Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Genesisy 24: Ny fitahiana entin’ny fanambadiana ao amin’ny fanekempihavanana

“Genesisy 24: Ny fitahiana entin’ny fanambadiana ao amin’ny fanekempihavanana,” Testamenta Taloha: Boky torolalana ho an’ny mpampianatra seminera (2026)

“Genesisy 24: Ny fitahiana entin’ny fanambadiana ao amin’ny fanekempihavanana,” Testamenta Taloha: Boky torolalana ho an’ny mpampianatra seminera

Genesisy 24–33: Lesona 29

Genesisy 24

Ny fitahiana entin’ny fanambadiana ao amin’ny fanekempihavanana

Nanomana lalana ho an’i Isaka ny Tompo na dia toa tsy takany loatra aza ilay fomba fijery ny fanambadiana mandrakizay. Afaka miantehitra amin’ny Tompo ihany koa isika ary matoky fa afaka manampy antsika hiomana sy hahazo ireo fitahiana entin’ny fanambadiana mandrakizay Izy indray andro any. Afaka manampy ireo mpianatra hahatakatra ny maha-zava-dehibe ny fanambadiana mandrakizay ao amin’ny fanekempihavanana ao amin’ny drafitry ny Ray any An-danitra ity lesona ity.

Fanomanana ny mpianatra: Asao ny mpianatra hanoratra fanontaniana iray mety hananany na hananan’ny olona fantany mikasika ny fanambadiana ao amin’ny tempoly ary ho tonga ao an-dakilasy hikatsaka ombam-bavaka ny valin’izany fanontaniana izany.

Sahanasa fianarana azo atao

Fanambadiana any amin’ny tempoly

Saintsaino ombam-bavaka ireo fomba hanomanana sy hampianarana ity lohahevitra ity omban’ny fitandremana sy fitiavana, satria mety ho sarotra ho an’ireo mpianatra sasany ny hifanakalo hevitra momba ny fanambadiana.

Hevero ny haneho sary any am-piandohan’ny lesona miaraka amin’ity rafi-tantara manaraka ity mba hanomanana ireo mpianatra hiresaka momba ny lohahevitra mahakasika ny fanambadiana.

Eritrereto hoe misy namana iray miteny hoe: “Tena zava-dehibe tokoa ve ny fanambadiana any amin’ny tempoly? Na izany na tsy izany, sarotra amiko ny mahita ny tenako hanambady any, toa tsy ho vitako izany Te hahita olona tiako fotsiny aho.”

Inona avy ireo fiheverana mety ho ananan’ny namanao momba ny fanambadiana any amin’ny tempoly?
Inona no fahamarinana mety tsy takatry ny namanao momba an’ Andriamanitra sy ny fanambadiana any amin’ny tempoly?

Asao ireo mpianatra hamaly ireto fanontaniana manaraka ireto ao amin’ny diary fandalinan’izy ireo.
Inona no tsapanao manokana momba ny fanambadiana any amin’ny tempoly?
Inona avy ireo fanontaniana na olana anananao momba ny fanambadiana any amin’ny tempoly?

Asao ny Fanahy hanampy anao hahatakatra ny maha-zava-dehibe ny fanambadiana any amin’ny tempoly rehefa mandalina ny Genesisy 24 ianao. Katsaho ny hahatakatra tsara ny fomba ahafahan’ny Tompo manampy anao hahazo fanambadiana maharitra mandrakizay, any amin’ny tempoly.

Dia manan-danja iray

Asao ireo mpianatra hijery ity sarintany manaraka ity mba hanampiana azy ireo hahatakatra kokoa ny sahan-kevitry ny Genesisy 24. Afaka mahita izany ao amin’ny sarintany faha 9, “Ny tontolo ao amin’ny Testamenta Taloha,” ao amin’ny fizarana Sarintanin’ny Baiboly izy ireo raha afaka mahazo ny fanontana ny Baiboly King James nataon’ny Olomasin’ny Andro Farany. Vakio na fintino ity andiam-pehezan-teny manaraka ity ary asao ireo mpianatra hitady ireo toerana nolazainao eo amin’ilay sarintany. Asehoy ny mpianatra ny toerana misy an’i Kanana (laharana 13) sy Harana (laharana 8) raha ilaina.

