Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Иоел: “Би Сүнсээ цутгана”

“Иоел: ‘Би Сүнсээ цутгана,’” Хуучин Гэрээний семинарын багшийн гарын авлага (2026)

“Иоел: ‘Би Сүнсээ цутгана,’” Хуучин Гэрээний семинарын багшийн гарын авлага

Хосеа 1–6; 10–14; Иоел: 147-р Хичээл

Иоел

“Би Сүнсээ цутгана”

Одоо бол дэлхий дээр амьдрахад сэтгэл хөдөлгөм цаг үе! Их Эзэний олон бошиглол, амлалтууд биеллээ олж байна. Эдгээрийн дунд “Би Сүнсээ бүх махбод дээр цутгана” (Иоел 2:28; мөн Иосеф Смит—Түүх 1:41-ийг үзнэ үү) гэсэн Их Эзэний амлалт байдаг. Ертөнцийг Бүтээгч таныг Өөрийн Сүнсээр адислахыг хүсдэгийг бодоод үз дээ! Энэ хичээл Ариун Сүнсээр дамжуулан Их Эзэнээс хувийн илчлэл хүлээн авах чадвараа сайжруулахад суралцагчдад тусална.

Суралцагчийн бэлтгэл: “Би амьдралдаа илүү их хувийн илчлэл хүлээн авахын тулд юу хийж болох вэ?” гэсэн асуултыг суралцагчдад тавь. Хэрхэн өөр өөрөөр хариулж болохыг тунгаан бодоход тэднийг урь. Тэд судрууд эсвэл Сүмийн удирдагчдын сургаалуудаас харах эсвэл итгэдэг хүмүүсээсээ асуултын хариултыг асууж болно.

Боломжит суралцах үйл ажиллагаа

Хувийн илчлэл хүлээн авах бидний чадвар

Ангид янз бүрийн хэмжээтэй сав авчирч эсвэл самбар дээр зурах талаар бодож үз. Жишээлбэл: та жижиг аяга, домбо, том хувин авчирч болно (эсвэл самбар дээр зурж болно). Та суралцагчдаас ус, мөнгө эсвэл бусад зүйлийг хийхийн тулд ямар сав сонгохоо хуваалцаад, яагаад тэр савыг сонгосноо тайлбарлахыг хүсэж болно.

Дараах мэдэгдлийг хуваалцсаны дараа дагалдах асуултыг хамтрагчтайгаа эсвэл жижиг бүлгээр ярилцахад суралцагчдыг урь. Шаардлагатай бол багтаамж гэдэг нь ямар нэгэн зүйлийг агуулж болох хамгийн их хэмжээ гэсэн утгатай болохыг тайлбарла.

Ерөнхийлөгч Рассэлл М.Нэлсон дараах туршлагыг хуваалцсан:

Хайрт ах, эгч нар минь ээ, би та бүхнээс илчлэлт хүлээн авах сүнслэг чадвараа нэмэгдүүлээсэй хэмээн гуйж байна. … Ариун Сүнсний бэлэгтэй байж, Сүнсний дуу хоолойг илүү олон удаа, илүү тодорхой сонсоход шаардагддаг сүнслэг ажлууд хийхийг сонго.“ Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 115-120)

Та “илчлэлтийг хүлээн авах [өөрсдийн] сүнслэг чадвараа нэмэгдүүлэх гэж юу гэсэн үг болохыг хэн нэгэнд тайлбарлахын тулд өөр өөр савыг хэрхэн ашиглаж болох вэ?”

Та Ерөнхийлөгч Нэлсоны урилгын талаар ярилцсаны дараа сав руу заагаад, илчлэлийг хүлээн авах сүнслэг чадварынхаа талаар дотроо тунгаан бодоход суралцагчдыг урьж болно. Тэд дараах асуултуудад өгсөн хариултаа судлах тэмдэглэлдээ бичиж болно.
Хувийн илчлэл хүлээн авах одоогийн чадварыг тань аль сав хамгийн сайн төлөөлж байна гэж та бодож байна вэ? Яагаад?
Бурханаас илүү их хувийн илчлэл хүлээн авснаар ашиг тустай байж болох ямар зүйлс таны амьдралд тохиолдож байна вэ?

