Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Genesisy 28: Fanekempihavanana amin’ny Tompo

“Genesisy 28: Fanekempihavanana amin’ny Tompo,” Testamenta Taloha: Boky torolalana ho an’ny mpampianatra seminera (2026)

“Genesisy 28: Fanekempihavanana amin’ny Tompo,” Testamenta Taloha: Boky torolalana ho an’ny mpampianatra seminera

Genesisy 24–33: Lesona 31

Genesisy 28

Fanekempihavanana amin’ny Tompo

Nasain’ny ray aman-dreniny hankany amin’ny tanindrazan’ny reniny i Jakoba mba hitady vady any, taorian’ny nandrahonan’i Esao rahalahiny azy ho faty. Nahita fahitana izy nandritra ny diany, izay nitarika azy hiditra tao amin’ny fanekempihavanana tamin’i Abrahama. Afaka manampy ireo mpianatra hahatsapa faniriana mitombo kokoa hanao fanekempihavanana amin’ Andriamanitra any amin’ny tempoly ity lesona ity.

Fanomanana ny mpianatra: Asao ny mpianatra hamerina hijery ireo fampanantenana ao amin’ny fanekempihavanan’i Abrahama (Abrahama 2:8–11). Azo atao ny mamporisika ny mpianatra hanandrana sy hanazava amin’ny olona iray ao amin’ny fianakaviany mikasika ny fanekempihavanan’i Abrahama sy ny maha zava-dehibe izany ho azy ireo.

Sahanasa fianarana azo atao

Nahoana ny olona iray no tokony hanao fanekempihavanana amin’ Andriamanitra?

Afaka manomboka ny fotoam-pianarana ianao, amin’ny alalan’ny fanehoana sarina tempoly iray ary ny fihirana ny hiran’ny kilonga hoe: “Mahita ny tempoly no mahafinaritra ahy” (Bokin-kiran’ny ankizy, 99).

Asehoy ity toromarika manaraka ity avy eo. Asao ireo mpianatra hifidy ny fanambarana izay heverin’izy ireo ho marina indrindra. Raha tsy izany dia afaka mizara ny ampahany voalohany amin’ilay fanambarana ihany ianao, ary afaka mamarana ilay fanambarana amin’ny fehezan-teny iray na roa izay maneho tsara ny fihetseham-pony sy ny eritreriny ireo mpianatra.

Rehefa mieritreritra ny handeha any amin’ny tempoly hanao fanekempihavanana amin’ Andriamanitra aho amin’ny hoavy dia:

Tsy haiko hoe inona no hoeritreretina. Tsy dia mieritreritra an’izany loatra aho.
Mientanentana aho. Tena miandrandra izany andro izany aho.
Sahiran-tsaina kely aho. Tsy fantatro izay miandry ahy.
Tsy dia hitako loatra izay hilana an’io.

Omeo fotoana ireo mpianatra hanoratany ny valin-teniny. Asao izy ireo hikatsaka fitaomam-panahy avy amin’ny Fanahy Masina mandritra ny lesona. Afaka manampy azy ireo hankasitraka ny maha-zava-dehibe ny fanaovana fanekempihavanana amin’ Andriamanitra ny Fanahy Masina.

Ny nofin’i Jakoba

Asao ireo mpianatra hanoratra ity fahamarinana tsy feno manaraka ity ao amin’ny diary fandalinany. Azonao atao ihany koa ny manoratra azy io eny amin’ny solaitrabe ary manampy ao amin’izany mandritra ny lesona.

