Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Даниел 1: “Даниел … биеэ бохирлоогүй”

“Даниел 1: ‘Даниел … биеэ бохирлоогүй’” Хуучин Гэрээний семинарын багшийн гарын авлага (2026)

“Даниел 1: ‘Даниел … биеэ бохирлоогүй’” Хуучин Гэрээний семинарын багшийн гарын авлага

Даниел 1–7: 142-р хичээл

Даниел 1

“Даниел … биеэ бохирлоогүй”

Daniel Refusing the King’s Meat and Wine, by Del Parson

Бид Их Эзэний зарлигуудыг дуулгавартай дагах шийдвэрийг маань сорих нөхцөл байдалтай тулгарахдаа бууж өгдөг үү эсвэл тууштай зогсдог уу? Небухаднезар хааны ордны зарц болох Даниел болон түүний найзууд Их Эзэний илчилсэн эрүүл мэндийн хуулийг зөрчих заавар авсан ч бат зогссон юм. Энэ хичээл Их Эзэний мэргэн ухааны үгийг дуулгавартай дагах шийдвэр амлалтаа хүчирхэгжүүлэхэд суралцагчдад тусална.

Суралцагчийн бэлтгэл: Суралцагчдыг Gospel Library дахь Сэдэв ба асуулт дээрх “Мэргэн ухааны үгс”-ийн тоймыг судлахад урь. Тэднийг Их Эзэний мэргэн ухааны үгийг дагаснаар тэд болон бусад хүмүүс хэрхэн адислагдсанаа хэлэлцэхийг урамшуулан дэмжээрэй.

Боломжит суралцах үйл ажиллагаа

Та юу хийх байсан бэ?

Дараах жишээтэй адил шинэ зүйлсийг туршиж үзэх сорилтыг хүлээн авах дуртай залуу хүнийг дүрсэлж хичээлээ эхлэх талаар бодож үзээрэй. Та суралцагчдадаа илүү хамааралтай болгохын тулд нэр, үйл ажиллагаануудыг нь өөрчилж болно.

Матео бол Есүс Христийн Хожмын Үеийн Гэгээнтнүүдийн Сүмийн идэвхтэй гишүүн. Тэр шинэ зүйлсийг туршиж үздэгээрээ алдартай учраас найзууд нь түүнийг дараах байдлаар байнга сорьдог:

Нэг удаа найз нь түүнийг марафонд гүйхэд уриалав. Матео сорилтыг хүлээж авсан.
Нэг удаа найз нь түүнийг мөс шиг хүйтэн нуур луу шумбахад уриалав. Матео сорилтыг хүлээж авсан.
Нэг удаа найз нь түүнийг сургуулийнхаа шинэ охинтой танилцахад уриалав. Матео сорилтыг хүлээж авсан.

Дараагийн сорилтыг уншсаныхаа дараа түр зогсоод, доорх асуултыг асуугаарай.
Нэг өдөр Матеогийн найзууд түүнийг үдэшлэг дээр согтууруулах ундаа уухад уриалав.
Матео ямар хариу өгөх байх гэж та бодож байна вэ? Яагаад?

Та танай бүс нутагт мэргэн ухааны үгийг зөрчих дарамт шахалт түгээмэл байдаг эсэхийг суралцагчдаас асууж болно. Мөн тэд үүнийг зөрчих дарамт шахалтад орж болох нөхцөл байдлуудыг дүрслэн хэлж болно. Энэ зарлигийг зөрчсөн байж болох суралцагчдыг Их Эзэнд эргэн хандаж, наманчлах үед Тэрээр тэдэнд тусална гэдгийг санахад нь урамшуулан дэмжих талаар бодож үзээрэй. Их Эзэн тэднийг хайрладаг бөгөөд үргэлжлүүлэн хичээхийг урьдаг гэдгийг суралцагчдад батлан хэлж өгөөрэй.

