Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí: Vakai Fakalūfuá

Fuakava Motuʻá – Tohi Lēsoni ʻa e Faiako Seminelí

Kanotohi
Peesi Talamuʻakí
Talateu ki he Tohi Lēsoni ʻa e Faiakó
Ngaahi Lēsoni ʻo e Fuakava Motuʻá
- Talitali Lelei Koe ki he Fuakava Motuʻá
- Mōsese 1; ʻĒpalahame 3
- Sēnesi 1–2; Mōsese 2–3; ʻĒpalahame 4–5
- Sēnesi 3–4; Mōsese 4–5
- Sēnesi 5; Mōsese 6
- Mōsese 7
- Sēnesi 6–11; Mōsese 8
- Sēnesi 12–17; ʻĒpalahame 1–2
- Sēnesi 18–23
- Sēnesi 24–33
- Sēnesi 37–41
- Sēnesi 42–50
- ʻEkesōtosi 1–6
- Toetuʻú
- ʻEkesōtosi 7–13
- ʻEkesōtosi 14–18
- ʻEkesōtosi 19–20; 24; 31–34
- ʻEkesōtosi 35–40; Levitiko 1; 4; 16; 19
- Nōmipa 11–14; 20–24; 27
- Teutalōnome 6–8; 15; 18; 29–30; 34
- Sōsiua 1–8; 23–24
- Fakamaau 2–4; 6–8; 13–16
- Lute; 1 Samuela 1–7
- 1 Samuela 8–10; 13; 15–16
- 1 Samuela 17–18; 24–26; 2 Samuela 5–7
- 2 Samuela 11–12; 1 Ngaahi Tuʻi 3; 6–9; 11
- 1 Ngaahi Tuʻi 12–13; 17–22
- 2 Ngaahi Tuʻi 2–7
- 2 Ngaahi Tuʻi 16–25
- 2 Fakamatala Meʻa Hokohoko 14–20, 26, 30
- ʻĒsela 1, 3–7; Nehemaia 2, 4–6, 8
- ʻĒseta
- Siope 1–3; 12–14; 19; 21–24; 38–40; 42
- Saame 1–2; 8; 19–33; 40; 46
- Saame 49–51; 61–66; 69–72; 77–78; 85–86
- Saame 102–103; 110; 116–119; 127–128; 135–139; 146–150
- Lea Fakatātā 1–4; 15–16; 22; 31; Tangata Malanga 1–3; 11–12
- ʻĪsaia 1–12
- ʻĪsaia 13–14; 22; 24–30; 35
- ʻĪsaia 40–49
- ʻĪsaia 50–57
- ʻĪsaia 58–66
- Selemaia 1–3, 7, 16–18, 20
- Selemaia 31–33; 36–38; Tangilaulau ʻa Selemaia 1, 3
- ʻIsikieli 1–3; 33–34; 36–37; 47
- Taniela 1–7
- Hōsea; Soeli
- ʻĀmosi; ʻOpataia; Siona
- Maika; Nēhumi; Hapakuki, Sefanaia
- Hakeai 1–2; Sakalaia 1–4, 7–14
- Malakai
Ngaahi Lēsoni Teuteu ki he Moʻuí
- Fakataukei Fakatokāteliné: Ko Hono Kumi ʻa e Ngaahi Tali ki Heʻeku Ngaahi Fehuʻí
- Ngaahi Taukei Ako Folofolá
- Tohi Fakahinohino Ki Hono Fakamālohia ʻo e Toʻu Tupú
- Ko Hono Tanumaki ʻo e Moʻui Fakafalala Pē Kiate Kitá
- Tuʻunga Moʻui Lelei Fakatuʻasinó mo Fakaelotó
- Ko e Teuteu ki he Ako mo e Ngāue Maʻuʻanga Moʻui ʻi he Kahaʻú
- Lavameʻa ʻi he Akó
- Teuteu ki he Ngāue Fakafaifekaú
- Teuteu ki he Temipalé
- Ngaahi Akonaki ʻa e Kau Taki ʻo e Siasí
Fakamatala Fakalahí

“Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí: Vakai Fakalūkufuá,” Fuakava Motuʻá – Tohi Lēsoni ʻa e Faiako Seminelí (2026)

“Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí: Vakai Fakalūkufuá,” Fuakava Motuʻá – Tohi Lēsoni ʻa e Faiako Seminelí

