Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Хосеа: Их Эзэний хайр, нигүүлсэл

“Хосеа: Их Эзэний хайр, нигүүлсэл,” Хуучин Гэрээний семинарын багшийн гарын авлага (2026)

“Хосеа: Их Эзэний хайр, нигүүлсэл,” Хуучин Гэрээний семинарын багшийн гарын авлага

Хосеа 1–6; 10–14; Иоел: 146-р Хичээл

Хосеа

Их Эзэний хайр, нигүүлсэл

Хосеа номд Их Эзэн Израилчуудад Өөрийн хувиршгүй гэрээт хайрын талаар заахдаа Хосеа, Гомер хоёрын гэрлэлтийг бэлгэ тэмдэг болгон ашигласан. Бид Израилтай адил зарим үед Их Эзэнээс болон Түүнтэй байгуулсан гэрээнээсээ холдож болно. Тэгсэн ч гэсэн Есүс Христ үнэнч хэвээрээ байж, биднийг хайрладаг. Энэ хичээл Их Эзэний тэднийг гэсэн хувиршгүй хайр, нигүүлслийг ойлгоход нь суралцагчдад тусална.

Суралцагчийн бэлтгэл: Их Эзэний хайр, нигүүлслийг мэдрэхэд ямар туршлага тусалсан талаар бодоход суралцагчдыг урь

Боломжит суралцах үйл ажиллагаа

Тэнгэрлэг Эцэг ба Есүс Христийг санан дурсах нь

Хичээлээ эхлэхийн тулд Хосеа, Гомер хоёрын түүхтэй холбогдоход суралцагчдыг бэлтгэ. Үүнийг хийж болох нэг арга бол дараахтай адил жишээг ашиглах юм.

Камилл, Ханна хоёр сайн найзууд болоод бүтэн жил болжээ. Энэ хугацаанд тэд дотносож, хүнд хэцүү үед бие биедээ тусалж байсан. Ханна хэцүү байгаа зарим зүйлээ ярьжээ. Камилл үүнийг нь бусдад ярихгүй гэж амласан. Гэвч хэд хоногийн өмнө Ханна Камиллийг бусад найздаа түүний зовлон зүдгүүрийн талаар ярьсан болохыг олж мэджээ.

Та Ханнагийн оронд байсан бол танд ямар бодол, мэдрэмж төрөх байсан бэ?
Камиллийг уучлах нь яагаад хэцүү байх вэ?

Энэ нь хэн нэгэн амлалтаа зөрчих үед бидэнд хэрхэн хууртагдсан мэт мэдрэмж төрж эсвэл гомддог тухай нэг жишээ гэдгийг тайлбарлах талаар бодож үзээрэй. Бид эдгээр нөхцөл байдалд тус болж чадахгүй арга замаар хариу үйлдэл үзүүлж болох ч Их Эзэн өөрөөр хариу үйлдэл үзүүлдэг.

Хосеагийн номд гэрлэлтийн харилцааны тухай өгүүлдэг. Судруудад Их Эзэн гэрлэлтийг тогтмол бидний Түүнтэй байгуулсан гэрээний харилцааны бэлгэ тэмдэг болгон ашигладаг. Ерөнхийлөгч Рассэлл М.Нэлсон бидний гэрээнүүд “[бид болон Их Эзэн] нэг нэгэндээ үнэнч, итгэл үүсгэсэн гэрээний харилцааг” бий болгодог гэж заасан (“Үүрдийн Гэрээ,” Лиахона, 2022 оны 10-р сар, 6).

Заримдаа Бурханы хүүхдүүд Их Эзэнд итгэлгүй болж, Түүнтэй хийсэн гэрээнээсээ холдон оддог. Та өнөөдөр Хосеагийн номыг судлахдаа Их Эзэн Түүний гэрээт хүмүүс Түүнээс холдсон үед ч гэсэн тэдний талаар юу мэдэрч, ямар хариу үйлдэл үзүүлдгийг олж мэд.

Хосеа, Гомер хоёр

Хосеа Гомер хоёрын түүхийг ойлгоход нь суралцагчдад туслахын тулд дараах догол мөрийг харуулах эсвэл нэгтгэн дүгнэ.