Мэргэн ухааны үгийг дуулгавартай дагах өөрсдийн амлалтыг дүгнэхийн тулд суралцагчид судлах тэмдэглэл дээрээ дараах асуултад хариулж болно.
Та үүнтэй төстэй нөхцөл байдалд юу гэж хариулах байсан гэж бодож байна вэ? Яагаад?
Хэрэв танд кофе эсвэл цай зэрэг илүү түгээмэл зүйл санал болговол та юу гэж хариулах байсан гэж бодож байна вэ?

Өнөөдөр Даниел 1-ийг судлахдаа Тэнгэрлэг Эцэгийн Ариун Сүнсээр дамжуулан танд өгч болох бодол, мэдрэмжүүдийг сонсоорой. Их Эзэний мэргэн ухааны үгийг дагах амлалтаа хүчирхэгжүүлэх арга замуудыг хайгаарай.

Даниел Их Эзэнийг дуулгавартай дагав

МЭӨ 606 оны үед Вавилоны хаан Небухаднезар Иерусалим руу довтолж, тодорхой тооны Израилчуудыг Вавилон руу олзлон авч явжээ. Хаан Израил залуусын заримыг сургаж гэртээ үйлчлүүлэхээр тушаажээ. Тэдгээр залуусын дунд Даниел, Хананиа, Мишаел, Азариа гэсэн дөрвөн залуу эр байв. Вавилонд тэдний нэрийг Белтешазар, Шадрах, Мешах, Абеднего болгон өөрчилжээ (Даниел 1:1–7-г үзнэ үү).

Даниел 1:5, 8–14-ийг уншаад, хаан Даниел болон түүний нөхдөд юу хийхийг зааварласныг хайгаарай.

Энэ хүсэлт Даниел болон түүний нөхдөд яагаад хэцүү байсан юм бол?
Зарим зүйлийг идэж, уухгүй байх нь яагаад хааныг хилэгнүүлэх эрсдэлтэй гэж та бодож байна вэ?

Та суралцагчдад Даниелын амьдарч байсан цаг үед Израилчууд хоолны дэглэмийн тодорхой хязгаарлалтуудыг багтаасан Мосегийн хуулийг дагадаг байсныг сануулж болно ( Дэд хууль 14-ийг үзнэ үү). Та мөн “пальс” гэдэг нь “үр, тариа зэргээр хийсэн хоол хүнс”-ийг хэлдэг гэдгийг тайлбарлаж болно. (Даниел 1:12, зүүлт тайлбар а).

Их Эзэнийг дуулгавартай дагаснаар ирэх адислалууд

Их Эзэн Даниелыг болон түүний нөхдийг хэрхэн адисалсныг олж мэдэхэд нь суралцагчдад туслахын тулд та суралцагчдыг хамтрагчид болгон зохион байгуулж болно. Тэднийг дараах шүлгүүдийг уншихдаа хамтрагчдын нэгийг Их Эзэн Даниелыг болон түүний нөхдийг хэрхэн бие махбодын хувьд адисалсныг, нөгөө хамтрагчийг нь Их Эзэн тэднийг хэрхэн сүнслэг байдлын хувьд адисалсныг олж мэдэхэд урь. Дараа нь хамтрагчдыг олж мэдсэн зүйлсээ хуваалцахад уриарай. Тэднээс бие махбодын болон сүнслэг адислалуудыг хоёр өөр аргаар (өөр өнгүүдээр тодотгох, нэгнийх нь доогуур зурах, нөгөөг нь тодотгох гэхчлэн) тэмдэглэхийг хүсээрэй.

Даниел 1:15–20-ийг уншаад дуулгавартай байдлынх нь төлөө Их Эзэн Даниел болон түүний нөхдийг хэрхэн адисалсныг хайгаарай.

15–20-р шүлгийг дахин нэг удаа уншаад, харин энэ удаа Тэнгэрлэг Эцэг, Есүс Христ хоёрын талаар юу сурснаа тунгаан бодоорой.

Эдгээр шүлэг Бурханы талаар танд юу заадаг вэ?
Энэхүү ойлголт Түүнд итгэж найдах, дуулгавартай дагах хүслийг тань хэрхэн хүчирхэгжүүлж болох вэ?