Та хувийн илчлэл хүлээн авахын тулд “шаардлагатай сүнслэг ажлыг хийх” боломжийг семинарын хичээл олгодог гэдгийг тайлбарлаж болно. Дотроо залбирах, санал бодлоо илэрхийлэх, судар дээр тэмдэглэх эсвэл судрын тэмдэглэл дээрээ санаа бодлоо тэмдэглэх зэрэг хүчин чармайлт гаргахад суралцагчдыг урамшуулан дэмж. Тэднийг эдгээр арга замаар оролцвол хувийн илчлэл хүлээн авах чадвараа хэрхэн өсгөн нэмэгдүүлж болохыг Ариун Сүнс тэдэнд зааж чадна.

Бурхан Өөрийн Сүнсийг цутгах болно

Иоел Есүс Христийн Хоёр дахь ирэлтийн өмнө тохиох аймшигт үйл явдлуудын талаар бошиглосон (Иоел 2:1–11-ийг үзнэ үү). Мөн Иоел эцсийн өдрүүдэд Өөрийн хүмүүст туслахын тулд Их Эзэний биелүүлэх агуу амлалтуудын талаар бошиглосон.

Иоел 2:21 болон 22, 23-р шүлгийн эхний мөрийг уншина уу. Их Эзэний эцсийн өдрүүдэд Өөрийн бүтээлүүддээ өгсөн зөвлөгөөг тэмдэглэ.

Танд “бүү ай,” “хөгжин баяс” гэсэн зөвлөгөөг дагахад туслах ямар “агуу зүйлс”-ийг Тэнгэрлэг Эцэг ба Есүс Христ хийсэн бэ?

Иоел 2:27–29-ийг уншаад, Их Эзэний эцсийн өдрүүдэд хийхээр амласан агуу зүйлсийг олж мэд.

Та эдгээр шүлгээс “агуу” гэж тооцогдож болох юуг олж харсан бэ?

Суралцагчид Их Эзэн Өөрийн Сүнсийг эцсийн өдрүүдэд бүх хүн дээр цутгах болно зэрэг олон үнэнийг илэрхийлж болно. Тэнгэр элч Моронай Иосеф Смит дээр зочилж очихдоо энэ бошиглолыг давтан хэлсэн гэдгийг хуваалцах талаар бодож үз (Иосеф Смит—Түүх 1:41-ийг үзнэ үү).
Их Эзэн Сүнсээ өөр ямар арга замуудаар цутгаж болох вэ?

Энэхүү бошиглол олон салаа утга, биелэлтэй байж болох юм. Их Эзэний Өөрийн Сүнсийг бидэнд цутгах нэг арга зам бол хувийн илчлэл өгөх явдал юм.

Хэрэв та ангид савнууд авчирсан бол сав руу ус цутгах, дуслуулах, шүрших хоорондын ялгааг үзүүлж болно. Өөрийн сүнсийг бидний дээр цутгах Их Эзэний амлалтын ач холбогдлын талаар ярилц.
Бидэн дээр цутгаж байгаа Их Эзэний илчлэлийг бид хэрхэн таньж болох вэ?

Хэрэв өмнөх асуултад хариулахад суралцагчдад тусламж хэрэгтэй бол та ангийн хагасыг Галат 5:22–23-ыг, нөгөө хагасыг Сургаал ба Гэрээнүүд 11:12–13-ыг уншаад, олж мэдсэн зүйлээ хуваалцахад урьж болно. Иоел 2:28-д гардаг бүх махбод гэсэн хэллэгийн ач холбогдлыг мөн 29-р шүлэг-т илүү дэлгэрэнгүй тайлбарласан талаар ярилцах нь суралцагчдад тустай байж болно. Энэ амлалт Тэнгэрлэг Эцэгийн бүх эрэгтэй, эмэгтэй хүүхдэд хамаатай гэдгийг ойлгоход нь тэдэнд тусал.
Энэ нь Тэнгэрлэг Эцэгийн танд хүсэж буй зүйлийн талаар юу зааж байна вэ?