Nipetraka tany Kanana niaraka tamin’ny olona nanompo sampy sy nanao fanao ratsy hafa i Abrahama sy ny fianakaviany. Nanana havana nonina tany Harana, izay nonenany taloha, i Abrahama.

Hazavao alohan’ny hamakiana ireto andininy manaraka ireto fa manova ny teny hoe “fe” ho “tanana” ny dikantenin’i Joseph Smith ao amin’ny andininy 2 sy 9. Midika izany fa nanao fifanarahana i Abrahama sy ny mpanompony.

Vakio ny Genesisy 24:1–4, 7–9 ka tadiavo ny torolalana nomen’i Abrahama ny mpanompony momba an’i Isaka zanany.

Nasaina nanao inona ny mpanompon’i Abrahama?
Inona no hitanao tao amin’ny andininy 7 izay maneho fa nanahy ny amin’izay olona alain’i Isaka ho vady ny Tompo?

Ataovy mampiasa ny maridrefy eo amin’ny sarintany ireo mpianatra hamaritana hoe firy kilaometatra io dia io. Ampio ireo mpianatra hahita fa nangataka ny mpanompony hanao dia mandroso sy miverina efa ho 1931 kilaometatra i Abrahama mba hitadiavana vady ho an’i Isaka.
Nahoana araka ny eritreritrao no mendrika ny fahafoizan-tena toy izany ny tsy nanambadian’i Isaka ny iray tamin’ireo zanakavavin’ny Kananita?

Hazavao, raha ilaina, fa rehefa nanao ny fanekempihavanany tamin’i Abrahama sy i Saraha Andriamanitra dia nilaza Izy fa ny taranak’i Abrahama dia hitandrina io fanekempihavanana manan-danja atao Aminy io raha toa ka manambady araka ny lalàny izy ireo. Nila niditra tao amin’ny “fanekempihavanana vaovao sy maharitra mandrakizain’ny fanambadiana” izy ireo (jereo ny Fotopampianarana sy Fanekempihavanana 131:1– 4). Miditra ao anatin’io fanekempihavanana io isika, ankehitriny, rehefa mifanambady ao amin’ny tempoly masin’ny Tompo.

Tsy nisy olona na iray aza tao amin’ny tanin’ny Kanana izay azon’i Isaka nalaina ho vady tao anatin’io fanekempihavanana io. Tsy nisy afa-tsy tao amin’ny fianakavian’i Abrahama tany Harana ihany, no azo nitehirizana ilay fanekempihavanana.

Ny fanampian’ny Tompo

Ampisehoy ity sary manaraka ity, ary asao ireo mpianatra hizara ny zavatra fantany momba ilay tantara eo amin’ny sary. Azonao atao ny mamaky na mamintina ity andiam-pehezan-teny manaraka ity raha ilaina.

The Old Testament figure Rebekah pouring water from a jug into a cup. The cup is held by the servant of Abraham. The servant is depicted seeking a wife for Isaac, the son of Abraham.

Nandeha lavitra nankany Harana ny mpanompon’i Abrahama hitady vady ho an’i Isaka. Nivavaka sy nangataka tamin’ Andriamanitra izy, teo am-piandrasana teo akaikin’ny fantsakana iray, mba hahazoany fahafahana hahalala izay olona tian’ny Tompo ho hitany.

Azonao atao ny manasa ireo mpianatra hamaky tsirairay, na tsiroaroa, na ny iray kilasy ireto andinin-tsoratra masina manaraka ireto.

Mety hanampy ny manazava, ho an’ilay sahanasa atao eto ambany, fa ny anarana hoe “Jehovah” ao amin’ny Baiboly dikan-teny King James dia mazàna asehony amin’ny LORD amin’ny sora-baventy manontolo. Ny teny hoe “Tompo” na “tompo”, etsy ankilany, dia mety ilazana fotsiny hoe olona manana fahefana, fanapahana, na fitaomana, toy ny tompomenakely na mpanapaka. (Jereo ny Bible Dictionary, “Jehovah”)

Vakio ny Genesisy 24:12–27, hitadiavana ny fomba nanampian’ny Tompo ny mpanompon’i Abrahama hahita vady ho an’i Isaka. Mety hanampy ny manamarika ny teny hoe TOMPO rehefa hitanao amin’ny endriny sora-baventy avokoa ny litera rehetra.

