Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 29: “Ер бусын гайхамшигт, гайхалтай зүйл”

“Исаиа 29: ‘Ер бусын гайхамшигт, гайхалтай зүйл’”, Хуучин Гэрээний семинарын багшийн гарын авлага (2026)

“Исаиа 29: ‘Ер бусын гайхамшигт, гайхалтай зүйл,’” Хуучин Гэрээний семинарын багшийн гарын авлага

Исаиа 13–14; 22; 24–30; 35: 118-р хичээл

Исаиа 29

“Ер бусын гайхамшигт, гайхалтай зүйл”

Есүс Христийн сайн мэдээ болон Мормоны Ном танд яагаад ер бусын байдаг вэ? Исаиа Есүс Христийн сайн мэдээний сэргээлтийг, үүний дотор Мормоны Ном ирнэ гэдгийг “ер бусын гайхамшигт, гайхалтай зүйл” (Исаиа 29:14) хэмээн дүрсэлсэн. Энэ хичээл нь Есүс Христийн сайн мэдээ болон Мормоны Номын сэргээлтэд талархах талархлыг мэдрэхэд нь суралцагчдад тусалж чадна.

Суралцагчийн бэлтгэл: Гайхалтай, гайхамшигтай гэсэн үгсийг хэрхэн тодорхойлж болох талаар бодоход суралцагчдыг урь. Тэднээс өөрсдийн тодорхойлолтыг ашиглан Мормоны Номон дахь гайхалтай эсвэл гайхамшигтай шүлэг эсвэл түүх олохыг хүснэ үү.

Боломжит суралцах үйл ажиллагаа

Урвалт

Сайн мэдээний сэргээлтийн хэрэгцээг ойлгохын тулд Их урвалтыг ойлгох нь суралцагчдад тустай.

Үүнийг хийхийн тулд сэжүүр дээр үндэслэн ямар нэг үйл явдал таах гэж байгааг нь суралцагчдад хэлнэ үү. Дараа нь суралцагчдыг “Их урвалт”-ыг таах гэж оролдох үед дараах хэллэгүүдийг нэг нэгээр нь үзүүл. Суралцагчдыг тодорхойлж байх үед тэднийг хариултыг хуваалцахгүйгээр гараа өргөхөд урь.

Ямар үйл явдлыг дүрсэлж байгааг тодорхойлохын тулд дараах хэллэгийг ашиглаарай:

“газрыг харанхуй бүрхэнэ” (Исаиа 60:2)
“Эзэний үгийг сонсохын төлөө өлсгөлөн байна” (Амос 8:11)
“хэрцгий чононууд та нарын дунд орно” (Үйлс 20:29)
“урвалт” (2 Тесалоник 2:3)

Исаиа 29:8–10-ыг уншиж, Их урвалтыг хэрхэн дүрсэлснийг ол.

Энэ хэсэгт Их урвалтаас болж Их Эзэний үнэнийг хүлээн авах боломжоо орхисон эсвэл хэзээ ч авч байгаагүй хүмүүсийг хэрхэн дүрсэлсэн бэ?

Олон хүн сүнслэгээр өлсөж, гансарч, унтаж байгаа энэ дэлхийд бид амьдарч байна. Түүнчлэн бид биднийг Их Эзэнээс холдуулах сонголтуудыг хийж болно. Та болон таны хайртай хүмүүс ийм мэдрэмжийг мэдэрч болох арга замуудын талаар хэсэг зуур тунгаан бод.

Та өнөөдөр суралцаж байхдаа Тэнгэрлэг Эцэг, Есүс Христ хоёрын бидэнд эдгээр сорилт бэрхшээлийг даван туулж, Тэдэнд хандахаар өгсөн зүйлсэд талархахын тулд Ариун Сүнснээс тусламж хүс.

Ер бусын гайхамшигт, гайхалтай зүйл

Их Урвалтын үр дагавруудыг даван туулахын тулд Их Эзэн биднийг юугаар адисална хэмээн Исаиа бошиглосныг тодорхойлохын тулд Исаиа 29:4-ийг унш.

4-р шүлэг Мормоны Номыг хэлж байгааг ойлгоход нь суралцагчдад туслахын тулд та тэдэнд дараах судрын эшлэлүүдийг өгч болно:

2 Нифай 33:13
Мормон 8:23
Мормоны Номын удиртгал хуудсан дахь “Бошиглогч Иосеф Смитийн гэрчлэл”-ийн сүүлчийн догол мөр.

