Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Төгс эзэмших сургаалыг давтах үйл ажиллагаа: Сүнслэг мэдлэг олж авах зарчмуудыг авч үзэх санаа

“Төгс эзэмших сургаалыг давтах үйл ажиллагаа: Сүнслэг мэдлэг олж авах зарчмуудыг авч үзэх санаа,” Хуучин Гэрээний семинарын багшийн гарын авлага (2026)

“Төгс эзэмших сургаалыг давтах үйл ажиллагаа,” Хуучин Гэрээний семинарын багшийн гарын авлага

Хавсралт

Төгс эзэмших сургаалыг давтах үйл ажиллагаа

Сүнслэг мэдлэг олж авах зарчмуудыг авч үзэх санаа

Төгс эзэмших сургаалыг давтах хичээл бүрээр суралцагчдад сүнслэг мэдлэг олж авах зарчмуудыг авч үзэх боломж олгох нь тус болж болох юм. Энэ нь эдгээр зарчмыг ангидаа болон бодит амьдрал дахь нөхцөл байдлын аль алинд илүү сайн хэрэгжүүлэхэд тэдэнд тусална.

Дараах жишээнүүд нь сүнслэг мэдлэг олж авах зарчмуудыг давтахад суралцагчдадаа туслах арга замуудын зарим жишээ юм.

Зарчмуудыг цээжээр хэлэх. Сүнслэг мэдлэг олж авах гурван зарчмыг цээжээр хэлж чадах эсэхийг суралцагчдаас асуу. Суралцагчид судлах тэмдэглэлдээ зарчмуудыг дор бүрдээ бичиж эсвэл ангийн өөр өөр гишүүн зарчмуудыг чангаар хэлж болно. Хэрэв суралцагчдад тусламж хэрэгтэй бол тэд 2023 оны Төгс эзэмших сургаалыг судлах үндсэн материал дахь “Сүнслэг мэдлэг олж авах” хэсгийн 4-р догол мөр-ийг эш татаж болно. Та мөн хоосон зайг нөхөх үйл ажиллагааг явуулах эсвэл өөр өөр зарчмын үг бүрийн эхний үсгийг хэлж өгөх зэргээр сэжүүр гаргаж өгч болно.

Өгүүлбэрүүдийг зөв зарчимтай тохируулах. Самбарт сүнслэг мэдлэг олж авах гурван зарчмыг бич. Дараа нь Төгс эзэмших сургаалыг судлах үндсэн материал дахь “Сүнслэг мэдлэг олж авах” хэсгийн 5–12-р догол мөр-өөс янз бүрийн өгүүлбэр, үг хэллэгийг унших юм уу үзүүл. Тухайн өгүүлбэр сүнслэг мэдлэг олж авах аль зарчимтай хамаатай талаар суралцагчдаар хуваалцуул.

Утгыг тайлбарлах. Сүнслэг мэдлэг олж авах зарчмуудыг өөрсдийн үгээр тайлбарлахыг өөр өөр суралцагчаас хүс. Үүнийг өөр өөр зарчмын талаар олон суралцагчаас асуух эсвэл суралцагчдыг гурав гурваар нь бүлэгт хуваарилж, суралцагч бүрд нэг зарчим оноох замаар явуулж болно. Шаардлагатай бол тайлбарлахыг тэднээс хүсэхийн өмнө тэдгээр зарчмыг Төгс эзэмших сургаалыг судлах үндсэн материал дахь “Сүнслэг мэдлэг олж авах” хэсгийн 5–12-р догол мөр-өөс давтаж болно.

10 буюу түүнээс бага үгээр товчлон бичих. Сүнслэг мэдлэг олж авах зарчим бүрийг 10 ба түүнээс бага үгээр тоймлохыг суралцагчдад даалга. Хэд хэдэн суралцагчаас дүгнэлтээ хуваалцахыг, мөн яагаад тэдгээр үгийг сонгосноо тайлбарлахыг хүс.

