Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mamaha ireo fahatsapana hatezerana: Mamaly ny hatezerana amin’ny alalan’ny fanarahana ny Mpamonjy

“Mamaha ny fahatsapana hatezerana: Mamaly ny hatezerana amin’ny alalan’ny fanarahana ny Mpamonjy,“ Testamenta Taloha: Boky torolalana ho an’ny mpampianatra seminera (2026)

“Mamaha ny fahatsapana hatezerana: Mamaly ny hatezerana amin’ny alalan’ny fanarahana ny Mpamonjy,“ Testamenta Taloha: Boky torolalana ho an’ny mpampianatra seminera

Fahasalamana ara-batana sy ara-pihetseham-po: Lesona186

Mamaha ny fahatsapana hatezerana

Mamaly ny hatezerana amin’ny alalan’ny fanarahana ny Mpamonjy

The Old Testament characters Jacob and Esau embracing one another. A desert landscape is portrayed in the background.

Zavatra mahazatra ny mahatsapa hatezerana. Na dia mety tsy afaka mifehy toe-javatra izay mahatonga antsika hahatsapa ho tezitra aza isika dia afaka manapa-kevitra ny amin’ny fihetsitsikka manoloana izany. Rehefa mibanjina an’i Jesoa Kristy isika dia afaka manampy antsika hamaly tahaka izay ho nataony Izy. Ity lesona ity dia afaka manampy ny mpianatra hanaraka ny ohatra nasehon’i Jesoa Kristy rehefa miaina fahatsapana hatezerana.

Fiomanan’ny mpianatra: Asao ny mpianatra hitanisa toe-javatra izay mety hahatonga azy ireo ho alaim-panahy hamaly amim-pahatezerana. Azon’izy ireo atao ihany koa ny manombantombana hoe impiry izy ireo no tezitra, sy ny fomba hifehezany izany fahatsapana izany.

Sahanasa fianarana azo atao

Tsindry mikobona

Hevero ny hampiseho ity sary manaraka ity eny amin’ny solaitrabe na hitondra soda amin’ny kapoaka mihidy ao an-dakilasy. Rehefa mifanakalo hevitra momba ity fanontaniana manaraka ity ianao dia azonao ahontsankontsana ilay kapoaka, saingy aza sokafana izany.

Inona no mitranga ao anatin’ny kapoakana soda iray tsy misokatra rehefa averimberinao ahontsana izany? Inona no hitranga raha sokafanao izany?

Hevero ny hampiseho ity sary manaraka ity. Raha nitondra kapoaka irayianao ka nahontsankotsakao izany dia aza sokafana; azonao atao ny manohy mampiseho izany mandritra ny lesona.

Thirsty man opens a can of shaken up beer during picnic

Inona avy ireo fomba azonao ampifandraisana io ohatra io amin’ny fahatsapana fahatezera?

Raha mila fanampiana ny mpianatra dia azonao atao ny manazava fa ilay kapoaka dia mety maneho antsika, ary ny soda dia mety haneho ny fihetseham-pontsika. Ny fanontsankontsanana an’ilay kapoaka dia mety haneho fihetsika na toe-javatra na fifandraisana izay mety hiteraka tsindry mikobona (fahatezerana) ao anatintsika.

Miaina hatezerana daholo ny rehetra. Tsy mahagaga raha mitombo ny tsindry ao anaty kapoakan’ny soda izay ahontsakontsana, dia tsy mahagaga toy izany koa isika raha miaina fahatsapana fahatezerana Kanefa mbola afaka misafidy ny fihetsika manoloana an’ireo fahatsapana ireo isika.

Saintsaino ireto fanontaniana manaraka ireto:

Amin’ny mari-drefy 1 ka hatramin’ ny 5 (1 = ambany; 5 = ambony), impiry ianao no tezitra? Ahoana no mety handrefesan’ny hafa hoe impiry ianao no tezitra?
Inona no fihetsikao tena matetika rehefa tonga ny fahatsapana hatezerana?

Rehefa mandalina ianao anio, dia mikatsaha fitarihana avy amin’ny Fanahy Masina mba hanampy anao hianatra ny fomba hanampian’ny Ray any An-danitra sy i Jesoa Kristy anao hifehy ireo fahatsapana hatezerana.