Mandritra ity lesona ity ianao dia handalina momba an’i Jakoba ao amin’ny Genesisy 28. Nanao fanekena tamin’i Jakoba Andriamanitra ao amin’ny Genesisy 28:3–4, 12–20, izay neken’i Jakoba. Afaka mianatra lesona manan-danja, avy amin’io tantara io, momba ny lanjan’ny fanaovana fanekempihavanana amin’ Andriamanitra isika. Mitadiava fomba hamenoana ity fahamarinana ity, eo am-pandalinana ity lesona ity: Rehefa manao sy mitandrina fanekempihavanana amin’ Andriamanitra isika, Izy dia …

Angataho ireo mpianatra hizara ny zavatra tadidiny momba ny fanekempihavanana nataon’ny Tompo tamin’i Abrahama. Jereo ny Lesona 23: “Genesisy 12, 17” mba hahitana antsipiriany manokana momba io fanekempihavanana io. Fintino amin’ny teninao manokana ity andiam-pehezan-teny manaraka ity aorian’ny fizarana ataon’ireo mpianatra.

Nahatsapa i Jakoba fa mety tsy ho azony ny fitahiana avy amin’ny fanekempihavanan’i Abrahama na dia zafikelin’i Abrahama aza izy. Tsy mbola nanambady tao amin’ny fanekempihavanana i Jakoba. Nitarika an’i Esao hikasa hamono an’i Jakoba ihany koa ny fifandirana momba ny fizokiana sy ny tsodrano (Genesisy 27:41). Nanome toromarika an’i Jakoba ny ray aman-dreniny handao ny tranony ary hanao dia kilaometatra an-jatony ho any amin’ny tanindrazan-dreniny mba hiarovana sy hahazoana antoka fa hanana fahafahana hanambady ao anatin’ny fanekempihavanana izy (jereo ny Genesisy 27:42–46; 28:1–2). Hitondra an’i Jakoba lavitra an’i Kanana, ilay tany nampanantenain’ny fizokiana azy, io dia io.

Vakio ny Genesisy 28:10–15 ka tadiavo ny zavatra niainan’i Jakoba indray alina nandritra ny diany.

Hevero ny hanasa ireo mpianatra hanao ny sarin’ny zavatra hitan’i Jakoba tao amin’ny nofiny. Afaka mizara ny sariny amin’ny mpiara-mianatra iray ny mpianatra ary manazava ny zavatra nanan-danja indrindra tamin’izy ireo avy amin’ireo andinin-tsoratra masina.

Azonao atao avy eo ny mampiseho ity sary manaraka ity mba ho sary maneho ilay fahitana.

The Old Testament prophet Jacob (Israel) lying asleep under a tree. A depiction of Jacob's dream of a ladder and angels descending from heaven is portrayed in the background.

Inona no fampanantenana avy amin’ny fanekempihavanana natao tamin’i Abrahama nomen’ny Tompo an’i Jakoba ao amin’ireo andinin-tsoratra masina ireo?
Inona no fampanantenana fanampiny nomen’ny Tompo an’i Jakoba tao amin’ny andininy 15?

Azonao atao ny manasa ireo mpianatra hanampy ireo fampanantenana fanampiny ireo amin’ireo fahamarinana hitan’izy ireo. Azonao atao ny mitanisa ireo valiny azo aroso, eny amin’ny solaitrabe. Mety ho tafiditra ao amin’ireo valiny ny hoe: miaraka amintsika, miaro sy mikarakara antsika, tsy mandao antsika.
Nahoana, araka ny eritreritrao, no mety ho nanana lanja manokana tamin’i Jakoba ireo fampanantenana ireo tamin’io fotoana io?

Asao ireo mpianatra hanatanteraka ity sahanasa manaraka ity, miaraka tsiroaroa na ao anaty vondrona kely vitsivitsy, mba hanampiana azy ireo hahatakatra kokoa ireo fampanantenana ireo. Azonao atao ny mamporisika ireo mpianatra hitady soratra masina na fanambarana fanampiny izay manamafy ireo fampanantenana ireo.

Halalino ireto soratra masina sy fanambarana manaraka ireto, ka tadiavo ny fomba hanampian’izy ireo anao hahatakatra lalindalina kokoa ireo fampanantenana nataon’ny Tompo tamin’i Jakoba.