Гомертой гэрлэх тухай Бурханы Хосеад өгсөн зарлигийн талаар дэлгэрэнгүй мэдээллийг Gospel Library-н энэ хичээл дээрх Нэмэлт эх сурвалжууд хэсгээс үзнэ үү.

Хосеа бол Израилын хойд хаант улсад бошиглогч байсан бөгөөд Исаиатай ойролцоо үед бошиглож байжээ. Гомер завхай, янхан байсан хэдий ч түүнтэй гэрлэ хэмээн Их Эзэн Хосеад зарлиг болгов. Хосеа, Гомер хоёр гурван хүүхэдтэй болсон (Хосеа 1:2–8-ыг үзнэ үү).

Та Хосеа Израилчуудыг төлөөлдөг Гомерын талаар Их Эзэний өмнөөс ярьсан гэдгийг тайлбарлаж болно. Самбарт хоёр багана зурах талаар бодож үз. Нэгийг нь Хосеа Их Эзэнийг төлөөлдөг, нөгөөг нь Гомер Израилыг төлөөлдөг гэж шошгол.

Хосеа 2:5-ыг уншаад Гомерыг юу хийсэн гэж Хосеа хэлснийг олж мэд. “Тэдний эх” гэдэг нь Гомерыг хэлж байна.

Гомерын үйлдэл Израилчуудыг хэрхэн төлөөлж болох вэ?

Та Гомерын Хосеатай байгуулсан гэрээт гэрлэлт дэх үнэнч бус байдал нь Бурхантай байгуулсан Израилын гэрээт харилцаан дахь тэдний сүнслэг үнэнч бус байдлыг төлөөлж байсан гэдгийг тайлбарлаж болно. Хэрэв тустай гэж үзвэл суралцагчид 2 Хаад 17:14–16-г уншаад, Израил Их Эзэнтэй хийсэн гэрээнүүдээ хэрхэн зөрчсөнийг олж мэдэж болно.

Судруудыг өөрсдөдөө хамаатуулахад нь суралцагчдад туслах үүднээс та дараахтай адил асуулт тавьж болно. Суралцагчдын хариултуудыг самбар дээр Гомер Израилыг төлөөлдөг гэсэн гарчгийн доор жагсааж бич.
Өнөө үед хүмүүс заримдаа хэрхэн Их Эзэнээс болон Түүнтэй хийсэн гэрээнээсээ холддог вэ?

Суралцагчид Их Эзэнд хандахад хэтэрхий завгүй байх, техник технологийг зохисгүй ашиглах, бусадтай муугаар харьцах, өөр зүйлсийг Их Эзэнээс дээгүүр тавих, илүү ноцтой нүгэл үйлдэх зэрэг зүйлсийг хуваалцаж болно. Суралцагчид дараах асуултыг тунгаан бодохдоо энэ жагсаалтыг эсвэл өөр бусад зүйлийн талаар эргэцүүлэн бодож болно.

Таныг гэрээнүүдээ зөрчихөд уруу татаж болох арга замуудыг эсвэл Их Эзэнтэй хийсэн гэрээнүүдээсээ холдож болох арга замуудын талаар эргэцүүлэн бод.

Их Эзэний талаар судлах нь

Тараах материал дээрээ бичсэн үнэний мэдэгдлүүдээ хуваалцахад суралцагчдыг урь. Тэд чанга унших юм уу самбар дээр Хосеа Их Эзэнийг төлөөлдөг гэсэн гарчгийн доор мэдэгдлүүдээ бичиж болно. Тэд дараахтай адил үнэнүүдийг бичиж болно:

Намайг Түүнээс холдож хөндийрсөн ч Есүс Христ хайр, нигүүлслээр дүүрэн байдаг.
Есүс Христ гэрээт хүмүүсээ наманчилж, гэрээгээ сахихад урьдаг.

Суралцагчдыг хуваалцах зуур та эдгээр нь судруудтай тодорхой холбоотойг олж харахад суралцагчдад туслах нэмэлт асуултууд тавьж болно: “Түүхийн аль хэсэг Түүний тухай үүнийг мэдэж авахад танд тусалсан бэ?” эсвэл “Та Хосеагаар дамжуулан Түүний тухай тэрхүү үнэнийг хэрхэн олж харсан бэ?”