Vokatry ny fanaovana zavatra an-katezerana

Nanan-janaka kambana Isaka sy i Rebeka, dia i Esao sy i Jakoba. Amin’ny maha-zokiny indrindra an’i Esao dia manana ny zo hahazo ny tsodranon’ny fizokiana avy amin-drainy izy. Ny fizokiana dia midika fa handova ny fananan-drainy i Esao ary ho lasa mpitarika ny fianakaviana sy mpitarika ara-panahy. Noho ny zavatra tsy marina nataon’i Esao (jereo ny Genesisy 25:31–34; 26:34–35), dia nomena ny tsodranon’ny fizokiana i Jakoba (jereo ny Genesisy 27:1–33).

Vakio ny Genesisy 27:41–45, hitadiavana ny fihetsika nasehon’i Esao rehefa nahafantatra izy fa nomen-drainy an’i Jakoba ny tsodranon’ny fizokiana.

Inona no vokatry ny hatezeran’i Esao?
Inona avy ireo vokatra hafa mety hiainan’ny olona iray avy amin’ny fanaovana zavatra an-katezerana?

Mety hanampy ny fanazavana fa nisaraka nandritra ny 20 taona ireo mpirahalahy mandra-pihavan’izy ireo tamin’ny farany (jereo ny Genesisy 33:4).

Ny ohatra nasehon’ny Mpamonjy

Hevero ny hizara ny mpianatra ho tsiroaroa, ka ny mpianatra tsirairay dia hamaky ny iray amin’ireto andalan-tsoratra masina manaraka ireto. Aorian’izay dia afaka mifanakalo hevitra momba ny fomba hamaliana ilay fanontaniana etsy ambany ny ekipa tsirairay.

Vakio ity manaraka ity, ka tadiavo ny zavatra ianaranao momba ny fihetsika aseho manoloana ny hatezerana:

Salamo 103:8

Ohabolana 16:32

Ahoana no hamintinanao ny zavatra azontsika ianarana momba ny fiatrehana ny hatezerana?

Ampio ny mpianatra hamantatra fahamarinana iray toy ny hoe: Rehefa mahari-po na mahatsindry fo isika dia manaraka ny ohatra nasehon’ny Tompo.
Midika inona aminao izany hoe mahari-po na mahatsindry fo izany?

Mieritrereta ohatra iray nanehoan’i Jesoa fa nahari-po na nahatsindry fo Izy.

Raha mila fanampiana ny mpianatra, dia tariho izy ireo amin’ny alalan’ny ohatra toy ireto manaraka ireto:

Lioka 9:51–56 (Nolavin’ny tanàna Samaritana iray i Jesoa.)
Lioka 23:8–11 (Nanontanian’i Heroda i Jesoa.)
Jaona 19:3–12 (Nosamborina i Jesoa.)

Ahoana no ahafahan’izany manampy olona hahita ny fihetsik’i Jesoananoloana ireo toe-javatra ireo?

Dingana hifehezana ny hatezerana

Famintinana

Rehefa nahavita ilay taratasy zaraina ny mpianatra dia apetraho ireto fanontaniana fifanakalozan-kevitra manaraka ireto raha ampy ny fotoana:

Inona no nianaranao androany ka afaka manampy olona iray izay manana olana amin’ny fifehezana ny hatezerany?
Inona no zavatra niainanao na ny hafa tamin’ny fifehezana hatezerana amin’ny fomba manahaka ny an’i Kristy?

Mety hahatsapa ny mpianatra sasany fa tsy azo heverina ny tsy ho tezitra. Hevero ny hamarana amin’ny alalan’ny fanasana azy ireo hamaky ny Etera 12:27, ka tadiavo ny fomba ahafahan’i Jesoa Kristy manampy olona iray izay manana olana amina fahalemena. Mijoroa ho vavolombelona fa noho ny Sorompanavotany dia afaka mamadika ny fahalementsika ho lasa tanjaka i Jesoa Kristy—anisan’izany ny fifehezana ny hatezerantsika.

Loharanom-pitaovana fanampiny

Nahoana no zava-dehibe ny mifehy ny hatezerako?

Hoy ny Loholona Ulisses Soares ao amin’ny Kôlejin’ny Apôstôly Roambinifolo hoe:

14:28

Tsy afaka manana ary tsy tokony hanana lolompo na amin’iza na iza isika raha tiantsika ny tsy hahavoafetra ny Fanahin’ny Tompo eo amin’ny fiainantsika. Hamokatra teny sy fihetsika ratsy, na ao amin’ny tambajotran-tserasera izany na ao an-tokantranontsika ny fanomezana toerana ao am-pontsika na ao an-tsaintsika ny lolompo na ny eritreritra ratsy, izay hahatonga ny Fanahin’ny Tompo hiala ao am-pontsika. (“Fahatokiana ny fanekempihavanana amin’ny alalan’i Jesoa Kristy,“ Liahona, mey 2024, 21) (mari-potoana 12:50 hatramin’ny 13:21)

Ny Loholona Lynn G. Robbins ao amin’ny Fitopololahy dia nampianatra fa:

7:36

Ny hatezerana dia fanekena ny fitaoman’i Satana amin’ny alalan’ny filavoana lefona amin’ny fifehezan-tenantsika. Izany no fahotana an’eritreritry mitarika amin’ny fahatsapana na ny toetra tia ady. Izany no mampipoaka ny hatezerana eo am-pamiliana eny amin’ny lalambe, ny fisafoahana eny amin’ny kianja filalaovana, ary ny herisetra ao an-tokantrano.

