Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Даниел 2: “Хэзээ ч усташгүй нэг хаанчлал”

“Даниел 2: ‘Хэзээ ч усташгүй нэг хаанчлал,’” Хуучин Гэрээний семинарын багшийн гарын авлага (2026)

“Даниел 2: ‘Хэзээ ч усташгүй нэг хаанчлал,’” Хуучин Гэрээний семинарын багшийн гарын авлага

Даниел 1–7: 143-р хичээл

Даниел 2

“Хэзээ ч усташгүй нэг хаанчлал”

The Old Testament King Nebuchadnezzar is depicted sitting on his throne in front of the prophet Daniel. Daniel stands as he interprets the king's dream. In the background, depictions from the king's dream can be seen such as the great image and a stone cut from the mountain without hands getting ready to destroy the image. (The stone represents the latter-day kingdom of God.)

Их Эзэн Даниелд дэлхий дээр Өөрийн хаант улсыг байгуулах хожмын өдрүүдийн тухай үзэгдлийг үзүүлсэн юм. Их Эзэний хаант улс болох Есүс Христийн Хожмын Үеийн Гэгээнтнүүдийн Сүм дэлхийг дүүргэн, үүрд орших болно. Энэ хичээл суралцагчдад Есүс Христийн Хожмын Үеийн Гэгээнтнүүдийн Сүмийн тэнгэрлэг сэргээлтийн талаарх гэрчлэлээ хүчирхэгжүүлэхэд тусална.

Суралцагчийн бэлтгэл: Суралцагчдыг энэ хичээлд бэлтгэхийн тулд дараах санаануудаас нэгийг сонгоход уриарай:

Боломжит суралцах үйл ажиллагаа

Сэргээлтийн гэрчлэл

Суралцагчдыг ариун сүмийн зөвшөөрлийн бичиг авах ярилцлагын үеэр асуудаг асуултуудаас санаж байгаагаа хуваалцахыг урих талаар бодож үзээрэй. Хэрэв тус болох бол Өсвөр үеийнхний бат бөх байдлын төлөө: Сонголт хийхэд туслах хөтөч-ийн хавсралт дахь ариун сүмийн зөвшөөрлийн бичгийн асуултуудыг хэлж болно. Суралцагчид санаж байгаа хэдэн асуултаа хуваалцсаны дараа та дараах асуултыг самбар дээр бичиж болно.

Та дараах ариун сүмийн зөвшөөрлийн бичгийн ярилцлагын асуултад хэрхэн хариулахаа бодоорой:

Танд Есүс Христийн сайн мэдээний сэргээлтийн талаар гэрчлэл бий юү?

Шаардлагатай бол сэргээлт гэдэг нь “Бурхан өөрийн сайн мэдээний үнэн болон ёслолуудыг дэлхий дээрх хүмүүсийн дунд дахин зохион байгуулсан явдал” гэдгийг тайлбарлаарай (Судруудын удирдамж, “Сайн мэдээний сэргээлт,” Gospel Library).

Самбар дээрх асуултын дараа Яагаад эсвэл яагаад үгүй гэж? гэж бичих талаар бодож үзээрэй. Суралцагчдыг энэ хоёр асуултын хариултыг тунгаан бодохыг уриарай.

Өнөөдөр Даниел 2-р бүлгийг судлахдаа Тэнгэрлэг Эцэг, Есүс Христ хоёр Есүс Христийн Хожмын Үеийн Гэгээнтнүүдийн Сүмийг дэлхий дээр сэргээсэн гэдэг гэрчлэлийг тань хүчирхэгжүүлж чадах үнэнийг таньж мэдэхэд туслах Ариун Сүнсийг уриарай.

Небухаднезар хааны зүүд

Вавилоны Небухаднезар хаан сэтгэлийг нь түгшээсэн зүүд зүүдэлжээ. Мэргэдээс нь хэн ч түүний юу зүүдэлснийг, үүнийг хэрхэн тайлахыг хэлж чадсангүй. Улмаар Даниелыг оролцуулаад тэр нутаг даяарх бүх мэргэдийг алахыг хаан тушаажээ. Энэ явдлаас өмнө Бурхан Даниелд зүүд болон түүний тайллыг илчилсэн байжээ ( Даниел 2:1–26-г үзнэ үү).