Jaona 14:18

Asan’ny Apostoly 17:27 (mariho ny Dikantenin’i Joseph Smith)

Nanambara toy izao ny Loholona Dale G. Renlund ao amin’ny Kôlejin’ny Apôstôly Roambinifolo:

Rehefa mandia ny lalan’ny fanekempihavanana ianao, manomboka amin’ny batisa ka hatrany amin’ny tempoly ary mandritra ny fiainanao, dia mampanantena anao hery hanoherana ny fironan’izao tontolo izao izay manosika anao aho—hery hianarana, hery hibebahana ka hohamasinina, ary hery hahitana fanantenana, fiononana, ary indrindra fifaliana rehefa miatrika ireo fanambin’ny fiainana ianao. Mampanantena anao sy ny fianakavianao fiarovana amin’ny fitaoman’ny fahavalo aho, indrindra indrindra rehefa ataonareo ho zavatra lehibe ifantohana eo amin’ny fiainanareo ny tempoly. (“Mahazo ny herin’ Andriamanitra amin’ny alalan’ireo fanekempihavanana,” Liahona, mey 2023, 37)

Mety hanampy ireo mpianatra ny mahatakatra fa tsy manafaka antsika amin’ireo fanamby eo amin’ny fiainana ny fanaovana fanekempihavanana. Na izany aza, nampianatra ny Loholona D. Todd Christofferson fa ireo fanekempihavanana ireo dia manome ny “fanantenantsika lehibe indrindra mba hisorohana ireo fijaliana azo sorohina etsy andaniny, ary mba hiatrehana amim-pahombiazana ireo fahoriana mitranga eo amin’ny fiainana izay tsy azo sorohina etsy ankilany” (“Ny antony handehanana eo amin’ny lalan’ny fanekempihavanana,” Liahona, mey 2021, 117).

Inona amin’ireo fampanantenana ireo no tena manan-danja indrindra aminao?

Ny fihetseham-pon’i Jakoba momba ny zavatra niainany

Mety hanampy ny mampiseho ireto andalan-tsoratra masina sy fanontaniana manaraka ireto. Asao ireo mpianatra hiaraka tsiroaroa na ao anaty vondrona kely hamaky sy hifanakalo hevitra. (Hevero ny hizara amin’ireo mpianatra fa ireo teny “matahotra” sy “mahatahotra” dia maneho fa tao anatin’ny fitalanjonana i Jakoba. Tsara kokoa ny handikana ny hoe “mahatahotra” ho “mahatalanjona.”)

Vakio ny Genesisy 28:16–21, hitadiavana ny fihetsik’i Jakoba teo anatrehan’ny zavatra niainany.

Inona no fahatsapana hitanao fa nambaran’i Jakoba momba ny Tompo?
Ahoana no mety ho nanosehan’ireo fahatsapana ireo azy hanao fanekempihavanana amin’ny Tompo?

Rehefa avy nomena fotoana nifanakalozana hevitra ny mpianatra dia azonao atao ny manasa vitsivitsy amin’izy ireo hizara amin’ny iray kilasy ny zavatra nianarany.

Afaka mampitombo ny fahatokian-tenany amin’ny fandraisana anjara amin’ny resaka momba ny filazantsara ny fanomezana fahafahana ireo mpianatra hifampizara ny zavatra nianarany. Jereo ny “Amporisiho ireo mpianatra hizara ireo fahamarinana izay nianarany” ao amin’ny fahaiza-manao ho fampivoarana ny mpampianatra, mba hahazoana fiofanana fanampiny amin’ny fomba hamporisihana ireo mpianatra hizara amin’ny hafa. (Mampianatra araka ny fomban’ny Mpamonjy [2022], 35)
Inona avy ireo teny na andian-teny avy amin’ny andininy 16–21 izay azo ampifandraisina amin’ny tempoly amin’izao andro maoderina izao?

Afaka manasongadina teny na andian-teny ireo mpianatra toy ny hoe: “Ato amin’ity fitoerana ity tokoa Jehovah” (andininy 16); “tranon’ Andriamanitra” sy “vavahadin’ny lanitra” (andininy 17); “Betela” (andininy 19), izay midika hoe: “tranon’ Andriamanitra”; ary ny hoe: “nivoady” (andininy 20). Azonao atao ny manasa ireo mpianatra hanisy marika ireo andian-teny ireo ao amin’ny soratra masin’izy ireo.

