Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Суралцахуйгаа үнэлэх нь 9: Иеремиа–Иоел

“Суралцахуйгаа үнэлэх нь 9: Иеремиа–Иоел,” Хуучин Гэрээний семинарын багшийн гарын авлага (2026)

“Суралцахуйгаа үнэлэх нь 9: Иеремиа–Иоел,” Хуучин Гэрээний семинарын багшийн гарын авлага

Суралцахуйгаа үнэлэх нь 9: 148-р хичээл

Суралцахуйгаа үнэлэх нь 9

Иеремиа–Иоел

A young woman sits at a table and talks with a young man, who is holding a Book of Mormon open.

Сүнслэг суралцахуйгаа эргэцүүлэн бодож, үнэлэх нь Тэнгэрлэг Эцэг, Есүс Христ хоёрт илүү ойртоход бидэнд тусална. Энэ хичээл нь Иеремиа–Иоелыг судлах явцад тавьсан зорилго, олж авсан өсөлт хөгжлөө эргэн харахад нь суралцагчдад туслах зорилготой.

Суралцагчийн бэлтгэл: Хуучин Гэрээг судлахдаа өөрсдөд нь чухал санагдсан судрын хэсгийг хуваалцахаар бэлдэж ирэхэд суралцагчдыг урь. Тухайн хэсэг тэдэнд Есүс Христийг дагахад хэрхэн тусалдаг талаар бодохыг тэднээс хүс.

Боломжит суралцах үйл ажиллагаа

Аврагчтай илүү адилхан болох

Та бид хэрхэн бусдыг дуурайн сурдаг талаар ярилцах замаар суралцагчдад суралцсан зүйлээ үнэлэхээр бэлтгэхэд тусалж болно. Жишээлбэл: хүүхдүүд бусдыг дуурайх замаар үндсэн зан авирт суралцдаг. Та хэн нэгнийг дуурайснаар сурч мэдсэн зүйлээ хуваалцахыг хүсэж болох юм.

Таны дуурайх гэж хичээж байсан хүн хэн бэ? Та тэднийг дуурайснаар юу сурсан бэ?

Дараах асуултуудын талаар ярилцах зуураа Есүс Христийн зургийг харуулах талаар бодож үз. Хичээл дээр ярилцахын өмнө эдгээр асуултыг тунгаан бодох эсвэл судлах тэмдэглэлдээ хариулж бичих нь суралцагчдад тустай байж болно.

Actor portraying Jesus Christ at a well in Samaria.

Та Аврагчийг ямар арга замаар дуурайхыг хичээдэг вэ?
Аврагчийг даган дуурайхад тань туслах ямар зүйлийг та семинарын хичээлээр эсвэл хувиараа суралцсан бэ?

Энэ хичээлийн үлдсэн хэсэг нь семинараас сурсан зарим зүйлээ давтах боломжийг суралцагчдад олгоно. Сурч мэдэж буй зүйл нь хэрхэн Аврагчийн үлгэр жишээг дагаж, Түүнтэй адил болоход тусалдаг талаар үргэлжлүүлэн бодоход суралцагчдыг урь.

Хожмын өдрүүд дэх Есүс Христийн сайн мэдээний Сэргээлттэй холбоотой бошиглолуудыг тайлбарлах

Хичээлийн энэ хэсэг нь Есүс Христийн сайн мэдээний сэргээлтийн талаарх бошиглолуудыг тайлбарлахад суралцагчдад туслах зорилготой. Шаардлагатай бол Хуучин Гэрээний төгс эзэмших сургаалын хэсгүүд болох Исаиа 29:13–14; Езекиел 37:15–17; ба Даниел 2:44–45-ыг дахин давтахад нь суралцагчдад тусал. Судрын эшлэлүүдийг давтахын тулд суралцагчид тэдгээрээс нэгийг сонгоод, дараах зүйлийг хийж болно:

Төгс эзэмших сургаалын судрын хэсгийг унш.
Судар эсвэл судрын тэмдэглэлдээ судрын хэсгийн талаар тэмдэглэсэн эсвэл бичсэн зүйлээ эргэн давт.
Төгс эзэмших сургаалыг судлах үндсэн материал (2023) дээрх судрын эшлэлд зориулсан төгс эзэмших сургаалын судрын гол үг хэллэгийг унш.

Суралцагчид Хуучин Гэрээн дэх Сэргээлтийн тухай эдгээр бошиглолыг уншсаны дараа тэднийг хоёр хоёроор нь хуваах талаар бодож үз.

Та өөрийгөө Есүс Христийн сайн мэдээний сэргээлтийн тухай хичээл заахаар бэлтгэж байгаа номлолын хамтрагч байна гэж төсөөл. Заах зүйлсээрээ энгийн хичээлийн төлөвлөгөөг гаргахын тулд хамтран ажилла. Хичээлийн төлөвлөгөөнийхөө нэг хэсэг болгож:

Аврагчийн сайн мэдээний сэргээлтийн талаарх Хуучин Гэрээний төгс эзэмших сургаалын нэг эсвэл хэд хэдэн хэсгийг уншиж, тайлбарла.
Өнөө үед дэлхий дээр Есүс Христийн Хожмын Үеийн Гэгээнтнүүдийн Сүм яагаад хэрэгтэй байгаа хоёр эсвэл гурван шалтгааныг жагсаан бич.
Хожмын өдрүүд дэх Аврагчийн сайн мэдээний сэргээлтийн тухай сэтгэгдлээ хуваалц.

