Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Genesisy 25–27: Jakoba sy Esao

“Genesisy 25–27: Jakoba sy Esao,” Testamenta Taloha: Boky torolalana ho an’ny mpampianatra seminera (2026)

“Genesisy 25–27: Jakoba sy Esao,” Testamenta Taloha: Boky torolalana ho an’ny mpampianatra seminera

Genesisy 24–33: Lesona 30

Genesisy 25–27

Jakoba sy Esao

Esau sells his birthright to Jacob for a bowl of pottage.

Tanteraka ihany nony farany ilay fampanantenana momba ny taranany, ho an’i Rebeka sy Isaka, tamin’ny nahaterahan’ny Jakoba sy Esao zanak’izy ireo kambana. Nanana zo hahazo ny fampanantenana ny fizokiana izay omena ny lahimatoa i Esao, amin’ny maha kambana zokiny azy. Nampalahelo fa tsy nanao laharam-pahamehana ny fitahiana mandrakizainy i Esao, fa nikatsaka kosa ny hanome fahafaham-po ny faniriana mifanaraka amin’ny fiainan’izao tontolo izao nananany. Afaka manampy ireo mpianatra hanome lanja ny fitahiana mandrakizain’ny Tompo mihoatra noho ny faniriana arak’izao tontolo izao ity lesona ity.

Fanomanana ny mpianatra: Amporisiho ny mpianatra hanombatombana amim-bavaka ny fampifandanjany eo amin’ny fiainany ireo zavatr’ Andriamanitra (toy ny vavaka, famakiana ny soratra masina, zavatra atao ao am-piangonana) sy ny zavatra eo amin’izao tontolo izao. Asao izy ireo hamantatra izay zavatra mahavariana eto amin’izao tontolo izao izay mety ho lasa laharam-pahamehana mihoatra ireo zavatra maharitra mandrakizay.

Sahanasa fianarana azo atao

Manome lanja ireo zavatr’ Andriamanitra

Ataovy eny amin’ny solaitrabe izao tabilao manaraka izao mba hanampiana ireo mpianatra hieritreritra momba ny hoe mety hisy fiantraikany amin’ny tanjona lavitra ezaka indraindray ny filana na faniriana zavatra eo no ho eo:

Amin’izao fotoana izao	Hoavy

Manasà mpianatra vitsivitsy hizara tanjona iray izay ananany ho an’ny hoavin’izy ireo. Ataovy lisitra eny amin’ny solaitrabe eo ambanin’ny tsanganana faharoa ireo. Misafidiana iray amin’ireo tanjona ao amin’ny tsanganana faharoa. Asao ireo mpianatra hieritreritra ireo filana na faniriana eo no ho eo izay mety hanakana ny olona iray tsy hanatratra izany tanjona izany, raha toa ka tanterahiny. Omeo fahafahana hizara hevitra samihafa vitsivitsy ireo mpianatra. Ifanakalozy hevitra ny fiantraikan’ny safidy ataontsika, amin’izao fotoana izao amin’ny tanjontsika amin’ny ho avy ka mety hanakana antsika tsy hahatratra izany mihitsy aza.

Hazavao, rehefa nahavita ireo mpianatra, fa io hevitra io dia azo ampiharina amin’ny ezaka ataontsika hikatsaka fitahiana mandrakizay avy amin’ Andriamanitra. Asao ireo mpianatra hamita ity fanombanan-tena manaraka ity ao amin’ny diary fandalinan’izy ireo.

Saintsaino ombam-bavaka ireto fehezan-teny manaraka ireto. Raketo ao amin’ny diarinao hoe mihatra aminao toy ny ahoana ny fehezan-teny tsirairay, amin’ny fampiasana ny valiny hoe “tena izany mihitsy”, “amin’ny ankapobeny”, “somary kely fotsiny,” ary “tsy izany mihitsy.”