Даниел зүүдний талаар Бурхан юу илчилснийг хуваалцахаасаа өмнө уг зүүдний тайллыг Бурхан хэлснийг заажээ. Даниел түүнчлэн уг зүүд “хожмын өдрүүдэд юу тохиолдох” талаар байсныг илчлэв (Даниел 2:28).

Даниел 2:31–43-ыг уншаад, тараах материал дээрх Небухаднезар хааны зүүдний гол хэсгүүдийг, олж мэдсэн тайллуудынхаа хамтаар тэмдэглээрэй. Тайллуудыг олсон шүлгүүддээ оруулаарай.

Небухаднезар хааны Вавилоны хаант улс бол алтан толгой гэдгийг тодорхойлоход суралцагчдад туслаарай (38-р шүлэг). Хөргийн (эсвэл баримлын) өөр өөр хэсгүүд Вавилоны дараа гарч ирэх бусад хаанчлалуудыг илэрхийлдэг.

Даниел 2:44–45 бол төгс эзэмших сургаалын хэсэг юм. Төгс эзэмших сургаалын хэсгүүдийг хялбархан олохын тулд өвөрмөц аргаар тэмдэглэхэд суралцагчдыг урихыг бодож үзээрэй.

Даниел 2:44–45-ыг уншаад, чулууг дүрсэлсэн үг, хэллэгүүдийг хайгаарай. Тараах материал дээрх чулууг тойруулан олсон үгнүүдээ бичээрэй.

Суралцагчдыг дараах мэдэгдлийг уншаад, тараах материал дээрх чулууны дотор талд энэ нь юуг илэрхийлснийг бичихийг уриарай.

Арван хоёр төлөөлөгчийн чуулгын ахлагч Д.Тодд Кристоффэрсон чулууны илэрхийллийг ийн тайлбарласан:

[Есүс Христийн Хожмын Үеийн Гэгээнтнүүдийн] Сүм бол хүний бүтээсэн бус, харин тэнгэрийн Бурханы зохион байгуулсан, бошиглон хэлсэн хожмын үеийн хаант улс, “хүний гар хүрэлгүйгээр уулнаас цавчигдан” дэлхийг дүүргэсэн тэр чулуу юм [Даниел 2:45; мөн 35-р шүлэг-ийг үзнэ үү]. (Сүм яагаад хэрэгтэй вэ?,” 2015 оны 10-р сарын Ерөнхий чуулган, 101–102)

Бид энэ мэдэгдлээс болон Даниелд өгсөн Их Эзэний илчлэлтээс Бурханы сэргээсэн сүмийн талаар юу сурч болох вэ?

Суралцагчдын хэлсэн үгсийг ашиглан Бурхан бүх дэлхийг дүүргэж, үүрд орших Есүс Христийн Хожмын Үеийн Гэгээнтнүүдийн Сүмийг зохион байгуулсан гэдгийг олж тогтооход тэдэнд туслаарай.

Түүний сайн мэдээ бүх дэлхийг дүүргэх болно хэмээн Их Эзэн Өөрөө тунхагласан гэдгийг хуваалцах талаар бодож үзээрэй (Сургаал ба Гэрээнүүд 65:2-ыг үзнэ үү). Суралцагчид Сургаал ба Гэрээнүүд 65:2-ыг Даниел 2:35-тай солбицсон эшлэл болгох эсвэл холбож болно. Та “бүх дэлхийг дүүргэ[сэн]” (Даниел 2:35) гэдэг нь хүн бүр Их Эзэний Сүмд нэгдэх бус харин энэ нь дэлхий даяар тархана гэсэн утгатай болохыг тайлбарлаж болно (1 Нифай 14:12–14-ийг үзнэ үү).
Даниел 2:44–45 дахь хэллэгүүд энэ үнэнийг ойлгоход бидэнд хэрхэн туслах вэ?

Урагш өнхрөх чулуу

Даниел Небухаднезар хааны зүүдийг тайлсныхаа дараа энэ нь “үнэн, тайлал нь ч итгэмжтэй” (Даниел 2:45) хэмээн гэрчлэлээ хуваалцжээ. Бид өөрийн гэрчлэлийг хөгжүүлэх үед Аврагчийн сэргээсэн сүмийн үнэн Ариун Сүнсний хүчээр бидэнд үнэн, итгэмжтэй болж чадна.