Зураг зурах эсвэл дүрс зураг бүтээх. Сүнслэг мэдлэг олж авах зарчим бүрд зориулж бэлгэдэл, зураг эсвэл дүрс зураг бүтээх даалгавар суралцагчдад өг. Тэдний бүтээл зарчмуудаар заагддаг зүйлсийг төлөөлөх ёстой. Суралцагчдаас дууссаныхаа дараа бүтээлээ бусдадаа үзүүлж, яагаад тухайн зүйлсийг бүтээлдээ оруулах болсноо тайлбарлахыг хүс.

Жишээг ярилцах явцдаа давтах. Бодит жишээг хуваалцсаныхаа дараа суралцагчдад Төгс эзэмших сургаалыг судлах үндсэн материал дахь “Сүнслэг мэдлэг олж авах” хэсгийн 5–12-р догол мөр-ийг судлах даалгавар өг. Суралцагчид тэдгээр догол мөрөөс уг жишээн дээрх хүнд (1) итгэлээр үйлдэх, (2) утга санаа болон асуултыг мөнхийн талаас нь шинжлэн судлах, (3) тэнгэрээс томилогдсон эх сурвалжаар дамжуулан илүү гүн гүнзгий ойлголтыг эрэлхийлэхэд туслах сургаалуудыг хайж, хуваалцаж болно.

Туршлагаа хуваалцах. Сүнслэг мэдлэг олж авах зарчмуудыг ашиглан олж авсан туршлагаасаа хуваалцахыг суралцагчдаас хүсэж болох юм. Эдгээр зарчим өөрсдийнх нь асуулт, нөхцөл байдалд хэрхэн тусалсан эсвэл бусдад туслахын тулд зарчмуудыг хэрхэн ашиглаж чадсан талаар тайлбарлаж болно.

Нэг үг хэллэгийг сонгох. Сүнслэг мэдлэг олж авах зарчмуудын аль нэг дээр төвлөрөхийг суралцагч бүрд даалга. Оноосон хэсгийнхээ догол мөр бүрээс уг догол мөрд заасан зүйлийг хамгийн сайн төлөөлж байгаа нэг үг хэллэгийг сонгох цагийг тэдэнд гаргаж өг. Дараа нь суралцагчдыг анги дотор тойрон явж, өөрсдийнхтэй нь адил зарчмыг авсан нэгнийг олоод, сонгосон үг хэллэгээ харьцуулахыг хүс. Суралцагчид дараа нь нөгөө хоёр зарчмыг авсан суралцагчдыг олж, тэдний сонгосон үг хэллэгийг хуваалцаж болно.

Төгс эзэмших сургаалын хэсгүүдийг давтах санаа

Жилийн турш суралцагчдын судалж байгаа төгс эзэмших сургаалын хэсгүүдийг тогтмол давтах цаг гарга. Энэ нь суралцагчдын тань судрын эшлэл, түлхүүр үг хэллэгүүдийг санах чадварыг нэмэгдүүлэхэд тусална. Мөн төгс эзэмших сургаалын судрын хэсгүүдэд заасан сургаалыг илүү сайн ойлгож, тайлбарлаж, амьдралдаа хэрэгжүүлэхэд нь туслах юм. Төгс эзэмших сургаалын судрын хэсгүүд ба судрын түлхүүр үг хэллэгүүд-ийн жагсаалтыг Төгс эзэмших сургаалыг судлах үндсэн материал-аас авна уу.

Төгс эзэмших сургаалын судрын хэсгүүдийг олон арга замаар давтахад нь суралцагчдадаа туслахын тулд ашиглаж болох эсвэл тохируулан өөрчилж болох зарим үйл ажиллагааг доор өгөв.