Эсвэл та бүх эшлэлийг самбар дээр үзүүлээд, Их Эзэн биднийг юугаар адисалсан болохыг олж тогтооход аль болох олон эшлэлийг ашиглахад суралцагчдыг урьж болно. Суралцагчид эдгээр эшлэлийн нэгийг эсвэл түүнээс олон эшлэлийг сонгож, тэдгээрийг Исаиа 29:4-тэй холбож эсвэл солбицсон эшлэл хийж болно. Энэ нь тэдэнд сурсан зүйлээ санахад тусална.

Суралцагчдыг Исаиа 29:11–12-ыг уншаад, Мормоны Ном гарч ирэхийг хэлж болох бусад хэллэгийг олж мэдэхэд урьж болно. Суралцагчид “номыг бичиг мэдэхгүй нэгэнд өгч” (Исаиа 29:12) гэснийг тэмдэглэж болно. Энэ үг хэллэг албан ёсны боловсрол багатай Иосеф Смитийг хэлж байгаа юм. Хэрэв суралцагчид мэдэхгүй бол эдгээр шүлэг Иосеф Смит—Түүх 1:62–65-д гардаг сүмийн түүхэн үйл явдлыг хэлж байгаа гэдгийг тайлбарлаж болно.

Исаиа 29:13-14 бол төгс эзэмших сургаалын судрын хэсэг юм. Төгс эзэмших сургаалын судрын хэсгийг амархан олохын тулд онцгойлон тэмдэглэхэд суралцагчдыг урих талаар бодож үзээрэй.

Исаиа 29:13–14-ийг уншаад, Их Эзэн урвалтын үр дагавруудыг даван туулахын тулд юу хийх болно гэж хэлснийг олж уншаарай.

Ерөнхийлөгч Рассэлл М.Нэлсон ер бусын гайхамшигт, гайхалтай зүйл гэж юу болохыг тайлбарласан:

Тэрхүү ер бусын гайхамшигт [гайхалтай зүйл]-т Мормоны Ном гарч ирэх болон Сайн мэдээний сэргээлт багтана. (“Scriptural Witnesses,”Liahona, 2007 оны 11-р сар, 46)

Исаиа 29:13–14-өөс бидний сурч болох зүйлийг та нар хэрхэн нэгтгэн дүгнэх вэ?

Суралцагчид дараахтай төстэй зүйлийг хуваалцаж болох юм: Их Урвалтын үр дагавруудыг даван гарахын тулд Их Эзэн Есүс Христийн сайн мэдээг сэргээж, түүний дотор Мормоны Номыг өгсөн.

Сайн мэдээний сэргээлт бол “Бурхан Өөрийн сайн мэдээний үнэн болон ёслолуудыг дэлхий дээр хүн төрөлхтний дунд дахин зохион байгуулсан явдал” гэдгийг тайлбарла (“Сайн мэдээний сэргээлт,” Судруудын удирдамж, Gospel Library). Үүнээс гадна та “What Is the Restoration?” видеоны 2:09-өөс 5:13 хүртэлх хэсгийг үзүүлж болно.

5:13

Энэ зарчмын талаарх ойлголтоо гүнзгийрүүлэхэд нь суралцагчдад туслах үүднээс тэднийг бүлгүүдэд хуваарилж, дараах асуултын дагуу ярилцах талаар бодож үзнэ үү.
Энэ үнэн бидэнд Тэнгэрлэг Эцэг, Есүс Христ хоёрын талаар юу заадаг вэ?
Их урвалтаас үүдэлтэй сүнслэг бэрхшээлүүдийг даван туулахад Есүс Христийн сайн мэдээний сэргээлт болон Мормоны Ном бидэнд хэрхэн тусалж чадах вэ?

Ер бусын гайхамшигт, гайхалтай зүйл

Их урвалтын үр дагавруудыг даван туулахад Сэргээлт болон Мормоны Ном бидэнд хэрхэн тусалж чадахыг ойлгоход дараах зүйл суралцагчдад тусалж чадна.

“Сэргээлт болон Мормоны Номоор дамжуулан Их Эзэн намайг хэрхэн адисалж чадах вэ?” гэсэн асуултыг тэмдэглэлдээ бич. Исаиа 29:18–19-ийг уншаад, асуултын хариултад олсон зүйлсээ бичнэ үү.

Дараах үйл ажиллагаанаас нэгийг хийж дуусгана уу:

Үйл ажиллагаа 1

Таныг Тэнгэрлэг Эцэг, Есүс Христ хоёрт илүү ойртуулдаг Мормоны Номын шүлэг эсвэл түүхийг олж тогтоо. Хэрэв тусламж хэрэгтэй бол Мормоны Номын төгс эзэмших сургаалын судрын хэсгүүдийг харж болно.

Энэ таны хувьд яагаад гайхамшигтай гэдгийг тайлбарла.