Ki Hono Fakamālohia ʻo e Toʻu Tupú: Ko Hono Fakahoko ha Ngaahi Filí

Vakai Fakalūkufuá

Ko Sīsū Kalaisi ʻa e mālohinga ʻo e toʻu tupú. Te tau lava ʻo sio kiate Ia mo ʻEne tokāteliné ʻi he taimi ʻoku tau fai ai ha ngaahi filí. ʻE lava ke tokoni hono ʻiloʻi hotau tuʻunga mo e taumuʻa fakalangí ʻi heʻetau hoko ko e fānau ʻa e ʻOtuá mo hono fokotuʻu ha ngaahi taumuʻá ke tau hoko ai ʻo hangē ange ko Iá. ʻE lava ke tokoniʻi kitautolu ʻe he ngaahi akonaki ʻa e Fakamoʻuí ke tau puleʻi ʻetau fakaʻaongaʻi e tekinolosiá. ʻE lava ke tokoni hotau tāpuaki fakapēteliaké ke tau ongoʻi e ʻofa ʻa e ʻOtuá mo fakahā hotau hako ʻi he fale ʻo ʻIsilelí. ʻE lava ke tokoni hono tali mo fakahoko e ngaahi uiuiʻi faka-Siasí ke tau tokoni ki he niʻihi kehé ʻo hangē ko ia ne fai ʻe he Fakamoʻuí.

Fokotuʻu ki he vave hono akoʻí: ʻE lava ke akoʻi ʻa e ngaahi lēsoni ko ʻení ʻi ha faʻahinga taimi pē ʻi he taʻu fakaakó pe lolotonga ha faʻahinga uike pē ʻi he fakahokohoko ʻo e Haʻu, ʻo Muimui ʻIate Aú. ʻOku ʻoatu ʻi lalo ha ngaahi fokotuʻu.

Teuteu ke Akoʻí

Tohi Fakahinohino Ki Hono Fakamālohia ʻo e Toʻu Tupú

Fokotuʻu ki he vave hono akoʻí: ʻOku fakaʻaongaʻi ʻe he lēsoni ko ʻení ʻa Siosefa ʻo ʻIsipité ko ha sīpinga ʻo ha taha naʻá ne fai ha ngaahi fili fakalaumālie ʻo makatuʻunga ʻia Sīsū Kalaisi mo ʻEne tokāteliné. Mahalo te ke fakakaukau ke akoʻi ʻa e lēsoni ko ʻení ʻi he taimi tatau pē ʻokú ke akoʻi ai ʻa e Lēsoni 34: “Sēnesi 39.”

Taumuʻa ʻo e lēsoní: ʻE lava ke tokoni ʻa e lēsoni ko ʻení ki he kau akó ke nau akoako fakaʻaongaʻi ʻa e Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí ke nau fakahoko ha ngaahi fili ʻoku ueʻi fakalaumālié ʻo makatuʻunga ʻia Sīsū Kalaisi mo ʻEne tokāteliné.

Teuteu ʻa e tokotaha akó: Fakaafeʻi e kau akó ke toe vakaiʻi ha konga ʻe taha ʻo e meʻa ne nau fili ʻi he Ki Hono Fakamālohia ʻo e Toʻu Tupú. ʻE lava ke fakakaukau ʻa e kau akó ki he founga ʻe lava ke tokoniʻi ai kinautolu ʻe he ngaahi akonaki ʻa Sīsū Kalaisi ʻi he konga ko iá ke nau fai ha ngaahi fili ʻoku ueʻi fakalaumālié.
Ngaahi naunau maʻá e kau akó: Ngaahi Tatau ʻo e Ki Hono Fakamālohia ʻo e Toʻu Tupú
Meʻa ke fakaʻaliʻalí: Ko ha fakatātā ʻo ha fale maama-kamo lolotonga ha matangi
Vitiō: “Joseph in Egypt” (2:51) mei he taimi 0:00 ki he 0:41
Laʻipepa tufá: “Ko Hono Fakafehokotaki ʻEtau Ngaahi Filí kia Sīsū Kalaisi mo ʻEne Tokāteliné”

Ko Hono Fokotuʻu ha Ngaahi Taumuʻá

Taumuʻa ʻo e lēsoní: ʻE lava ke tokoni ʻa e lēsoni ko ʻení ki he kau akó ke fakakau ʻa e ʻEikí ʻi heʻenau fokotuʻu mo lavaʻi ʻenau ngaahi taumuʻa fakatāutahá.