Цээжлэх

Цээжлэх карт. Цаасны нэг талд судрын эшлэл, нөгөө талд судрын түлхүүр үг хэллэг бүхий цээжлэх карт хийхийг суралцагчдаас хүс. Суралцагчид төгс эзэмших сургаалын судрын олон хэсгийн картыг нэг цаасан дээр бүтээгээд, дараа нь цээжлэх картуудыг хайчлан авч болно. Дараа нь тэд судрын эшлэл, түлхүүр үг хэллэгүүдийг бие дааж эсвэл хамтрагчтайгаа хамтран цээжлэх дадлага хийж болох юм. Цээжлэх карт ашигласан эдгээр давтлагыг жилийн турш үе үе явуулж болно.

Төгс эзэмших сургаалын аппликэйшн. Төгс эзэмших сургаалыг судлах аппликэйшн дээрх цээжлэх үйл ажиллагаануудыг ашигла. Боломжтой бол та зөөврийн төхөөрөмжөө проектор эсвэл зурагттай холбоод, уг аппликэйшны агуулгыг үзүүлснээр суралцагчид цээжлэх үйл ажиллагааг ангиараа гүйцэтгэх боломжтой болно. Та мөн зөөврийн төхөөрөмжтэй суралцагчдыг уг аппликэйшныг ангид эсвэл ангиас гадуур ашиглах байдлаар цээжлэх үйл ажиллагаанд цаг заваа зориул хэмээн урь.

Ангийн уншлага. Судрын эшлэлийг хэлсний дараа ангийнхан судрын түлхүүр үг хэллэгийг нэгэн зэрэг давтан хэлж болно. Та мөн судрын түлхүүр үг хэллэгийг хэлээд, холбогдох судрын эшлэлийг нэгэн зэрэг ангийнхнаар давтан хэлүүл.

Холбогдох зургууд. Төгс эзэмших сургаалын судрын хэсгийн сургаалтай холбоотой зургийг эсвэл зурсан зургуудыг ол. Судрын эшлэл, түлхүүр үг хэллэгүүдийг цээжлэх дадлагын явцад тэдгээр зургийг суралцагчдад үзүүл. Түүнчлэн судрын хэсгийг цээжлэхэд туслах зураг олохыг эсвэл өөрсдөө бүтээхийг тэднээс хүсээрэй. Хэрэв бүх суралцагч өгөгдсөн судрын хэсгүүдийг цээжлэхэд ангийн нэг ижил зургуудыг ашигласан бол та дараа дараагийн хичээл дээр тэдгээр зургийг үе үе барин харуулж, тухайн үг хэллэг, эшлэлүүдийг санаж байгаа эсэхийг нь шалгаж болно.

Зөв дараалалд оруулах. Судрын эшлэл, түлхүүр үг хэллэгийг буруу дараалалд оруулан үзүүлээд, зөв дараалалд оруулахыг суралцагчдаас хүс.

Эхний үсгийг үзүүлэх. Судрын эшлэл, түлхүүр үг хэллэг бүрийн зөвхөн эхний үсгийг үзүүлээд, эшлэл, түлхүүр үг хэллэгийг зөв хэлэх гэж оролдохыг суралцагчдад даалга. Суралцагчдын судрын эшлэл, түлхүүр үг хэллэгийг цээжээр хэлэх чадвар сайжрахын хэрээр эхний үсгүүдийг бага багаар арилга.

Хоосон зайг нөхөх. Судрын эшлэл, түлхүүр үг хэллэгийг зарим үггүйгээр үзүүл. Хоосон зайг бөглөхдөө эшлэл, түлхүүр үг хэллэгийг цээжээр нөхөн хэлэхийг суралцагчдаас хүс. Суралцагчдын эшлэл, түлхүүр үг хэллэгийг цээжээр хэлэх чадвар сайжрахын хэрээр үгсийг бага багаар арилга.