Та Даниелын цаг үетэй адил өнөө үед Их Эзэн Өөрийн хүүхдүүдэд эрүүл мэндийн хуулийг илчилсэн гэдгийг тайлбарлаж болно. Үүнийг Мэргэн ухааны үг гэж нэрлэдэг (Сургаал ба Гэрээнүүд 89-ийг үзнэ үү).

Дараах үйл ажиллагаа мэргэн ухааны үгийг судлахад суралцагчдад тусалж болно. Gospel Library-д нэвтрэх боломжгүй суралцагчдад зориулан цаас болон уран зургийн хэрэгслүүдээс гадна Өсвөр үеийнхний бат бөх байдлын төлөө: Сонголт хийхэд туслах хөтөч-ийн хуулбаруудыг өгөх талаар бодож үзээрэй. Та энэ үйл ажиллагаанд зарцуулах цагийг хязгаарлаж, хичээлийн төгсгөлд уг туршлагыг ашиглах цаг гаргаж болох юм.

Танаас шашны тань талаар ямар нэгэн онцгой зүйлийг дүрсэлсэн зурагт хуудас бүтээхийг хүссэн гэж төсөөлье. Та мэргэн ухааны үгийн тухай зурагт хуудас бүтээхээр шийднэ. Юуг оруулах вэ гэдгээ шийдэхийн тулд дараах эх сурвалжуудаас заримыг эсвэл бүгдийг ашиглана уу:

Сургаал ба Гэрээнүүд 89:18–21
Даниел 1:15–20
Судруудын удирдамж эсвэл Сэдэв ба асуулт (Gospel Library) дахь “Мэргэн ухааны үгс” эсвэл Өсвөр үеийнхний бат бөх байдлын төлөө: Сонголт хийхэд туслах хөтөч (2022)-ийн “ … тухайд юу гэх вэ?” хэсэг
“The Word of Wisdom: What It Is, What It Isn’t” New Era, 2019 оны 8-р сар, 26–28

Мэргэн ухааны үгийн талаарх нэг үнэний мэдэгдлийг зурагт хуудас дээрээ оруулаарай. Энэхүү үнэнийг Даниелын туршлагаас эсвэл өөр эх сурвалжаас олж болно.

Суралцагчдыг зурагт хуудас, үнэний мэдэгдлүүдээ ангийнхантайгаа хуваалцахад уриарай. Тэдний хуваалцаж болох үнэнүүдээс дараах зүйлийг онцлоорой: Бид мэргэн ухааны үгийг дуулгавартай дагах Их Эзэний зарлигийг сахивал Тэр биднийг бие махбодын болон сүнслэг байдлын хувьд адислах болно.

(Тайлбар: 160-р хичээл: “Суралцахуйгаа үнэлэх нь 10” дээр суралцагчид өөрсдийн бүтээсэн зурагт хуудсыг эргэн харах болно. Уг хичээлийг заах хүртлээ зурагт хуудсуудыг цуглуулж эсвэл байршуулах нь суралцагчдад харах боломжийг олгоно.)

Мэргэн ухааны үгийн зорилгыг хараахан ойлгоогүй хүмүүс үүнийг Сүмээс тавьдаг шаардлагагүй хязгаарлалтууд гэж ойлгож магадгүй. Мэргэн ухааны үгийг сахиснаар ирдэг адислалууд, үүнийг зөрчсөнөөр хувь хүн, гэр бүл, нийгэмд ямар үр дагавар авчрах талаар тунгаан бодоорой.

Мэргэн ухааны үг хэрхэн Бурхан хүүхдүүдээ хайрладгийг харуулдаг гэж та бодож байна вэ?

Их Эзэнийг дуулгавартай дагахыг одоо амлах

Та суралцагчдад Их Эзэний мэргэн ухааны үгийг дуулгавартай дагах амлалтаа хүчирхэгжүүлэхэд нь туслахын тулд тэднийг судлах тэмдэглэл дээрээ дараах өгүүлбэрүүдийг гүйцээж бичихийг урьж болно. Тэднийг бичиж тэмдэглэхээр бэлтгэх үед мэргэн ухааны үгийг дуулгавартай дагах амлалт нь хэрхэн Тэнгэрлэг Эцэг, Есүс Христ хоёртой харилцах харилцааг нь хүчирхэгжүүлж болох талаар бодохыг хүсээрэй.