Raha tsy voafehy, dia mety hiteraka fipoahan’ny teny feno habibiana haingana sy endrika fanararaotana ara-pihetseham-po hafa ny hatezerana, izay mety hanisy ratra amin’ny fo malefaka. Izany no “Izay mivoaka avy amin’ny vava,“ hoy ny Mpamonjy; “izany no mahaloto ny olona“ (Mat. 15:11). (“Agency and Anger,“ Ensign, Mey 1998, 81) (mari-potoana 5:01 hatramin’ny 5:35)

Moa ve misy olona mahatezitra ahy?

Nampianatra ny Filoha Thomas S. Monson (1927–2018) hoe:

18:16

Rehefa tezitra isika dia tafalatsaka ao amin’ny fitaomam-panahin’i Satana. Tsy misy na iza na iza afaka mahatonga antsika ho tezitra. Safidintsika izany. Raha toa isika ka mifidy ny hanana ny Fanahy hiaraka amintsika amin’ny fotoana rehetra, dia tsy maintsy misafidy ny hiala amin’ny fahatezerana isika. Mijoro ho vavolombelona aho fa azo atao izany. (“School Thy Feeling, O My Brother,“ Liahona, nôv. 2009, 67) (mari-potoana 8:34 ka hatramin’ ny 8:57)

Inona avy ireo fomba ahafahan’ny hatezerana miseho?

Nampianatra ny Filoha Dieter F. Uchtdorf, fony izy tao amin’ny Fiadidiana Voalohany hoe:

Raha ny tenantsika kosa no mitsaratsara an-tendrony sy feno lolom-po dia haintsika ery matetika ny manamarina ny hatezerantsika ho toy ny zavatra ara-drariny ary ny fitsaratsarantsika ho toy ny mari-pototra sy mety. Na dia tsy mahita ny ao am-pon’ ny olon-kafa aza isika dia sahy mitso-tena fa mahafantatra ny fisian’ ny fihetsika ratsy na olon-dratsy iray mihitsy aza raha vao mahita olona na fihetsika ratsy. Tsy toy izany kosa anefa no ataontsika rehefa isika no mahatsapa fankahalana satria isika dia mahatsapa, raha mikasika antsika manokana fa manana ny fampahalalana rehetra ilaina mba hanebatebahana olon-kafa. …

Ry rahalahy sy ranabavy malalako, raiso ho toy ny famakafakana ny momba ny tenanareo ireto fanontaniana manaraka ireto:

Moa manana lolom-po amin’ ny hafa ve ianao?

Moa ve ianao mifosafosa, na dia mety ho marina aza ny teneninao?

Moa ve ianao manilika na manalavitra na manafay ny hafa noho ny zavatra nataon’ izy ireo?

Moa ve ianao mialona any anaty olona iray hafa?

Moa ve ianao manana faniriana hanao ratsy amin’ ny olona iray?

Raha toa ka nataonao eny ny valin’’ireo fanontaniana ireo dia mety tokony hampihatra ilay toriteny ahitana teny roa voalaza teny aloha ianao hoe: Ajanony izany! (“Izay miantra no hiantrana,“ Liahona, mey 2012, 70, 76)

Raha toa ka voaheloky ny Tompo ny fanaovana zavatra an-katezerana, nahoana ny soratra masina matetika no milaza ny fahatezeran’ Andriamanitra?