Тохируулах. Судрын хэд хэдэн эшлэл, түлхүүр үг хэллэгийг хоёр баганад хуваан харуул. Эхний баганад судрын эшлэлүүдийг дэс дарааллаар нь жагсаан бич. Хоёр дахь баганад судрын түлхүүр үг хэллэгүүдийг замбараагүй жагсаан бич. Дараа нь судрын эшлэлийг судрын зөв түлхүүр үг хэллэгтэй тааруулахыг суралцагчдаас хүс.

Ойлгож, тайлбарлах

Холбогдох эшлэл. Төгс эзэмших сургаалын судрын хэсэгтэй холбоотой хэд хэдэн холбогдох эшлэлийг олохыг суралцагчдад даалга. Дараа нь ангийнхандаа сурч мэдсэн зүйлийнхээ талаар, тэр дундаа судалсан нэмэлт судрууд нь төгс эзэмших сургаалын судрын хэсэгтэй хэрхэн холбогддогийг зааж болно. Та тэдний олсон зарим холбогдох эшлэлийг өөр судрын ном дээрх төгс эзэмших сургаалын судрын хэсгүүдээс авахыг санал болгож болно.

Есүс Христтэй холбогдох. Судлах төгс эзэмших сургаалын судрын хэсгийг суралцагчдад оноож өгөөд, уг хэсэг Есүс Христтэй өөр ямар ямар арга замаар холбогддог талаар бодохыг тэднээс хүс. Тэд авсан судрын хэсэг нь Есүс Христ, Түүний сургаал эсвэл авралын төлөвлөгөөний талаар юуг илүү сайн ойлгоход тусалдаг талаар бодож, ярилцаж болно. Тэд бас Аврагч уг судрын хэсэг дэх үнэнийг хэрхэн заасан эсвэл үлгэрлэн үзүүлсэн жишээнүүдийг хайж олж болно.

Энгийн тайлбар. Төгс эзэмших сургаалын янз бүрийн судрын хэсэгт заасан сургаалыг мэдэхгүй хэн нэгэнд тайлбарлаж өгөхөөр бэлтгэхийг суралцагчдаас хүс. Тэд тэдгээр сургаалыг хүүхдэд эсвэл Сүмийн гишүүн бус хүнд тайлбарлаж байна гэж төсөөлөн бодож болно. Тайлбараа судлах тэмдэглэлдээ бичээд, дараа нь ангийнхантайгаа хуваалц хэмээн урь.

Шат шатаар. Суралцагчдад Өсвөр үеийнхний бат бөх байдлын төлөө сэтгүүлийн судрын хэсгүүдийн чухал үг хэллэгийг задлан шинжилсэн “Шат шатаар” хуудасны зарим жишээг үзүүл. Энэ хуудасны нэг жишээ бол “Line upon Line: A Watchman” юм (Өсвөр үеийнхний бат бөх байдлын төлөө, Oct. 2022, 32). Суралцагчдаар өөрсдийн Шат шатаар хуудсыг зохиолгуул. Төгс эзэмших сургаалын судрын хэсгээс хэд хэдэн түлхүүр үг сонгоод, холбогдох судар, Сүмийн удирдагчдын хэлсэн үг, тэдгээр түлхүүр үгийн талаарх ойлголтыг гүнзгийрүүлэхэд туслах тодорхойлолтыг оруулахыг тэднээс хүс.

Aсуулт тавих. Илүү сайн ойлгохыг хүсэж байгаа төгс эзэмших сургаалын судрын хэсгийг сонгохыг суралцагчдаас хүс. Судрын хэсгийг уншаад, уг судрын хэсгийн талаар хоёр, гурван асуулт жагсаан бичихийг тэднээс хүс. Тэдгээр асуулт нь илүү сайн ойлгохыг хүсэж байгаа үг, хэллэгтэй нь эсвэл яагаад энэ судрын хэсгийг ойлгох нь чухал байгаатай холбоотой байж болно. Асуултуудаа жагсаан бичсэний дараа суралцагчдыг хариултаа олохын тулд Gospel Library аппликэйшн, Судруудын удирдамж эсвэл бусад судлах хэрэгслийг ашиглахад урь. Суралцагчдаас сурч мэдсэн зүйлээ хуваалцахыг хүс.