Vonona ny hahafoy ny faniriana ireo zavatra eto an-tany aho ho an’ireo fitahiana mandrakizay.
Takatro ny antony angatahan’ny Tompo ahy hanome lanja ny fitahiany mandrakizay mihoatra noho ireo zavatra izay tiako ho azo amin’izao fotoana izao.
Fantatro ireo fitahiana izay tonga rehefa manao laharam-pahamehana ny Ray any An-danitra sy i Jesoa Kristy ambonin’ny zavatr’izao tontolo izao aho.

Asao ny Fanahy Masina hampianatra anao hahita ny lanjan’ireo fitahiana mandrakizay, rehefa mandalina ianao anio. Katsaho ny fitaoman’ny Fanahy mikasika ny fomba hanaovana laharam-pahamehana ny fitahiana mandrakizay ambonin’ireo faniriana zavatra eto an-tany.

Lovan’ny fizokiana sy fitahiana

Fintino amin’ny teninao manokana ireto andiam-pehezan-teny manaraka ireto, mba hanampiana ireo mpianatra hahatakatra ny lanja ara-kolontsain’ireo fanapahan-kevitra noraisin’i Esao sy i Jakoba.

Ny lahimatoa no nahazo ny fizokiana tamin’ny andron’ny Testamenta Taloha. Nahitana ampahany roa tamin’ny tany sy harena ny lovan’ny fizokiana. Tafiditra tao anatin’izany koa ny andraikitra lehibe kokoa ny hikarakara ny reny sy ny ankohonana hafa aorian’ny fahafatesan’ny rainy. Manome tsodranon’ny fizokiana ny ray mba hanomezana ny fahefan’ny fisoronana ny lahimatoa ho fanampin’ny lova ara-materialy. Nametraka ny toeran’ilay zanakalahy tao amin’ny fianakaviana ho mpampianatra sy mpitarika io tsodrano io.

Nandritra ny taona maro i Rebeka sy Isaka no nivavaka mba hotahiana amin’ny taranaka marina maro. Voatahy tamin’ny fananana kambana mirahalahy izy ireo nony farany, dia Esao sy Jakoba. Satria i Esao no teraka voalohany, dia izy no ho zanaka lahy mandray ny fizokiana. Kanefa, nanambara tamin’i Rebeka ny Tompo fa i Jakoba no ho zanaka lahy mandray ny fizokiana (Genesisy 25:22–23).

Vakio ny Genesisy 25:27–34, hitadiavana ny fomba nanehoan’i Esao fa tsy nanome lanja ny tsodranon’ny fizokiany izy. (Midika hoe mahandro lasopy na legioma amin’ny hena ny hoe “mahandro hanina”.)

Inona no hitanao?

Vakio ny Genesisy 26:34–35, hitadiavana ny fanapahan-kevitr’i Esao sy ny fihetseham-pon’ny ray aman-dreniny momba ny safidiny ny amin’ny fanambadiana. (Kananita manompo andriamanitra tsy izy ny Hetita.)

Nahoana i Rebeka sy Isaka no nalahelo noho ny fanapahan-kevitr’i Esao?

Azonao hazavaina fa nanompo sampy ny Kananita ary nanao fombafomba hafa feno fahotana, raha toa ka tsy azon’ireo mpianatra antoka ny fomba hamaliana ilay fanontaniana teo aloha. Ny fanambadian’i Esao vehivavy Kananita dia nidika fa tsy niaina nifanaraka tamin’ilay fanekempihavanana nataon’ Andriamanitra tamin’i Abrahama sy ny taranany izy.