Ерөнхийлөгч Рассэлл М. Нэлсон бид өөрсдийн баттай гэрчлэлийг хөгжүүлэхийн тулд юу хийх хэрэгтэй тухай хуваалцсан билээ:

Би Түүний Сүмийн Ерөнхийлөгчийн хувиар та бүхнээс гуйя… [Аврагчийн Сүм сэргээгдсэн] гэдгийг өөрсдөө олж мэдэхийн тулд сүнслэг ажлуудыг хий, яг одоо хийгээрэй гэж гуйя. Цаг дуусаж байгаа шүү. (“Ирээд, Намайг дага,” 2019 оны 4-р сарын Ерөнхий чуулган, 109)

“Есүс Христийн сайн мэдээний бүрэн байдлын Сэргээлт: Дэлхий дахинаа өргөх хоёр зуун жилийн ойн тунхаг”-ийг уншина уу. Аврагчийн илчилсэн үнэн болон Өөрийн Сүмийг сэргээхэд тохиолдсон үйл явдлуудыг хайгаарай.
Яагаад эдгээр үнэн болон үйл явдлууд Аврагчийн Сүмийн сэргээлтэд чухал болохыг хэлэлцээрэй.
Есүс Христ Өөрийн Сүмийг сэргээсэн хэмээх гэрчлэлээ хүчирхэгжүүлэхийн тулд хэн нэгний хийж болох сүнслэг ажлын талаар ярилц.

Хангалттай цаг гаргаж өгсний дараа бүлэг бүрээр онцгой санагдсан нэг үнэн эсвэл үйл явдлыг хуваалцуулаарай. Энэ үнэн эсвэл үйл явдлын талаар гэрчлэлтэй байх нь яагаад чухал болохыг, энэ үнэний талаарх гэрчлэлээ олж авах эсвэл хүчирхэгжүүлэхийн тулд хэн нэгний хийж болох сүнслэг ажлын талаар хуваалцахад тэднийг урь.

Бүлэг бүрд хуваалцах боломж олгосны дараа суралцагчдыг судлах тэмдэглэл дээрээ дараах асуултуудад хариулж бичихийг уриарай.

Аврагчийн сэргээсэн сүмийн ямар үнэн эсвэл үйл явдлын талаар та гэрчлэлээ хүчирхэгжүүлэхийг хүсэж байна вэ?
Аврагч Өөрийн Сүмийг тэнгэрлэгээр сэргээсэн талаарх гэрчлэлээ хүчирхэгжүүлэхийн тулд та ямар сүнслэг ажил хийж болох вэ?

Цээжлэх

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараагийн хичээлүүд дээр давтаж болно. Даниел 2:44–45-ын гол судрын үг хэллэг нь “‘Хэзээ ч усташгүй нэг хаанчлалыг тэнгэрийн Бурхан байгуулна’” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий.

Нэмэлт эх сурвалжууд

Даниел 2:45 “Гар хүрэлгүйгээр уулнаас цавчигдсан чулуу” гэдэг нь ямар утгатай вэ?

Арван хоёр төлөөлөгчийн чуулгын ахлагч Роналд А.Расбанд ийн заажээ:

15:4

Даниел Вавилоны хаан Небухаднезарын зүүдийг тайлан, Их Эзэний Сүм эцсийн өдрүүдэд “гар хүрэлгүйгээр уулнаас цавчигдсан” [Даниел 2:45] нэгэн жижиг чулуу мэт өсөн дэвжих болно хэмээн бошигложээ. Их Эзэний Сүм “гар хүрэлгүйгээр” тухайлбал тэнгэрлэг оролцоотойгоор “хэзээ ч уста[х]гүй … мөнхөд бай[ж]” Даниел 2:44 бүх дэлхийг дүүргэх хүртлээ асар их өсөн нэмэгдэх болно. (“Бошиглолын биелэл,” 2020 оны 4-р сарын Ерөнхий чуулган, 75)

Тэр чулуу бүх дэлхийг дүүргэнэ гэсэн нь юу гэсэн үг вэ?