Та дараах асуултыг асуухаасаа өмнө самбар дээрх бидний заримдаа Их Эзэнээс мөн Түүнтэй хийсэн гэрээнүүдээсээ холддог арга замуудын жагсаалтад суралцагчдыг хандуулж болно.

Их Эзэнээс холдсоноосоо болж урам нь хугарч, ичиж байгаа өсвөр үеийнхэнд Их Эзэний талаар таны суралцаж байгаа зүйл хэрхэн туслах боломжтой вэ?

Дараагийн асуултыг асуухаасаа өмнө өмнөх гэм нүглүүд гэх мэт хэт хувийн чанартай зүйлсээ хуваалцахгүй байхыг суралцагчдад зөвлөх нь ухаалаг хэрэг болно. Та бас өөрийн амьдралын туршлагаас хуваалцаж болно.
Та нар Их Эзэн хайр, нийгүүлслээ ямар арга замаар харуулдаг болохыг өөрсдийн эсвэл таньдаг хүнийхээ амьдралаас харж байсан уу?

Ойлголтоо харуулах

Суралцагчид сурсан зүйлээ тайлбарлах эсвэл тунгаан бодох боломжтой үед энэ нь тэдэнд цаашид илүү сайн заах Ариун Сүнсийг урьдаг. Тэдний хувьд үүнийг хийх нэр арга зам нь дараах бяцхан бичвэрийг бичих үйл ажиллагаа байж болно.

Дараах зүйлсээс нэгийг сонго.

Зурвас бичих. Уучлал хүртэх боломжгүйгээр Их Эзэнээс хэт холдсон хэмээн бодож магадгүй хэн нэгний талаар бод (та өөрөө ч байж болно). Тэр хүнд урам хайрласан зурвас бичээд, Тэнгэрлэг Эцэг, Есүс Христ хоёрын талаар тус болно гэж бодож буй сурсан зүйлээ хуваалц.
Тодорхойлолт бичих. Та өнөөдөр сурсан эсвэл мэдэрсэн зүйлдээ үндэслэн Тэнгэрлэг Эцэг, Есүс Христ хоёрын зан чанарыг хэрхэн тодорхойлж дүрслэх вэ?

Бид Гомер шиг Түүнээс холдсон үедээ наманчилж, Түүн рүү эргэж ирэх хайрын урилгыг хүлээн авах сонголтыг хийж чадна гэдгийг та суралцагчидтай хуваалцаж болно. Их Эзэний тухай гэрчлэлээр төгсгөх талаар бодож үз.

Нэмэлт эх сурвалжууд

Хосеа 1:2–3; 2:5 Янхан эмтэй гэрлэ гэж Бурхан бошиглогчид үнэхээр зарлигдсан уу?

Бригам Янгийн Их Сургуулийн эртний судар судлалын профессор, доктор Кэрри Мюлэстайн ийн хэлсэн:

Зарим хүн Хосеаг янхан эмтэй гэрлэснийг яг бодит байсан уу эсвэл ёгтлол байсан уу гэж эргэлздэг. Уг номон дахь олон нарийн ширийн зүйл гэрлэлтийг бодит байдлаар нь харуулдаг ч бид баттай хэлж чадахгүй. (“Hosea 1,” The Essential Old Testament Companion: Key Insights to Your Gospel Study [2013], 476)

Гэрээ нь зөвшилцлөөс юугаараа ялгаатай вэ?

Тэргүүн зөвлөлийн ерөнхийлөгч Хэнри Б.Айринг өглөөний семинарын ангид Хосеагийн номыг зааж байсан туршлагынхаа талаар дараах зүйлийг заажээ:

Би Их Эзэнтэй гэрээ байгуулах гэдэг нь ямар утгатай болох талаар шинэ ойлголттой болсон. Би бүх л амьдралынхаа туршид гэрээ гэдэг нь нэг хүн ямар нэгэн зүйлийг хийхээр зөвшөөрөхөд, нөгөө хүн хариуд нь өөр нэг зүйлийг хийхээр хүлээн зөвшөөрдөг зөвшилцөл буюу гэрээ юм гэсэн тайлбарыг сонссоор ирсэн.