Inona no hitanao?

Hevero ny hamintina ny ambin’ny Genesisy 24 amin’ny alalan’ny fizarana ity andiam-pehezan-teny manaraka ity:

Nihaona tamin’ny anadahin’i Rebeka sy ny rainy ny mpanompon’i Abrahama. Nohazavainy hoe iza izy, ary koa ny fomba nanampian’ny Tompo azy hahita an’i Rebeka. Nisafidy tamim-pahasahiana ny hiverina niaraka tamin’ilay mpanompo i Rebeka ny ampitson’iny, ary nofehezina tamin’i Isaka tao anatin’ny fanekempihavanan’ny fanambadiana mandrakizay (jereo ny Genesisy 24:29–67).

Inona no zavatra nianaranao momba ny Tompo avy amin’ny tantaran’i Isaka sy Rebeka ary ny fanambadiana mandrakizay nataon’izy ireo?

Mety hamaly amin’ny alalan’ny fahamarinana isan-karazany ireo mpianatra, kanefa ataovy azo antoka fa takany fa hanampy antsika ny Tompo rehefa miezaka ny hiditra ao amin’ny fanekempihavanan’ny fanambadiana mandrakizay isika.
Ahoana no fomba hanampian’ny Tompo olona iray izay manao ezaka ho an’ny fanambadiana mandrakizay kanefa manahy fa tsy hahazo izany fitahiana izany mihitsy?
Nahoana araka ny eritreritrao no tena manan-danja tokoa amin’ny Tompo ny fanambadiana mandrakizay?

Nahoana ny fanambadiana mandrakizay no tena manan-danja amin’ny Tompo?

Asao ireo mpianatra hanao sarina tempoly tsotsotra iray ao amin’ny diary fandalinany, tahaka ity ambany ity, mba hanampiana azy ireo hahatakatra kokoa ny maha-zava-dehibe ny fanambadiana mandrakizay.

Simple drawing of the Salt Lake Temple with a mountain behnd it

Manorata fanontaniana iray, eo ambanin’ny sarin’ilay tempoly, izay afaka manampy anao hahatakatra kokoa ireo fahamarinana nianaranao androany. Mety ho fanontanianao manokana izany na fanontaniana avy amin’ny olona fantatrao, na iray amin’ireto manaraka ireto:

Nahoana no zava-dehibe ny fanambadiana mandrakizay?
Inona avy ireo fitahiana mety ho azoko avy amin’ny fanambadiana any amin’ny tempoly sy ny fiezahana hanaja ireo fanekempihavanana ireo?
Ahoana no hanampian’ny Tompo ahy indray andro any hahazo ireo fitahian’ny fanambadiana mandrakizay?

Tadiavo ireo loharanom-pitaovan’ny Fiangonana isan-karazany, toy ireto manaraka ireto mba hanampiana anao hamaly ny fanontanianao:

Andalan-tsoratra masina fifehezana fotopampianarana (Genesisy 2:24; 1 Korintiana 11:11; Fotopampianarana sy Fanekempihavanana 131:1–4)
Ilay taratasy zaraina mitondra ny lohateny hoe “Fanambadiana mandrakizay”
“Fanambadiana” sy ireo lahatsoratra mifandraika amin’izany ao amin’nyTorolalana ho an’ny Soratra Masina, na Sujets et questions ao amin’ny Médiathèque de l’Évangile.
Ireo andian-teny toy ny “fanambadiana ao amin’ny fanekempihavanana” na “fanambadiana any amin’ny tempoly” ao amin’ny fikarohana ao amin’ny Médiathèque de l’Évangile

Asao ireo mpianatra hizara amin’ny iray kilasy ny zavatra nianaran’izy ireo.

Fandinihana ataon’ny tena manokana

Saintsaino ilay rafi-tantara tany am-piandohan’ny fotoam-pianarana. Valio ao anatin’ny diary fandalinanao soratra masina ireto fanontaniana manaraka ireto:

Ahoana no hamalianao ny fanontanian’ny namanao momba ny antony maha-zava-dehibe ny fanambadiana any amin’ny tempoly?
Inona no nianaranao androany momba ny Ray any An-danitra na i Jesoa Kristy, izay afaka manome fanantenana anao amin’ny ezaka ataonao mba hanasa ireo fitahian’ny fanambadiana any amin’ny tempoly ho anao?