Бошиглогч Иосеф Смит (1805–44) ийн хуваалцжээ:

Үнэний жишиг үндэслэгдэн бий болсон билээ; ямар ч ариун бус хүн энэ ажлын өсөлт хөгжлийг зогсоож чадахгүй; мөрдлөг хавчлага гаарч болно, танхайрагч бүлгүүд нэгдэж мэднэ, цэрэг арми цугларч болно, гүжир гүтгэлэг цадигаа алдаж мэднэ, гэвч Бурханы үнэн тив бүрд, бүс бүрд, улс орон болгонд хүрч, хүн бүрд сонсогдох хүртэл Бурханы зорилго гүйцэлдэж, аугаа Иехова ажил хийгдэж дууслаа гэж хэлэх хүртэл зоригтойгоор мөн ялгууснаар, юунаас ч үл хамааран урагш ахих болно. (Сүмийн ерөнхийлөгчдийн сургаалаас: Иосеф Смит (2007), 142.)

Есүс Христийн Хожмын Үеийн Гэгээнтнүүдийн Сүмийн сэргээлт яагаад чухал вэ?

Арван хоёр төлөөлөгчийн чуулгын ерөнхийлөгч Жэффри Р.Холланд ийн заасан:

Тийм ээ, бидний захиас бол Есүс Христийн Цагаатгал мөн үүний илэрхийлдэг бүх зүйл боловч бурханлаг үнэний хожмын үеийн Сэргээлтийг болон тэнгэрлэг санваарыг тунхаглахгүй л бол бид энэхүү өгүүлшгүй бэлгийг хүмүүсийн амьдралд хүртээмжтэй, гэтэлгэгч, үр дүнтэй болгож чадахгүй. Иосеф Смит болон Анхны үзэгдлийг, дараа нь болсон үйл явдлуудыг, тэнгэрээс явагдсан шууд сэргээлтийг аваад хаячихвал бидэнд юу үлдэх вэ? Бидэнд тийм ч их зүйл үлдэхгүй, бүр биднийг мянга мянган сайн бүлэг хүмүүсээс ялган танихад ч хангалтгүй байх болно. (“Testify of the Restoration,” New Era, 2017 оны 4-р сар, 3–4)

Небухаднезар хааны зүүдэлсэн баримал өөр ямар хаанчлалуудыг илэрхийлж болох вэ?

Хэрэв суралцагчид Даниел 2:39–43-д дурдагдсан бусад хаанчлал юуг төлөөлж байгаа талаар илүү ихийг мэдэхийг хүсвэл Ерөнхийлөгч Спэнсэр В. Кимбалл (1895–1985) “The Stone Cut Without Hands” (Ensign, 1976 оны 4-р сар, 8) мэдэгдэлдээ юу заасныг уншиж болно.

Нэмэлт суралцах үйл ажиллагаа

Хичээлийг эхлүүлэх өөр хувилбар

Зарим өсвөр үеийнхэн дэлхий даяар тархаж буй ёс бус явдал, хилэнцийн талаар санаа зовдог байж болох юм. Тэдэнд санаа зовохынхоо оронд Их Эзэн рүү хандахад нь туслахын тулд Ерөнхийлөгч Гордон Б.Хинклигийн (1910–2008) дараах мэдэгдлийг ашиглан хичээлээ эхлүүлэх талаар бодож үзээрэй:

Хэрэв та нар хилэнц, дарангуйлал газар авч буйг хараад итгэл тань ганхаж байвал “нууцуудыг илчлэгч тэнгэр дэх Бурхан”-д [Даниел 2:28] итгэл найдвараа тавьж, Небухаднезар хааны зүүдийг тайлсан Даниелын түүхийг дахин уншаарай. (“Бүү ай, зөвхөн итгэ,” Ensign, 1996 оны 2-р сар, 4)

Та дараа нь суралцагчдыг Даниел 2-ыг уншихдаа энэхүү мөнхийн хэтийн төлөвийг ашиглан, уг түүхээс суралцаж болох үнэнийг олж мэдэхэд урьж болно. Эргэн тойрондоо хардаг хилэнцийг үл хайхран сурсан зүйл нь тэдний итгэлийг хэрхэн хүчирхэгжүүлж болох талаар бодож үзэхэд нь тэднийг уриарай.