Би мэргэн ухааны үгийг дуулгавартай дагахыг хүсдэг, учир нь …

Мэргэн ухааны үгийг дуулгавартай дагахад минь туслах миний хийж чадах нэг зүйл бол …

Та Есүс Христийн тухай гэрчлэл болон Түүний мэргэн ухааны үгийг дуулгавартай дагаснаар харсан адислалуудаа хуваалцан хичээлээ дуусгаж болно.

Нэмэлт эх сурвалжууд

Бие махбоддоо анхаарал тавих нь яагаад чухал вэ?

Ерөнхийлөгч Рассэлл М.Нэлсон ийн хуваалцсан:

Таны бие үнэхээр гайхалтайн зэрэгцээ өмнө дурдсанчлан таны мөнхийн сүнсний байр болох илүү чухал үндсэн үүрэгтэй.

Таны сүнс бие махбодыг хүлээн авч, мөнх бус байдал, үүнийг дагалдан ирдэг бэрхшээл, сорилтуудыг туулах амьд бодгаль болсон юм. Энэхүү сорилтын нэг хэсэг нь таны бие махбод дотор орших сүнс, бие махбодынхоо дур хүслийг захирч чадах эсэхийг тодорхойлоход оршдог.

Бид өөрсдийн мөн чанар, дэлхий дээрх зорилгыг болон бидний бие махбод бол Бурханы биет ариун сүм гэдгийг ойлгохдоо биеийг маань бохирлох аливаа зүйлийг биедээ оруулах нь зүй бус гэдгийг ухаарах болно. (“Your Body: A Magnificent Gift to Cherish,” New Era, 2019 оны 8-р сар, 5–6)

Мэргэн ухааны үгийг дуулгавартай дагахыг амлах нь намайг хэрхэн адисалдаг вэ?

Арван хоёр төлөөлөгчийн чуулгын ахлагч Роналд А.Расбанд ийн хуваалцжээ:

14:39

Өсвөр насанд минь, нэгэн орой ээж маань орныхоо хөлд надтай хамт суугаад, мэргэн ухааны үгийг дагаж амьдрахын чухлыг үнэн сэтгэлээсээ ярьж өгч билээ. “Би олон жилийн өмнөх бусдын туршлагаас мэргэн ухааны үгийг дагаагүйгээс сүнслэг байдал болон мэдрэмжээ алддаг болохыг мэдэж авсан” гэж ээж минь хэлсэн юм. Тэр миний нүд рүү ширтэж байсан бөгөөд би түүний үгс зүрх сэтгэлд маань шингэхийг мэдэрсэн: “Ронни (ээж минь намайг Ронни гэж дууддаг байв) чи мэргэн ухааны үгийг үргэлж дагаж амьдарна гэж өнөөдөр надад амла” гэж хэлж билээ. Би түүнд тэр амлалтыг баттай өгсөн бөгөөд эдгээр он жилийн турш би тэр амлалтдаа хүрсээр байгаа.

Намайг өсвөр насандаа байхад мөн хожим нь согтууруулах ундаа элбэг дэлбэг байдаг бизнесийн хүрээнд байх үед тэрхүү амлалт надад тусалсан. Би Бурханы хуулиудыг дагах шийдвэрийг урьдчилан гаргасан бөгөөд тэр шийдвэрийг ахин гаргах хэрэг байсангүй. Их Эзэн “Миний хэлснийг та нар хийхэд Их Эзэн бибээр үүрэг хүлээдэг; гэвч миний хэлснийг та нар үл хийхэд та нарт амлалт байх нь үгүй” [Cургаал ба Гэрээнүүд 82:10] хэмээн хэлсэн. Тэрээр мэргэн ухааны үгийг сахидаг хүмүүст юу гэж хэлж байна вэ? Бидэнд эрүүл мэнд, хүч чадал, мэргэн ухаан, мэдлэг, биднийг хамгаалах тэнгэр элчүүдийг өгнө гэж хэлж байгаа юм. (“Амлалт болоод гэрээнүүдээ сахих нь,” 2019 оны 10-р сарын Ерөнхий чуулган, 58–59)

Би мэргэн ухааны үгийн талаар хаанаас илүү ихийг сурч мэдэж болох вэ?