Manerana ny Testamenta Taloha isika dia mamaky ny momba ny fahatezerana sy ny fahaviniran’ny Tompo (jereo ny Eksodosy 4:14; Deoteronomia 1:37; 4:25; 9:18; Salamo 85:4; Isaia 48:9; 65:3; Jeremia 8:19; 32:30). Ny famakiana mikasika ny famaritana ny fahatezeran’ Andriamanitra dia mety hampisafotofoto sy hitarika amin’ny tsy fahatakarana ny soratra masina na ny toetran’ Andriamanitra. Nanazava ny Filoha Dallin H. Oaks ao amin’ny Fiadidiana Voalohany fa ny fahatezeran’ Andriamanitra dia porofon’ny fitiavany:

15:2

“Mamaky ombieny ombieny isika ao amin’ny Baiboly sy ao amin’ny soratra masina maoderina ny fahatezeran’ Andriamanitra amin’ny olon-dratsy sy ny zavatra ataony ao anatin’ny fahatezerany amin’ireo izay mandika ny lalàny. Amin’ny fomba ahoana ny fahatezerana no maneho ny fitiavany? Nampianatra i Joseph Smith fa Andriamanitra dia -nametraka lalàna … hahafahan’[ireo fanahy izay alefany eto amin’izao tontolo izao] hanana fahafahana hivoatra tahaka Azy- [Enseignement des Présidents de l’Église: Joseph Smith (2007), 210]. Tena tonga lafatra ny fitiavan’ Andriamanitra hany ka mitaky amim-pitiavana antsika hankatò ny didiny Izy satria fantany fa amin’ny alalan’ny fankatoavana ny lalàny ihany no ahafahantsika ho tonga lafatra tahaka Azy. Noho izay antony izay, ny fahatezeran’ Andriamanitra sy ny fahavinirany dia tsy manohitra ny fitiavany fa porofon’ny fitiavany.” (Dallin H. Oaks, “Love and law,“ Liahona, nôv. 2009, 27) (mari-potoana 4:30 hatramin’ny 5:22)

Sahanasa fianarana fanampiny

Afaka mifehy ny fihetsitsika manoloana ny hatezerana isika

Mba hanampiana ny mpianatra hahatakatra fa afaka mifehy ny fihetsiny manoloana ny fahatsapana hatezerana izy ireo dia hevero ny hametraka amin’izy ireo ity fanontaniana manaraka ity:

Inona avy ireo fialan-tsiny mety ho ampiasain’ny olona mba hanamarinana ny fanaovana zavatra an-katezerana?

Mety hamaly toy izao ny mpianatra : “Toy izany mihitsy aho,“ “Tsy afaka nanampy ny tenako aho,“ “Nahatezitra ahy Izy,“ sy ny sisa.

Azonao atao avy eo ny mampiseho ilay horonan-tsary hoe “Ilaina ny mpampihavana,“ manomboka eo amin’ny mari-potoana 0:23 ka hatramin’ny 1:48, izay niresahan’ny filoha Nelson momba ny mpandidy iray izay nisafoaka. Na azonao atao ny mampiseho ny “Agency and Anger,” manomboka eo amin’ny mari-potoana 2:50 ka hatramin’ny 3:28, izay mampiseho ny loholona Robbins miresaka momba ny mpilalao basketball iray tao amin’ny lisea izay nianatra ny fomba hifehezana ny hatezerany.

19:4

7:36

Ampio ny mpianatra hahita fa safidy ny fihetsika asehontsika manoloana ny fahatsapana ho tezitra ary afaka mampiasa ny fahafahantsika misafidy isika mba hanaovana asa araka ny tokony ho izy.

Oviana ianao no nisafidy ny haneho fihetsika araka ny tokony ho izy nanoloana ny fahatezerana?
Inona avy ireo fitaovana manampy anao haneho fihetsika tsara manoloana ny fahatezerana?
Nahoana ny fitodihana amin’ny Mpamonjy no mety ho fitaovana mahery vaika indrindra hanoherana ny hatezerana? (Raha mila fanampiana amin’ny famaliana ity fanontaniana ity ny mpianatra dia azonao atao ny mitarika azy ireo hijery ny Etera 12:27 na ny Almà 7:12.)

Fanombanan-tena

Mba hanampiana ny mpianatra hanombantombana izay mety ho fahatsapana hatezerana mety hananan’izy ireo, dia azonao ampiasaina ny teny nambaran’ny Filoha Uchtdorf ao amin’ny Loharanom-pitaovana fanampiny. Azon’ny mpianatra atao ny misaintsaina ny fomba hamalian’izy ireo ny fanontaniany tsirairay.

Sosokevitra amin’ny fandresena ireo fahatsapana hatezerana

Mba hahazoana fahaiza-manao fanampiny handresena ny fahatsapana hatezerana dia hevero ny hanasa ny mpianatra hikaroka amin’ny alalan’ireo sosokevitra hita ao amin’ny toko 3 ao amin’ny boky torolalana “Adjusting to Service Missionary Life: Resource Booklet.“ Azon’ny mpianatra atao ny misafidy sosokevitra iray na roa izay tian’izy ireo hifantohana.