Ireo fitahiana amin’ny fanomezan-danja ireo zavatr’ Andriamanitra

Niantso an’i Esao mba hanome azy ny tsodranon’ny fizokiana i Isaka rehefa antitra na dia teo aza ny safidy ratsy nataon’i Esao. Nanova ny endrik’i Jakoba ho ny rahalahiny i Rebeka, talohan’ny nahatongavan’i Esao. Nihevitra i Isaka fa i Jakoba no Esao, koa dia nitso-drano an’i Jakoba tamin’ny tsodranon’ny fizokiana izy (jereo ny Genesisy 27:1–29). “Rehefa fantatr’i Isaka fa i Jakoba no notsofiny rano teo amin’ny toeran’i Esao, dia nilaza izy fa -hotahiana- i Jakoba (Genesisy 27:33)—izay milaza an-kolaka fa tanteraka ny sitrapon’ Andriamanitra” (Avia, hanaraka Ahy—Ho an’ny isam-batan’olona sy ny fianakaviana: Testamenta Taloha 2022, 39).

Vakio ny Genesisy 27:34, 38, hitadiavana ny fihetsik’i Esao rehefa nahafantatra fa nomen’i Isaka an’i Jakoba ny tsodranon’ny fizokiana.

Inona no zavatra manaitra anao?
Ahoana no hamintinanao ny zavatra nianarantsika avy amin’ity tantara ity ho fehezan-teny manambara fahamarinana?

Ampiasao ny tenin’ireo mpianatra mba hamantarana fahamarinana mitovitovy amin’ity manaraka ity: Mety hitarika alahelo sy fanenenana ny fisafidianana ny faniriana eo no ho eo na ny faniriana mifanaraka ny zavatra arak’izao tontolo izao toy izay ireo fitahiana mandrakizain’ Andriamanitra.

Mety ho maro ny valin’ity fanontaniana manaraka ity. Afaka manampy ireo mpianatra hahazo aina hizara hevitra sy fomba fijery samihafa ny famporisihana mpianatra maromaro hizara ny valin-teniny.
Nahoana no mety ho sarotra indraindray ny manao laharam-pahamehana ireo zavatra manana lanja maharitra mandrakizay?

Nanazava toy izao ny Loholona David A. Bednar ao amin’ny Kôlejin’ny Apôstôly Roambinifolo:

Ao anatin’ny fahasahiranana amin’ny andavanandrontsika sy ny firotoroton’izao tontolo izao izay misy antsika, dia mety hanary ireo zavatra mandrakizay izay manan-danja indrindra isika raha toa manao ny fahafinaretana, ny harena sy ny laza ho laharampahamehan-tsika voalohany. Ny fandaniantsika andro anatin’ny fotoana fohy amin’ny “zavatr’ity izao tontolo izao ity” sy ny “voninahitry ny olona” dia mety hitarika antsika hanary ny fizokiana ara-panahy [ho amin’]ny zavatra ratsy [lavitra kokoa] noho ny voanemba. …

Tokony hanombatombana amin-kitsim-po sy amim-bavaka ny laharam-pahamehantsika ara-nofo sy ara-panahy isika tsirairay avy mba hahitana ireo zavatra eo amin’ny fiainantsika izay mety manakana ireo fitahiana miavosa izay tian’ny Ray any An-danitra sy ny Mpamonjy harotsaka amintsika. (“Tafio ny herinao, ry Ziona ô,” Liahona, nôv. 2022, 94)

Asaivo mizara ny zavatra tiany na nianarany avy tamin’ny teny nambaran’ny Loholona Bednar ireo mpianatra. Avy eo dia asao izy ireo hanao ireto zavatra telo manaraka ireto samirery na ao anaty vondrona kely:

Mamorona rafi-tantara iray izay mety hahatonga ny olona iray mitovy taona aminao ho alaim-panahy “hitarika antsika hanary ny fizokiana ara-panahy [ho amin’]ny zavatra ratsy [lavitra kokoa] noho ny voanemba.”
Mieritrereta ohatra iray momba ny fomba nanaovan’ny Mpamonjy laharam-pahamehana ny sitrapon’ny Rainy noho ny faniriana eo no ho eo na ny faniriana zavatra araka ny fiainan’izao tontolo izao. (Ohatra: jereo ny Matio 4:2–10 na ny Lioka 22:41–42.)
Mieritrereta ohatra iray amin’izao andro maoderina izao, momba ana olona iray izay manao laharam-pahamehana ny sitrapon’ Andriamanitra, noho ny faniriana eo no ho eo na zavatra araka ny fiainan’izao tontolo izao.