Мэргэн ухааны үгийн талаар илүү ихийг мэдэхийг хүсвэл 2019 оны 8-р сарын New Era сэтгүүлийн дугаарыг үзнэ үү.

Нэмэлт суралцах үйл ажиллагаа

Даниел 1:8 “Даниел сэтгэлдээ бат шийджээ”

Суралцагчид Даниелын түүхийг судлах нь Их Эзэнийг дуулгавартай дагах түүний амлалтыг эргэцүүлэн бодоход тусалж магадгүй. Суралцагчдыг Даниел 1:8 дээрх “Даниел сэтгэлдээ бат шийджээ” гэдэг үгсийг тэмдэглэхийг урих талаар бодож үзээрэй. Тэгээд дараах асуултуудыг асуугаарай:

Даниел хэзээ Их Эзэнийг дуулгавартай дагахаар шийдсэн гэж та нар бодож байна вэ?
Энэ шийдвэр нь бэрхшээлтэй нөхцөл байдалд Даниелын гаргах хариу үйлдэлд хэрхэн нөлөөлсөн байж болох вэ?

Их Эзэнийг дуулгавартай дагахаар урьдчилан шийдсэн Даниелын үлгэр жишээг болон энэ жишээг дагах нь бэрхшээлтэй нөхцөл байдалд Мэргэн ухааны үгийг дуулгавартай дагахад бидэнд хэрхэн тусалж болох талаар хэлэлцээрэй.

Бие махбод болон сүнсний адислалууд

Их Эзэн биднийг бие махбодын болон сүнслэг байдлын хувьд хэрхэн адисалж чаддаг болон адислахыг танихад нь суралцагчдад туслахын тулд та “A Brand New Year: Physical Health” видео бичлэгийн 0:53-аас 4:19 хүртэлх хэсгийг үзүүлж болно.

7:29

Түүнчлэн та Арван хоёр төлөөлөгчийн чуулгын ерөнхийлөгч Бойд К.Пакэрын (1924–2015) дараах сургаалыг хуваалцаж болно:

Мэргэн ухааны үгийн үндсэн зорилгыг илчлэлттэй холбоотой … гэдгийг би мэдэж авсан. …

Хэрэв “нөлөөнд автсан” байгаа хэн нэгэн энгийн үг яриаг арай ядан сонсож чадаж байгаа бол уг хүний өөрийнх нь хамгийн торгон мэдрэмжийг өдөөсөн сүнслэг өдөөлтөд хэрхэн хариулж чадах билээ?

Мэргэн ухааны үг эрүүл мэндийн хуулийн хувьд үнэ цэнтэй ч бие махбодын гэхээсээ илүү сүнслэг байдлын тань хувьд илүү их үнэ цэнтэй байж болно. (“Prayers and Answers,” Ensign 1979 оны 11-р сар, 20)

Мэргэн ухааны үг та нарыг төгс эрүүл мэндтэй байлгана гэж амладаггүй, харин энэ нь сүнснээс ирэх торгон мэдрэмжийг мэдрэх оюун ухаантай байлгаж, төрсөн бие махбодоо хэрхэн хамгийн сайн нөхцөл байдалд байлгахыг зааж өгдөг. (“The Word of Wisdom: The Principle and the Promises,” Ensign, 1996 оны 5-р сар, 18)

Та эсвэл та нарын таньдаг хэн нэгэн мэргэн ухааны үгийг дуулгавартай дагаснаар ямар бие махбодын эсвэл сүнсний адислалуудыг хүлээн авсан бэ?

Та суралцагчдад Их Эзэний адислалууд Түүний хүсэл, цаг хугацааны дагуу ирдэг гэдгийг сануулж болно.