Teuteu ʻa e tokotaha akó: Fakaafeʻi e kau akó ke fakalaulauloto ki ha ngaahi taumuʻa taimi lōloa mo taimi nounou te nau loto ke aʻusia. Te nau lava foki ʻo fehuʻi ki he kakai ʻoku nau ʻiló ʻa e meʻa kuo nau ako fekauʻaki mo hono fokotuʻu mo lavaʻi ha ngaahi taumuʻá.
Meʻa ke fakaʻaliʻalí: ʻŪ fakatātā ʻo ha ngaahi taumuʻa māhina ʻe tolu, taʻu ʻe taha, mo e taʻu ʻe nima
Laʻipepa tufá: “Ngaahi Tefitoʻi Moʻoni ki he Fokotuʻu mo e Lavaʻi ʻo e Ngaahi Taumuʻá”

Ko Hotau Tuʻunga mo e Taumuʻa Fakalangí

Fokotuʻu ki he vave hono akoʻí: ʻOku fakamamafaʻi lahi ʻa e tefito ki he tuʻunga mo e taumuʻa fakalangí ʻi he ngaahi ʻuluaki uike ʻo e kalasi ko ʻení. Kapau naʻe fakahoko e kalasí ʻi he lolotonga ʻo e ngaahi uike ko iá, mahalo te ke fakakaukau ke akoʻi ʻa e lēsoni ko ʻení ʻamui ange ʻi he taʻú, ke tānaki atu hono fakamamafaʻí ʻamui ange ʻi he kalasí. Kapau naʻe ʻikai fai e kalasí ʻi he lolotonga ʻo e ngaahi ʻuluaki uiké, te ke lava ʻo akoʻi ʻa e lēsoni ko ʻení ʻi he kamataʻanga ʻo e taʻú, ke ʻoange ki he kau akó ha vakai fakalūkufua ki ha niʻihi ʻo e ngaahi meʻa naʻe ʻikai ke nau maʻú.

Taumuʻa ʻo e lēsoní: ʻE ʻoange ʻe he lēsoni ko ʻení ki he kau akó ha faingamālie ke nau fakakaukauloto ai ki honau tuʻunga mo e taumuʻa fakalangí.

Teuteu ʻa e tokotaha akó: Fakaafeʻi e kau akó ke nau fakakaukau ki he laine ʻuluaki ʻo e “Kaveinga ʻo e Kau Finemuí” pe “Kaveinga ʻo e Kōlomu ʻo e Lakanga Taulaʻeiki Faka-ʻĒloné.” Te nau lava ʻo ʻahiʻahi ako maʻuloto ia pe lau maʻuloto tuʻo lahi ia ʻi he lolotonga e ʻahó. ʻE lava ke vahevahe ʻe he kau akó ʻa e founga naʻe tākiekina ai ʻe heʻenau fai ʻení ʻenau ngaahi tōʻongá pe ngaahi ngāué.
Meʻa ke fakaʻaliʻalí: Ko ha sioʻata
Naunau maʻá e kau akó: Ko ha tatau ʻo e fakamatala ko ʻení maʻá e tokotaha ako takitaha

Ko e tokolahi ʻo kimoutolu ʻoku kamata homou ʻahó ʻaki hoʻomou sio ki he sioʻatá. Ko ʻapongipongí, uiké ni, taʻú ni, kiʻi tuʻu maʻu pē ʻo fakakaukau ʻi hoʻo sio kiate koe ʻi he sioʻatá. Fakakaukau pē kiate koe, pea kapau te ke loto ki ai peá ke lea leʻolahi, “Mani ē, sio kiate au! ʻOku ou fakaofo! Ko e fānau au ʻa e ʻOtuá! ʻOkú Ne ʻafioʻi au! ʻOkú Ne ʻofa ʻiate au!” (Gary E. Stevenson, “Ngaahi Ueʻi ʻa e Laumālié,” Liahona, Nōvema 2023, 45)
Vitiō: “Ngaahi Ueʻi ʻa e Laumālié” mei he taimi 13:08 ki he 13:38; “Tuku ke Lāngilangiʻia ʻa e ʻOtuá” mei he taimi 10:40 ki he 12:23
Meʻa ke fakaʻaliʻalí: Saati ʻoku kau ai ʻa e ngaahi potufolofola ʻi he Fuakava Motuʻá fekauʻaki mo e tuʻunga fakalangí, ngaahi fakahinohino maʻá e kau akó ʻi he konga “Ako mo fealēleaʻaki ʻa e tokotaha akó” ʻi he lēsoní

Ko Hono Puleʻi ʻo e Tekinolosiá

Taumuʻa ʻo e lēsoní: ʻE lava ke tokoni ʻa e lēsoni ko ʻení ke fakaʻaongaʻi ʻe he kau akó ʻa e ngaahi akonaki ʻa Sīsū Kalaisí ke sivisiviʻi ʻaki ʻenau fakaʻaongaʻi ʻo e tekinolosiá.