Чадвараа нэмэгдүүлэх нь

Суралцагчдыг тараах материалыг бөглөж дууссаны дараа өсвөр насны хүүхдүүдэд хувиараа илчлэл хүлээн авахад хамгийн их тус болно гэж бодсон нэг эсвэл хоёр зүйлийг санал болгоход урь. Тэднээс эдгээр санал болгосон зүйлээ өөр цаасан дээр бичээд, ангид авчирсан хамгийн том савандаа хийхийг хүс. Та хамгийн том сав илчлэл хүлээн авах чадвараа нэмэгдүүлэх бидний хэрэгцээг бэлгэддэг гэдгийг илэрхийлж болно.

Самбарт дараах заавруудыг бичих талаар бодож үзээрэй.

Санал болгосон зүйлтэй холбоотойгоор дараах зүйлсийн нэгийг хуваалц:

хувийн туршлага
Зарим нэг зөвлөгөө
Судар эсвэл мэдэгдэл
Асуулт

Та цөөн суралцагчийг нэг нэгээрээ савнаас цаас сугалж авахад урьж болно. Тэд өөрсдийн зурсан санал болгосон зүйлийг ангийнханд уншиж өгөөд, хуваалцах хүсэлтэй нэг зүйлээ самбар дээрээс сонгож эсвэл ангийнхнаас хуваалцахыг хүсэж болно.

Санал болгосон зүйлээс хэдийг нь ярилцахаа шийдэхдээ үлдсэн цаг болон суралцагчдынхаа хэр зэрэг идэвхтэй оролцож байгааг харгалзан үз. Суралцагчдад сурсан зүйлээ амьдралдаа хэрэгжүүлэх хангалттай цаг үлдээхээ бүү март.

Сурч мэдсэн зүйлсээ амьдралд хэрэгжүүлэх

Бурханаас хувийн илчлэл хүлээн авснаар ашиг тусыг олж болох юуг амьдралдаа туулж байгаагаа дахин тунгаан бод.
Судлах тэмдэглэлдээ ямар нэгэн юм цутган орж буй сав зур.
Их Эзэний тан дээр цутгаж буй илчлэлийг хүлээн авах чадвараа нэмэгдүүлэхийн тулд хийх нэг эсвэл хоёр зүйлийг бичиж, саваа шошгол. Та эдгээр зүйлийг хэрхэн үр дүнтэй хийх талаар нарийвчлан нэмж бичиж болно.

Та бичсэн зүйлээ хуваалцах хүсэлтэй хэдэн суралцагчийг урьж болно.

Нэмэлт эх сурвалжууд

Иоелийн бошиглол өөр ямар арга замаар биелсэн бэ?

Gospel Library дахь Сэдэв ба Асуулт хэсгээс бид дараахыг уншиж болно:

Сайн бүхэн Бурханаас ирдэг гэдгийг сана. Тэнгэр элч Моронай Иосеф Смитэд үзэгдэхдээ эцсийн өдрүүдэд Их Эзэн Өөрийн Сүнсийг бүх махбод дээр цутгах болно [Иоел 2:28–32-ыг үзнэ үү] гэсэн Иоелын бошиглолыг эш татсан. Дэлхий дээр муу муухай зүйл их байгаа ч энэ нь бас сайн сайхан болон үнэнээр дүүрэн. Үүнд анагаах ухааны болон шинжлэх ухааны ололт, бүх хүнийг ялгалгүй хүндэтгэлтэй хандах тал дээр хийгдэж буй ажлууд орно. Сүмийн удирдагчид Бурхан соёл уламжлалыг үл харгалзан хүн бүртэй ярьдаг гэж заасан. (“Илчлэл бол үйл явц гэдгийг ойлго,” Сэдэв ба асуулт, Gospel Library)

Би Тэнгэрлэг Эцэг, Есүс Христ хоёроос ирсэн илчлэлийг хэрхэн таньж мэдэх вэ?