Manasà mpianatra maromaro manolo tena hizara izay zavatra nosoratany.

Hevero ny hizara ny fijoroana ho vavolombelona anananao momba ny maha-zava-dehibe ny fanambadiana ao amin’ny fanekempihavanana, ary amporisiho ireo mpianatrao hanomboka hiomana amin’izany dieny izao.

Loharanom-pitaovana fanampiny

Inona avy ireo fitahiana fanampiny avy amin’ny fanambadiana ao amin’ny fanekempihavanana?

Nizara Rahavavy Kristen M. Oaks, vadin’ny Filoha Dallin H. Oaks hoe:

38:47

Ny fanambadiana dia fanomezana. Ny fanambadiana dia tsy vitan’ny hoe manome antsika fahafahana hanan-janaka fotsiny, fa manome antsika fahafahana sy risi-po hanomboka dia hiarahana mivoatra.

Vitsy ihany no fomba hafa ahafahantsika mianatra mahafoy tena sy manompo araka izay tsara vitantsika. … Mianatra mitia sy manampy kokoa ny vadiko aho. Manana namana iray hiarahana mihomehy sy mitomany aho. Manana mpisolovava sy mpampianatra ary mpanohana mankahery aho, izay manampy ahy koa. Ny fanambadiana dia fahafahana tena manan-danja hianarana fifandraisana sy fomba fijery. Lasa mihatsara ny fiainana rehefa lasa mifandray amina zavatra lehibe kokoa noho ny tenantsika ny fanambadiantsika ary manakaiky kokoa ny Mpamonjintsika. Ary tena iri[nay] ho anareo rehetra izany fitahiana izany. (“Mijoroa amin’ny fahamarinana” [fankaherezam-panahy maneran-tany ho an’ny tanora, 21 mey 2023], Médiathèque de l’Évangile)

Nahoana no mampanahy ny fanemorana ny fanambadiana?

Nampianatra ny Filoha Dallin H. Oaks hoe:

Saintsaino ny zavatra tsy azon’ireo tanora Olomasin’ny Andro Farany rehefa iniana ahemotra mandritra ny fotoana maharitra ny fanambadian’izy ireo: fahafahana hanao zavatra no very ary mihemotra ny fahazoana fitahiana. Ny dikan’izany dia hoe fihemoran’ireo fivoaran’ny tena manokana manan-danja izay mitranga ao anatin’ny fiarahan’ny mpivady, dia ny fivoarana amin’ny toetra toy ny fahafoizan-tena sy ny fanetrentena. Ny hevitr’izany dia hoe fihenan’ireo fahafahana hiara-hiasa hanangana ny fanjakan’ Andriamanitra. Ary ny tena manan-danja, dia midika izany hoe vitsy kokoa ireo zanaka teraka ka hihalehibe miaraka amin’ireo fitahian’ny filazantsara. (“Mijoroa amin’ny fahamarinana” [fankaherezam-panahy maneran-tany ho an’ny tanora, 21 mey 2023], Médiathèque de l’Évangile)

Ahoana raha toa ka manahy ny tsy hanana fianakaviana mandrakizay aho?

Nanazava izao ny Filoha Henry B. Eyring ao amin’ny Fiadidiana Voalohany:

Nisy mpaminanin’ Andriamanitra iray nanolotra torohevitra ho ahy indray andro ka izany dia nitondra fiadanana ho ahy. Nanahy aho hoe ny safidin’ny sasany dia mety tsy hahatonga ny fianakavianay ho mandrakizay. Nilaza izy hoe: “Tsy ny tena olana no mampanahy anao. Miaina mba ho mendriky ny fanjakana selestialy fotsiny ianao dia hahafinaritra kokoa mihoatra ny azonao eritreretina ny momba ny fianakavianao.”

… Noho ny herin’ny Sorompanavotan’i Jesoa Kristy izay miasa ao aminareo ary noho ny Fanahy Masina izay mitarika anareo dia afaka mahatsapa ianareo ankehitriny ary hahatsapa any amin’ilay fiainan-ko avy ilay fitiavan’ny fianakaviana izay irian’ny Rainareo sy ny Zanany Malalany ho azonareo.