Үйл ажиллагаа 2

Тэнгэрлэг Эцэг, Есүс Христ хоёрт илүү ойртоход тань тусалдаг сургаал, ёслол, адислал эсвэл Есүс Христийн сайн мэдээний сэргээлтийн (орчин үеийн бошиглогчид, ариун сүмүүд, санваар гэх мэт) бусад зүйлийг олж тогтоо.

Энэ таны хувьд яагаад гайхамшигтай гэдгийг тайлбарла.

Хангалттай хугацааны өгсний дараа суралцагчдыг жижиг бүлгүүдэд хувааж, тайлбараа хуваалцахад урь.

Яагаад тэд Тэнгэрлэг Эцэг, Есүс Христ хоёрт сэргээлт болон Мормоны Номын төлөө талархдаг талаар тунгаан бодоход суралцагчдыг урьж, хичээлээ дуусгах талаар бодож үзээрэй. Сэргээлт болон Мормоны Номд яагаад талархалтай байдаг талаарх сэтгэгдлээ хуваалцах талаар бодож үзнэ үү.

Цээжлэх

Та энэ хичээлийн турш төгс эзэмших сургаалын эшлэл, судрын түлхүүр үг хэллэгийг цээжлэхэд нь суралцагчдад тусалж, дараа дараагийн хичээлүүд дээр давтаж болно. Исаиа 29:13–14-ийн судрын гол үг хэллэг бол “Сайн мэдээний сэргээлт бол ‘ер бусын гайхамшигт, гайхалтай зүйл’” юм. “Төгс эзэмших сургаалыг давтах үйл ажиллагаа” хэсгийн хавсралт материалуудад цээжлэх үйл ажиллагаанд зориулсан санаанууд бий

Нэмэлт эх сурвалжууд

Сайн мэдээний сэргээлт дууссан уу?

Тэргүүн зөвлөлийн ерөнхийлөгч асан Дийтр Ф.Угдорф ийн заасан:

18:31

Заримдаа бид Иосеф Смит Мормоны Номыг орчуулж, санваарын түлхүүрүүдийг хүлээн авсан, Сүм зохион байгуулагдсан зэргээр сайн мэдээний Сэргээлтийг бүрэн гүйцэлдсэн мэт боддог. Гэвч үнэндээ Сэргээлтийн ажил үргэлжилсээр байгаа бөгөөд бид Сэргээлтийн цаг үед амьдарч байна. “Бурханы илчилсэн бүгдэд, эдүгээ түүний илчилж буй бүгдэд” мөн “Түүний илчлэх” (Итгэлийн тунхаг 1:9) “олон агуу хийгээд чухал зүйл” үүнд хамаарагдана. … Өнөөдрийн сэтгэл татам хөгжил дэвшил бидний Аврагч Есүс Христийн алдар суут Хоёр дахь ирэлтээр төгсгөл болох гэж эрт дээр үеэс дурдагдсаар ирсэн бэлтгэл ажлын нэг хэсэг билээ. (“Та Сэргээлтийн ажлын үеэр унтаж байна уу?,” Ерөнхий чуулган, 2014 оны 4-р сар, 78-81)

Ерөнхийлөгч Рассэлл М.Нэлсон ийн тайлбарласан:

Сэргээлт бол үйл явдал бус, харин үйл явц ба Их Эзэнийг дахин ирэх хүртэл үргэлжилнэ. …

Үргэлжилж буй Сэргээлтэд үргэлжилж буй илчлэлт хэрэгтэй. (“Ариун сүм ба таны сүнслэг байдлын суурь,” Лиахона, 2021 оны 11-р сар, 93-96)

Би сэргээлтийн бурханлаг чанарын талаар хувийн гэрчлэлтэй болохын тулд яах вэ?

Есүс Христийн сайн мэдээний бүрэн байдлын сэргээлт: Дэлхий дахинаа өргөх хоёр зуун жилийн ойн тунхаг:

Бид Түүний төлөөлөгчдийн хувиар тэнгэр нээгдсэнийг бидний адил олж мэдэхэд хүн бүрийг хүндэтгэл, талархалтайяа урьж байна. Бурхан Өөрийн тааллыг хайртай охид, хөвгүүддээ мэдүүлж байгааг бид баталж байна. Сэргээлтийн захиасыг залбирч судалж, итгэлээр үйлддэг хүмүүс үүний бурханлаг байдлын талаар мөн бидний Их Эзэн, Аврагч Есүс Христийн амлагдсан Хоёр дахь ирэлтэд дэлхийнхнийг бэлдэх зорилгынх нь тухай өөрийн гэсэн гэрчийг авахаар адислагдах болно гэдгийг бид гэрчилж байна. (“Есүс Христийн сайн мэдээний бүрэн байдлын сэргээлт: Дэлхий дахинаа өргөх хоёр зуун жилийн ойн тунхаг,” Gospel Library)