Хуучин Гэрээний сэргээлтийн судрууд

Дараах судрууд суралцагчдад Хуучин Гэрээн дэх сэргээлтийн талаарх бошиглолуудыг олж тогтооход тусална. Та эдгээрийг Сэргээлтийн тунхгийн хамтаар хичээлийн “Урагш өнхрөх чулуу” гарчигтай хэсэгт ашиглаж болно. Суралцагчид судлах нэг эшлэлийг сонгоод, үүнээс Сэргээлтийн үнэн эсвэл үйл явдлыг олж тогтоож болно.

Иеремиа 16:14–16 (номлогчийн ажлаар дамжуулан Израилыг цуглуулах нь)
Eзекиел 37:15–19 (Библи, Мормоны Ном хоёр Есүс Христийг хамтдаа гэрчилдэг)
Амос 3:7 (бошиглогчид)

Мөн та суралцагчдын судлах сонголтууд дээр Иосеф Смит—Түүх 1:16–17 (Анхны үзэгдэл)-ийг нэмж болно.

Есүс Христийн сайн мэдээ дэлхийг дүүргэнэ

Суралцагчид Даниел 2 дахь чулуу нь Есүс Христийн Хожмын Үеийн Гэгээнтнүүдийн Сүмийг илэрхийлдэг гэдгийг олж мэдсэний дараа та Сүм дэлхий даяар хэрхэн өргөжин тэлж байгааг мэдэхэд нь тусалж болно. Ингэхийн тулд та дараахтай адил графикийг самбар дээр харуулж болно:

	Сүмийн гишүүд	Гадаснууд	Онцгойлон адислагдсан ариун сүмүүд
1830 оны 4-р сарын 6	Сүмийн гишүүд 6	Гадаснууд 0	Онцгойлон адислагдсан ариун сүмүүд 0
1880	Сүмийн гишүүд 133,628	Гадаснууд 23	Онцгойлон адислагдсан ариун сүмүүд 1
1930	Сүмийн гишүүд 670,017	Гадаснууд 104	Онцгойлон адислагдсан ариун сүмүүд 7
1980	Сүмийн гишүүд 4,639,822	Гадаснууд 1,218	Онцгойлон адислагдсан ариун сүмүүд 19
Өнөө үе	Сүмийн гишүүд	Гадаснууд	Онцгойлон адислагдсан ариун сүмүүд

Лиахона-ийн 5-р сарын хэвлэлд өмнөх жилийн статистикийн тайланг жил бүр нийтэлдэг. Суралцагчид үүнийг ашиглан сүүлийн мөрөн дэх “Сүмийн гишүүд” ба “Гадаснууд” багануудыг бөглөж болно. Суралцагчид ариун сүмийн жагсаалт-ыг ChurchofJesusChrist.org дээрээс гаргаад “Төлөв” гэсэн доошоо сум дээр дарснаар онцгойлон адислагдсан ариун сүмийн тоог олж болно. Дараа нь та суралцагчдаас “Өнөө үе” мөрнөөс олсон мэдээллээ хуваалцахыг хүсэж болно.

Эсвэл та суралцагчдад зориулан “The Gospel Shall Roll Forth” (2:47) бичлэгийг тоглуулж, 2017 оныг хүртэл Есүс Христийн Сүм хэрхэн өсөж хөгжсөнийг үзүүлж болно.

2:48

Бурханы тусламжийг хүлээн авах

Суралцагчид Небухаднезар хааны зүүдний тайллыг уншихаас өмнө Даниел үүнийг тайлах мэргэн ухааныг хэрхэн хүлээн авсан талаар уншиж болно. Суралцагчдыг Даниел 2:17–23-ыг уншаад, Даниел Тэнгэрлэг Эцэгээс илчлэлт хүлээн авахын тулд юу хийснийг хайж олохыг уриарай. Та суралцагчдыг Даниелын жишээг дагахын тулд юу хийж болох талаар бодохыг урьж болно. Түүнчлэн тэд ямар нөхцөл байдалтай тулгарахдаа Тэнгэрлэг Эцэгээс илчлэлт хүлээн авах хэрэгтэй болдог талаар бодож үзэж болох юм.