Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Даниел 6: Судраас сайн мэдээний үнэнийг олох нь

“Даниел 6: Судраас сайн мэдээний үнэнийг олох нь,” Хуучин Гэрээний семинарын багшийн гарын авлага (2026)

“Даниел 6: Судраас сайн мэдээний үнэнийг олох нь,” Хуучин Гэрээний семинарын багшийн гарын авлага

Даниел 1–7: 145-р хичээл

Даниел 6

Судраас сайн мэдээний үнэнийг олох нь

The Old Testament prophet Daniel in the lion's den at the decree of King Darius. Daniel is resting his hand on the back of one of the lions. The lions are not harming Daniel. Daniel is looking up at the entrance of the lion's den at men who are astonished that Daniel is unharmed.

Хуучин Гэрээний ямар түүх танд утга учиртай сайн мэдээний зарчмыг заасан бэ? Есүс Христ Өөрийнх нь сургаалуудыг ойлгоход шавь нартаа туслахын тулд Хуучин Гэрээг ашигласан (жишээлбэл Лук 4:24–27-г үзнэ үү). Сайн мэдээний олон үнэнийг харуулдаг нэгэн хүчирхэг түүх бол Даниелын арслангийн нүхэнд хаягдахдаа ч Их Эзэнд итгэж, найдсан тухай түүх юм. Энэ хичээл суралцагчдад Даниел 6-р бүлгийн сайн мэдээний үнэнийг таньж мэдэн, хуваалцахад тусална.

Суралцагчийн бэлтгэл: Суралцагчдыг энэ жил Хуучин Гэрээнээс судалж байхдаа сурсан судрын түүхүүдээ эргэцүүлэн бодохыг уриарай. Тэд өөрсдөд нь чухал санагдах түүхийг сонгож, тус түүхийн ачаар ойлгож авсан сайн мэдээний үнэнийг хуваалцахад бэлтгэж болно.

Боломжит суралцах үйл ажиллагаа

Түүхийн сургамж

Энэ түүх ямар захиасыг зааж болох вэ?
Уг захиас нь Есүс Христ болон Түүний сайн мэдээний тухай үнэнийг хэрхэн дүрслэн харуулж болох вэ?

Бид нийтэд түгсэн үлгэр домог болон түүхүүдээс үнэнийг олж хардагтай адил, Тэнгэрлэг Эцэг болон Есүс Христийн бидэнд зориулан хадгалж үлдээсэн бурханлагаар нөлөөлсөн судрын түүхүүдээс сайн мэдээний чухал үнэнийг олж мэдэж болно.

Судрын түүхүүд сайн мэдээний үнэнийг хэрхэн заадгийг ойлгоход бидэнд туслахын тулд Далын ахлагч Жэй Э.Жэнсэн ийн заасан:

Та нар эдгээр [судрын] түүхийг уншиж, судлах үед өнгөрсөн үед ч, өнөө үед ч нэгэн адил хэрэглэгдэж болох үг, өгүүлбэр эсвэл зарчмыг олж харах болно. Хэрэв та нар залбиран судлахаа үргэлжлүүлбэл бусад зарчим ч тодорхой болно. Та нар эдгээр зарчмыг хамтад нь авч үзсэнээр тэд-тэнд-тэр үед буюу өнгөрсөн үед амьдарч байсан бошиглогчид болон хүмүүсийг би-энд-одоо гэсэн өнөө үеийн өөрсөдтэйгөө холбох гүүр болж эхлэх болно. (“Scripture Stories as Patterns for Our Lives,” Ensign, 2009 оны 7-р сар, 21)

Ахлагч Жэнсэний захиасаас юу танд онцлог санагдсан бэ?
Хуучин Гэрээний ямар түүх танд Eсүс Христ болон Түүний сайн мэдээг илүү сайн ойлгоход тусалсан бэ?

Дараах хувийн үнэлгээ нь суралцагчдад судрын түүхүүд дэх үнэнийг тодорхойлох ур чадвараас өнөөдөр хэрэгжүүлж болох хэсгийг сонгоход тусалж чадна.

Судар судлах дараах ур чадваруудыг ашиглахдаа хэр итгэлтэй байгаагаа 1-ээс 5-ын хооронд үнэлээрэй:

Би сайн мэдээний үнэнийг судрын түүхээс олж мэдэж чадна.
Судрын түүх Есүс Христийн тухай хэрхэн заадгийг би хялбархан харж чадна.
Би судрын түүхүүдийг амьдралдаа хэрэгжүүлж чадна.
Би судрын түүхүүдээс сурсан зүйлээ бусадтай үр дүнтэй хуваалцаж чадна.