Afaka manampy zavatra eo amin’ny sarin’izy ireo momba ilay fahitana ireo mpianatra, amin’ny alalan’ny fanoratana ny hoe: “tranon’ Andriamanitra,” “vavahadin’ny lanitra,” na “tempoly” eo amin’ny faritra ambanin’ilay tohatra.

Manao fanekempihavanana amin’ny Tompo

Asao ireo mpianatra hanao izao sahanasa manaraka izao ao amin’ny diary fandalinany. Mety hanampy ny milaza amin’ireo mpianatra fa hisaintsaina ireo valim-panontaniany ireo izy ireo amin’ny lesona ho avy. Hampiasa ny zavatra soratany eto ireo mpianatra mba hamitana sahanasa fanombanana iray ao amin’ny lesona 37: “Tombano ny fianaranao 2.”

Azonao atao ny mizara ity andiam-pehezan-teny manaraka ity amin’ny teninao manokana mba hanomanana ireo mpianatra hanoratra ny valin-teniny.

Nanao fanekempihavanana tamin’ Andriamanitra i Jakoba, rehefa nandao ny tranon’ny ray aman-dreniny izy ary nandeha irery. Nampanantena Andriamanitra fa hiaraka sy hikarakara ary hiaro an’i Jakoba. Hiatrika ireo safidy maro momba ny zavatra hataonao manaraka eo amin’ny fiainanao ianao ao anatin’ny taona vitsy. Anisan’ireny fanapahan-kevitra ireny ny fahafahana manao ireo fanekempihavanana amin’ Andriamanitra any amin’ny tempoly. Eritrereto io fotoana amin’ny hoavy io rehefa mamaly ireto fanontaniana manaraka ireto ao anatin’ny diary fandalinanao ianao:

Inona avy ireo fitahiana nampanantenaina efa niainanao avy tamin’ny fiezahanao hitandrina ny fanekempihavanana nataonao tamin’ Andriamanitra na tamin’ny fanompoana tao amin’ny tempoly?
Inona avy ireo toe-javatra mety hatrehinao amin’ny hoavy izay hahafahanao migoka tombontsoa avy amin’ny fikarakarana sy fiarovana ampanantenain’ Andriamanitra ny olona izay manao fanekempihavanana Aminy?

Hevero ny hizaranao ny fijoroana ho vavolombelona anananao mikasika ny fomba niainanao ireo fampanantenana mifandray amin’ny fanaovana sy fitandremana fanekempihavanana amin’ny Tompo.

Loharanom-pitaovana fanampiny

Afaka maneho inona ilay tohatra hitan’i Jakoba?

Nanazava ny Filoha Marion G. Romney hoe:

Ireo fanekempihavanana nataon’i Jakoba tamin’ny Tompo dia ireo dingana amin’ilay tohatra izay izy tenany mihitsy no mila mihanika aminy mba hahazoana ireo fitahiana nampanantenaina—fitahiana izay hamela azy hiditra ny lanitra sy hiaraka amin’ny Tompo. (“Temples—the Gates to Heaven,” Ensign, Mar 1971, 16)

Inona avy ireo fitahiana fanampiny amin’ny fanaovana sy fitandremana fanekempihavanana?

Nizara ny Filoha Russell M. Nelson hoe:

Ireo izay mitandrina ny fanekempihavanana nataony tamin’ Andriamanitra dia ho lasa hery velon’ny fanoherana fahotana! Ireo izay mitandrina ny fanekempihavanany dia hanana ny tanjaka hanoherana ny fitaomana tsy mitsahatr’izao tontolo izao. …

Ny fanaovana fanekempihavanana amin’ Andriamanitra dia manova mandrakizay ny fifandraisantsika Aminy. Hitahiana antsika amin’ny fatram-pitiavana sy famindram-po betsaka kokoa izany. Miantraika amin’ny hoe iza isika ary ny hanampian’ Andriamanitra antsika ho lasa ny olona tokony hahatongavantsika izany. (“Ny fanekempihavanana maharitra mandrakizay,” Liahona, ôkt. 2022, 8, 10)