Mijoro ho vavolombelona aho fa rehefa miaina ho mendriky ny fanjakana selestialy ianareo dia ho azonareo ilay fampanantenan’ilay faminaniana hoe “hahafinaritra kokoa mihoatra ny azonao eritreretina ny momba ny fianakavianao.” (“Ny fanantenana fitiavana amin’ny fianakaviana mandrakizay,” Liahona, aog. 2016, 5)

Aiza no ahafahako mianatra kokoa mikasika ny fampianaran’ny Fiangonana momba ny fanambadiana eo amin’ny olon-droa mitovy fananahana?

Gospel Topics, “Same-Sex Marriage,” Gospel Library
Boky torolalan’ny Fiangonana maneran-tany: Manompo ao amin’ Ny Fiangonan’i Jesoa Kristy ho an’ny Olomasin’ny Andro Farany 38.6.16, Médiathèque de l’Évangile

Sahanasa fianarana fanampiny

Horonan-tsary momba ny fanambadiana any amin’ny tempoly

Hevero ny hampiseho amin’ireo mpianatra ilay horonan-tsary “What Is a Temple Wedding Like?” (1:22) mba hanampiana azy ireo hahatakatra kokoa ny atao hoe fanambadiana any amin’ny tempoly.

1:22

Miomana amin’ny fanambadiana ao amin’ny fanekempihavanana mandritra ny fotoana maha-zatovo

Azonao atao ny mizara ity traikefa sy fanontaniana manaraka ity, mba hanampiana ireo mpianatra hahita ny fomba azony hiomanana amin’ny fanambadiana ao amin’ny fanekempihavanana.

Nizara ity tantara manaraka ity, izay avy tamin’ny fahatanorany, ny Rahalahy Tad R. Callister, izay Filohan’ny Sekoly Alahady maneran-tany teo aloha:

9:40

Fony aho 17 taona teo ho eo, dia nandohalika teo akaikin’ny fandriako aho mba hanao ny vavaka hariva. Hay! ny reniko nijoro teo am-baravarana fa tsy hitako. Rehefa nahavita ilay vavaka aho dia hoy izy: “Mba mangataka ny Tompo hanampy anao hahita vady tsara ve ianao ry Tad?”

Tena nanaitra ahy ilay fanontaniany. Izany no zavatra faran’izay lavitry ny saiko indrindra. Ny basikety sy ny fianarana no tao an-tsaiko. Ka dia namaly aho hoe, “Tsia,” izay novaliany hoe, “Tokony hanao izany ianao anaka; izany no fahapahan-kevitra lehibe indrindra horaisinao. Tafalatsaka lalina tao am-poko ireo teny ireo, ka noho izany aho, nandritra ny enin-taona manaraka, dia nivavaka mba hanampian’ Andriamanitra ahy hahita vady tsara. Ary eny, tena novaliany tokoa moa izany vavaka izany. (“Ray aman-dreny: Mpampianatra voalohany ny filazantsara ho an’ny zanany,” Liahona, nôv. 2014, 33)

Nahoana araka ny eritreritrao no anisan’ny fanapahan-kevitra manan-danja indrindra horaisinao ny fitadiavana vady tsara?
Nahoana araka ny eritreritrao no zava-dehibe aminao ny manomboka miomana dieny izao mba hiditra amin’ny fanambadiana ao amin’ny fanekempihavanana?
Inona avy no zavatra azonao atao ankehitriny mba hiomanana amin’ny fanambadiana ao amin’ny fanekempihavanana?

Toetra tahaka ny an’i Kristy nananan’i Rebeka

Mety hanampy ireo mpianatra ny handinika ny fomba nanehoan’i Rebeka ireo toetra tahaka ny an’i Kristy. Asao ireo mpianatra hamaky ny Genesisy 24:16–20, 55–58, hitadiavana ny toetran’i Rebeka izay mampahatsiahy ireo mpianatra an’i Jesoa Kristy. Afaka mizara ireo ohatra avy amin’ny fiainan’i Kristy izay maneho ny toetra tsirairay ireo mpianatra avy eo ary mifanakalo hevitra hoe nahoana ireo toetra ireo no hanampy amin’ny fanambadiana.