Ерөнхийлөгч Рассэлл М.Нэлсон ийн тайлбарласан:

24:24

Түүнчлэн бид … Ариун Сүнсний шивнээг таних чадвараа сайжруулах тусам илүү сайн Түүнийг сонсож чаддаг болно. Сүнс хэрхэн тантай ярьдгийг мэдэх нь хэзээ хэзээнээс илүү чухал болоод байна. Бурхан Тэргүүтэний дотор Ариун Сүнс элчийн үүрэг гүйцэтгэдэг. Тэрээр Эцэг, Хүү хоёрын хүлээн аваасай гэж хүссэн бодол санааг таны оюунд авчрах болно. Тэр бол Тайтгаруулагч. Тэрээр таны зүрх сэтгэлд амар амгаланг авчирна. Тэр үнэнийг гэрчилж, Их Эзэний үгийг сонсож, уншихад юу үнэн бэ гэдгийг танд батлах болно. (“Түүнийг сонс,” 2020 оны 4-р сарын Ерөнхий чуулган, 108-112)

Нэмэлт суралцах үйл ажиллагаа

Моронай Иосеф Смитэд заав

Суралцагчдыг Иоел 2:21–23-ын талаар ярилцсаны дараа Иосеф Смитэд үзэгдэж буй тэнгэр элч Моронайн зургийг үзүүл. Моронай Их Эзэний хийсэн, хийх агуу зүйлсийг хуваалцсан гэдгийг тайлбарла. Хамтрагчтайгаа уг түүхийн нарийн ширийн зүйлсийн талаар мэддэг зүйлээ хуваалцахад суралцагчдыг урь.

Иосеф Смит—Түүх 1:41-ийг уншиж, Иосеф Смитэд хандан Моронайн эш татсан судрын хэсгүүдийн нэгийг хайж ол.

Та нар юу олж мэдсэн бэ?

Энэ хичээлийн туршид Иоелын бошиглолын талаар илүү ихийг олж мэдсэнээр тус бошиглол Иосеф Смитэд чухал ач холбогдолтой байсан болон танд яагаад чухал байж болох шалтгааныг олж мэд.

Хэн үүнийг дагаж мөрдөж болох вэ?

Иоел 2-ын эхний хэсгийг нэгтгэн дүгнэхийн оронд Иоел 2:1–10-ыг уншаад, Аврагчийн Хоёр дахь ирэлтээс өмнө тохиох Иоелын бошиглосон зарим үйл явдлыг олж мэдэхэд суралцагчдыг урь.

Та эдгээр зүйлээс алийг нь бидний цаг үед тохиолдохыг үзсэн бэ?

Иоел 2:11-ийг уншаад эцсийн өдрүүдэд болох үйл явдлуудыг дүрсэлсний дараа Иоел ямар асуулт асуусныг мэдэж аваарай.

Та тус асуултыг өөрийн үгээр хэрхэн илэрхийлэх вэ? Та энэ асуултад хэрхэн хариулах бол?

Ерөнхийлөгч Рассэлл М.Нэлсон ийн заасан:

Ирэх өдрүүдэд Ариун Сүнсний заан чиглүүлж, удирдаж, тайтгаруулж, байнга хамт байх нөлөөгүйгээр сүнслэгээр оршин тогтнох боломжгүй байх болно. (“Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 115-120)

Иоелын бошиглосон үйл явдлуудыг даван туулахад Ариун Сүнс бидэнд хэрхэн тусалж чадна гэж та бодож байна вэ?

Судар цээжлэх

Суралцагчдыг Иоел 2:21–23-ыг уншсаны дараа 21-р шүлгийг цээжлэх цагийг тэдэнд гаргаж өг. Тэд уг судрын хэсгийн холбоо хамаарлыг нэмэгдүүлэхийн тулд “Газар аа” гэдэг үгийг өөрийнхөө нэрээр орлуулж болно. Та мөн Иоел 2:21-ийг Сургаал ба Гэрээнүүд 6:36 хэмээх төгс эзэмших сургаалын хэсэгтэй холбож эсвэл солбицсон эшлэл хийхэд суралцагчдыг урьж болно.

Орчин үеийн жишээ

Иоелийн бошиглолуудаас зарим жишээг үзэх нь суралцагчдад сонирхолтой байж болох юм. Та “The Joy of the Saints” видео бичлэгийн 4:24-өөс 5:19 хүртэлх хэсгийг үзэж болно. Энэ түүхээр Арван хоёр төлөөлөгчийн чуулгын ахлагч Д.Тодд Кристоффэрсон Бурхан нэгэн залуу эмэгтэйг зүүдээрээ дамжуулан Өөрийнхөө сэргээгдсэн сайн мэдээг олоход нь хэрхэн чиглүүлсэн тухай хуваалцжээ.

14:32