Nampianatra ny Loholona Dale G. Renlund ao amin’ny Kôlejin’ny Apôstôly Roambinifolo fa:

13:10

Amin’ny alalan’ny fanaovana sy fitandremana ireo fanekempihavanan’ny tempoly, isika dia mianatra bebe kokoa momba ireo tanjon’ny Tompo ary mandray ny fahafenoan’ny Fanahy Masina. Mandray fitarihana ho an’ny fiainantsika isika. Mihamatotra amin’ny maha mpianatra antsika isika ka tsy mijanona ho zazavao tsy mahalala foana foana. Fa miaina miaraka amin’ny fananana fomba fijery mibanjina ny mandrakizay kosa isika ary mazoto kokoa hanompo an’ Andriamanitra sy ny hafa. Mahazo fahafahana tsy mitsaha-mitombo hanatanteraka ireo tanjontsika eto amin’ny fiainana an-tany isika. Voaro amin’ny ratsy isika, ary mahazo hery lehibe kokoa hanoherana ny fakam-panahy sy hibebaka rehefa lavo. Rehefa mihozongozona isika, ny fahatsiarovana ireo fanekempihavanana nataontsika tamin’ Andriamanitra dia manampy antsika hiverina eo amin’ilay lalana. Amin’ny alalan’ny fifandraisana amin’ny herin’ Andriamanitra, dia lasa … mahavita manohitra ny fironan’izao tontolo izao, mandritra ny fiainantsika sy mankamin’ny mandrakizay [isika]. Amin’ny farany dia voaova ny anjarantsika satria mitarika any amin’ny fisandratana sy ny fiainana mandrakizay ny lalan’ny fanekempihavanana. (“Mahazo ny herin’ Andriamanitra amin’ny alalan’ireo fanekempihavanana,” Liahona, mey 2023, 36)

Nahoana no zava-dehibe ny fanekempihavanana?

Nilaza ny Loholona D. Todd Christofferson ao amin’ny Kôlejin’ny Apôstôly Roambinifolo hoe:

15:3

Mety hisy hilaza hoe, “Afaka manao safidy tsara aho na natao batisa na tsia; tsy mila fanekempihavanana aho mba ho olona mendri-kaja sy mahomby.” Marina tokoa, maro ireo izay, na dia tsy eo amin’ny lalan’ny fanekempihavanana aza, dia manao safidy sy mitondra anjara biriky mitovy amin’ny ataon’ireo izay eo amin’ilay lalana. Mety hiteny ianao hoe mijinja ireo fitahian’ny fandehanana “tsy tapaka eo amin’ny lalan’ny fanekempihavanana” izy ireo. Inona ary izany no mampiavaka ny lalan’ny fanekempihavanana?

Raha ny marina dia tena zava-dehibe manokana sy mandrakizay ny mampiavaka azy. Tafiditra ao anatin’izany ny toetoetran’ny fankatoavantsika, ny toetoetran’ny fanolorantenan’ Andriamanitra amintsika, ny fanampiana masina azontsika, ny fitahiana voafatotra amin’ny fanangonana amin’ny maha-vahoakan’ny fanekempihavanana antsika, ary ny manan-danja indrindra, dia ny lovantsika mandrakizay. (“Ny antony handehanana eo amin’ny lalan’ny fanekempihavanana,” Liahona, mey 2021, 117)

Sahanasa fianarana fanampiny

Fanombohana azo atao solony

Azonao atao ny manomboka ny fotoam-pianarana amin’ny fanaovana sarina olona roa eny amin’ny solaitrabe. Azonao omena anarana izy ireo. Soraty eo ambanin’ny olona iray ny hoe: “Mahatsapa tanteraka ny lanjan’ny fanekempihavanana nataony tamin’ Andriamanitra.” Soraty eo ambanin’ilay olona faharoa ny hoe: “Mahatsapa fa tsy misy dikany ny fanekempihavanana.”