Teuteu ʻa e tokotaha akó: Fakaafeʻi e kau akó ke fakakaukau ki heʻenau fakaʻaongaʻi e tekinolosiá pea mo hono ngaahi nunuʻa kiate kinautolu mo e niʻihi kehé. Ke tokoni ʻi he meʻá ni, ʻe lava ke vakaiʻi ʻe ha kau ako ʻe niʻihi ʻenau ʻū meʻangāue fakaʻilekitulōniká ki ha setting pe polokalama ʻoku ʻasi ai ʻa e lahi ʻo ʻenau fakaʻaongaʻi ʻo e meʻangāué pe ko e ngaahi polokalama ʻoku lolotonga fakaʻaongaʻí.
Meʻa ke fakaʻaliʻalí: Ko ha ʻīmisi ʻo ha taha ʻi ha fetaulakiʻanga, ngaahi fakahinohino maʻá e kau akó ʻi he konga ʻo e lēsoní ko e “Fakaʻaongaʻi ʻo e tekinolosiá mo ha taumuʻá.”
Naunau maʻá e kau akó: Ngaahi Tatau ʻo e Ki Hono Fakamālohia ʻo e Toʻu Tupú
Vitiō: “Mālohi ke Ikunaʻi ʻa e Filí” mei he taimi 3:12 ki he 3:46

Ngaahi Tāpuaki Fakapēteliaké

Fokotuʻu ki he vave hono akoʻí: Mahalo te ke fakakaukau ke akoʻi ʻa e lēsoni ko ʻení hili hono akoʻi e Lēsoni 35: “Sēnesi 42–45.” Naʻe foaki ʻe Sēkope (pe ʻIsileli) ha ngaahi tāpuaki fakapēteliake ki hono hakó ʻi he Sēnesi 48–49.

Taumuʻa ʻo e lēsoní: ʻE lava ke tokoni ʻa e lēsoni ko ʻení ke mahino ki he kau akó ʻa e founga ʻoku hoko ai e ngaahi tāpuaki fakapēteliaké ko hano fakahaaʻi ʻo e ʻofa ʻa e ʻOtuá mo hano fakahaaʻi honau hako ʻi he fale ʻo ʻIsilelí.

Teuteu ʻa e tokotaha akó: Fakakaukau ke fakaafeʻi e kau akó ke fakahoko ha taha ʻo e ngaahi meʻá ni kimuʻa he kalasí: (1) lau honau tāpuaki fakapēteliaké pe (2) kole ki he kakai kuo nau maʻu honau tāpuaki fakapēteliaké ke vahevahe e founga kuo tokoniʻi ai kinautolu ʻe honau ngaahi tāpuakí.
Vitiō: “Bethany’s Story” (11:08) mei he taimi 7:18 ki he 8:55

Ko Hono Tali mo Fakahoko e Ngaahi Uiuiʻí

Taumuʻa ʻo e lēsoní: ʻE lava ke tokoni ʻa e lēsoni ko ʻení ke ngāue ʻa e kau akó ʻo hangē ko e Fakamoʻuí ʻi honau ngaahi uiuiʻí.

Teuteu ʻa e tokotaha akó: Fakakaukau ke ʻoange ki he kau akó ʻa e tūkunga mo e ngaahi fehuʻi ko ʻení. Fakaafeʻi ke nau fakakaukauloto ki he meʻa te nau ala lea ʻakí.
- Ko e hā nai ha niʻihi ʻo e ngaahi uiuiʻi ʻe ala kole kia ʻEvelini ke ne fakahokó?
- Ko e hā nai e ongo ʻe ala maʻu ʻe ʻEveliní? Ko e hā hono ʻuhingá?
- Ko e hā ha meʻa te ke fiemaʻu ke ʻilo ʻe ʻEvelini fekauʻaki mo hono tali mo fakahoko e ngaahi uiuiʻí?
Vitiō: “Tui, ʻOfa, Ngāue” mei he taimi 11:00 ki he 12:08
Laʻipepa tufá: “Ko e Ngāue ʻo Hangē ko e Fakamoʻuí”