Өнөөдөр та нар Даниелын номын нэг түүхийг судалж, үүнээс юу сурснаа тайлбарлаарай. Өөрийнхөө хамгийн бага итгэлтэй байгаа ур чадвар дээрээ хүч чармайлтаа төвлөрүүлж болно. Судрын түүхүүдээс үнэнийг олж тогтоох чадвараа нэмэгдүүлэхийн тулд мөн Есүс Христ, Түүний амьдрал, Түүний сайн мэдээний тухай сурсан зүйлээ бусдад заахын тулд Ариун Сүнсийг уриарай.

Даниел арслангийн нүхэнд хаягдав

Даниелыг нөхдийнхөө хамт Вавилонд олзлогдсоноос хойш олон жилийн дараа Вавилон Медечууд болон Персүүдэд эзлэгджээ. Медегийн Дариус Вавилоны хаан болсон (Даниел 5:30–31-ийг үзнэ үү).

Суралцагчдыг хичээлдээ бэлдэхээр тараах материалыг ашиглаж байхад та ангийн дундуур явж, сайн мэдээний ямар үнэнийг олж байгааг харж болно. Хэрэв тэд асуудалтай байвал судрын түүхэн дэх үнэнийг олж мэдэхэд нь та хэрхэн тусалж болох талаар бодож үзээрэй. Тэдний олж тогтоож болох үнэний жишээнүүд:

Бид Христийн шавь учраас итгэл үнэмшлээсээ болж эсэргүүцэлтэй тулгарах болно (Даниел 6:1–5).
Биднийг дэлхийн дарамт шахалтыг сөрөн зогсох үед Их Эзэн бидний хичээл зүтгэлийг адислах болно. (Даниел 6:6–16)
Зөв зүйлийг хийж, Их Эзэнд итгэх үед бидний зөв шударга үлгэр дуурайл бусдад нөлөөлөх болно (Даниел 6:16–28).

Сурч мэдсэн зүйлээ хуваалцах

Суралцагчдыг тараах материалыг гүйцээсний дараа бэлтгэсэн хичээлээ өөр бүлэгтэй эсвэл ангийнхантайгаа хуваалцахыг уриарай. Хэрэв суралцагчид Есүс Христийг сануулах түүхийн хэсгүүдээс хуваалцахгүй бол та дараахтай төстэй харьцуулалтыг онцолж болно:

Даниел, Есүс хоёр хоёулаа үхэлтэй нүүр тулах үедээ ч гэсэн Тэнгэрлэг Эцэгийн хүслийг биелүүлсэн юм ( Даниел 6:7, 10; Иохан 6:38-ыг үзнэ үү).
Даниел, Есүс хоёр чулуугаар тагласан нүхнээс гайхамшигтайгаар амьд гарч ирэв (Даниел 6:17, 23; Марк 15:46; 16:4–6-г үзнэ үү).

Та суралцагчдыг гэртээ хариад бэлтгэсэн хичээлүүдээ гэр бүлийнхээ гишүүнтэй эсвэл найзтайгаа хуваалцахад нь урамшуулан дэмжиж болно.

Хичээлээ дуусгахын тулд та Есүс Христийн захиасаар эсвэл судрын түүхүүд дэх Түүний сайн мэдээгээр хэрхэн адислагдсан тухайгаа хуваалцах талаар бодож үзээрэй. Суралцагчдыг хувиараа судраас судлахад нь сайн мэдээний үнэнийг олж харахад туслах Ариун Сүнсний илэрхийллүүдийг үргэлжлүүлэн хайж олохыг уриарай.

Нэмэлт эх сурвалжууд

Өнөөдөр бид Даниелын эр зоригийг хэрхэн харуулж чадах вэ?