Inona avy ireo fitahiana azontsika, ankehitriny sy amin’ny hoavy, noho ny fisafidianana ny zavatr’ Andriamanitra toy izay ny zavatr’izao tontolo izao?
Ahoana no nametrahan’ny Mpamonjy ny fitahiana mandrakizay ho ambony noho ny faniriana eo no ho eo?

Manaova drafitra

Asao ireo mpianatra hamita ity sahanasa manaraka ity ao amin’ny diary fandalinany.

Tanisao ny laharam-pahamehanao dimy voalohany, manomboka avy amin’ny manan-danja indrindra mankamin’ny kely lanja indrindra.

Mariho izay fanitsiana itaoman’ny Fanahy Masina hataonao eo am-pandinihanao io lisitra io.

Raketo eo ambanin’io lisitra io izay eritreritra hafa anananao rehefa avy nanao ity sahanasa ity. Azonao atao ve ny mamantatra ny dingana manaraka mazava mba ahafahanao manao ho laharam-pahamehana ny zavatr’ Andriamanitra mihoatra noho ny zavatr’izao tontolo izao? Raha izany no izy dia soraty eo amin’ny toerana iray hahitanao azy matetika izany.

Azonao atao ny mizara ny fijoroana ho vavolombelona anananao momba ireo fitahiana azonao rehefa nanome lanja ny zavatr’ Andriamanitra mihoatra noho ny zavatr’izao tontolo izao ianao, ho famaranana ny fotoam-pianarana.

Loharanom-pitaovana fanampiny

Ahoana no ahafahako mamaritra hoe inona no zavatra sarobidy indrindra?

Nampitandrina ny Filoha Dallin H. Oaks fa:

Ho sambatra kokoa ny fiainantsika amin’izao fotoana izao sy amin’ny hoavy raha mihevitra ny hoavy foana isika. Rehefa mandray fanapahan-kevitra isika amin’izao fotoana izao dia tokony hanontany foana hoe: “Hitondra mankaiza izany?” …

Mijere lavitra. Inona no ho fiantraikan’ireo fanapahan-kevitra raisintsika amin’izao fotoana izao amin’ny hoavintsika? …

… Manao safidy sy mandray fanapahan-kevitra tsaratsara kokoa isika raha mijery ireo safidy [hafa] misy sy misaintsaina izay hitondran’izany antsika. Raha manao izany isika dia hanaraka ilay torohevitry ny Filoha Russell M. Nelson mba hanomboka miaraka amin’ny fieritreretana ao an-tsaina ny tanjontsika farany. Ho antsika, ny farany dia eo amin’ny lalan’ny fanekempihavanana mandrakariva miainga avy ao amin’ny tempoly mankany amin’ny fiainana mandrakizay, ilay lehibe indrindra amin’ny fanomezan’ Andriamanitra rehetra. (“Hitondra mankaiza izany?,” Liahona, mey 2019, 60, 61, 62)

Nampahatsiahy antsika ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo hoe:

Diniho ny fiainana hoavy manontolo, fa tsy izay hitranga anio na rahampitso ihany. Aza mamery izay tianao indrindra amin’ny fiainana noho ny zavatra heverinao fa tianao izao. (“Jesus Christ, Our Redeemer,” Ensign, May 1997, 54)

Ahoana no anakanan’ireo fanelingelenana ahy tsy hahazo ireo zavatr’ Andriamanitra?