Нэмэлт суралцах үйл ажиллагаа

Исаиа 29 дахь Мормоны Номын бошиглолууд

Исаиа Исаиа 29-д Мормоны Номын талаар өөр бошиглолуудыг өгсөн. Хэрэв танд тустай гэж үзвэл эдгээр бошиглолыг тайлбарлаж болно эсвэл суралцагчид дараах судрыг уншаад, тэдгээр нь Мормоны Номтой ямар холбоотойг тодорхойлж болно:

Исаиа 29:4—Алтан ялтасууд газраас гарч ирэх тухай Исаиа бошиглов.
Исаиа 29:11–12—Мормоны Номын зарим хэсгийн хуулбарыг профессор Чарльз Антон руу Мартин Харрис авч явах тухай Исаиа бошиглов.

Исаиа 29:11–12 дахь Исаиагийн бошиглол хэрхэн биелэгдсэнийг суралцагчдад ойлгуулахын тулд та дараах хүснэгтийг самбар дээр зурж болно:

Исаиагийн бошиглолуудын нэгнийх нь сэдэв	Хүн эсвэл хүмүүс юу хийх тухай Исаиагийн бошиглол	Бошиглолын биелэлт
Исаиа 29:11—“тэд”		Иосеф Смит—Түүх 1: 63–65
Исаиа 29:11—“номч хүн”		Иосеф Смит—Түүх 1: 63–65
Исаиа 29:12—“бичиг мэдэхгүй нэгэн”		Иосеф Смит—Түүх 1:59

Та суралцагчдыг хоёр хоёроор нь хувааж, хамтрагч бүрээс хүснэгт дэх эшлэлүүдийг хамтдаа уншиж, Исаиагийн бошиглолууд болон тэдгээрийн хожмын үеийн биелэлтийг төв баганад нэгтгэн дүгнэхийг хүсэж болно. (Та Нифай 2 Нифай 27:6–10, 15–20-д Исаиагийн шастирыг бас цэдэглэсэн гэдгийг тайлбарлаж болно. Нифайн цэдэг Библид гардаг Исаиагийн бошиглолоос илүү нарийн ширийн зүйлийг өгүүлдэг.)

Хүснэгтийн үйл ажиллагааны оронд та “A Marvelous Work and Wonder” (3:57)-г үзүүлж эсвэл сайн дураараа унших хүсэлтэй суралцагчдаар Мартин Харрис, Чарльз Антон нарын тухай түүхийг Гэгээнтнүүд 1-р боть: Үнэний жишиг, 1815–1846 46–48 хуудас-аас уншуулна уу.

3:57

Мормоны Ном—Ер бусын гайхамшигт, гайхалтай зүйл

Суралцагчдыг хичээлийн 1 эсвэл 2-р үйл ажиллагааг хийж дуусгахаас өмнө та дараах видео бичлэгийг ашиглаж болно. Та мөн Мормоны Ном бидний амьдралд хэрхэн итгэл найдвар, баяр баяслыг авчирч болохыг олж тогтооход нь суралцагчдад туслах зорилгоор үзүүлж болно.

“Look to the Book, Look to the Lord” видео бичлэгийн 1:32-оос 3:22 хүртэлх хэсэг. Арван хоёр төлөөлөгчийн чуулгын ахлагч Гари Э.Стивэнсон, Мэри Элизабэт Роллинсын Мормоны Номыг уншсан туршлагаас хуваалцсан.

15:7

“Иймээс явагтун” видео бичлэгийн 1:22-оос 3:05 хүртэлх хэсэг. Халамжийн нийгэмлэгийн ерөнхий ерөнхийлөгчийн зөвлөлийн гишүүн асан Силвиа Х.Оллрэд эгч Мормоны Номын тухай мэдсэн туршлагаасаа хуваалцсан.

10:25

Алхам бүрдээ итгэлтэй

Сэргээлтийн зарим адислалыг олж тогтооход нь суралцагчдад туслах нь тэдэнд Их Эзэний ер бусын гайхамшигт, “гайхалтай зүйл”-д талархах талархлаа нэмэгдүүлэхэд тусалж чадна. Суралцагчдад үүнийг хийхэд нь туслах нэг арга зам бол “Алхам бүрдээ итгэлтэй” дууг дуулах эсвэл сонсгох юм. Суралцагчид дууны үгийг дагаж уншаад (1) Их Эзэний ер бусын гайхамшигт “гайхалтай зүйл”-д оролцох арга замууд, (2) Түүний агуу ажлаас ирдэг адислалуудыг тус тус тодорхойлж болно. Тэд дараа нь бичсэн зүйлээ хуваалцаж болно.

5:37