Бэлдэхэд хангалттай цаг гаргаж өгсний дараа бусад хамтрагчдадаа заахад хамтрагчдыг урь. Эсвэл цөөн хэдэн хамтрагчийг хариултаа ангийнхантайгаа хуваалцахад урьж болно. Есүс Христийн сайн мэдээний сэргээлтийн тухай болон энэ нь таны амьдралыг хэрхэн адисалсан тухай гэрчлэлээ хуваалцах талаар бодож үзээрэй.

Тэнгэрлэг зорилгынхоо хүчийг мэдрэх

Бурхан тэднийг мэддэг, мөнх бус амьдралд гүйцэтгэх тодорхой үүрэг хариуцлагуудыг тэдэнд өгсөн гэдгийг харуулсан саяхны туршлагаасаа тунгаан бодоход суралцагчдыг урь. Патриархын адислалаа аль хэдийн хүлээн авсан хүмүүсийн хувьд үүнийг харуулдаг патриархын адислал дахь үг эсвэл хэллэгийг бодож олоход нь тэднийг урамшуулж болно.

Суралцагчдад тэнгэрлэг зорилгынхоо талаар өмнө нь мэдсэн зүйлээ санахад туслахын тулд хамтрагчтайгаа дараах зүйлсийг хийхэд тэднийг урих талаар бодож үз:

Таны талаарх Их Эзэний мэдлэг болон өөрийн тэнгэрлэг зорилгын талаар олж мэдсэн зүйлээ санахын тулд дараах судрын хэсгүүдийг давтан унш:

Иеремиа 1:4–5
Сургаал ба Гэрээ 138:53–56

Хүслийнхээ өсөлт, өөрчлөлтийг хэмжихэд суралцагчдад туслах нэг арга зам бол 130-р хичээл “Иеремиа 1”-ийн эхэнд ашигласан дараах даалгавруудыг үзүүлэх юм. Тухайн хичээлийн тэмдэглэлээ эргэн харж, тухайн үед юу мэдэрч байснаа харахад суралцагчдыг урь.

Та мөн хичээлийн төгсгөлд өөрсдөдөө бичсэн зурвасаа уншихыг суралцагчдаас хүсэж болно.

Та дараах мэдэгдлүүд дээр өөрийгөө хэрхэн дүгнэх вэ? (1 = миний хувьд үнэн; 10 = миний хувьд үнэн биш). Мэдэгдэл нэг бүрийг яагаад ингэж үнэлснээ судлах тэмдэглэлдээ бич.

Тэнгэрлэг Эцэг, Есүс Христ хоёр намайг хэнээс ч илүү сайн мэддэг гэдэгт би итгэдэг.
Тэд надад Тэдний тусламжтайгаар гүйцэлдүүлж чадах тэнгэрлэг зорилгыг өгсөн гэдэгт би итгэдэг.
Би Тэнгэрлэг Эцэг, Есүс Христ хоёрын надад өгсөн тэнгэрлэг зорилгыг мэдэж, гүйцэлдүүлэхийг хүсдэг.

Итгэл үнэмшил, хүсэл эрмэлзэлд нь нөлөөлөх юуг сүүлийн үед сурч, туршлага хуримтлуулсан тухайгаа бичиж, дээрх гурван мэдэгдэл дээрх өсөлт хөгжилтөө дүгнэхэд суралцагчдыг урь.

Израилын цугларалтад оролцох

“Иеремиа 16” гэсэн 132-р хичээлийн үеэр Аврагчийн сайн мэдээг бусадтай хуваалцах хувийн төлөвлөгөө гаргахад суралцагчдыг урьсан. Суралцагчид сайн мэдээг хэнтэй, хэрхэн, хэзээ хуваалцаж болох талаар Ариун Сүнсний удирдамжийг эрэлхийлсэн байж болно. Хичээлээ болон төлөвлөгөөгөө санахад нь суралцагчдад туслахын тулд та Иеремиа 16:14–16-г уншихыг хүсэж болно.

Дараах графикийг үзүүлэх талаар бодож үз. Судлах тэмдэглэл дээрээ үүнтэй төстэй график зурж, нэг юм уу түүнээс олон асуултад хариулж, нүдийг бөглөхөд суралцагчдыг урь.

Хангалттай хугацаа гаргаж өгсний дараа туршлагаа ангийнхантайгаа хуваалцах хүсэлтэй суралцагчдыг урь. Аврагчийн сайн мэдээг хуваалцахад гаргасан суралцагчдын хичээл зүтгэлийг магтаж, урамшуулах арга замуудыг хайж ол. Та эргэн тойрныхоо хүмүүстэй Есүс Христийн сайн мэдээг үргэлжлүүлэн хуваалцах шинэ төлөвлөгөө залбиралтайгаар гаргах боломжийг суралцагчдад олгохыг хүсэж болно.