Nahoana, araka ny hevitrao ny olona tsirairay no mety hahatsapa ny zavatra tsapan’izy ireo momba ny fanekempihavanana?
Inona no mety ho fiantraikan’ny fahatsapan’izy ireo momba ny fanekempihavanana, eo no ho eo sy amin’ny hoaviny mandrakizay?

“Mon Dieu, plus près de toi”

Ny hira ao amin’ny fihirana hoe “Mon Dieu, plus près de toi” (Cantiques, no. 54) dia mifototra amin’ilay zava-nitranga tao amin’ny Genesisy 28. Hevero ny hihira io fihirana io eo am-panombohana ny fotoam-pianarana na amin’ny fotoana hafa mandritra ny fotoam-pianarana. Mety handray tombontsoa ihany koa ireo mpianatra amin’ny fijerena ny tonon’ilay hira sy ny fampifandraisana izany amin’ny zavatra niainan’i Jakoba. Azonao atao ny manasa ireo mpianatra hanaraka ny tonony eo am-pihainoan’izy ireo an’ity fikaloina ilay hira manaraka ity.

5:24

Ny fifandraisan’ny ôrdônansy sy ny fanekempihavanana

Mety hahazo tombontsoa amin’ny fahatakarana ny fifandraisan’ny ôrdônansy sy ny fanekempihavanana ny mpianatrao. Hevero ny hisafidy ôrdônansy iray ka mifanakaloza hevitra momba ireo fihetsika ara-batana tafiditra ao amin’izany dia fantaro ny fanekempihavanana mifandray aminy. Ohatra, ao amin’ny ôrdônansin’ny batisa asitrika: mampanantena ny olona iray fa handevina ilay tenany mpanota iny amin’ny alalan’ny fibebahana ary hivoaka ho mpianatr’i Jesoa Kristy ao amin’ny fanekempihavanana. Azonareo atao avy eo ny mamaky sy mifanakalo hevitra momba ireto manaraka ireto.

Nampianatra ireo mpitarika ato amin’ny Fiangonana mikasika ny tanjon’ny ôrdônansy ny Filoha Russell M. Nelson:

Mitarika ary hitarika mandrakariva ny fomba hanatanterahana ireo ôrdônansy mba hahatakarantsika sy handraisantsika ireo fanekempihavanantsika Aminy [Andriamanitra]. (fotoam-pivorian’ny mpitarika ny Fihaonamben’ny Fiangonana isaky ny tapa-taona faha-189, 2 ôkt. 2019)

Ahoana no ahafahan’ny ôrdônansy manampy antsika hahatakatra sy handray ao anatintsika ny fanekempihavanantsika?

Ny maha-zava-dehibe ireo ôrdônansy

Hevero ny hizara ny teny nambaran’ny Loholona D. Todd Christofferson ao amin’ny Loharanom-pitaovana fanampiny, raha hahasoa ny mpianatrao ny mifanakalo hevitra lalindalina kokoa momba ny maha-zava-dehibe ny fanekempihavanana amin’ Andriamanitra.

Azonao zaraina ho vondrona ahitana olona dimy avy ireo mpianatra avy eo. Ahitana fizarana dimy ny lahateny feno nataon’ny Loholona Christofferson. Azonao atao ny manome tahadikan’ny fizarana tsirairay ho an’ny mpikambana ao amin’ny vondrona mba hanana fizarana samy hafa amin’ilay lahateny ny olona tsirairay. Azonao atao ny manapaka izay fizarana lava kokoa. Asao ireo mpianatra handalina ny fizarana nomena azy ireo ary hiomana hizara amin’ny vondrona misy azy ny zavatra nianarany momba ny maha-zava-dehibe ireo fanekempihavanana.

Na koa, azonao zaraina ho vondrona dimy ny kilasy iray manontolo, ary azonao omena fizarana samy hafa ao amin’ilay lahateny ny vondrona tsirairay.

Azonao jerena eto ny lahatenin’ny Loholona Christofferson.