Хосеагийн тухай зааж байх үедээ би тайлбарлаж чадахааргүй олон шалтгаанаар ямар нэгэн шинэ, хүчтэй зүйл мэдэрч байсан. Энэ бол түншүүдийн хоорондын бизнесийн тухай түүх биш юм. … Энэ бол хайрын түүх. Энэ бол хайр, хөдөлшгүй хайраар холбогдсон гэрлэлтийн гэрээний түүх юм. Тэр үед миний мэдэрсэн зүйл он жилийн явцад өсөн нэмэгдсэн бөгөөд надтай гэрээ байгуулснаараа намайг адисалсан Их Эзэн намайг, таныг … цуцалтгүй хайрладаг ба би үүнийг нь үргэлжид биширч, бүхий л зүрх сэтгэлээрээ дуурайхыг хүсдэг. (“Covenants and Sacrifice” [Хуучин гэрээний талаарх сүмийн боловсролын системийн симпозиум дээр хэлсэн үг, 1995 оны 8-р сарын 15])

Түүнээс холдсон үед Бурхан намайг үнэхээр уучлах болов уу?

Арван хоёр төлөөлөгчийн чуулгын ахлагч Дэйл Г.Рэнланд ийн заасан:

13:49

Бид замаасаа гарч хэр их удсан эсвэл хэр хол төөрсөн гэдгээс үл хамааран өөрсдийгөө өөрчлөх шийдвэр гаргах тэр мөчөөс Бурхан бидэнд буцаж ирэхэд маань тусалдаг. Бурханы байр суурин дээрээс харахад чин сэтгэлээсээ наманчилж, Христэд тууштайгаар урагшилж, зам дээрээ буцаж гарах нь хэзээ ч төөрөлдөж байгаагүй юм шиг байдаг. (“Өнөөдөр өөрсдөдөө сонго,” 2018 оны 10-р сарын Ерөнхий чуулган, 106–109)

Залуу эмэгтэйчүүдийн ерөнхий ерөнхийлөгч Эмили Бэлл Фрийман ийн заасан:

10:24

Би [Бурхантай] байгуулсан гэрээнийхээ харилцаанд тууштай амьдрахыг хүсдэг.

Магадгүй та ч мөн ийм байж болно. Байгаа газраасаа эхэл. Нөхцөл байдал тань танд саад учруулахыг бүү зөвшөөр. Бид замдаа ямар түвшинд хэр хурдан урагшилж байгаа нь өсөлт хөгжлийн адил чухал биш гэдгийг санаарай. Гэрээний зам дээр буй, өөрийн итгэдэг хэн нэгнээс Аврагчийн талаар мэддэг зүйлийнхээ тухай ярьж өгөхийг хүс. Аврагчаас илүү их суралц. Аврагчтай гэрээнд нэгдсэнээр Түүнтэй харилцах харилцаагаа хөгжүүл. Таны нас, нөхцөл байдал огт хамаагүй. Та Түүнтэй хамт алхаж чадна. (“Гэрээний харилцаанд Христтэй хамт алхах нь,” Лиахона, 2023 оны 11-р сар, 76–79)

Нэмэлт суралцах үйл ажиллагаа

Гэрээт хайрын жишээ

Та тараах материалыг бөглөсний дараа суралцагчдыг “Enduring Love” (4:16) бичлэгийг үзээд, гэрээт хайр ямар байж болохыг олж мэдэхэд урьж болно. Тэгээд та дараах асуултыг асууж болно:

4:12

Энэ нөхөр, Хосеа хоёрын жишээ биднийг гэсэн Их Эзэний гэрээт хайр ямар байж болох талаар бидэнд юу зааж чадах вэ?

Hesed: онцгой төрлийн хайр

Их Эзэний гэрээт хайрыг илүү сайн ойлгоход нь суралцагчдад туслахын тулд та ерөнхийлөгч Рассэлл М. Нэлсоны дараах мэдэгдлийг хуваалцаж болно:

Hesed гэдэг нь хоёр талын нэг нэгэндээ үнэнч, итгэл үүсгэсэн гэрээний харилцан заалтыг тодорхойлж буй өвөрмөц хэллэг юм.