Ерөнхийлөгч Томас С.Монсон (1927–2018) ийн хуваалцсан:

16:18

Зориг олон янзаар илэрдэг. Христийн шашинтан зохиолч Чарлес Свиндолл ийн бичжээ: “Зориг дайны талбараар … эсвэл гэрт тань орсон хулгайчийг барьсан төдийгөөр хязгаарлагддаггүй. Зоригийн жинхэнэ шалгуур нь илүү чимээгүй байдаг. Тэдгээр нь та нарыг хэн ч хараагүй байхад итгэлтэй байх, … хүмүүст үл ойлгогдсон үедээ ч ганцаараа бат зогсох гэх мэт дотоод шалгуурууд юм” [Hal Urban, Choices That Change Lives (2006), 122]. Үүнээс гадна дотоод зориг гэдэг нь шоолуулах байсан ч итгэлээ хамгаалж, найз нөхдийнхөө дунд ч, нийгэмд эзэлдэг байр сууриа алдахаар байсан үедээ ч итгэлдээ үнэнч байж, зөв зүйл хийхийг хэлдэг. Зөв зүйлийн төлөө тууштай зогсдог хүн үл хүндлэгдэх юм уу нэр хүндгүй болох эрсдэлтэй байдаг.

Би Дэлхийн II дайнд Нэгдсэн Улсын тэнгисийн цэрэгт алба хааж байхдаа эрэлхэг гавьяа, баатарлаг үлгэрлэл, эр зоригийн үлгэр жишээнүүдээс сурч авсан. Хэзээ ч мартагдамгүй нэгэн тохиолдол бол манай Сүмийн гишүүн биш, залбирахдаа санаа зовдоггүй, 18 настай нэгэн цэргийн чимээгүй зориг юм. Заримдаа танхай этгээдүүд тохуурхаж, үл итгэгчид шоолдог байсан ч хорооны 250 эрэгтэйгээс орой бүр орныхоо дэргэд өвдөг сөгддөг ганц хүн бол тэр цэрэг байсан юм. Тэрээр толгойгоо бөхийлгөн, Бурханд хандан залбирдаг байв. Тэр үүнд хэзээ ч эргэлзэж байгаагүй юм. Тэр хэзээ ч шантарч байгаагүй. Тэр зоригтой байсан. (“Хүчтэй бөгөөд зоригтой бай,” 2014 оны 4-р сарын Ерөнхий чуулган, 87)

Арван хоёр төлөөлөгчийн чуулгын ерөнхийлөгч Жэффри Р.Холланд ийн хуваалцсан:

[Та] нарт тохиолдож байгаагүй байж болох ч гагцхүү Есүс Христийн Хожмын Үеийн Гэгээнтнүүдийн Сүмийн гишүүн учраас та нарт өөрсдийн итгэлийг хамгаалахаар дуудагдах, магадгүй бүр хувь хүний хувьд гутаан доромжлуулах өдөр ирэх болно. Энэ үед та зоригтой бас найрсаг байх шаардлагатай. …

… Та нар сургууль дээрээ ёс зүйн талаарх үзэл бодлоо зоригтой хамгаалан зогсох эсвэл өөрийн хамгийн эрхэм итгэл үнэмшлийг доромжилж гутаахыг харах гэж номлолд явах, аль эсвэл зарим тохиолдолд сүсэг бишрэлтэй байхыг дооглон тохуурхах энэ нийгмийн эсрэг тэмцэх нь шашны сүсэг бишрэлд ямар үнэ цэнтэй юм бол гэж эргэлзэж байж магадгүй. Гэхдээ энэ нь үнэ цэнтэй. …

… Зоригтой бай. Эргэн тойрныхон чинь сайн мэдээг үргэлж дагадаггүй байсан ч та нар итгэлтэйгээр сайн мэдээний дагуу амьдар. Итгэл үнэмшлээ эелдэг, энэрэнгүй байдлаар хамгаалаарай. (“Шавь байхын адислал ба төлөөс,” 2014 оны 4-р сарын Ерөнхий чуулган, 21–22)

Нэмэлт суралцах үйл ажиллагаа

Есүс Хуучин Гэрээний судрын түүхүүдээр заав

Суралцагчид Даниел 6-ийн хичээлүүдийг бэлдэхийнхээ өмнө Есүс Христ Өөрийг нь сонсдог хүмүүст сайн мэдээний үнэнийг заахдаа Хуучин Гэрээний түүхүүдийг олонтоо ашигладаг байсныг олж мэдэх нь тустай байж болох юм. Суралцагчдыг дараах судрын хэсгүүдээс нэгийг судлаад, Есүс чухал үнэнийг заахдаа Хуучин Гэрээний түүхүүдийг хэрхэн ашигласныг олж мэдэхийг уриарай:

