sy ny fomba ratsiny i Israely rehefa nandeha ny fotoana ary niafara tamin’ny faharavana ara-panahy sy ny fandringanana ara-batana an’i Isiraely izany. (Jereo Testamenta Taloha: Boky torolalana ho an’ny mpianatra: Genesisy–2 Samoela, edisiôna faha 3 [2003], 219.)

Tara loatra ve raha hoe izao aho vao hisafidy ny Tompo raha tsy nisafidy Azy teo aloha?

Nampianatra izao ny Loholona Dale G. Renlund ao amin’ny Kôlejin’ny Apôstôly Roambinifolo:

Rehefa hitantsika fa tafala tamin’ilay lalana isika, dia afaka mijanona eo, na noho ny Sorompanavotan’i Jesoa Kristy, dia afaka misafidy ny miverina eo amin’ilay lalana indray. …

Na ela toy ny ahoana aza ny fotoana nialantsika tamin’ilay lalana, na lasa lavitra toy ny ahoana isika no nirenireny, amin’ny fotoana izay hahatapa-kevitra antsika hiova dia manampy antsika hiverina Andriamanitra. Araka ny fomba fijerin’ Andriamanitra, amin’ny alalan’ny fibebahana amin-kitsim-po, sy ny fibosesehana mandroso amin’ny fiorenana ao amin’i Kristy, rehefa tafaverina eo amin’ilay lalana indray isika, dia toy ny hoe tsy niala teo amin’izany mihitsy. (“Misafidiana ianareo anio,” Liahona, nôv. 2018, 106)

Sahanasa fianarana fanampiny

Jesoa Kristy no Vatolampy

Rehefa mifanakalo hevitra momba ny Josoa 24:24–27, dia azonao atao ny manasa ny mpianatra hampifandray na hampifandrohy ny Salamo 18:2 sy ny Helamàna 5:12. Angataho izy ireo hizara ny antony mahatonga ny vatolampy ho tandindona tsara hanehoana an’i Jesoa Kristy na ny mahatonga Azy ho vatolampy ho azy ireo.

Josoa 6. Fitahiana avy amin’ny fankatoavana

Mba hianarana momba ny fitahiana avy amin’ny fankatoavana ny Tompo dia azon’ny mpianatra atao ny mandalina ny tantaran’ny ady tao Jeriko. Angataho ny mpianatra hieritreritra momba izay mety hitranga raha misy olona tsy nanaraka ny arofenitra (protocole)—ohatra amin’izany ny mpandidy iray tsy manadio ny fitaovana ampiasainy araka ny tokony ho izy, na ny mpamboly iray tsy miava araka ny tokony ho izy ny taniny, sy ny sisa sy ny sisa. Asao ny mpianatra hieritreritra ny antony maha zava-dehibe ny fanarahana ny toromarika omena antsika amin’ny an-tsakany sy an-davany.

Azonao atao ny manasa ny mpianatra hamaky ny Josoa 6:1–5, 10 avy eo. Angataho izy ireo hanisy marika ireo torolalana nomen’ny Tompo an’i Isiraely tamin’ny ady tamin’ny Jeriko. Mariho fa ny teny hoe mandeha manodidina dia midika hoe “mihodidina” Anontanio ny mpianatra ny mety ho eritreriny raha toa ka izy ireo no Isiraelita nandray ireo toromarika ireo.

Asao ny mpianatra hamaky ny Josoa 6:12–16, 20 ary hitady ny valiny nasetrin’ny Isiraelita. Asao ny mpianatra hizara izay nanaitra azy ireo momba ilay ady ary inona ireo fahamarinana hitany avy amin’ilay tantara. Mety ahita fahamarinana toy ity manaraka ity ny mpianatra: Rehefa mankatò ny Tompo amim-pahatokiana amin’ny antsakany sy andavany isika dia hitahy antsika Izy. Azonao atao ny manasa ny mpianatra hizara ny fahitan’izy ireo ny Tompo mitahy azy ireo noho ny fankatoavana.

Josoa 7. Vokatry ny tsy fankatoavana

Mba hifanakalozana hevitra momba ny voka-dratsin’ny tsy fankatoavana ny Tompo dia azonao atao ny manampy ny mpianatra handalina ny tantaran’i Akana. Azavao fa nandidy ny Isiraelita tsy hitazona na inona na inona ho azy ireo ny Tompo taorian’ny nandreseny ny tananan’i Jeriko (jereo Josoa 6:18–19). Indrisy anefa fa nisy lehilahy Isiraelita iray antsoina hoe Akana naka fitafiana, volamena sy volafotsy tao amin’ilay tanàna ho azy (jereo Josoa 7:1, 21).

Asao ny mpianatra hamaky ny Josoa 7:1–7, 10–13 ary hitady ny fiantraikan’ny tsy fakantoavan’i Akana teo amin’ny vahoakan’i Israely. Avy eo dia ampio ny mpianatra hamantatra fahamarinana toy ity manaraka ity: Mitondra voka-dratsy eo amin’ny fiainantsika sy ny fiainan’ny hafa isika rehefa misafidy ny tsy hankatò ny didin’ny Tompo. Angataho ny mpianatra hieritreritra ny mety ho fiatraikan’ny fihetsika madinidinika amin’ny tsy fankatoavana eo amintsika na eo amin’ny olona manodidina antsika rehefa mandeha ny fotoana.