Hesed гэдэг нь Бурханы Түүнтэй гэрээ байгуулсан хүмүүст үзүүлдэг онцгой хайр, нигүүлсэл юм. Бид ч бас Түүнд hesed харуулдаг.

Бурханд Түүнтэй гэрээ байгуулсан хүмүүст зориулсан hesed байдаг тул Тэр тэднийг хайрлах болно. Тэр тэдэнтэй үргэлжлүүлэн ажиллаж, тэдэнд өөрчлөх боломжуудыг санал болгоно. Тэр тэднийг наманчлах үед өршөөнө. Хэрэв тэд замаасаа гарвал Тэр Өөрт нь буцаж очих замаа олоход тэдэнд туслах болно. (“Үүрдийн гэрээ,” Лиахона, 2022 оны 10-р сар, 6–11)

Хэрэв хэн нэгэн өөрийгөө уучлагдахааргүй дэндүү буруу зүйл хийсэн гэж бодож байвал та энэ мэдэгдлээс тэдэнд найдвар авчрах юуг олж харж байна вэ?

Хосеа hesed гэдэг үгийг Хосеа 2:19; 4:1; 6:4, 6; 10:12; 12:6 дээр ашиглажээ. Хаан Жэймсийн хувилбарыг орчуулагчид hesed гэдэг үгийг орчуулахдаа өөр англи үгнүүд ашигласан.

Хайр энэрэл (Хосеа 2:19)
Өршөөл (Хосеа 4:1; 6:6; 10:12; 12:6)
Хайр (6:4)

Та эдгээр шүлгийг уншаад, Их Эзэний гэрээт хайрын тухай нэмэлт ойлголтыг хуваалцахад суралцагчдыг урьж болно. Та мөн бид Их Эзэнийг гэсэн hesed-ээ илэрхийлж болох арга замуудын талаар бодохыг суралцагчдаас хүсэж болно.

Хосеа 2:5–8 Буруу газраас аз жаргалыг эрж хайх нь

Аз жаргалыг хаанаас хайж, хаанаас эрэлхийлж байгаагаа бодоход суралцагчдад туслахын тулд та Гомерын туршлагыг харж болно.

Хосеа 2:5–8-ыг уншаад, Хосеа Гомерт (8-р шүлэг) гэрээгээ зөрчин хайж явсан тэр зүйлийг нь (5-р шүлэг) аль хэдийн өгч байсан гэдгийг олж мэдэхэд суралцагчдад тусал.

Ерөнхийлөгч Рассэлл М.Нэлсоны хэлсэн дараах мэдэгдлийг хуваалц:

18:44

Эрх мэдэл, эд хөрөнгө, алдар нэр, махан биеийн таашаал нь аз жаргал авчирдаг гэж энэ дэлхийнхэн хэлдэг ч тийм биш гэдэг нь агуу үнэн юм! Тэдгээр нь авчирч чаддаггүй! Тэдгээр нь “Бурханы зарлигуудыг дагадаг тэдний адислагдсан мөн баярт байдлыг” [Мозая 2:41] хий хоосон орлохоос өөр юу ч бүтээдэггүй.

Үнэндээ аз жаргалыг хэзээ ч олж авч чадахааргүй газраас хайх нь илүү төвөгтэй юм! Харин таныг Есүс Христийн буулгыг өөртөө авч, ертөнцийг ялахад шаардлагатай сүнслэг ажлыг хийх үед энэ ертөнцийн таталтаас таныг дээш өргөх хүч зөвхөн Түүнд л бий. (“Ертөнцийг ялж, амралтыг олох нь,” Лиахона, 2022 оны 11-р сар, 95-98)

Аз жаргалыг авчирна гэж дэлхийнхний ярьдаг зүйлээс аз жаргалыг олж авах нь яагаад хэцүү байдаг вэ?
Та Есүс Христийг эрэлхийлж, Түүний сайн мэдээний дагуу амьдрахыг хичээх үедээ хэрхэн аз жаргалыг олсон бэ?