Nilaza ny Loholona Kelly R. Johnson ao amin’ny Fitopololahy hoe:

Mety hitranga noho ny antony samihafa ny fanelingelenana sy ny fahaverezan’ny fifantohana. …

Miezaka mampivily antsika hiala amin’i Kristy sy ny lalan’ny fanekempihavanany ny fahavalo. Nampianatra ny Loholona Ronald A. Rasband hoe: “Ny drafitry ny fahavalo dia ny handrebireby antsika tsy hahita ireo vavolombelona ara-panahy ary ny fanirian’ny Tompo kosa dia ny hanokatra ny saintsika sy ny hampirotsaka antsika ao amin’ny asany.” [“Fandrao hadinoinao,” Liahona, nôv. 2016, 115]. …

Matetika ny hakiviana dia mitarika ho amin’ny fanelingelenana, na ny tsy fahampian’ny fifantohana. Ny fanelingelenana isan-karazany dia mety hitarika ho amin’ny tsy fahazotoana. Maro ireo fanelingelenana amin’izao androntsika izao, ao anatin’izany ny Twitter, TikTok, Instagram, ary ny fandaharam-potoana tery an’ny sekoly sy ny asa. Mety hiendrika zavatra tsara matetika ny fanelingelenana. Tsy voatery ho ratsy ny fanelingelenana vao mahomby raha ny marina. …

Mijoro ho vavolombelona aho fa raha miato kely ary mieritreritra ireo zavatra tena tianao hotratrarina amin’ny hoavy ianao ary avy eo manomboka manao ireo zavatra mifanaraka amin’izany faniriana izany isan’andro, dia hahatratra izany vokatra irina izany ianao. (“Conquering Life’s Daily Distractions” [Brigham Young University devotional, Mar. 15, 2022], 2, 3, speeches.byu.edu)

Sahanasa fianarana fanampiny

Ohatra iray amin’ny fanomezana lanja ny zavatr’ Andriamanitra

Mety handray tombontsoa avy amin’ny ohatra tena misy eo amin’ny fiainan’ny olona iray, izay mahatsapa ho voatarika hanao laharam-pahamehana ny mandrakizay noho ny eto an-tany ireo mpianatra. Raha izany no izy, dia azonao atao ny mizara ny zavatra niainan’ny Loholona Renlund fony izy mpianatra be atao tao amin’ny sekoly fianarana ho mpitsabo. Asehoy ny horonan-tsary “Mihazona ilay fiovam-po mahery vaika” manomboka amin’ny kaodim-potoana 5:46 hatramin’ny 6:51. Asao ireo mpianatra hifanakalo hevitra momba ny zavatra nataon’ny Loholona Renlund ho laharam-pahamehana sy ny zavatra tsapany noho ny fanaovana izany ho laharam-pahamehana.

10:4

Azonao atao avy eo ny mampiseho ny ambin’ny tantaran’ny Loholona Renlund, manomboka amin’ny kaodim-potoana 6:51 ka hatramin’ny 8:24. Azon’ireo mpianatra atao ny mizara ny fotoana niatrehany olana mitovy amin’izany. Mety hiresaka momba ny zavatra nataony izy ireo na ny zavatra azony natao mba hanehoany fa manome lanja ny zavatr’ Andriamanitra izy ireo.

10:4

Manao ho laharam-pahamehana ireo zavatr’ Andriamanitra

Mampiseho ilay horonan-tsary “Ny faniriana marin’ny fanahy” (3:28) fa na dia ny zavatra tsara aza dia mety hanavesatra sy hanahiran-tsaina rehefa tsy manao laharam-pahamehana ny zavatr’ Andriamanitra isika. Azonao atao ny mampiato kely ilay horonan-tsary eo amin’ny kaodim-potoana 2:02 dia asao ireo mpianatra hamantatra ireo laharam-pahamehan’ilay tovovavy. Ifanakalozy hevitra ny fiantraikan’ireo laharam-pahamehana ireo eo amin’ny fiainany. Afaka mamita ilay horonan-tsary avy eo ny iray kilasy.

3:29