Maтай 12:38–40 (Иона; Иона 1:17-г үзнэ үү)
Maтай 24:36–39 (Ноа; Эхлэл 6:13–22-ыг үзнэ үү)
Лук 4:24–27 (Зарефатын эмэгтэй; 1 Хаад 17:1, 8–16; Нааман; 2 Хаад 5:1–14-ийг үзнэ үү)
Лук 17:28–33 (Лотын эхнэр; Эхлэл 19:24–26-г үзнэ үү)
Сургаал ба Гэрээнүүд 121:7–10 (Иов; Иов 6:14–15-д найз нөхөд нь өөрт нь хэрхэн хандаж байсан тухай Иовын гашуудлыг үзнэ үү)

Суралцагчдыг сонгосон хэсгээ давтсаны дараа та дараахтай адил асуултуудыг ашиглан хэлэлцүүлэг өрнүүлэхийг урьж болно:

Есүс энэ түүхээрээ ямар захиасыг заасан байж болох вэ?
Хуучин Гэрээний энэ түүх сонсогчдыг хэрхэн Аврагч болон Түүний сайн мэдээ рүү чиглүүлсэн байж болох вэ?

Миний “арслангийн нүх”

Суралцагчдыг жижиг бүлгүүдэд хуваарилж, бүлэг бүрд зориулж самбар дээр нэг арслан зурах талаар бодож үзээрэй. Өнөө үед итгэлтэй байхыг сонгосны төлөө хэн нэгэнд тулгарч болох өөр өөр “арслангийн нүх”-ний (бэрхшээлүүд) талаар хэлэлцэхэд бүлэг бүрийг уриарай. Хангалттай цаг өнгөрсний дараа бүлэг бүрээс нэг суралцагчийг самбарын өмнө гарч ирэн, бүлгээрээ хэлэлцсэн бэрхшээлүүдээ нэг арслан дээр тэмдэглэхийг хүснэ үү. Суралцагчдаас бэрхшээлүүдийг давахын тулд хэн нэгний хийж болох итгэлтэй үйлдлээс хуваалцахыг хүсээрэй. Та дараахтай адил асуултуудыг хэлэлцэж болно:

Хэрэв та үр дүнд нь эдгээр бэрхшээлийг туулж магадгүй гэдгээ мэдэж байсан бол яагаад Их Эзэнд итгэлтэй байхыг сонгох вэ?
Их Эзэн хэзээ танд эсвэл таны таньдаг хэн нэгэнд Түүнд итгэлтэй байсны үр дүнд тохиолдсон сорилтыг даван туулахад тусалсан бэ?

Суралцагчдыг Их Эзэнд итгэлтэй байсныхаа төлөө амьдралд нь тулгарч болох нөхцөл байдлуудын талаар тунгаан бодохыг уриарай. Ийм нөхцөл байдал тулгарвал тэднийг Их Эзэнд итгэлтэй байхад урамшуулан дэмжээд, итгэлтэй байвал Их Эзэн тэдэнд туслах болно гэдгийг гэрчлээрэй.

Ёс суртахууны эр зоригийн жишээ

Их Эзэн өнөө үед үйлчлэгчдээ хэрхэн хамгаалдаг гэдгийг ойлгоход нь суралцагчдад туслахын тулд та дор жагсаасан жишээнүүдээс нэгийг хуваалцаж болно. Хэрэв тэгвэл хэдийгээр Бурхан зөв шударга хүмүүсийг хамгаалдаг ч зарим үед зөв шударга хүмүүсийг хүртэл зовохыг Их Эзэн зөвшөөрдөг гэдгийг Алма 60:13 бидэнд сануулдаг гэдгийг тодруулж өгөх хэрэгтэй.

Хоёр эмэгтэй номлогч хор хөнөөлөөс гайхамшигтайгаар аврагдсан юм. Энэ түүхийг Арван хоёр төлөөлөгчийн чуулгын ахлагч Кристоффэрсон “When Thou Art Converted” (видео бичлэгийн8:44-өөс 10:02 хүртэлх хэсэг) бичлэг дээр хуваалцжээ.

11:21

19 настай Иосеф Ф.Смит өөрийг нь Есүс Христийн Хожмын Үеийн Гэгээнтнүүдийн Сүмийн гишүүн мөн эсэхийг асуусан догшин хэрцгий бүлэг дээрэмчидтэй тулгарсан юм: “Preparation of Joseph F. Smith: True Blue, Through and Through” (1:31).

1:31

Далын ахлагч Ларри Эко Хокоос нэгэн хатуу ширүүн цэргийн сургагч Мормоны Номд итгэдэг эсэхийг нь асуужээ: “Надад ирэгтүн, Ай Израилын угсаа Та нар,” (видео бичлэгийн 0:00-аас 3:05 хүртэлх хэсэг).

10:33