Үзүүлэн. Суралцагчид төгс эзэмших сургаалын судрын хэсэгт заасан зүйлийг дүрслэн харуулахад туслах зураг, эвлүүлдэг зураг, мийм, үгэн урлал, үгэн зураг эсвэл өөр үзүүлэн бүтээж болно. Тэд дараа нь өөрсдийн бүтээлийг бусдад үзүүлж, энэ нь тэдний анхаарч ажилласан төгс эзэмших сургаалын судрын хэсэгтэй хэрхэн холбогдож байгааг тайлбарлаж болно.

Хэрэгжүүлэх

Жишээ. Өсвөр насны хүүхдүүдэд тулгарч болзошгүй нөхцөл байдал, саад бэрхшээл, сүнслэг асуулттай холбоотой янз бүрийн жишээг хуваалц. Тухайн жишээнд хамаатай байж болох төгс эзэмших сургаалын нэг юм уу хэд хэдэн судрын хэсгийг хуваалцаад, эдгээр эшлэл хэрхэн тусална гэж бодож байгаагаа тайлбарлахыг суралцагчдаас хүс.

Туршлагаа хуваалцах. Суралцагчид хамгийн сүүлд амьдралдаа хэрэгжүүлсэн эсвэл илүү бүрэн дүүрэн хэрэгжүүлэхийг хүсэж буй төгс эзэмших сургаалын судрын хэсгүүдийнхээ аль нэгийг сонгож болно. Тэдгээр сургаал өөрсдийнх нь амьдралд хэрхэн нөлөөлсөн талаар хуваалцахыг суралцагчдаас хүс.

Хувийн нөхцөл байдлаа бодож судрын хэсгүүдийг судлах. Тулгарч буй нөхцөл байдал, асуулт эсвэл шийдвэрийнхээ талаар бодохыг тэднээс хүс. Өөрсдийнх нь нөхцөл байдалд туслах төгс эзэмших сургаалын судрын хэсгүүдийг олуулж, тус болно гэж бодсон зүйлсийг нь хуваалцуул.

Өсвөр насны хүүхдэд туслах. Өсвөр насны хүүхдийг дүрсэлсэн зураасан зураг зураад, түүний нэр, нас, гэр бүлийн байдал, тулгарч буй аливаа асуулт, асуудал, бэрхшээлийг бичих даалгавар суралцагчдад өг. Дараа нь уг өсвөр насны хүүхдэд тус болно гэж бодож байгаа төгс эзэмших сургаалын судрын хэсгүүдийг тодорхойлж болно. Тэд сонгосон судрын хэсгийнхээ сургаалыг тайлбарлаж, тухайн өсвөр насны хүүхдийн хийж болох үйлдлүүдийг санал болгож болох юм.

Онцгой цугларалтад бэлтгэх эсвэл хэлэх үгээ бэлдэх. Төгс эзэмших сургаалын хэсгүүдийг ашиглан онцгой цугларалт дээр өгөх захиас эсвэл хэлэх богино үг бэлтгэх боломжийг суралцагчдад олго. Та улирлын туршид хичээлийн эхэнд онцгой цугларалт дээр хэлэх захиас эсвэл хэлэх үгээ толилуулах хуваарийг суралцагч бүрд зориулан гаргаарай. Агуулгыг нэгтгэн дүгнэж, судрын хэсгүүдэд заасан үнэнүүдийг тайлбарлахаар бэлтгэхэд нь тусал. Сонгосон судрын хэсгүүд дэх үнэнүүдийг амьдралд хэрэгжүүлж байсан утга учир бүхий туршлага эсвэл жишээнүүдээ хуваалцан, судрын хэсгүүдэд заасан үнэнийг суралцагчдаар гэрчлүүл.